一番風味 (已結業)

灣仔區小店多多各有特色，而且價錢親民，懂得找，真有不少寶。近日發現一家叫一番風味的小店，主廚兼老闆年青有為，出身於名人飯堂＂利苑酒家＂，今年才31歲（資料來自飲食雜誌），已經創業。主打海鮮小炒，招牌蟹粥，不收加一，相當公道。店子比想像中大，門面看來似是小店，原來沿走廊內進別有天地，前身是茶餐室，怪不得！裝潢老香港風味，灰白色牆身，木桌椅子，掛滿舊日香江的黑白照片。一般本地食肆作風，是日鮮貨及推介寫在黑板上，吸引客人。彩色餐牌圖文並茂，整體企理，但價錢有手寫更改，正是售價海鮮食品之難處，想公道一點列明價錢，入貨價卻浮動。實惠海鮮小炒，有誰不動心，周一我們二人小局才來過，想不到蟹粥及花雕蛋白蒸賴尿蝦在FB 及 IG 亮相後，馬上應朋友要求今晚再重臨，亦好，我還有想試的。兩度光顧，散點及套餐皆嚐了，喜出望外，小吃、招牌及主菜皆出色。麻辣手撕雞 一試傾心，麻辣調味恰到好處，夠辣富麻但不霸道，沒有蓋過手撕雞之香，雞肉軟滑，青瓜絲爽口，適量刺激，作為前菜非常稱職，我們吃完馬上進加。美味指數：4/5陳醋雲耳 爽口開胃，上乘陳醋，味道宜口不搶喉，雲耳軟爽，多吃有益，有助滑腸；加了少許白芝麻，黑色雲團中

一番風味小妹一家都是蟹王非常愛食蟹某日經過一番風味見門口貼著招牌蟹粥便已經好想試了好可惜小妹上次去的時候去得太晚蟹粥和大部分菜式都已經賣光所只點了一些小菜細問下發現原來蟹粥是可以預留的今次都米飯班主去食為免失望所以這次小妹做好準備先預留了蟹粥太約七點到餐廳餐廳不算太多人除左預留的蟹粥我們還點了一個鵝肝牛柳粒蟹粥可以選擇羔蟹或肉蟹那當然是羔蟹啦蟹粥是原鍋上的好大的一窩一打開蓋嘩是金黃色的粥用料非常足有原隻蟹係入面重點是蟹羔非常多蟹肉亦十分鮮甜綿綿既粥吸收了蟹的精華，十分香甜令小妹不自覺接著一碗又一碗鵝肝牛柳粒鵝肝是炸過的，外脆內軟入口即化，好味而牛柳肉質頗嫩，一啲都唔韌唯獨是醬油味有點太重小妹不叫椒，但米飯班主說椒出奇地甜整體味道不俗總括而言小菜各方面不錯，粥比澳門出色然而小妹以後屋企唔煮飯既時候又可以多一樣選擇

一番風味 (English name: Crabtain) is a new restaurant located in Wanchai. It's actually in the street behind Comix Home Base so not too hard to find. Cha chan teng by day, at night it serves crab congee. As the weather become cooler, boyfriend exclaimed why we haven't had congee in a while. Personally, I only eat congee when I'm sick but I saw this was  new place so decided to give it a try.Menu is in Chinese only. There is no 10% service charge and it's cash only. And what they serve is crab congee

朋友在灣仔工作，路過“一番風味”，招牌係蟹粥，喜歡食蟹的我倆，立即約好來食，要趁當造時食，一定多膏及好肉.問清楚一煲招牌糕蟹有大約6碗，打開時，蟹膏把粥底染成一片金黃色，粥軟綿綿的，入口嫩滑鮮甜，原隻蟹，夠新鮮，蟹味濃郁。蒜香炒龍球，份量不算大，龍皮煎得脆卜卜，魚肉新鮮，煎到金黃色，好香，配上西芹，帶來清爽。留肚食糖水，容易有咳嗽的朋友叫川貝雪蓮子燉雪梨，打定底。食時好滋潤，清淡的雪梨味，甜度適中，甜但不膩，雪蓮子含有豐富蛋白質，養顏，口感煙韌。棗皇燉雪蓮子，味道比較濃味，香甜棗味，大大粒，最佳配上無味雪蓮子，令糖水有口感。

行過灣仔嗰陣，係莊士敦道，見到個招牌，有蟹粥食喎，仲要免收加一，就一於入去食晚餐啦入到去個環境都四四正正，原來柳暗花明又一村，入面都幾大，裏面有啲懷舊嘅香港嘅相片，都幾特別餐牌都幾多選擇，有蟹粥啦同埋啲小炒，小菜價錢都ok咁，就叫咗個蟹粥啦328蚊，另外仲叫咗個牛仔骨同埋一個蒜香炒龍躉首先個蟹粥，3百幾蚊，真係好大兜，我哋兩個人食都食唔曬呀 ，個粥係好香，同埋係金黃色嘅， 好多蟹羔係裏面，一粒粒㗎，口感不錯，幾吸引，蟹肉都幾爽 ，成碗粥都好香好好食再食個龍躉，龍躉係我覺得超好食，點解呢? 因為佢真係好香，微微焦香，肉質好嫩滑，同埋蒜香濃，好吸引。牛仔骨都係好好食，好juicy, 肉汁好香甜，肉一啲都唔痴牙， 抵讚😋😋👍👍👍

1:25入坐，追了幾次1:50 才等到午餐＄78 +6例湯，。 蒸龍躉竟然全碟都是白骨，無肉只有邊有魚皮吃，比百佳起完三文魚的魚骨更少肉，我只有伴菜雪耳吃，好心就混點龍利魚片，叫人食風，我是細食女仕都唔飽，至於例湯就是茶餐廳的味精湯。無下次，中伏⋯⋯

BOOK 左夜晚七點, 去到仲未爆場, 坐左一陣, 已全場爆滿! 好多兩位黎食, 叫兩碟小炒+白飯, 佢啲小炒約 $65 起! 都算合理! 格局係茶餐廳咁, 一去到, 佢俾張枱我, 我一見到張椅已經覺得好油, 個面有一達達油積咁, 我即刻用紙巾抺左先坐, 個紙巾抺完都有啲黑.., 食到一半, 隔黎枱黎左一PAIR 情侶, 個女仔又係話張椅咁油, 待應叫佢不如坐前一張, 個女仔都係話一樣有油積, 之後個待應用條抺枱布, 用黎抺張椅, 我見到心唸OMG...你叫個客睇住你咁抺, 叫人點坐呀, 最後個女仔話坐另一張 (都係自已用紙巾抺乾淨先坐), 雖則你地係茶餐廳格局, 但係你地收既價錢都唔係茶餐廳價錢, 起碼枱椅都盡量KEEP 乾淨啲, 唔好有油係椅上面, 叫客人點坐呢?入正題, 講返啲食物....上網見到好多人都叫膏蟹粥, 而家又係正值食蟹既季節, 我地當然唔執輸, 都叫個黎食啦!一黎到上枱....橙紅紅既粥好吸引呀! 啲蟹處理得好乾淨, 所用腮/肺都已經處理好, 隻蟹好大隻, 好多膏..啲粥煲到好綿! , 煲粥都好大煲, 起碼可以分到十碗, 所以建議多啲人食會好啲, 如果兩個人食, 可

薑蔥炒桶蠔， 特別喜歡這個炒桶蠔用煲仔上，上枱時發出吱吱的聲音顯得特別吸引，薑蔥辣椒蒜頭被全數爆香，加入肥美的桶蠔一起同炒，桶蠔每隻身長四吋，蠔身飽滿，在未被炒得全熟的狀態之下令口感 juicy，濃濃的醬汁加上肥美的桶蠔，滋味。蒜香炒龍躉球，龍躉極度新鮮，完全沒有半點腥味，豐厚的魚皮以及皮下脂肪口感豐膄，以西芹爆炒亦倍添惹味。招牌糕蟹粥，蟹粥未吃已見到表面呈現陣陣的金黃色，相信必定是蟹膏與粥底的充分容和所致，一啖入口，粥煲得相當綿滑，幾乎每啖粥也能找到蟹膏的蹤影，新鮮糕蟹沐浴其中，品嘗鮮蟹的美味亦偶而配上一口粥，美味。

今日老公生日專登四周圍搵好嘢食同佢好好慶祝一番，知佢鍾意海鮮，又見呢間好評如潮所以一於book枱試下先.一坐低即刻order 咗個招牌羔蟹粥先，之後再加咗麻辣手撕雞，蒜香炒龍躉球，薑葱炒桶蠔，羔蟹粥一上枱我同老公雙眼發光，金黃色嘅粥底大大件嘅蟹肉，試咗一啖真係好鮮甜嘅蟹味，而且蟹肉又多，龍躉球先煎後炒，鑊氣十足，只係味道有少少偏咸，薑蔥桶蠔堅大隻，又夠肥味，連我本身唔太鍾意食蠔都覺得堅好食，如果份量可以多返一啲就更好

我地一行10人，當中有2位小朋友，出街食飯當然要book定位，如果唔係一定好難搵位我地今次食左好多海鮮，全部都好新鮮，而且仲大大隻添今次當然要叫招牌蟹粥，每枱客都係必叫唔記得同侍應講要影相，所以佢已經好細心咁幫我地分左10碗，而且每碗都是滿的為方便食蟹，侍應仲會每位派濕紙巾👍👍想得週到粉絲蒸蟶子，呢個超正，蟶子應該有輕微咁炒過，再鋪係粉絲面蒸，所以蟶子好香，而且粉絲不會好乾，很回味，仲加埋我好中意既炸蒜野菌炒貴花蚌，貴花蚌炒得好爽，而且炒得好入味，連隔離枱既食客見到都過黎問呢碟係咩，好搞笑花彫蒸瀨尿蝦，花彫味有d重，不過瀨尿蝦都好爽口，而且視覺上好靚黃金炒蝦，超級正，連蝦殼都炸得好脆，我食既時候仲以為係拆左殻，我最後連殻都食埋，期間我仲同朋友爭論左一段時間究竟有殻定無殻最後發現原來真係有殻！不過真係好正，咸蛋黃味濃郁，鹹味適中，仲食到一粒粒既蛋黃一斑兩味，擺放美觀，炒斑球，夠火候，而且仲啖啖肉，椒鹽斑球，佐酒仲正菠蘿咕嚕肉，好難得食到一碟咕嚕肉既粉漿唔厚，之前食親都好厚粉，2個小朋友仲食到停唔到口干扁四季豆

週四晚突然有靚女約去跳舞，與情人o既約會只好縮短，晚飯地點亦改為喺小肥公司附近一家新店「一番風味」度急速進行。店子門面看似細小，但其實延伸往後方o既面積頗大。店內牆身簡單以黑白o既香港舊照裝飾，又真係幾有風味喎！散座木造o既餐桌配有厚墊椅櫈，最舒適當然係先到先得o既卡位。細佬因要趕下場而有感理虧，點菜好自然地就交由honey作主，佢就揀咗個差不多每位網評都大讚o既招牌蟹粥、炒牛柳粒同桶蠔。寫好餸，哥哥仔隨即換上合適o既食蟹餐具。日式鵝肝炒牛柳粒（$88）：伴上軟潤o既鵝肝粒炒煮，鬆軟o既牛柳粒食落更為鮮濃，實有畫龍點睛之效。薑蔥炒桶蠔（$128）：煲仔上o既桶蠔熱力十足，肥美潤滑，以薑蔥炒製香口惹味。招牌糕蟹粥（$328）：主角蟹粥原煲上，香氣撲鼻，新鮮滾熱辣，兩個人食好似有少少誇，不過可以話俾大家聽要食哂係冇難度o既。橙黃色o既粥底入面真係有成隻糕蟹喺入面，絕對足料。招牌糕蟹粥鮮甜香濃，實屬必吃推介也，大家真係咪走寶！「一番風味」o既招牌蟹粥鮮味十足，小炒菜式亦顯風味，如果有啤酒提供，相信食客會食得更為開懷。

在芸芸海鮮之中，蟹相信最深得香港人嘅歡心，皆因肉夠鮮甜，蟹膏又夠甘香，無論清蒸、煎、炒、煮、炸，都叫人回味無窮。筆者當然亦不例外，每次一想起蟹黃的誘惑，便教人食指大動，所以每年一到大閘蟹當造的季節，都會盡情一親香澤。其實坊間都有不少吃蟹饌的地方，就好似這間以膏蟹粥作招徠的新食店《一番風味》，據說店裡的蟹菜式，花款繁多，除了招牌蟹粥外，還有避風塘炒蟹、薑蔥炒蟹、薑蔥粉絲蟹煲、胡椒蟹煲、花鵰蒸花蟹等供應，選擇非常豐富，所以這晚下班後，就拉埋老公，兩口子拍住拖去歎番餐！店子位於灣仔道明豐大廈，是間地舖，裝潢以素色為主，門面低調，不過環境唔錯，地方都幾寬敞，尤其是中間嘅圓檯，適合與大班朋友聚餐，配合牆身掛著的多幅黑白懷舊照，令室內設計看起來既簡潔又顯得不平凡。安坐後馬上翻開餐牌細看，菜式選擇果然豐富，除了幾款主打的蟹類菜式外，還有不少時令海鮮、小炒、小食、湯水、時蔬、甜品、鮮搾果汁及套餐等。店員推介我倆不如先點窩蟹粥試試，再揀一兩款小菜，應該夠兩個人享用。見個提議都唔錯，就一於點客招牌膏蟹粥，再加碟蒜香炒龍躉球和日式鵝肝炒牛柳粒。以慢火熬製的招牌膏蟹粥 ($328) 先上，蟹粥果然真材實料，端

朋友介紹灣仔有間食蟹粥既餐廳好好食，一於同屋企人嚟試下。屋企人識得煮嘢食，所以我都好少出去食中菜，但係整蟹一般都係以炒為主，唔會用嚟煮粥，所以一於帶佢地嚟試一試。入到去，有種懷舊香港的味道。可能係因為貼左啲舊香港嘅海報，有種古舊既香港風味同一種久違咗嘅親切感。睇下menu, 十五十六，好多嘢都想試，但係又怕食唔晒。我地得4個人，望下望下，原來有個4人餐，都幾豐富，主要係有我地想試既蟹粥，仲有魚蝦蟹都有齊，睇落都唔錯！頭盤有海蜇，味道辣辣地，帶點芝麻香，質地爽脆又帶點滑，很嘢味！足料老火湯，呢個係花生眉豆煲雞腳。呢煲湯好大煲，我地每人可以飲2碗。雖然係花生眉豆煲雞腳，但係我仲見到有豬骨係入面，湯好夠火喉，好濃郁，見到d雞腳都煲到甩咗幾隻腳，就知煲左好耐跟住就係炒龍躉球，份量好似少左d。不過魚肉好嫩滑，仲食到魚既膠質。味道都係辣辣地，好嘢味，西芹就爽口同魚肉嫩滑嘅感覺好配合。終於到我最想食嘅嘢之一蒸扇貝，將扇貝一分為二，加入冲同埋蒜蓉，扇貝好鮮味，最有驚喜係底下嘅粉絲，吸收晒冲同蒜蓉嘅香味，非常入味！終於到咗招牌糕蟹粥，都係好大煲。粥都變成金黃色，仲有隻好大既蟹係入面粥煲得綿滑，仲帶點蟹既

我喜歡吃中菜, 其中佔很重的原因, 是因為近年家裡沒有住家飯吃吧, 在外吃得太多西餐、意粉, 偶然吃點中菜, 是很令人震奮的事情! 今晚湊夠四人來灣仔的一番風味, 來嚐嚐這裡的中菜風味吧! 小小的店子, 有回家吃飯的溫馨感覺! 現在在小館吃中菜, 其實也不一定要大夥兒, 因為份量不會太多, 只是我們總是貪心, 放工拖著疲倦的身軀, 特地出去晚飯, 總想試多點不同菜式, 於是就約了四人來, 剛好可以吃四人餐呢, 四人餐價錢每人不用二百元, 有膏蟹粥食, 好過去澳門! 餐前小食有幾爽口的醋醃雲耳, 以及頗入味和滑溜的鴨舌。 今晚的老火湯是青紅蘿蔔豬展湯, 由瓦煲仔煲出來的, 頗有風味, 湯呈淺啡色, 豬骨感頗重, 有青紅蘿蔔湯渣可以吃, 可惜的是, 對我來說, 湯不太夠濃, 青紅蘿蔔味稍弱, 可能自己常常煲湯, 對湯水比較有要求吧。 XO醬炒龍躉球 講到煲湯我可以認叻, 但炒菜則是我的弱項, 如何控制火喉, 令食物生熟度剛好, 似乎是一項高深的學問。這一碟XO醬炒翠玉瓜和龍躉, 實在十分出色, 我極欣賞。龍躉煎香了再炒, 說是龍躉球但其實是片狀, 入口滑溜帶著不腥的魚味, 好清

一行人係灣仔搵野食，路經過灣仔道，見到呢間一番風味，應該係新開冇耐，見個名和裝修風格以為係日本餐，望一望門口餐牌先知係中餐，見到有個套餐都幾啱食，就入咗去試下，個套餐有老火湯一煲（人參煲老雞）大約有4人分量，煲得幾夠火候，湯碼亦頗多，飲落唔覺有落味精.兩款小食（涼拌海蜇和麻辣手撕雞），我自己好鍾意個手撕雞，夠麻夠辣，好惹味，好有四川風味.膏蟹粥，粥底煲到好綿，好鮮甜，唔會水水地，隻蟹好多膏，有好多膏融入粥度，成個粥煲到黃黃地.避風塘炒蝦，有D辣，不過我食得辣就OK鍾意，蒜茸炒到好香口，惹味，唔錯.XO醬西芹炒班球，炒得好有鑊氣，搭配XO醬，正.蒜蓉粉絲蒸元貝，元貝不會蒸過火，都好新鮮，仲落咗少少淡味醬油，撈埋D粉絲一齊食，好鮮甜，最後有個炒時蔬，不失不過，成餐飯，最驚喜就係個蟹粥，隻膏蟹，粥底都做得好好，呢次無影相，但值得推介下，下次會再嚟食個蟹粥同試下其它野