一生懸麵

營業中

休息中

去九龍灣附近行街，好耐冇食過拉麵，又未試過呢間嘅拉麵店就決定去試一試雞白湯拉麵雞湯味道濃郁又creamy，湯又夠熱，口感柔滑，有一絲的甜味，拉麵軟硬度啱啱好，仲要好掛湯，慢煮叉燒同慢煮雞肉都好軟嫩，流心蛋都唔差!!煎餃子:煎餃子的外皮薄，煎到酥脆，有口感，咬落多肉汁。總結:拉麵出色，會再番黎食過!餐廳名稱：一生懸麵 (牛頭角)餐廳地址：九龍灣牛頭角道3號得寶商場地下121號舖

一生懸麵响香港有幾間分店, 不過因為就腳就揀左九龍灣得寶商場嗰間食, 而揀邊款都係不加思索, 邊款招牌食邊款, 就佢啦!🐔 雞白湯拉麵 🍜香味 (2/5) - 講真, 真係冇乜香味。麵條 (4/5) - 幼麵，小麥味夠，配個湯幾夾，好食嘅。湯頭 (3/5) - 我認為湯論味道，論質感，論鹹度，都係好嘅，只不過，既然叫得雞白湯，我會預期雞味會係主角，只可惜，一啖飲落口，雞味嘅存在感好薄弱。配料 (5/5) - 主角當然係雞叉燒啦，嘩，好好食！相信係慢煮處理，好嫩滑，雞味極之夠，直程係飆出來咁滯，相常之好食！而其他配料都係平均上準之上，所以論配料來講近乎係冇得彈。是咁的，我認為叫得做雞白湯拉麵，雞湯同雞叉燒係重中之重呢碗麵係差左個湯唔夠雞味。我食過其他店嘅雞白湯拉麵，雞味係濃郁過呢間。不過，雖然係咁，因為佢嘅雞叉燒質量係去到驚豔水平，而個湯味道係好嘅，所以拉上補下都係正野。整體 - 值得推薦 👍👍👍

係商場入面嘅日本屋台裝修拉麵店🍜開放式廚房睇住師傅煮麵🍜猶如置身日本 🇯🇵🙆🏽‍♀️海老沾麵$88 🍜+12椰菜🥬+糖心蛋$12🥚+叉燒$18海量嘅櫻花蝦非常足料🦐蝦汁濃厚配料有洋蔥粒同蒜片令鮮味更突出,配上粗面非常掛汁而且一啲都唔油膩😋椰菜好爽脆新鮮✨流心蛋蛋味濃郁🥚火炙過嘅叉燒甘香柔潤半肥瘦比例剛好✨🙆🏽‍♀️辛辣拉麵🌶️$82+竹筍$10竹筍份量誇張🤭點小小湯已經好好味屬於微辣級嘅拉麵🍜唔會搶咗豬骨湯嘅鮮味👍🏻粗身麵條煙煙韌韌好掛湯🫶🏻🙆🏽‍♀️雞軟骨捧🐥$29雞肉同雞軟骨嘅比例恰到好處😋軟骨爽脆有咬口，口感豐富✨🙆🏽‍♀️煎餃子🥟$29 脹卜卜又香脆可口😋點少少醋好好味✨👫人均消費$150

今日去淘大睇戲，睇戲前要醫一醫肚先餐廳雖然係商場內， 但設計好似日本街頭麵檔，幾有feel 🤭拉麵由湯底，麵底， 淋度都可以揀，好似tailor make🤭 記得一張單只填一碗麵呀 所有食物都係即點即整，上枱時都係熱辣辣的。 今次試左一款沾麵，一款湯麵， 小食點了章魚小丸子和餃子雞白湯拉麵雞白湯湯底配上2塊豚肉叉燒湯底超級濃郁， 好似忌廉雞湯咁濃稠拉麵預設左幼麵，同湯底很匹配，可以盡情吸收湯底，但又唔會浸淋👍🏻 2片豚肉幾嫩。特別推介原隻溫泉蛋，又滑又夠味，必點特濃豚肉沾麵預設日式粗拉麵，配有烤香豚肉和超濃湯。湯入面仲有豚肉粒同大蔥。粗麵很煙韌。豚肉烤得超香，入口即溶化。沾麵嘅豚肉湯，入面有角切豚肉同大蔥，夾埋粗麵一齊食，口感好豐富外加2個小食都好出色章魚小丸子外皮唔會烤到好硬，配埋醬汁同木魚絲食， 好有水準餃子好有驚喜，外皮煎到脆，仲脹卜卜， 好得意。入面嘅肉唔會死實，又唔嚡。咁日式嘅環境，一定要點番枝波子汽水應下境啦🤣 白桃烏龍冷泡茶， 無糖，可以解膩， 大大枝18蚊， 好抵飲。之前經過呢度見排哂長龍，食過後就知點解。

同朋友好耐都少食拉麵，去左九龍灣得寶商場有間小店食拉麵，聽講都幾多人去食而九龍灣分店期間限定拉麵是檸檬柚子拉麵，都幾吸引一生懸麵~~拉麵店主打沾麵及拉麵都好受歡迎店內有四人枱，在店出面也有一字型吧枱同時吧枱位置睇到開放式廚房設計海老拉麵 $𝟾𝟾有半邊溏心蛋 ，海老拉麵湯底味道岩岩好，唔會咸， 最面舖滿非常多櫻花蝦，入口脆脆又 有層次感配幼麵條，一條條麵條好咬口， 幾片豚肉片好軟淋 再額外加了紫菜片個湯都底有郁濃既櫻花蝦味可以飲到幾美味期間限定我最愛，一食難忘檸檬柚子拉麵 $75檸檬及柚子既味道都好濃郁，檸檬味道拉麵好特別酸酸地好熱天氣好醒胃入面有幾片叉燒、雞胸同糖心蛋再額外點多了糖心蛋+1雞軟骨棒  $29雞軟骨棒外層有的脆，中間內有雞肉及雞軟骨，內層柔軟又啖啖肉有沙律醬好美味好食！煎餃子  $29金黃日式餃子，皮薄香又脆口，中間有肉餡及菜不會太乾身，細細隻好入口飲品波子汽水、檸檬綠茶、可樂女職員服務一般，可以再細心一點就更加好廚房煮廚師好專心，味道水準非常好一生懸麵牛頭角道3號得寶商場地下121號舖

每次經過旺角店都大排長龍這次來到九龍灣分店剛好有空位就來個簡單lunch餐牌有各種湯底的拉麵和沾麵🍜包括有特濃豚骨湯、海老湯、辛辣湯底等更有期間限定的檸檬柚子拉麵🍋這次點了店家最出名的白雞湯拉麵試試😆✩‧₊白雞湯拉麵（$95）（加配3片慢煮豚叉燒$20）🐓🐔ʀᴀᴛɪɴɢ: 𝟾.𝟻/𝟷𝟶湯底用了超多雞骨熬製有很重雞湯的味道湯底較清沒有油膩感幼身拉麵有點掛湯每碗拉麵都有原隻糖心蛋及慢煮雞胸🥚雞胸肉質嫩滑額外點了慢煮豚叉燒叉燒偏瘦但肉質一樣軟熟既健康又滿晒足😆

這間人氣本地拉麵位於九龍灣得寶商場，距離地鐵站約6分鐘都算方便拉麵店主打沾麵和拉麵，店面不大，裝潢以傳統日式木系為主，設有四人枱，亦有一字型吧枱，廚房開放式設計，可以見到廚師煮麵，仿佛置身於日本的屋台店中白湯豚骨拉麵 $72 +玉子$12湯底味道濃厚，充滿豬骨味道，又唔會太油膩麵條煙韌彈牙，口感順滑選用了瘦身叉燒，肉質鮮嫩，配上調味半熟蛋，口感豐富辛辣拉麵 $82 +叉燒$18+慢煮叉燒$20濃郁熱熱的豬骨湯底，帶點辣味慢煮叉燒，肥瘦均勻，口感好軟嫩另外兩片肉有燒過，食落很香火炙味，焦香肥美，充滿肉香同油脂香煎餃子 $29香脆金黃的日式餃子，皮薄而不膩，外皮香脆，內裡是椰菜同豬肉餡，可以中和油膩感，亦可點醋令味道更加有層次章魚燒 $29章魚燒即叫即整，外脆內軟，章魚粒彈牙，加上醬汁，一粒一口剛好，十分惹味可樂$10 雪碧$10-總體評分-環境：7/10 食物：7/10 服務：8.5/10 抵食：8/10一生懸麵 (九龍灣)📍九龍灣牛頭角道3號得寶商場地下121號舖

人均$100起｜九龍灣｜拉麵｜一生懸麵作為拉麵界大手，他們家的拉麵肯定有保證！最喜歡就是他們有非常日式的環境和風格，就像是到訪了日本街邊的屋台。這次我們兩個人，分別點了拉麵和小吃，人均都只是100 元！特濃豚骨沾麵他們家的麵條可以選擇不同的硬度，滿足不同人的喜好。這次我選了較硬，麵條很好吃😋豚骨的湯裡面，有許多的五花肉，味道真的香！海老拉麵裡面的櫻花蝦🦐真的多！蝦的鮮味十足，加上兩三片的叉燒，巨好吃😋章魚燒章魚燒即叫即製，新鮮熱辣，可是配上紫菜和醬汁，香脆的小丸子真的好好吃🤤煎餃子🥟香脆的外皮加上裡面的肉餡，吃拉麵怎麼能夠不叫上他呢？——————為食分界線——————📍 一生懸麵 (九龍灣)九龍灣牛頭角道3號得寶商場地下121號舖人均消費： $100

🔸特濃豚骨沾麵 $82🔸野菜山拉麵 $78🔸加慢煮豚叉燒 $20🔸SAGE有氣茶 $22-無晒大假無得去日本，唯有同男朋友去一生懸麵食個拉麵當去住先🤣🤣依間拉麵有個好處就係可以選擇麵既硬度，我個人就最鍾意較硬嘅麵質喇～而拉麵就揀咗野菜山拉麵，湯底會比較清d，感覺上食多d菜健康d，而且有大量生蒜茸粒，勁正😆向來重口味既男朋友就鍾意食沾麵，湯底揀咗特濃豚骨，勁掛湯好正😊而半肥瘦叉燒係有燒香到，非常油香。仲加咗一份章魚小丸子過吓口癮，即叫即製係熱辣辣同外脆內軟架，而且內餡有大大粒章魚，正啊👍🏻

在一個小小的商場裡，我發現了一家水準超高的拉麵店。雖然店面不大，卻充滿了濃郁的日本風情，仿佛置身於日本的屋台店中。我一邊注視著師傅熟練地烹煮，一邊迫不及待地等待著美食的到來。辛辣沾麵 $82選擇了凍麵，麵條冰涼得剛剛好，又粗又彈牙，沾上濃郁熱熱的豬骨湯底，帶點辣味，將叉燒，溏心蛋一起放進沾麵湯中，刺激著味蕾 ，美味 。檸檬柚子拉麵 $75這碗檸檬柚子拉麵充滿驚喜！每一口都迎接著檸檬的清新香氣，帶來微酸微鹹的風味，令人忍不住一口接一口。麵條彈牙有嚼勁，與柚子的酸甜交融，創造出意想不到的美味組合，讓人愛不釋手。章魚燒 $29圓圓的章魚燒餅皮酥脆，內部有著鮮嫩的章魚，入口爽滑，濃郁的章魚味道和醬油以及沙拉醬的組合令人垂涎欲滴。雞軟骨棒 $29外酥內軟，充滿雞肉和雞軟骨的口感，帶著濃郁的雞味，淋上醬油和沙拉醬，很惹味 。煎餃子 $29金黃香脆的日式餃子，餡料飽滿，豬肉和少許蔬菜的平衡，使得口感清爽卻不油膩。SAGE冷泡茶白桃烏龍  $20香港本地品牌，泡茶充分釋放茶葉的甘甜原味和桃的香味，和緩苦澀味，解膩一流 。SAGE有氣蜜桃茶 $22帶著豐富的蜜桃風味，清爽又甜美，是消暑的絕佳選擇 。

🍜前排媽咪話想食拉麵，咁岩行開去附近，知道商場入面有間幾有人氣既拉麵店，既然大家都未食過緊係要試下😆餐廳以吧枱為主，就算自己食都唔怕尷尬🔸雞白湯拉麵湯底白雪雪，雞味好濃郁好creamy，每一啖都充滿骨膠原😍配菜除左叉燒仲有雞肉，叉燒肥瘦適中，雞肉用左雞胸肉，肉質爽彈唔會乾，仲配左隻半熟蛋，整體配搭非常豐富🔸檸檬柚子拉麵期間限定‼️緊係要試下，湯底比較清新，唔會有平時食豚骨湯既油脂感🍋檸檬同柚子既味好濃郁，酸酸地夏天食幾開胃，但略嫌檸檬同柚子既苦澀味有啲重🔸章魚燒細細粒，一啖一粒，外層軟糯，每粒都食到章魚粒🐙🔸煎餃子🥟餃子煎到黃金色，外層脆卜卜，入面餡料唔會乾🔸Sage 冷泡白桃烏龍淡淡既白桃味🍑味道清新🔸Sage 冷泡桂花烏龍桂花味好香好出，鍾意飲花茶既一定鍾意

🌟朋友帶我九龍灣「一生懸麵」店舖格局好似去咗日本銀座一樣，拉麵拉望住班師傅煮拉麵。***** ***** ***** ***** ***** ***** 等咗冇幾耐，熱騰騰嘅拉麵麵終於上菜，賣相已經好有驚喜。🍝海老拉麵加紫菜面層佈滿櫻花蝦，聞到香噴噴，食落鮮甜香口，拉麵口感彈牙，啖湯係非常濃郁，叉燒亦非常軟腍。🍝魚芥豚骨沾麵另加$15椰菜，竟然係一滿碗椰菜，非常驚喜。沾麵嘅意思就好似撈麵咁食，這是一個魚湯湯底，濃香嘅鯛魚湯味，面底是粗麵，蘸落去湯底同吃，超級正。🥟燒餃子餃子好日式，外脆內軟的口感，呢個係必要。🍵🍵兩個冷泡茶桂花烏龍白桃烏龍茶味濃香，配搭拉麵好解膩。整體嚟講，即刻查吓邊度有分店，心思思要試埋其他分店，依家真係好味。

得寶商場入面有間細鋪食拉麵，有bar枱位都有2張4人枱，鋪仔細細但感覺好乾淨企理。兩個人點左一碗雞白湯拉麵，一碗特濃豚肉沾面，一份餃子。湯底好濃，面底有軟硬度選擇。雞肉好腍，但男仔食面底較細未必夠飽。沾面湯底濃郁，湯入面都有幾舊細肉。兩片肉有燒過，食落有非常香嘅火炙味，上下兩層較肥嘅軟肉中間一層肉味較濃較有質感。唯一唔好係因為商場太熱，鋪入面冷氣開到好大，吹到碗麵好快凍左。餃子$29 不過不失，新鮮煎起熱辣辣，但入面肉鬆散。

一生懸麵拉麵祭，每間分店都會有唔同嘅期間限定拉麵。九龍灣分店就係檸檬柚子拉麵。拉麵嘅湯頭都係豚骨湯底，再加入柚子令個湯多咗一份柚子香，面頭仲有三片檸檬增加酸度，咁成碗湯飲晒都唔會覺得油膩啱晒夏天飲。每碗麵都會跟兩片慢煮豬肩叉燒、兩片雞胸叉燒、同埋半隻溏心蛋。因為鍾意食佢哋嗰啲叉燒燒鵝額外再加咗三片，咁嘅份量就夠滿足啦。另外再叫埋佢哋嘅小食係雞軟骨棒，免治雞肉串，裏面有啲雞軟骨脆脆地好好食。有機會一定要去埋其他兩間試埋佢哋嘅期間限定，一款係蠔沾麵另外一款係蜆貝羊肚菌拉麵，兩款都好似好正咁。

天氣又熱又濕，冇乜胃口既時候都想食番碗拉麵🍜白湯豚骨拉麵 （$72）紫菜加（$10）玉子（$15）係我鍾意既豚骨味道，選用了瘦身叉燒，而且湯唔算太濃，食完唔會好口渴豚骨湯沾麵 （$82）額外加叉燒（$18）沾麵可揀自己鍾意既軟硬度，重可以揀凍麵或熱麵，沾麵湯底濃而不膩，重可以食到豚肉粒粒，而且叉燒肥瘦均勻,表面炙燒過後帶點焦香味燒餃子 （$29 ）餃子餡滿滿青菜，感覺健康雞軟骨棒 （$29）美乃滋加青蔥更香更滋味一生懸麵九龍灣牛頭角道3號得寶商場地下121號舖#食在香港 #香港美食 #香港必食 #吃貨 #hkfoodguide #hongkongfood #hkfoodie #hkkol #foodlover #foodblogger #foodiehk #hongkong #foodinhongkong #九龍灣 #一生懸麵