一橋拉麵 (新利大廈)

營業中

休息中

星期三放工約左朋友係中環食飯, 今次試左一間新開既拉麵店。我哋叫左兩款拉麵，招牌豚骨叉燒拉麵， 湯底係濃厚既豚骨湯，叉燒用火炙過，肉質鮮嫩，麵條揀左幼麵，都幾掛汁。海老濃湯叉燒拉麵，湯底濃郁， 有好濃蝦味，飲得出無味精，入面仲有叉燒、味筍、木耳絲、流心蛋等配料，十分豐富。另外, 亦叫左兩款小食，胡麻櫻花蝦秋葵，秋葵鮮嫩爽脆，配搭香濃既胡麻醬，味道更佳。胡麻豆腐, 口感嫩滑， 上面鋪滿櫻花蝦和木魚, 十分開胃。兩款拉麵味道唔錯，如果去開中環， 可以黎試下。

Probably the cheapest, and the worst, ramen in Central. Its quality was like a random ramen you ate at yatai food stalls in Japan. The soft-boiled egg was the MVP. $50 noodles$9 eggs$20 Lady fingersWith 10% service charge

喺中環見到呢間喺轉角位排晒隊嘅日本拉麵店，再問問Menu見到佢性價比好高，就晚上過嚟試吓🙌🏻🦐海老濃湯叉燒拉麵($59)🦐湯底先用咗海老名汁風味海老湯，用咗好多蝦頭蝦殼咬出嚟嘅湯底，然後再加咗啲蝦油精華，取蝦頭部份，落鑊炒香熬製精華，最後拉麵底係用日本拉麵，可以掛住好多蝦汁，整個拉麵都非常之好味🤤另外配料都非常之多，有叉燒3片、溏心蛋、味筍、海苔2片、京葱絲、木耳絲，大滿足🥰小食叫左🥟中華燒賣Combo($19.9)🥟呢個有齊晒去三款燒賣，全部都係即叫即蒸，有海老豚肉燒賣、麻辣豚肉燒賣、醬油糯米豚肉燒賣，呢啲都係比較特色嘅日本燒賣，拉麵唔夠食，可以叫下呢個試吓唔同款式嘅食物😆其實食物款式並不是好多，最緊要係Menu夠簡單，下次要過嚟試吓佢其他款式嘅拉麵先☺️

一橋拉麵 (中環) 地址: 中環威靈頓街43-49號新利大廈地下A號舖點解training 都要在放工後呀，攪面完都8點，中間當然好肚餓啦！一個人去食拉麵，自修室架一人坐位設計，岩曬introvert 人油麵 $49.9 ，沒看錯，有蛋，叉燒筍木耳絲同蔥等等，一大碗好實在$19.9 中華燒賣combo 3粒唔同味燒賣，有原味同辣，不過日本燒賣個口感是比較腍身同粉糯$19.9 蔥油叉燒，幾正，當加料加肉在麵上！個蔥油好香呢間好抵架，仲要開係中環區！裝修好日本feel

喺香港真係好難食到一碗性價比高嘅拉麵，今日放工去咗中環一間拉麵舖頭：一橋拉麵由於啱啱新裝修嘅關係，間舖頭好新淨又光猛，我哋兩個人叫咗兩碗拉麵：招牌豚骨叉燒拉麵加味筍；第二碗係海老濃湯叉燒拉麵加胡麻櫻花蝦秋葵、木耳絲、蔥油叉燒、再加半分麵底拉麵煮得好爽口，而且麵嘅份量都算多，湯底好濃郁，而且加配嘅蔥油叉燒好惹味喺中環嚟講食到一碗五十幾嘅拉麵實屬難得，而且性價比甚高，推薦

今時今日$50可以食得啲乜嘢？呢排睇到近排中環開咗間新嘅拉麵店，幾乎係洗版式咁樣出現🤣原因都係不外乎一個字「平」！佢哋有拉麵或者係油麵，油麵係會平少少$39.9就會有交易，我對油麵就冇感覺，一心黎食拉麵！「招牌豚骨叉燒拉麵」 $49.9聽落好似幾扺咁，我自己都忽略咗要加一呢樣嘢，夾埋就係 $55大元！但係喺中環食拉麵$55都算係咁，畢竟呢個時代～雲吞麵都已經唔平🥲拉麵比較幼身，份量比較少，湯底並唔濃稠，但係調味都唔錯，唔會偏鹹或者偏淡👍叉燒係偏薄…🥲唔知係咪新開張，見到門口話喺「大众点评」打卡，就會得到佢哋嘅燒賣Combo，呢個燒賣都值$19.9😌 三種燒賣 ：肉燥飯燒賣（？）、麻辣餃子燒賣、香菇燒賣，個麵就真係唔算好飽，食埋呢三粒燒賣就剛剛好！不過唔知係咪新開張，呢三粒燒賣等咗45分鐘🙂‍↕️（佢哋有say sorry話蒸唔切），需要俾啲時間佢哋改進一下！所以「中環+$55+有贈品」我會比 ⭐️⭐️⭐️ 三粒星，中規中矩，冇乜大驚喜，又唔會太差🙂✦ 招牌豚骨叉燒拉麵 $49.9+10%服務費

平日中午親身到門市叫外賣自取，12:15落單，等到1:08先有得拎！期間仲要foodpanda同埋Keeta訂單遲落單過我仲有得拎先！除非你午飯時間有兩個鐘，否則強烈唔建議你中午去幫襯呢間，仲要係外賣自取！分分鐘堂食都唔使等咁耐，明明見到排隊嗰條隊啲人keep住入去，但係我嗰個外賣都仲未有得拎，職員都係表面上幫手吹吹，完全幫唔到手，最後仲要勁趕返到公司，非常失望。已經特登揀外賣自取，費事阻到佢做生意。

𖤐ˊ˗在石板街上看到新開拉麵店，價錢比一般餐廳便宜，門口有不少人排隊，室內中庭是廚房，有吧枱或四方枱，面積不大，木系裝潢配搭日式紅燈籠🏮。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼招牌大盛豚骨叉燒拉麵（大盛）$60份量對我來說剛好，豚肉有點柴口，溏心蛋有流心效果，麵幼身掛湯，奶白湯底有點油膩，性價比高！‧̍̊˙· 𓆝.° ｡˚𓆛˚｡ °.𓆞 ·˙‧̍̊ ‧̍̊˙· 𓆝.° ｡˚𓆛˚｡ °.𓆞 ·˙‧̍̊

11:30 開門，我 11:40 到達。明明店內有位，但店員仲要我排隊。我企咗半個鐘，等新職員返工，佢先再安排我入座，等於白白企咗半個鐘。期間仲有三個人，唔洗排隊，直接入店同店員打完招呼就坐低。咁樣對朋友就可以特殊安排？其他食客就要排隊？

中環區可以食到碗$50-$60嘅拉麵本身冇乜期望，但係味道，環境，各方面性價比都非常高👍🏻撈麵夠彈牙，海老拉麵夠鮮味，配料亦足夠，雖，份量本身不多，女士剛好，男士可能覺得分量不夠。落單兩碗麵，到咗一碗拉麵之後，另外一碗等咗20分鐘都未有，見到坐下的外國人坐低未落單就有麵食，疑問地問店員，佢答：等多陣好快有。再等10分鐘之後先有，等位至有麵食要1小時

中環一橋拉麵，除左主打既拉麵，仲會不定時推出各款期間限定既特色拉麵和好特別既沒有湯的拌麵，仲有多款日式中華料理小食。海老濃湯叉燒拉麵：用左大量新鮮海蝦、豬骨及老雞煞掣超過八小時，整個湯底都充滿蝦既甘甜味，濃稠到好似沾麵既汁咁，麵條幼到3mm，掛湯力極高。一橋油麵：呢款沒有湯的拉麵，撈左餐廳自家製醬汁及調味油，食既時候將配料、醬汁和拉麵拌勻，另一番風味。中華燒賣Combo：一共有三款；麻辣豚肉燒賣帶微辣，咬下去麻香從齒頰間慢慢滲出來，絕對係辣味愛好者既首選；海老豚肉燒賣內餡既蝦肉爽口彈牙，味道鮮甜；醬油糯米豚肉燒賣口感煙煙韌韌，醬油味調配得宜。胡麻豆腐：豆腐好滑溜，上面淋滿濃郁既胡麻醬，仲有好多櫻花蝦和木魚絲做點綴，層次感豐富，味道可口。總結，食物即叫即做，價錢親民，中環平食推介。

剛剛去吃個下午茶拉麵價錢便宜$60還要$6服務費，但係基本沒有太大服務😝，湯底味道帶點酥味！糖心蛋好味拉麵又幼細很特別！這個時間客人已經不多，但係枱面非常凌亂用完的紙巾全部在枱上還在筷子盒的附近衛生出現問題！吃完之後還覺得口渴，應該不會去了！順帶一提付款非常麻煩我已經試用Alipay Hong Kong兩次都唔成功出現一大堆亂碼都唔知想點😡

因為要帶屋企人去中環睇醫生，去之前食啲野先，我地系門口睇餐牌見到啲拉麵好平，仲坐滿哂人，見平平地就入左去。因為價錢真系幾平，所以本身無抱有好大期望，但食物上枱發現性價比不錯，份量好足夠！海老濃湯叉燒拉麵 $59.9用蝦熬製出黎既濃湯，顏色明顯橙黃色，味道夠濃，有啲蝦油系表面。叉燒有3大塊，溏心蛋原隻切半，麵就系好幼身既拉麵，都幾滑。招牌豚骨叉燒拉麵 $59.9原味豚骨湯，同樣都食到有豚骨味，叉燒一樣有3塊，配料大致上差唔多，以食物質素同份量黎講絕對同價錢成正比，而且位於中環區，對於系附近返工人士黎講系一個吾錯既選擇。和風豬軟骨 $28.9豬軟骨煮得夠淋同入味。海老豚肉燒賣 $19.9好少見拉麵店有燒賣，所以叫左一份試吓，有啲似日式燒賣，有隻蝦仔系入面，味道ok，不過感覺重左少少味精。平價拉麵都有提供多款醬油，值得一讚！餐牌：

中環性價比高嘅拉麵，以千円豚骨湯拉麵為主打，$49.9就食到‼️抵食‼️打工仔上班族必去啊～～周末仲會開到凌晨兩點，夜鬼、食宵夜又多個地方啦😍🍜蝦哈大笑好運來 風味海老濃湯叉燒拉麵湯底用上大量🦐新鮮海蝦，拆成蝦頭、蝦身，放入🫚薑、🌿香葉等炒香，再加入豬骨老雞熬8小時成濃稠度十足自家製蝦湯再將蝦頭、蝦殼放入鍋中熬製精華油，加入到湯底中，味道更濃自家製麵條由日本麵粉製成，掛湯度極高，再搭配一橋秘製叉燒、味筍、木耳絲及溏心蛋等配料，好豐富😋🍜秘製豚骨濃湯 招牌千円豚骨叉燒拉麵咁抵食材料依然係新鮮食材烹調，用上豬筒骨、豬脊骨熬製十小時成秘製豚骨濃湯配上日本麵粉製成的3mm 麵條，幼麵我自己較喜歡😋一樣有一橋特製鮮嫩叉燒、溏心蛋、味筍、海苔、木耳絲及京葱絲等配料🍜一橋油麵其實係撈麵，有秘製醬油、香油，粗油麵係自家製，咀嚼感十足，有秘製角切叉燒、味筍、木耳絲、海苔絲、蔥花等配料，撈勻就食得啦🥢呢度好特別仲有中華料理小食海老豚肉燒賣、醬油糯米豚肉燒賣、麻辣豚肉燒賣三款口味都好食，口感帶點煙韌，用料十足而家為慶祝中環旗鑑店開幕，祝大家蝦哈大笑好運來，凡惠顧海老濃湯叉燒拉麵即送幸福海老吊飾🦐🦐🦐🚩一橋拉麵