一樂燒鵝

營業中

休息中

$50個燒鵝飯，得一舊手指公咁大舊嘅肉，個師傅竟然可以抽出一隻燒鵝最無肉嘅地方，放晒落我個一碟飯上面。難得！我同姐姐反映，（我語氣平和，同姐姐講，「姐姐點解我碟飯得一夠舊肉」）佢望都唔望，就同我講，咪有肉囉，下次叫燒鵝髀，或者燒鵝胸飯咪多啲肉囉。咁你叫得燒鵝飯，我梗係以為都會有肉㗎啦，最後我食咗唯一一舊肉，爬咗一啖飯，好唔憤氣擺低$50就走咗。其實講真，我唔期望俾$50 ，會有隻燒鵝髀俾我，只不過得一舊肉，嗰個感覺真係好差。我亦都唔係要佢返俾返舊肉我，不過希望，希望想食燒鵝肉嘅朋友，可以諗真啲先幫襯。除非你鍾意食燒鵝皮，肥膏和骨頭。

打電話去一樂叫外賣自取，男職員說不接受電話下單，我說我電話下單，我立即到舖自取可以好嗎？我公司好近！他將電話交俾老闆娘聽，還聽到男職員說好煩，八婆！我呢一世都唔會再幫襯！！！

Of the highest hallways of culinary perfection, Yat Lok sits on a golden goosed throne. Sumptuous, caramel-like skin concealing the moistest goose your lips ever met, immediately forcing the biggest smile on your face that you can ever remember. Eyes shut, take a moment to meditate on the flavours rolling around on your tongue. Forget the crowded room, the bustle of conversation, the screams in the kitchen, forget it all and just savour that salty, sweet, delicious bite of roasted goose.A culina

今日嚟到呢間米芝蓮一星嘅小店其實之前朋友已經帶過嚟食，我記得佢嘅份量好少，但係燒鵝嘅質素真係好好食，同你平時喺酒樓食嘅真係完全唔一樣啦，今次我嚟到又係食返燒鵝瀨，最基本嘅，因為我覺得燒鵝髀瀨一百幾蚊真係有少少貴不過之後有啲後悔，早知叫個燒鵝髀既然一場黎到燒鵝嘅質素無變，仍然都係好好食，個皮好脆啲肉好夠味，選下啲骨都好甜。奶粉嘅份量依然都係好少，我見隔離枱有另外叫一個淨瀨。 下次可以次下。服務態度又冇其他人講到咁差，阿姐都好好態度。

一條街兩間燒鵝名店，［ 一樂］名氣須不及另外一間名氣和門面大，但連續幾年，能獲 賦予一星米芝蓮光環，幾十年秘方燒鵝煮法，絕不可以當作［鏞］才看。《燒鵝下莊》皮香脆，肉鮮嫩帶濃汁，須是茶餐廳燒味飯店格局，絕對可以媲美大酒家或燒鵝專門店級數， 可惜就係佢坐位有限，相信燒鵝唔可以不停新鮮出爐， 剛出爐嘅燒鵝嘅溫度，亦會改變入口口感。 《 香蔥齋湯瀨粉》 唔知由幾時開始，已經係燒鵝嘅絕配。「食燒鵝唔食瀨粉＝睇戲得字幕無聲」☺️油菜特價叫埋《腐乳灼通菜》機本嘢，所以收番正常價😉PS. 絕對比到你要求食物質素和味道，不過座位舒適度，環境裝修就唔好要求咁多，因為如果你午飯去，真係會好擠迫。而且價錢不平宜，勝價比看您對燒鵝興趣了。食物賣相＝(滿分20) 16食物味道＝(滿分20) 18服務質素＝(滿分20) 15裝修整潔＝(滿分20) 13性價比率＝(滿分10) 7回頭指數＝(滿分10) 8總評分。（滿分100) 77分

叫了燒肉燒鵝飯外賣。回到公司才發現只是燒鵝飯。於是打電話給一樂純粹反映。好好態度的向他們反映，但第一個接聽的男仔什麼也沒說就將電話交給一位女士。這位女士一開口便破口大罵，說我溝通有問題。這種將責任推給別人的方法，實在是不敢恭維。以這種態度不單止不適合做生意，更加不適合做香港人。以後不會再幫襯他們了。若果各位不想再受氣的話，亦不應選擇他們。姑且勿論他們的食品質素有多名過於實。其實，他們的態度一向都不是好的。只是沒想到會去到這麼低水平。在這疫情下，他們沒有好好珍惜有的東西，反而變本加厲，實在是太可怕了。

提起燒鵝，一般人馬上想起的就是深井燒鵝，再其次就是老大哥鏞記燒鵝，但老土饕今天要説的，是位於大哥附近的一樂燒鵝，一般人不一定知道，但中環人一定耳熟能詳，這家店巴閉在那裏，它是一家快餐店，但坐你左右隔離的，可能是高官，可能是明星，可能是富豪，那到底吃一頓中午飯多少錢呢？今日兩人埋單四百幾，好在有老細

中環食燒鵝 ?遊客會去x記，但娛樂圈紅星(如 : 發哥、嘉玲姐)、中環上班族及本地人又會去邊呢？當然會來一樂啦！屹立中環史丹利街幾十年當然有兩手啦！店面不大，迫迫哋約容納二十人，主打燒味飯，尤其是燒鵝。今次因為疫情影響下不用排隊，試過幾次因為排長龍放棄了。他們的燒味都是自家出品，在店後廚房醃製及燒烤。經常會見到店員將剛出爐燒鵝從廚拎出來，有時仲會吊在水吧位。好處是賣幾多燒幾多，保證新鮮出爐。今次口痕食雙拼燒鵝拼燒肉，點知嚇了一跳，燒鵝味道方面比較適中，不像深井的咁鹹，上裝位油脂較少又甘香，皮脆肉嫩汁多，不過外皮顏色會深一點。無想一樂D燒肉咁得，肥瘦適中兩層肥兩層瘦，D皮脆到好似食威化餅，味道貫徹不太鹹，食落入口鬆化不油膩。又多個選擇了。張單上面$19是一罐可樂，飮唔飮自己決定吧。

話說尋日係諗住扮文青行中環，經過呢間餐廳，知道佢係米芝蓮，呢個價錢真係令我猶豫左好耐..... 但係我有錢😂😂所以就試下啦😝咁要食就梗係食最出名：燒鵝髀🌟賴粉 （$118💸💸）- 燒鵝髀鮮嫩多汁，脂肪比都算平均。唔算太肥😛，不過俾呢個價錢係中環食就見人見智。Return: probably not (unless I don’t need to pay for it) Recommend: why not if you are rich 😁

一樂燒鵝入選左《米芝蓮指南 香港🇭🇰 澳門🇲🇴2018》 一星，當然要黎朝聖。燒鵝飯（HKD 62): 份量少，用上細碟仔，睇見眼都突，價錢又貴。先吾講味道，我當日叫左三碟燒鵝飯，好似拼頭拼尾拼夠數咁，全部細細舊。燒鵝吾夠香氣，皮又吾夠脆，咸都吾咸下。最差係要問先提供酸甜汁。蠔油菜心（HKD 29): 份量真心少，得無幾條，蠔油吾夠咸鮮，貴錢又貴。熱奶茶☕️ （HKD 19): 奶同茶比例平衡，茶底濃，可惜吾夠入口順滑，一般。總結：名過於實燒鵝，吾夠油香價錢貴

講咗結論先: 普通。如果唔係有100蚊以上既BUDGET可以唔洗試。早日見到米芝蓮推介，特登行過嚟中環試一試佢啦。一坐低見到啲英文介紹話佢拎咗全世界最佳家禽料理乜乜乜，都有啲期待。主角既鵝有分普通鵝同鵝脾，鵝脾貴一大截，幾乎拼乜都要一百蚊以上。作為一個普通打工仔，只可以叫到普通鵝。由於貪吃，叫咗個燒鵝叉燒飯。燒鵝其實都幾好食。皮香口又有油脂，正。肉呢，幾好食，但首先要食到。因為普通燒鵝幾乎係冇肉的。鵝來貨貴，6X蚊，係好正常。唔係投訴，只係想講: 如果要叫既，建議你可以做定心理準備係嚟食皮ONLY。脾應該會啖啖肉，有預算既朋友不妨直接叫脾，唔好浪費自己QUOTA。叉燒，唔鍾意食瘦叉，唔評論。中環，燒鵝雙拼，62蚊。平心而論，唔算貴。只係覺得唔值得特登行過嚟。

午餐比近 90蚊(1杯凍OT, 1碟飯), 食普通茶記級數既燒味飯 + 比茶記更差既招呼，喜歡睇面色  攞碟酸梅醬都好似乞咁既朋友 一定要試。  講國語用支付寶可能好D。  另外, 飯既份量少到又係比普通茶記少 3至4份1, 仲要食落擺明係 平價大米. 各位真係 高抬貴手 唔好再推介

江湖傳聞一樂以前食晏大排長龍，我咁啱有排要食晏食果頭，緊係會一會佢啦！其實唔係好好燒鵝，只係唔知果頭食乜好，又可以一坐低就有得食 唔知係近排冇咩大陸人落黎定點啦！唔洗等就入得，咁我嗌油雞燒肉飯啦！好快就有喎！重唔知係咪住私樓，伯母請我食油雞肶！咁之後我食髓知味，就再約朋友黎食，又係食到雞肶喎！但我朋友就冇咁好彩啦！佢碗燒鵝瀨隻鵝燒到窿晒，我唔怕𤓓緊係幫佢同呀姐講啦！點知呀姐大為緊張：係咁㗎！係咁顏色㗎啦！我格離個男人就係食燒鵝，重燒得幾靚添！我指住同呀姐講：佢果隻唔係咁喎！呀姐眼神閃爍：係咁㗎！燒窿嘀先香呀！ 窿到黑喎！呀姐～你好野

今日放假想去大館睇吓，想起未去過一樂，就順便去食吓嘢，去到中午12點幾，已經開始要排隊等位，好彩我今日得一個人，幾分鐘就有位, 叫咗碗义鵝瀨及熱奶茶，啲燒鵝皮都幾脆，肉有鵝味，义燒都好香好味，啲湯就有少許咸，但係都還可以吧，呀姐好好人，叫我唔駛咁急，慢慢飲茶添，下次可以再嚟呀。

今晚無喇喇走入了一樂, 轉手從一樂食店到一樂燒鵝後, 只為醫肚！點了义燒鵝肶飯, 燒肶瀨粉, 誰知幾分鐘後便來說沒鵝肶！ 沒便算喇, 回頭看到下圖, 3隻完整燒鵝在我後面！懂了不想做生意, 馬上拍照離開ByeBye.這個天價這個時刻這種態度, 不用多說了