一樂燒鵝

營業中

休息中

相信大家都好鍾意食燒鵝這間位於中環石板街側邊的小店舖頭一眼望晒，沒有特別的裝修帶一點懷舊老店，原來這老店1957年開業至今但是這裏的燒鵝就是米芝蓮一星推介的餐廳餐廳主打燒味當然最出名是燒鵝，所以今次和同事都一同點了燒鵝瀨份$60，一人一碗，可能食飯時間，點完不用幾分鐘就已經送到，快手湯底好夠味，瀨粉不會太碎，每條都彈牙，味道很不錯燒鵝皮脆肉嫩入味，不過肥膩，配酸莓汁很美味果然小招牌菜，值得一試，推介食👍🏻💕

外賣燒鵝飯味道是好的，但一打開飯盒感覺比起其他燒臘飯店欠缺了一份誠意。因為每一件鵝都斬得小小的，飯量亦只平半盒，女士食飯量是足夠的，如男士食只會五成飽，亦沒有菜伴盒感覺太慳皮了。

這天去了中環 石板街酒店 Staycation 發現 一樂燒鵝 就在斜對面 一直想去試 但由東區 跑到中環吃一碗 燒鵝脾瀨粉 沒那動力 這趟剛好 那麼便捷 黃昏時段便去吃了 客人不太多 約7成滿 我和媽2人 坐近門一桌 👵🧔燒鵝脾瀨粉 原隻上 🍗完美的燒鵝脾 皮很脆而不韌 肉嫰而軟滑 夾在中間 只有非常少的脂肪 比例真是 無可挑剔 味道不會過咸 有淡淡五香料 味道 各項比例 恰到好處 不能不給讚 🤤燒鵝胸瀨粉有完美的 燒鵝脾 鵝胸也不差吧！粉嫩的鵝胸 皮沒那麼脆 但也是高質 脂肪機乎是沒的 據說 燒鵝用秘方醃製 多道工序燒製 色香味俱全 難怪連續七年 都獲得 米芝蓮一星 榮譽 😋一樂 於1957開業 2011遷至現址 招牌 脆皮燒鵝 每次只出爐十隻 飯市不一定能吃上 燒鵝脾呢 😍

有段時間在中環返工，同事介紹過「一樂」，從他們口中知道好出名，但當時覺得過百元食燒鵝飯很貴。今日老婆在中環上堂，接她放學時便想起可以去試下這間米芝蓮一星堂食。我叫了义燒飯，六十大元，可以接受，不過飯偏少，不夠食，問待應加飯多少錢，加飯一碗要18元，但她拿走我的碟加飯，只需3元。老婆要了飯堂主打燒鵝飯，加碟菜。大家都覺得燒鵝是好吃，皮尤其脆，亦多肉。我個人覺得偶然一食可以，如果返工我會行多幾步幫襯另一間义燒飯賣38元的燒臘鋪囉。飲品價錢不算貴，涷檸茶19元，不過這些高級食肆都沒有套餐。

今日終於嚟到一樂，第一次幫襯。講真，真係有的驚喜。完全值得推介。見到餐牌有撈麵，本來好想食。但係今日個肚有啲頂，所以叫咗一碗鵝髀米。一上檯，冇叫佢鵝髀分開上。所以鵝髀浸住喺碗湯米粉度咁樣出嚟。個人感覺唔係太鍾意。因為一般嚟講，浸住，梗係驚冇咁好食。不過，一試之下真係有驚喜！鵝肉非常有鵝味。肉質鬆軟，柔嫩。層燒鵝皮厚度適中，唔會太薄，又唔會太口厚。最重要係食落脆口！完全值得一讚！個湯底先係一絕！嚟到呢度，淨係飲碗湯都正！所以食碗湯米，非常滿意。值得一提嘅係，由於嚟親個個都係嗌鵝髀，所以我留意到，隔一陣，事頭婆就會嗌鵝脾暫停。呢個真係可以理解嘅！所以大家嚟食鵝脾，真係要靠運氣。食完一碗燒鵝髀米，真係太好味，好味道唔夠喉，想即時再嗌一碗。

今日🍄🍄經過中環辦點事，記起之前有朋友推介過這間燒鵝瀬，所以都想會一會，而且仲係拎過好多年的米之蓮推選👩🏻‍🍳係門面望一望價錢，確實有點貴🤷🏻‍♀️不過而家成日同自己講，今日唔知聽日事，有乜野想食想玩想試，就去做啦，反正暫時自己都負擔得到。一拎上枱，🍄🍄『嘩』左一聲，好靚仔喎，燒鵝肶好長，🍄🍄未見過咁長果柄🤔，好鐘意❤️，果湯底都好飲！要甜酸醬就出聲，唔會一齊上既！不過只有單叫, 唔包飲品，承惠$118😌如果唔要燒鵝肶會平好多，燒鵝飯$62，飲品另加$10燒鵝皮都脆既、燒鵝唔會好肥，岩岩好！份量應該一個女生會食得到既、男生就可能唔夠飽🤤

專登嚟呢度食燒鵝，點知好失望。點左燒鵝胸飯，燒鵝嘅皮一啲都唔脆，肉質普通，唔係又乾又硬，但亦唔見得特別嫩滑及多汁。燒鵝飯有一啲類似豉油汁，但係食過出邊其他更有名嘅燒鵝飯，係會加燒鵝香油，令到飯底更香，但係呢間舖頭就冇。另外舖頭基本上裝修和普通茶記一樣，但地下非常之油及跌腳，如果老人家或者女士着高踭鞋，真的要超級小心。如果用$65 在中環在普通茶記食一個燒鵝飯，就覺得不過不失，但如果用米芝蓮一星角度來講，直情係超級失望。

打咗電話留燒鵝下莊，特登渣車去。去到門口話有，比埋錢。然後隔離黎個貌似熟客 唔知買咩順便買埋燒鵝下莊。 過1分鐘，話賣曬比唔到我地。有咩誠信可言。 Poor reputation for customers， in advance phone asking for Goose lower part，drive there for 30 mins. Already paid and took my order for two Fired goose lower quarters. Suddenly said there are no more lower quarters, therefore would you mind to change another order and return the money for you to think of that. Since there were two ladies behind take a same order of mine, seems they are usual customers. Omg...

我本身好鍾意食燒鵝，最近留意到呢間小店有米芝蓮加持，所以就去開中環嘅時候，去買咗隻下庄燒鵝返屋企嘆喇。打開個盒係先係見到隻髀同盒汁，之後夾開面頭d髀就睇到成盒燒鵝嘅份量啦，感覺上都係足料既。面頭睇落唔肥，冇乜肥膏，鵝皮既面頭泛著油光，好靚😍個髀食落去果然真係冇乜肥油，只得鵝油香。兩個人食好快就ko曬個髀，剩下下層嘅鵝肉。下層嘅肉就多返d肥膏，同埋d汁匯聚曬喺低，所以特別鹹，不過整體黎講係正既，米芝蓮喺實至名歸的。

香港燒鵝九成都係一樣，剩返一成係心機，呢句野係天鴻燒鵝老闆講，大家可以上視頻睇返。今日去一樂食館，位於中環。都係嗰句，小弟住天水圍，好近啫一入去坐低即刻叫左鵝髀瀨，免斬，扣底第一，原隻鵝髀佢冇俾張吸油紙我，攞住隻髀食，欠細心第二，鵝髀暖，合格，再熱啲更好，鵝肉嫩滑，鵝味重第三，碗瀨粉我唔評喇，重點一定係鵝髀，個湯鹹鹹地，實係師傅湯黎好老實，我鍾意天鴻多啲，起碼佢食髀有張吸油紙俾我，同埋天鴻個格局似燒味店多啲但天鴻叫鵝髀瀨係貴高一樂我加罐可樂，$10

最近才知道这家小型烧腊店连续几年拿了米芝莲，朋友介绍他们的烧鹅不比镛记差。假期日他们有开门营业，午饭时间不用排队，一进去就马上有座位安排。餐牌上都是烧腊的东西, 普通的烧腊饭是50多60元，跟太兴的差不多，在中环这个地段也算是合理。丰富一点要了一份烧鹅脾汤濑，上桌时看到鹅脾也比较大隻，只是浸在汤内令烧鹅皮变软，吃不到它的香脆，有点可惜。但烧鹅肉真心的好吃，入口能感受到鹅肉的香味，是近期吃到最好吃的烧鹅。 至于配角的濑粉，粉余有点碎，口感不怎样。他们拿奖是有根据的，下次再吃濑粉时会叫他们分开上。

以前會走來買全隻未切嘅燒鵝番屋企一家用手食，好暢快。琴日1点行過已經見到好多燒鵝頸同只剩返半隻燒鵝+ 豉油雞白切雞各一掛係度，心諗：咩咁早賣晒？ 埋去話買半隻燒鵝，價值三百幾蚊（只有半隻！）点知到屋企開來食，除咗4-5舊胸外，全部係骨，個肶瘦到好埃塞俄比亞咁，啲肉又硬又薄，其實諗諗吓都唔知嗰啲鵝頸係咪道具，其實而家已經冇生意，點會lunch time 1点入面得一枱有人，但係又賣咗咁多隻？（註：鵝頸掛係度即當日己經賣出的燒鵝數目）又冇人係門口買外賣？！ 😡🥺 其實而家市度咁差，生意難做，但做外賣既都還可以，点解唔好好地做，要咁樣又貴又呃人，做人客嘅咁多選擇，更加唔會幫襯你，咁就真係等執。出面其實而家好多燒鵝都好靚，又唔洗呢個價錢，以後真係唔會再幫襯。

有排超中意食燒鵝瀨首先試左波記，本身已經覺得好好味但果然眼光係要不停放遠，有另一間好味D，叫一樂真係好味過爛酒樓成隻燒鵝嫁！不過去兩次兩次都冇脾 唯有叫雞脾，滑到入味到你要從新考慮以前究竟有冇食過好味的雞脾

尋日中午去開中環，經過一樂，見冇人排隊，買左盒燒鵝飯，竟然一加就10皮，要成60蚊，諗住問吓燒鵝脾要加幾錢，佢話要11X元，都癡癡地，百幾蚊鋸扒都得，駛食你飯盒。燒鵝非常普通，反而啲飯有驚喜，食完想再添飯。咁不如下次用10蚊買碗白飯好過了。

過往沖着米芝蓮星來試試這家燒鵝瀨，兩次都覺得嚴重中伏，如其他食評所說，肉少得可憐，主要是幾塊皮包骨。今天心血來潮想吃燒鵝，本想試試好評如潮的日日香，但那邊好像只有飯，沒有燒鵝的唯一絕配—瀨粉。只能再戰一樂。這一次決定試鎮店名菜燒鵝脾。果然！偏細的瀨粉襯托着美味的鵝脾，皮脆肉厚汁香濃！油菜上可能用上了鵝油？（亦有機會是自己終於吃到像樣的午餐而神智不清）。反正通菜也不錯。這個故事的教訓就是：有時候，金錢是可以買得到品質的。但錯誤選擇（比較）便宜的option的話，就會用了金錢換來懊惱。