一樂燒鵝

營業中

休息中

聽聞呢間燒鵝好食，今日行開順便一試，等左一陣，入到去已經勁迫，仲要坐水吧出入位，阿姐拎野飲已經滴水係我手，仲要一腳踩落黎當無野，問佢拎燒鵝醬，話你要咪有囉，完全無禮貌，仲要急住收碗，未食完，只係放低筷子俾入面人出去，就伸手想收你隻碗，又催遊客收碟，服務無，食物質素又差，燒鵝瘦，差燒肥，份量極少，一次無回頭

坐位擠擁，環境不佳，如食物質素好的話絕對可彌補以上不足。可惜，食物質素一樣差劣。中午時段叉䳘飯一碟$62。份量少，而且叉燒全件是肥膏，不是半肥瘦那些，而是全部肥膏，沒有肉的部分。四件叉燒有三件是這樣。而燒䳘部分則有一件有肉，其餘只得骨連皮。吃下僅有可供食用部分後，味道也强差人意，只有一個咸字！好肯定連鎖快餐店的燒味雙併飯比它好吃，而且快餐店的還會搭條菜呢！好過這裏只得豉油撈飯配肥膏骨頭！吃了一半頂唔順要放棄！

The roasted goose was good and tasty. However, this restaurant forced the customer to order the quarter with drumstick if they want to taste the drumstick. They need to order other parts and there’s no other choice. For single customer, they can’t taste the drumstick as they aren’t able order other parts too. The waitress would tell them that all drumsticks were sold out!! 1-2 waitresses were rude and impolite. Food quality was good but you needed to accept their rude attitude.

過了中午時間,中環3：30pm 近士丹利街🐴馬會較少人,因為士丹利街除了馬會出名外,仲有陸羽🍵茶室,再向前行仲有米芝蓮嘅一樂🦆燒鵝,今日經過冇乜人,仲有位,當然要坐低叫一碗燒鵝瀨粉,仲有雙拼燒肉加燒鵝,加多碟油菜,燒鵝皮唔會太過火,好味道😆

久聞其名好想一試卻一試難忘⋯⋯受氣到死😬食物味道可以環境極度擠迫十分惡劣想叫多一樣野都冇位擺凍檸茶小冰變成杯都係冰店員亞姐個個做到好燥底態度極差⋯⋯ 係近年食得最辛苦嘅一餐以後都唔會再去

今日來到中環陪老婆產檢。見完醫生已經到左午飯時間。就順道去聞名已久既一樂食燒鵝。不愧是2015-2019年度米之蓮餐廳。去到門口已經有好幾枱食客排緊隊等緊。好快就可以入去食。可能因為香港寸金尺土。位置好窄。好迫。如果是想食環境就一定唔會鐘意呢度。咁我都拿拿聲點左個燒鵝下莊(即係4分一連肶)。加兩個白飯。5分都冇食物已經到左。燒鵝皮脆肉嫩多汁。用來醃製鵝的汁水一定是用了很多心機。和出面食到的有好大不同。見到隔離左右食得好快。自己和老婆都不其然加快速度。一食完已經有姐姐即刻過來收野走。連食加埋單只係用左4個字。個人覺得快靚正只係單點白飯原來要$18一個,咁好似直接叫一個燒鵝飯會化算D!

之前去到一樂，見到條長龍，放棄.隔天10am去到，吃第一輪，唔駛等. 全店都係遊客，本地人唔會去. 叫咗鵝脾瀨 + 熱奶茶.鵝脾瀨唔值$118. 普通嘢，失望.不過杯奶茶出奇地香、滑、濃，正！值得一讚.

上星期，和同事到一樂食出名的燒鵝瀨$118，食完好似無食過，瀨粉份量少得可憐，女士們食完都唔會飽，服務又差，差一啖粉就食完，已經有位嬸嬸埋嚟執走我隻碗，仲話..「食飽出去比錢啦，交枱比我，有客等緊」。所謂名店，食物質素下降，又無服務態度，只顧忙住招呼內地遊客，我以後一定唔會再幫趁囉。

米芝蓮得獎食店，出名係食燒鵝，平日吸引不少旅客排隊幫襯，今天慕名而來，卻換來不快的用餐經驗。論環境，只是普通老店一間，毫無特色，店子細，座位少，絕對不能坐得舒舒服服地用餐。論服務，如果可以給予負分，就應該給它負二十分。首先，下單時，我明明說要燒鵝髀粉，上餐時，竟然是一碟燒鵝飯。店員抵賴，粗聲大罵，如果我是要吃燒鵝粉的話，應該說燒鵝瀨，而不應說燒鵝粉。我心想: 是不是現在你已聽不懂廣東話了? 只能聽懂普通話。其次是，明明有好多隻原隻燒鵝掛起來，卻跟我說燒鵝髀已賣光了。哼! 這也不打緊。更可惡的是，有另一個店員跟一位內地旅客說仍有燒鵝髀，可以幫她下單。這一刻我已嬲爆了，吃龍肉都會是沒味兒，亦不會和他跟跟計較。論味道，最終店員給我的是燒鵝背瀨粉。湯底是不錯的，沒有味精。瀨粉沒什麼特別，只是一般貨色。燒鵝的確是好吃的，但吃過陳記、裕記的，就不會給一樂高分。論衛生，是不合格的，因為有小小強在櫈下經過。論價錢，碗粉份量好細，六十元一碗不太值得。說老實，請大家不要盡信所謂得獎名單，否則很易中伏。

野食一般，表妹外國回來帶了男朋友，她男朋友未食過燒鵝我就帶他們來食，點知服務員態度差到爆，一坐下就一直摧點單，人地未睇清楚又點落單呢！一般茶記都有杯水比下，呢間咩都冇，就連要杯水都要19元！

平時見咁多人排隊食野一定轉頭走，難得今日食晏有人肯陪我等， 即管試一試。 等了約15 分鐘，终於到我地，舖內擠滿人，地方狹窄，枱櫈密密麻麻，一張3呎x2呎枱安排我倆坐一邊，另一邊就安排2大人1小童坐，有啲擠迫。伙計一分鐘問3次order未! 最後我倆各自叫咗燒鵝髀瀨粉 $118/碗)及一碟細叉燒($100/碟)。等了一陣分别兩碗瀨粉及一碟叉燒到喇！食物質素尚算可以，燒鹅無乜味，肉質可以，叉燒太鹹，但肉質可以。 埋單成為$336，我掏出$500+$5+2個$0.5，冇禮貌的收錢員(後生仔)，指指佢背後個牌唔收毫子($0.5唔收)，咁算！我將所有硬幣收回，待他找錢，佢找回其中一個黑色疑似$2，我禮貌地要求換番一個正常$2，他好寸話唔換，我話毫子你話唔收就唔收，你找回黑色疑似$2，又唔換，咩道理？ 唔係$2 嘅問題！係態度問題！！ 雖然最後都換番畀我！就算被評為一級食店，但只有九流服務， 可悲！

一樂就是一個很簡單的燒鵝檔，除了各種燒臘鹵水，只有白飯瀨粉撈面，連鵝油撈面都沒有。兩間的燒鵝都不便宜，吃燒鵝這事也似乎從來輪不上性價比這種說法，畢竟也是高檔燒臘。 哪家燒鵝最好？這也要看運氣。出爐時間，部位，切鵝師傅當天的心情都可能成就或者毀了一盤燒鵝。 不願冒風險的話，酒店的中餐廳如澳門譽龍軒等會對出品有更嚴的品控。燒鵝不像煮粥下麵條，它對材料，細節和品控都有著更高的要求。 當年的鏞記本身就是高檔酒樓，做好燒鵝自然有著這些條件。 一樂屬於小店的翹楚，來一樂這種小破店就只有燒鵝這一個目標。但拋開煙火氣與情懷，只論燒鵝，譽龍軒等真正的頂級中餐廳的燒鵝不會比一樂差。但沒有強迫症的話，Stanley 街上的這間燒鵝檔還是可以滿足你對燒鵝大概的想象。

連續幾年獲米芝蓮車胎人推介嘅「一樂燒鵝」今日終於一嚐，之前已經好想食架啦，因為中環出名既野食都有幾間，間間都收堆左係我個必食list入面，試均簡直係我既小心願呀！我見食評對呢間「一樂」嘅評價十分兩極，究竟我又食完有咩感覺呢？！士丹利街，唔難搵！🔹馳名燒鵝瀨粉盛惠 $56中環價錢，抵唔抵就睇你點睇！食落其實OK，點為之OK？ 就係正正常常，冇咩驚喜，有D真係過度吹棒左呢碗燒鵝瀨粉。幕名而去，三個字，「唔．值．得」！燒鵝肉質老了一點，冇咩肉食，相對細件左小小，瀨粉分量OK ，夠一個女生去食，男生就一定唔夠飽呀！伙記們嘅態度好多人都話……有待改進！但我其實覺得OK既！因為老店係咁上下吧！唔好期望就會有驚喜架啦！.總括嚟講，唔太抵食，但好想試吓米芝蓮推介嘅燒味都可以試吓嘅！一次就夠啦不過。

今日要去中環取文件,經過史丹利街,見到一樂燒鵝門口有幾個人排隊等位,自己都排埋一份,好想試吓係唔係咁好味,都知到一碗燒鵝瀨粉唔平,終於入到去,間鋪太少位啦,坐低叫咗碗燒鴨瀨粉及一碟腐乳通菜,燒鵝真係好好味,通菜一般,價錢貴咗啲,食一次就冇所謂,覺得啲侍應好冇禮貌。

行過中環諗緊食乜嘢好見到一樂燒鵝😍之前喺附近整頭嘅時候叫過外賣覺得好好味🥳不過夜媽媽門口仲一堆人排隊唯有外賣拎走...瀨粉又賣哂。燒鵝又唔夠。迫住要雙拼😭