一哥點心 (已結業)

元朗有好多間點心店 ，基本上我都差唔多試過晒啦，而今日就嚟到一哥點心試一試！😌😌今日兩個人就叫咗四個點心：原籠鳳爪排骨飯$34: 正常，冇乜太大特別大件夾抵食！原籠蔗糖馬拉糕$21: 呢個唔錯，用蔗糖做，甜甜地但又唔會過甜，馬拉糕鬆軟。千島醬脆皮蘿蔔糕$26: 呢個係呢度嘅signature 菜，果然名不虛傳，估唔到千島醬加蘿蔔糕係咁夾個噃！上邊中加左大量木魚碎，增加賣相之餘仲幾好食！沙嗲金錢肚$24: 不過不失，略嫌花紅粉過多。題外話，雖然食物可以，但係入咗安排比較混亂，大熱天時攞咗飛我哋係第二張枱兩位，之後仲有兩個字三個後來嚟咗五個人，阿姐竟然跳過我哋，叫咗五人入咗，我立即上前制止，不然又要再等。跟住一直坐都有兩三張枱因為入座安排混亂，食客因此不滿，坐在我們隔離枱的，我聽到剛入座的她們沾沾自喜說：哈哈，竟然遲來先上岸！由此可見，入咗安排須加以改善，唔係就會趕客走。

在這店初開時已試也寫了食評，一間很好味裝修舒服的店。更難得是開到午夜一時，就決定和老婆來吃個宵夜。先黎一個蝦腸，好味，腸大大隻咬落直頭pop一聲。酥炸豆腐，配上惹味的芥茉醬，要小心夾，外脆，中間的豆腐很滑，滑到很易順著喉嚨直下胃部。豬手，這個醬很濃同帶點甜。豬手咬下極有膠質感。非常好味鳯爪，大大隻唔散，有一種新鮮感，好多的鳯爪感覺都很梅很下欄，呢度就不會。龍蝦湯汁鮮竹卷，個湯汁極濃不過咸了點，鮮竹卷皮較硬，味道不錯但口感呢款不太好。最後是綿花雞，夠晒熱，重點是綿花好好味，吸飽晒汁小心小心入口熱親。但咬下果種汁在口腔四散爆好令人感到很滿足。現在真係好少去茶樓，呢類賣點心的小店更好。

今日去左元朗教育路戈邊搵野食，呢幾日多左吾少價錢經濟又新式既點心店，黎左呢間系因為某個好出名既艾豬用戶推介，相信質素有保證。環境吾大，不過枱同枱之間既距離算遠，確保有充足既私人空間對一間食店黎講絕對系一個優勢。金錢肚大大舊咁，再加上超多既沙嗲汁，味道十分濃郁，汁吾會好稀系潔潔地，拿捏得幾好，金錢肚有咬口，吾會系硬掘掘。芝士蝦春卷系今餐既主角，6大件勁多芝士既春卷，好邪惡呀，不得不提既一定系個芝士拉絲既長度可以去到最少一把間尺既長度😱入面既蝦亦幾新鮮。紫薯流沙煎堆仔，講真，真系冇乜紫薯味，不過煎堆既脆同埋入面流心既奶皇系好吸引不禁影一影個特寫。帶點期待既小籠包就似乎爭啲喇，個皮好似微波爐岩岩叮完出黎咁入面既湯亦吾多⋯⋯味道就還可以吧。

朋友帶我去試吓呢間細細間既點心店，雖然點心款式唔多，但各樣點心味道都唔錯，茶位$3一位，抵過去茶樓好多，茶味亦唔錯，可以話直頭好過稻H好多。係用心經營既小店，招呼唔差的，阿姐們都好有禮貌。排骨鳳爪蒸飯，用荷葉舖底，蒸出嚟飯粒分明，$33性價比好高，絕對好過地鐵站連鎖店蒸飯。千島醬蘿蔔糕 ： 將蘿蔔糕上粉炸好，加木魚片同千島醬，味道好夾，重點係蘿蔔糕本身夠蘿蔔夠juicy, 最怕食到只有粘米粉那種。鬼馬腸粉 ： 好多地方有得食，但唔係間間做得好，呢間唔係最好，但都唔差。菜苖餃 ： 呢個就有d失色蟲草花棉花雞 ： 有雞味棉花亦夠味鵪春蛋燒賣 ： 叫呢個主要係懷舊一下， 好少茶樓會做呢款點心， 主要係最鍾意食粒鵪魚蛋。紫薯流心煎堆 ： 紫薯味道唔係特別濃，但同蛋黃流心係夾既，熱食作為甜品係唔錯既選擇。

這家新開小店有座位廿多個，冷氣十足，主打點心蒸飯。點心由$18-$28不等，蒸飯則$28-$33，平民價格定位。黑松露鮮蝦餃$30這蝦餃一客四件，size 偏小，有別於平曰食的蝦餃王。這蝦餃皮很薄，一夾即破，饀料以蝦為主，唔多覺有筍絲，少少黑松露味，但多多芫茜味，味道方面是ok的京蔥香煎菜肉包$24一客有三件，菜肉包的底未煎到生煎包咁脆，但包的質地幾香軟，而菜肉餡料都有少少汁，整體味道不錯。龍蝦湯鮮竹卷$26鮮竹卷十分香脆，入口甘香而帶芫茜味。龍蝦湯雖然不是最fine 的quality，但味道都幾好，同鮮竹卷幾夾，如果是怕芫茜的，應該也無福消受了。沙嗲金錢肚$25這金錢肚十分入味，炆得軟稔有口感，那橙色的沙嗲汁一如傳統風味，都幾惹味，不錯。以點心味道而言，比起許多大酒樓還要好，而點心選擇都幾特別，可以一試。

由於住得比較近，加上妹妹比較中意食點心，我地都黎過幾次食下唔同野先寫依篇食評。甘返得轉頭，姐係都唔錯既依間餐廳 🤗🤗 本來依條都有其他幾間點心，我地就去開對面個間既，依間舖裝修緊個時我地仲話佢抄人叫x哥點心，擺明玩野😂😂😂😂 但結果依間開左之後就轉投左一哥既懷抱 lol 店面環境黎講，依度係比較好坐。注意翻，只係比較，姐係佢只係闊過人地少少。不過以一間甘多人等既店黎講，飲茶又係比較費時既活動，想做多幾枱搵翻租金都真係情有可原 😂😂 但等位個陣安排少少亂，姐係有幾組人都未拎到飛，一出黎就一次過派飛，明明我早到啲個號碼會遲過一個企得前啲既人，雖然最後都係差幾分鐘入。食物質素幾次都好好，但等十五分鐘係基本。😌 今日見隔離枱個男仔少少燥話已經十分鐘，傻豬黎既呀媽蒸碟水蛋都要十二分鐘啦係咪先😂 先講下啲招牌菜：(名係亂記既🤡)紫薯煎堆仔(有相)外皮似咸水角層皮，少少煙韌，不過變得厚小小同紫色甘樣，但無乜紫薯味，都係kimmick野黎姐其實 😂 入面係就黃色流心奶黃。依個其實幾好食，創新點心黎講算成功試得過，不過如果係為左紫薯就恐怕會失望。椰子鳳梨老鼠仔(有相)睇名以為係傳統點心白兔仔個frien

本來打風果晚去食點心，無奈冇開門，結果去咗食B仔。第二朝風球除下，堅持要食點心！蟲草花棉花雞。雞是連骨的。竟然食到有雞嘅味道，不過要小心食，有些少碎骨。香茜牛肉腸腸粉皮夠薄唔怕似棉胎！可惜豉油欠了應有的味道。芝士蝦春圈我唔鍾意食菜，如果淨係得蝦同芝士就一流！响食評見到咁多人話蒸飯好味，我當然要點一個試下啦。其實我想點鳯爪排骨飯。不過我又想試下啲雞同棉花雞有咩分別，所以終於點咗雲耳蒸雞飯。蒸飯真係幾好，粒粒分明！可惜有兩條菜响度篤眼篤鼻！

今晚早左少少諗住去睇下最近火熱嘅鹵家多唔多人，點知未夠7點已經排晒隊，最後都係決定放棄，走左去附近新開左一排嘅點心。一入到去阿姐嘅態度已經唔係特別好，而且佢嘅座位有d迫迫地，小店係咁上下，不過太大份就可能會坐得有d辛苦。一坐低阿姐就問飲咩茶，不過夜晚我唔習慣飲茶，咁就加多一壺水，但係結果壺水斟出嚟都係茶咁嘅色，我都懶得再同阿姐講！叫左4樣野，京蔥香煎菜肉包、薑蔥牛柏葉、原籠章魚肉餅飯同埋春風得意腸。首先上左京蔥香煎菜肉包，一上枱連埋個煎pan一齊上，好有氣勢咁。不過夾起左一隻之後，見到下面個底有好多油...味道係可以嘅，個包嘅外面都係脆嘅，不過真係油左少少。至於肉餅飯上枱嘅時候真係嚇一嚇，無諗過佢會咁大份。飯有荷葉香味，軟硬適中，肉餅嘅份量都算多，唔係整到好扁身嗰隻肉餅，而且亦都食到大大粒章魚，感覺都幾抵！至於薑蔥牛柏葉嘅牛柏葉係幾爽口嘅，不過就唔係好入味喇，如果入味d 應該會好食d ！春風得意腸未上枱都知道中間一定有d熱氣野，裡面有層脆卜卜嘅，面頭加左d蟹子。咁香口野對我嚟講好少係唔ok嘅，呢個都唔錯。四樣野加茶錢埋單唔洗$120都係幾抵食嘅，不過就唔好預佢有好好嘅服務喇！

是日兼職收工跟最老友的同事食宵夜，之前我地成日去老點食，可惜老點結業，沒想到在兼職地方附近開咗呢間點心舖，裝潢和點心的吸引度令我忍不住食完又食，難得有點心店零晨收兩點，平時最遲2330收工的我久不久就食宵夜，好在我食咗都唔會變得好肥，皆因食飽飽後我係行路返屋企~~~今次食流沙奶皇飽和牛柏葉，流沙飽好流沙，牛柏葉雖然好食，但始終唔夠鬼巴士咁淋~~~雲耳蒸雞飯，雖然好食，但今次雲耳蒸都會乾，感覺有DD美中不足~~~ 今次兩個人食得唔多，所以人均約$42埋單~~~意外地見到早上的餐牌，原來早茶都幾抵，可惜我要返工，沒有機會去試呢個優惠>.<

是日我地同事第一次三人行外出午餐~~~兼職同事食過都讚，加上之前睇OP有好多正面的食評，喜歡飲茶的我當然要去試吓啦！今次帶私家杯飲茶，飲唔晒的茶可以倒埋返OFFICE飲章魚肉餅飯幾好食，如果一個人都未必食得晒，好在我地三個人兩籠分來食~~~紫薯流沙煎堆，原來真係好流沙，怪不得是小店的推介食品~~~叉燒腸真的不錯~~~棉花雞也好食=]鳳爪排骨飯來得比較遲，都幾好食~~~我地人均$50埋單，感到不錯，返兼職收工都可以來食宵夜

做學生，原來祗值$3其實入去食之前都唔知學生免茶，不過既然有得免，當然好啦論點心，一條教育路成5-6間，間間各有特色！今次我試咗3款點心：蒸排骨-肥瘦剛剛好墊底果啲南瓜索晒排骨嘅汁同味，而且夠晒淋！芝士蝦春卷，勁多蔬菜可以中和一下所謂嘅熱氣，但外表竟然超級香脆。如果叫什菜芝士蝦春卷，會更合適。蟲草花棉花雞，有小小雞皮留下，是黃油的。而且連骨篜有雞味，由於連骨蒸，所以食時必須小心有碎骨。$68 可以食到3款美味點心

向來對荷葉蒸飯沒有好感！但今次這個原籠泡菜豚肉飯，原全打破我嘅想法！這裡早市是原盅蒸的，平幾蚊！但我到這裏已經到達宵夜了，所以是原籠蒸，用荷葉托住啲飯蒸。沒有想過這個配搭，有清新嘅荷葉味！呢個係我有生以來第一次食蒸飯可以食到荷葉味$36 原來已經係全店最貴的一款食物，難怪晚上11點還有這麼多客人！飯身軟硬適中，比起一般店出色。泡菜微辣，配上有丁點脂肪的豚肉。真心希望佢可以keep住呢個水準！一個飯搞掂我，埋單走人！

It's been 3 weeks since our last visit to this lovely dim sum house. It's almost 10pm after our Monthly gathering with sisters.The place was packed with customers and we need to wait about 10 minutes to get a table.We order quite a few items this time and we noticed the menu is differ since our last visit.

近來元朗區開咗好多點心店， 一哥點心係元朗區點心店的新力軍。佢個位置呢就喺元朗教育路鴻發大廈。離遠就睇到佢一個老鼠形狀嘅甜點~椰香鳳梨鼠。一般嘅甜點都會整到好似白兔仔好可愛咁， 等佢呢就整到隻白老鼠咁樣，加上又未食過呢間嘅點心店，咁我地做一次白老鼠啦。一開始當然點會佢地既椰香鳳梨鼠。脆皮蘿蔔糕，蘿蔔糕加脆漿，可以做成這個樣子 個人喜好牛栢葉是每次食點心必叫的食品 鮮竹卷熱辣辣非常好食 排骨不過不失 鵪鶉蛋燒賣是傳統嘅點心食品 春風得意腸炸得有點油膩一哥點心總體來說，是一間不錯嘅點心店， 環境整潔，味道亦不會太鹹和太油膩， 經過嘅街坊不妨一試。

連續食咗三餐任食，搞到肚仔都凸咗出來！所以今天唔食早餐，唔食午餐，來一個下午茶作為全日嘅食糧。今天決定食點心，因為街口間點心店開咗兩個星期都未有機會試................鳳爪：一般，醬皇唔夠味，色澤好似唔夠。牛肉腸：有馬蹄，有肉味脆皮蘿蔔糕：有特色豬手：值得一試！最重要是沒有毛春疍燒賣，看似平凡，咬開原來是切肉小店啲茶通常冇味！所以我開茶時叫濃D壽媚......打開茶壺原來有2個大茶包。難怪D茶會咁好味！下次我一定要試食义燒腸粉！