一哥點心

本來打風果晚去食點心，無奈冇開門，結果去咗食B仔。

第二朝風球除下，堅持要食點心！

蟲草花棉花雞

蟲草花棉花雞。雞是連骨的。竟然食到有雞嘅味道，不過要小心食，有些少碎骨。

牛肉腸粉

香茜牛肉腸
腸粉皮夠薄唔怕似棉胎！
可惜豉油欠了應有的味道。

芝士蝦春圏

芝士蝦春圈

我唔鍾意食菜，如果淨係得蝦同芝士就一流！

雲耳蒸雞飯

响食評見到咁多人話蒸飯好味，我當然要點一個試下啦。其實我想點鳯爪排骨飯。不過我又想試下啲雞同棉花雞有咩分別，所以終於點咗雲耳蒸雞飯。

蒸飯真係幾好，粒粒分明！
可惜有兩條菜响度篤眼篤鼻！