一口沙嗲專門店

營業中

休息中

最近上網睇到呢一間叫做一口串燒嘅東東，覺得幾有趣，就order左嚟試吓，估唔到個性價比真係幾高，而味道都好好食。今次就叫咗四款串燒嚟試吓，豬牛羊雞各一款，一包都好大份㗎，有12串，所以好啱買來同大家成班朋友一齊分享，係真空包裝，所以食之前只需要攞出嚟解凍，就可以擺上個度燒㗎啦。如果買夠特定份量嘅話，係會有一個串燒爐送，仲可以免費送貨添，對於喺疫情期間，唔係好想出街嘅我哋來講，咁嘅安排真係一流呀。呢個就係佢送嘅爐，都幾靚，幾好用。細細個好啱擺放，雖然就大概擺到六七支串燒，但慢慢食都好好呀。下面嗰兩個小盤就係用來整熱啲沙嗲，細細個好方便，可以點住啲沙嗲汁來食。沙嗲汁有兩個味，一個係原味嘅花生醬，另一個係XO醬，有少少辣嘅沙嗲，兩個都味道不同，別有一番風味。呢一個就係燒好嘅嘅串燒舔緊XO沙嗲，醬幾靚幾好食😋一次燒嘅話大概擺到七串啦，整體來講呢一次串燒體驗都幾特別，都好推薦大家買來試吓玩

疫情雖然有好轉，但仍然反反覆覆之前一路同食友會係街頭食串燒活動都停止左最近食友發現西環一間串燒店專以外賣串燒連燒烤爐為啅頭，提議搵個地方試試佢先講燒烤爐，麻雀雖小五臟俱全只有半隻手臂長度，輕巧易拎。上面主要燒烤用途，下架主要為座熱d醬汁另外有一個套餐包含豬牛羊雞，包裝上做得好好，清晰易明有圖有文字。最緊要係真空包裝，可以放置一段時間 因為第一次試，店員教路先要進行解凍，爐要預熱大約5分鐘左右就可以燒得靚靚每邊大約燒8分鐘左右，串燒就食得啦，表面會帶少微微焦面，香味俱全咁先係串燒風味。 肉質好嫩，唔會柴而我最鍾意係羊肉，夠哂’so’味咦！串燒最緊個醬點搞先？其實會有原味辣味花生醬各一盒，倒入兜仔放下架熱一熱就可以👍🏻👍🏻串燒除左用燒烤爐，都可以用煎pan 微波爐等，不過玩法詳情要問店員

炎炎夏日，同男朋友出街搵節目而家都盡量揀返啲室內嘅活動！有時都覺得兩個人自己煮下飯仔都幾咁過癮㗎！上網睇到呢一間一口沙嗲專門店買10包嘅沙嗲串燒就可以免費送一個燒烤爐！都好似幾抵喎！而且個爐又細細個，好方便自己拎去酒店度煮食！🍡燒烤爐燒烤爐總共有四個溫度供大家調教！而且燒烤爐細細個，一次大約可以燒五至六串既串燒！而下邊都有兩個細嘅盤子係可以將手工醬烘熱，十分方便！🍡串燒串燒有牛、雞、豬同羊肉大家可以揀，只要湊夠10盒就可以有一個免費嘅燒烤爐㗎喇！本身啲串燒都已經醃好咗，所以其實唔使加醬料都已經好夠味！🍡醬料而醬料方面，有手工原味花生醬同埋手工辣味花生醬俾大家揀！我個人就比較鍾意手工辣味嘅花生醬，少少辣辣地更加會令到串燒本身嘅味更為突出，更加惹味！

疫情關係，已經好耐無喺街頭食小食，好掛住魚丸、燒賣、沙嗲串燒啊~ 最近發現原來姑奶屋企附近有間專賣沙嗲串燒的鋪頭，有四款肉 (豬肉、牛肉、雞肉、羊肉) 同兩款醬料 (原味花生醬及香辣花生醬) 選擇，同全部以真空包裝出售好衛生。 趁住家庭聚會，我就每樣買左一包去姑奶屋企邊嘆啤酒邊食串燒。 一包12枝，份量都幾多，平均都係約6-8/枝，比起在街食平差唔一半 第一次貪方便，一次過焗哂兩包，結果….. 8分鐘後還是未夠熱…哈….(我的失敗分享)羊肉串入口無羊羶味，不錯 豬肉串入口咸香帶甜第二次再焗… 今次我減少份量啦！ 不得不提兩款醬料，香辣花生醬好似XO醬咁好香口惹味，原味花生醬就味濃口感滑順 牛肉串， 牛魔鬼最愛，濃厚牛肉味雞肉串真的回味無窮， 夠嫩

由於疫情限聚關係，依家多左搞home party ，之前朋友推介左呢間正宗馬來西亞串燒，買夠十盒仲送個串燒爐，好抵。佢平均係40-59蚊有六串，有豬、雞、牛、羊選擇。串燒既肉仲無防腐劑、無添加，沙嗲仲係自家制作，口味夠哂獨特，都會送上辣同唔辣既沙嗲醬各一款。佢個串燒爐可以一次過放上六串，火喉都好平均，容易控制，唔會痴底，下面個層可以翻熱啲沙嗲醬，夠哂方便。大約燒15分鐘左右就食得，至愛雞肉同豬肉，肉夠滑，真係同岀面賣既有得fight，好有風味，個秘制沙嗲醬好足料惹味，食到粒粒花生，好香濃。唯一係地方遠少少，喺香港大學站附近，佢仲會用冰袋包裝好好，令肉保持新鮮急凍。整體性價比高，有埋個爐，下次再可以玩下😆

疫情關係，唔好講話旅行，連出街食飯都少咗！係朋友嘅推薦下，發現咗呢間沙嗲專門店嘅外賣套餐，而家做緊優惠，買夠10盒串燒🍢，唔單止免運費，仲送埋家用電爐，一於喺屋企自己燒👩🏻‍🍳，刷返夠本！串燒一共四款，豬牛雞羊，各有所長🤣。一包有12串，食之前只需放喺室溫解凍一陣，就可以放上電爐度燒，簡單方便。沙嗲醬有兩款，辣同唔辣。店主話係佢哋嘅家傳秘方，經過三代嘅改良，體現出正宗星馬風味！家用電爐預熱快，火力夠強，十零分鐘就有熱辣辣嘅沙嗲食！獨特嘅設計仲有兩個迷你烤盤，可以將啲沙嗲醬翻熱，細細個嘅電爐方便收藏，但一次過都可以燒八串串燒，非常夠用。

沙嗲串燒大家就食得多啦，唔知自己有冇整過呢？如果未，今次話唔定係你嘅機會，疫情期間大家都在家工作，是不是都會聽到人話，想下廚，搞下d新主意🤔咁啱西環就有間一口沙嗲串燒，販賣已經處理好嘅肉串，有雞牛羊豬，任君選擇，價錢都相當親民。食10串都係大概$100，出邊搵唔到啦。🤩返到屋企，即刻試試過爐，估唔到佢size細細，又幾夠火力，唔使10分鐘，已經將所有肉整到熟曬，治治咋咋嘅聲音令人食慾大開呀😍隨上肉串嘅仲有兩包醬汁，放上爐上面加熱，好快香氣四溢，即刻試試佢啦！自己就覺得豬肉最惹味，脂肪同肉嘅比例啱啱好，食落去有油香，而且煎嘅時候，爐面重會有層薄油沁岀，認真吸引。😆其餘嘅肉類，口感有啲似，大家可以視乎自己鍾意嘅口味去選擇。

一包有12串雞肉 $70豬肉 $75牛肉 $80羊肉 $85原味&辣味花生醬 各$40/盒燒烤爐 $288買滿10包送爐同免費送貨！一包12串，平均只係幾蚊一串。分別試左用燒烤爐同氣炸鍋煮，味道黎講分別唔大，燒烤爐賣相靚啲，氣炸鍋就無咁油。肉質好嫩，煮熟左啲啲都唔覺得乾柴👍🏻。串燒本身已經醃好，就算唔點醬都夠味，甜甜地，點埋花生醬口味更豐富😋，食唔到辣嘅我覺得辣味花生醬唔辣，啲醬有剩嘅話攞黎撈麵應該好好食！！

啱啱好屋企有人生日，諗下有咩新玩意。今次俾我見到有得訂串燒仲要可以係屋企玩添呀🤩好似好好玩咁！！係西營盤個邊拎，都幾方便，門面好易認🤣👍🏼入面都幾令，光man好舒服，不過又唔係係入面食🤣🤣所以拎完就走喇！！返到屋企拆，佢pack得好整潔！叫咗有雞，牛，豬同羊！仲要有爐添呀！！個爐細細地，但幾好火🤣同感覺安全！開party用啱哂喇！有gimmick!!!值得一提，佢仲有2盒醬！！我個人比較喜歡原味，花生味重啲！但屋企人喜歡辣嘅，有蝦乾仔有海鮮味，佢地之後就算唔係食串燒都照點醬🤣🤣好搞笑！！個爐入面有個位放個2個醬，烘返熱佢都幾方便！燒嘅時候放錫紙or牛油紙就可以唔洗洗得咁辛苦🤣🤣懶人之選！燒嘅時候又幾好玩，又唔會有油彈到周圍都係！屋企燒唔會污糟哂！👍🏼👍🏼燒完幾好樣㗎！我個人最鐘意係雞串🥰調味好好食，入面燒完仲係好嫩，好得！同串燒店有得揮！但平好多呢🙈第二會係牛，佢唔會好in好鞋，其實都係點好多好多醬🤣🤣🤣正！！

宵夜有着落🥰 老公係西環買咗串燒返嚟🍢串燒分別有4款，沙嗲雞肉 $70、沙嗲豬肉$75、沙嗲牛肉$80、沙嗲羊肉$85。唔想揀就全部要一包啦🤣！每盒有12串。串燒本身係急凍，係室溫解凍後先開始用焗爐焗。我地另外加咗原味花生醬$40，用嚟點串燒更有風味！串燒醃得非常入味，好香沙嗲味，肉質維持得好。豬肉串燒有咬口。雞肉串燒肉質嫩滑。羊肉少少羶。點花生醬味道仲正，花生味好濃郁。📌一口沙嗲專門店Baby Satay西環石塘咀和合街2-12號地下D舖

今日專登order D 沙嗲同屋企人玩下, 仲可以自己燒玩下咁😆😆 .我地就叫左4包串燒, 有豬肉, 雞肉, 羊肉同牛肉串燒❤️❤️❤️一包就有12串，價錢都係70幾蚊起！叫多幾包同朋友仔一齊燒一齊飲下野都唔錯😋😋另外有埋2盒秘製沙嗲醬同辣醬. 玩法好簡單, 先預熱個爐around 5mins, 之後可以先燒其中一面8mins, 跟住就轉另一面燒多5mins左右! 好快就食得 ga la^^ 👅2盒秘製醬都可以放係細tray度燒下先, 咁之後點就香好多~💪🏻.串燒基本上都幾入味下, 唔點醬吱lemon juicy 都好食. 但2只醬都好有風味, 沙嗲醬食落甜甜地, 同串燒好夾! 另外辣醬仲有特色, 入面有好多花生粒, 撈嚟食個口感好有層次. 而且夠哂辣好惹味!!👍🏻👍🏻.另外又可以用焗爐或氣炸鍋整熟串燒，仲快d又一樣咁香口❤️#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味

有陣時懶得出門口想喺屋企HEA，但又衰口痕想食下野，真係好煩😂上網見呢到有得買冷藏串燒，咁就可以入定貨放入雪櫃先，到口痕想食下串燒拎返出黎食下過口癮😜今次就買左沙嗲豬肉($75)、沙嗲牛肉($80)、沙嗲羊肉($85)、 沙嗲雞肉($70)、手工原味花生醬($40)、手工辣味花生醬($40)每一包串燒裡面有12串，除返開平均每串先$5.8至$7.1不等，對比返如果喺串燒店食起碼都十幾蚊一串，所以價錢真係相當抵👍🏻見到串燒個包裝袋先發覺原來仲要係MADE IN HONG KONG，咁更加要支持下啦😎至於串燒煮食方式好方便，無論焗爐、平底鑊、氣炸鍋、燒烤爐都得👍🏻食之前記得要先將串燒解凍甚至買夠10包串燒嘅話，仲送埋個串燒專用電爐，咁就容易煮得黎仲多份玩味添😍爐隔離有個掣可以調較火力，先將個爐預熱大約5分鐘後，再陸續放D串燒放喺爐上面塊鐵板燒黎每一次大約可以同時放5-7串上去燒，記得燒到咁上下時間反一反佢，如果唔係一邊燒燶晒🤣大約燒十幾分鐘就熟晒食得D串燒沙嗲味醃得好入味，幾香濃，個人比較喜好沙嗲牛肉同雞肉串，肉質嫩滑唔會鞋😋而我家人就話羊肉串都香嫩，冇乜羊羶味👍🏻豬肉都幾好唔錯😁手工原味

依排疫情問題好嚴重，大家都少咗出街食飯，如果屋企都食到餐廳嘅質素，你話幾好呢。早排行過西環，見到有舖頭賣緊串燒機，又幾得意，即管買來試試。今次一共買咗雞牛豬羊四款串燒，連同兩款醬汁，一次過滿足晒所有口味嘅人。串燒機size滴骰，一次過可以燒到四至六串，每串都係五至十分鐘，都幾方便㗎。自己就最鍾意雞肉，因為口感係最好嘅，唔會太老，整起上嚟亦都算係最容易，唔會有燒燶嘅問題。其他肉串，可能係紅肉嘅關係，上面染咗好多醬汁嘅顏色，難啲睇到佢熟唔熟，所以我火候控制得唔係太好，口感難免就有啲落差。兩個醬汁分別係花生醬痛蝦米沙嗲醬，放喺串燒下邊兩個小盤加熱，夠晒惹味。本身以為齋食串燒會唔飽，但最後連相入邊嘅串燒都未食晒就已經食唔落了。總括嚟講，價錢相對便宜，性價比絕對高！

出街食串燒甘麻煩，又食到成身味，前排貪得意，買左呢間舖頭嘅串燒沙爹串，沙嗲醬同埋佢嘅串燒專用電爐，喺屋企同屋企人一齊嘆下串燒。佢嘅沙嗲醬令我好驚喜，佢唔係就咁開粉嘅 醬汁，唔辣嗰隻沙嗲醬有濃濃嘅花生香味，少甜，好正！辣嗰隻沙嗲醬有好多花生粒同蝦乾，好足料。沙嗲串我試左豬，牛，雞。啲醃料好正！ 啲肉一啲都唔Un! 雞肉特別嫩滑，忍唔住食完一串又一串！個串燒爐更加之令我驚喜！之前去朋友屋企，佢個串燒爐搞到間屋好大油煙，啲油彈嚟彈去，同埋個爐預熱要好耐嘅時間。呢一個爐完全冇曬呢啲缺點，個爐大概三四分鐘已經預熱咗，燒肉嘅時候佢都唔會好大油煙，而且串燒爐嘅size好夾啲串燒， 一次可以燒到八串！食完一次後嘅小小心得：我地食左三四串後發現拎走個竹籤嘅話，啲肉會燒得更加快，更加香口。 另外，自備青瓜同啤酒去襯啲燒肉可以減少熱氣😋😋😋

呢排好多時都係屋企食飯, 煮黎煮去都係嗰D野, 於是諗住搞下新意思, 見到呢間鋪頭有沙嗲串燒可以買返屋企自己燒, 串燒呢D一定要即燒即食, 一凍左就唔好, 依家可以自己燒到熱辣辣既串燒真係正先解凍D串燒, 再預熱個爐 呢個櫨既設計都好貼心, 上層可以放串燒, 下層可以放佢自家製既沙嗲花生醬, 呢個醬好惹味, 可以揀辣同唔辣等我化身成為燒烤大師先🤣🤣其實啲串燒已經醃好晒，味道夠哂正，就算唔點佢哋計花生醬都好夠味👍🏻大家想試吓做串燒大師就不妨買黎試吓啦，又有得玩又有得會，掂👍🏻