影片
以上資料只供參考, 請與餐廳確認詳情
《ラーメン松壱家》鹽味豬骨拉麵 🍜📍銅鑼灣登龍街40號地舖登龍街d食肆競爭大就一眾街坊都知，近來仲開左檔兩餸飯，令競爭更趨白熱化。呢間店係我第一次來，第一印象係 d 座位安排得唔舒服，佢完全冇吧枱位，只有普通4人枱，碰啱 lunch time ，好似我咁一個人食就點都避不免要同人搭枱，第一印象分扣左先。一坐低，見到點餐紙上面，用筆人手修改左個價，比原價平左好多，拉麵由8x-9x統一減至68，沾麵由11X-12X統一減至105。正常邏輯，減得價就一定係生意難做，如果生意好就加價都黎唔切啦，所以食之前我都心裡有數。食評如下：香味 (2/5)一聞落去，除左基本嘅豬骨味之外，聞到少少油益味，令到個香味打左一大折扣。湯 (2/5)佢有醬油豬骨同鹽豬骨，我點鹽豬骨係因為我想食到更清楚嘅豬骨味，唔想醬油蓋過左豬骨味，點知，就算係鹽豬骨湯，豬骨嘅存在感都係薄弱。濃度係夠，可惜過鹹，越食越辛苦，所以難以飲晒d湯。連埋少少油益味，呢個湯係唔合格。麵條 (3/5)我叫左幼麵，偏硬，咁佢係呈現到偏硬細麵嘅狀態，食得過啦。配料 (3/5)豬叉燒係唔錯，幾夠香，滷得夠味，又夠腍。呢款麵係配鵪鶉蛋，所以唔會預期好似溏心蛋咁嘅效果，食落正常啦。筍同菜就一般般啦。因為個湯本身就麻麻，我食左只係¼唔夠，就直接放埋d蒜蓉提味。另外係咁二試左d辛子高菜，鹹到爆，個湯已經夠鹹，加埋落去鹹上加鹹。因為個麵只係 68，比預算要平，所以對自己好d試埋餃子。以日式餃子來講算正常，不過有樣野就黑人問號。店員一收到 order，好快就比左樽餃子汁我。點知點落，樽汁似豉油多過醋汁，主要係鹹，酸可能有但唔係好出。個湯本身鹹，辛子高菜又鹹，連餃子汁都係鹹。。。整體 - 不推薦。印象中，响登龍街開親拉麵店都好難做得長，唔知係咪鋪租太高。本前連埋呢間店一共有三店，一於兄弟爬山，各自努力。
繼續閱讀
Visited this ramen resto with my friend and my cousin before heading to the True Light Fun Fair, since my cousin was craving ramen. .I ordered the Salty Tonkotsu Ramen, selecting thin noodles with a firmer texture. The dish featured roast pork, quail eggs, menma, green onion, laver and spinach. The broth combined salty sauce with dried fish. While the broth was quite savoury, the tonkotsu flavour was not that pronounced, and it was slightly greasy. The roast pork was tender and meaty. It's interesting they served quail eggs instead of soft-boiled egg. My friend ordered the Soy Sauce Tonkotsu Ramen. Not sure abt the flavour as I didn't try it. .The ramen resto offers discount on weekdays, with all their ramen priced at HKD68 between 12:00-17:50. Despite being a small resto, the seating is quite comfortable.
繼續閱讀
味道一般，態度……..見到呢間都有好評又唔使等位就入去一試入到去嗌咗個特松終極雞湯拉麵，濃雞湯只能夠講個湯好濃郁，物理上個湯量都顯得偏少，但係味覺上唔會令你覺得有咩味叉燒非常平庸，可能係現成叉燒唔係自家製，你可以當佢係最普通連鎖店嘅質素，但不要對它有期望服務就…..樓面得一位阿姐，都可以見到客叫佢就擰歪面，起身準備埋單，佢馬上轉身扮執枱但係佢後面本身冇其他客呢間拉麵店除咗唔使等位，暫時未諗到其他優點，好奇上面啲係試咩麵
繼續閱讀
搵位度：🌟🌟🌟🌟🌟抵食度：🌟🌟🌟好食度：🌟🌟🌟講真係登龍街，競爭真係好大，拉麵都有幾間，如果講面舖我諗10幾間都有，如果唔係佢特價$68換，我真係未必會行入去。舖頭仔細細其實都冇乜人，定位又尷尬嘅，佢又唔係唔好食，又係有得揀吓面質啊，加配阿小食啊嗰啲，基本上你叫返啲雞湯味噌呀，應該有嘅味佢都俾到你，咁但係又真係唔係最突出嗰間囉。始終講到性價比寧願行多兩步去下面譚仔都未必會食佢。
繼續閱讀
去銅鑼灣辦完事，好肚餓就求其入左登龍街呢間拉麵店，見佢門口貼住十周年優惠，平日12:00-17:50全麵類$68好抵食咁。點餐紙都有得揀麵既粗幼，硬度同湯底口味。筆者叫左醬油豬骨拉麵🍜係最basic果款，menu話係創業初期以來永恆不變最有人氣一款，就試下係咪好食可以做到十年咁耐。湯底好濃厚，上左菜之後我要攪一攪個麵同d湯先食得，我選幼麵，普通硬度，麵底ok!唔會好淋好硬，不過d湯真係有啲鹹，件豚肉有燒邊，食到有炙燒味道👍🏼不過就多左d肥肉佔左塊豚肉1/3。唔知係咪因為特價時段，本身既溏心蛋變做鵪鶉蛋，筆者係有失望🙍♀️明明食拉麵好期待溏心蛋，今次竟然冇左。就好似人地食豬腳薑，但係冇咗蛋一樣。店鋪細細，傳統日式拉麵裝修，$68食碗拉麵都ok既。
繼續閱讀