影片
以上資料只供參考, 請與餐廳確認詳情
今日同朋友傾咗成日，講到好耐無食過拉麵，於是決定喺銅鑼灣行下，搵一間新又未試過嘅地方解解思念。結果搵到咗呢間拉麵小店，位於一條內街，店舖唔算大，但一入去就覺得好有日式氣氛，木製裝修同溫暖燈光，感覺好舒適。。一坐低，店員即刻畀咗一壺冰水同杯喺枱上，覺得好貼心，特別係天氣咁熱，飲一口冰水真係解暑。menu好簡單，重點當然係拉麵同一啲日式小食。我同朋友睇咗一陣，決定試吓唔同選擇。我自己點咗一碗 醬油拉麵（特盛），普通同特盛既主要分別係特盛會有腩肉叉燒、紫菜同糖心蛋，感覺物有所值，點咗特盛絕對係正確決定！朋友則揀咗 味噌拉麵，佢話想試吓唔同嘅湯底味道。仲有，我地加咗一碟 唐揚炸雞 同 煎餃子 做小食，感覺呢餐夠晒豐富。。等咗大約10分鐘，食物就上枱。首先上嚟嘅係唐揚炸雞，外脆內軟，咬落去有啲汁，表面啲麵包糠同肉質好match，食落去唔會太膩，份量有3件，夠我同朋友分。跟住係煎餃子，3件一碟，皮煎得金黃，啲餡料好香，仲有啲汁喺度，食時點咗少少醋，味道更加突出。。之後拉麵上枱，我嘅醬油拉麵湯底好清甜，啲麵條彈牙，特盛版真係豪華，腩肉叉燒煮得好入味，肥瘦比例啱啱好，咬落去有啲油潤感。紫菜大片，食落爽脆，糖心蛋流心煮得岩岩好，味道層次感好強。朋友嘅味噌拉麵湯底濃郁啲，帶啲鹹香，麵條同配料一樣彈牙，仲有啲菜添啲新鮮感。兩碗拉麵份量唔少，食完有啲飽，但又唔會撐住個肚，感覺好舒服。。枱面有齊調味料紙巾，仲有筷子同湯匙，環境乾淨整齊，店員態度友善，點餐同埋結帳都好順暢。唯一小小缺點可能係位於內街，唔係好易搵，但入去之後覺得值得一試。價錢方面，特盛拉麵大約$116，味噌拉麵同樣，小食大約$32-$33，非常合理，加上質素同環境，性價比夠哂高。
繼續閱讀
呢晚同朋友一齊嚟咗呢間喺銅鑼灣嘅拉麵店🍜食碗拉麵🍜做晚餐🤣$128「赤蝦拉麵」：呢個係「期間限定」，朋友叫嘅，嚟到嘅時候我搶先飲佢一啖湯🤣，竟然出奇地美味，有非常濃郁鮮甜嘅鮮蝦味🤣；蝦仁就肉質結實鮮美🤣；仲有幾片腩肉叉燒，都夠甘香🤣；麵條係幼麵，幾好食🤣$116「淡麗醬油拉麵🍜Special」：「Special」配料包括「腩肉叉燒、紫菜、溏心蛋」Special Ingredients include「Extra Belly Chashu, Seaweed, Japanese Marinated Egg」；仲可以揀要唔要 京蔥、菠菜、竹筍，揀咗全部都要🤣；麵條就可以揀「手搓麵 或 直細麵」🤣；呢碗係我叫嘅，嚟到嘅時候又係首先飲啖湯，都係味道濃郁🤣；有勁大一塊紫菜🤣；整體都係幾好食🤣$28「煎餃子🥟」：大大隻，脹卜卜，裏邊有好多豬肉碎，外皮脆脆哋，夠香口🤣$10「烏龍茶」：簡簡單單🤣$14 Coke Zero：凍冰冰嘅可樂就一定好飲啦🤣
繼續閱讀
陪朋友嚟銅鑼灣購物，路經渣甸坊，見到有間拉麵店，舖頭細細，門面低調，而且座位非常有限，但環境尚算闊落，一於坐低試試。拉麵款式貴精不貴多，只有 4 款，當中包括有淡麗醬油、濃郁味噌、香辣醬油同限時供應嘅赤蝦拉麵。點咗淡麗醬油拉麵，湯頭以豚骨及丸雞慢火熬制，湯色清澈，入口味道非常鮮甜，帶淡淡醬油香。配料有叉燒、味筍、京蔥和菠菜。叉燒肉質鬆化，肥瘦適中，入口脂香豐腴。麵條可選手搓麵或直細麵，手搓麵用上北海道麵粉以人手搓揉，麵質彈牙富咬勁。另外呢款赤蝦拉麵亦係心水之選，湯頭以秘製赤蝦汁+自家烹調嘅清雞湯熬制，入口蝦味非常鮮香，KO 完整碗湯都不會口渴。赤蝦即點即燒，彈牙鮮嫩。直細麵掛湯能力不錯，配料有秘製腩叉燒、新鮮洋蔥粒及京蔥等。叉燒雖然係薄切，但經火炙後，油脂變得更甘香，入口即化。小食點了唐揚炸雞同煎餃子，炸雞外層脆卜卜，入口肉嫩 juicy，好味。餃子煎得很香口，咬開有濃濃肉汁，配自家製日式蘿蔔醋，倍添風味。
繼續閱讀
麵屋日和😘😘😘湯底有驚喜銅鑼灣渣甸坊、隱祕日式拉麵店、店內簡潔、寬敞舒適、直排式坐位、曰系feel😆湯底以豬大骨和丸雞慢火長時間製作、湯色清而鮮甜👍🏻✨淡麗醬油拉麵（普通）$88配京蔥、菠菜、味筍、腩肉叉燒、手搓面～日本的shoyu醬油拉麵、濃郁的醬油湯底為特色、湯色呈深褐色、味道清而鮮美、配料材料、口感豐富、融合了日本的傳統風味😁+炸雞皮餃子$32～雞皮裏卷雞肉饀料、將雞皮炸至金黃酥脆、鮮美肉餡伴隨香料、湯汁流出、口感獨特、風味十足、不油膩！✨濃郁味噌拉麵（普通）$96配京蔥、菠菜、味筍、腩肉叉燒、手搓面～湯底自家袐方、以多種日本味噌調配、味道濃郁有層次、新鮮五花腩肉、軟綿綿、加上自家醬油、油而不膩、味筍爽脆清甜、菠菜冇澀味、京蔥陣陣清香！點綴拉麵🍜**手搓面、店主以日本北海道麵粉、製作粗身拉麵、再以人手搓揉、麵條呈波浪狀、柔軟而富有彈性的質感、讓人一口咬下去時、能感受到麵條的韌性與滑順！**✨炸可樂餅$18～可樂餅炸至金黃、外脆內軟、香濃的馬鈴薯餡、搭配卡滋卡滋的麵包屑、口感豐富、風味獨特、令人回味無窮！✨煎餃子$28～皮薄餃子煎至外皮、金黃香脆、內餡多汁鮮嫩、蘸日式醬油、提升鮮美、口感更豐富😋麵屋日和銅鑼灣渣甸坊48號彩怡閣地下5號舖港鐵銅鑼灣站F1出口，步行2分鐘
繼續閱讀
蝦湯愛好者必試「麵屋日和」🍜今日誤打誤撞走進銅鑼灣渣甸坊小巷的「麵屋日和」，竟發現了令蝦控瘋狂嘅終極美味^^ 赤蝦拉麵！必試限定赤蝦拉麵🍜赤蝦拉麵嘅極致鮮味，濃郁嘅蝦香如海浪般撲面而來，湯底稠得能掛住湯匙，入口整個口腔都被澎湃的蝦鮮味包圍！連最後一滴湯都捨不得放過。必試麗醬油拉麵🍜湯底濃郁得嚟唔膩，醬油香氣好有層次，仲帶啲甜味平衡返。日式手搓麵質超正，爽口彈牙，掛湯力一流！叉燒肥瘦適中，溏心蛋流心效果完美！小食炸雞皮餃子🥟油脂與碳水嘅終極合體！確實是邪惡又令人上癮的美食！外脆內餡香，雞油香濃到好似食炸雞精華版😝唐揚炸雞金黃酥脆，香氣爆擊！咬下去嗰下，裡面嘅雞肉卻出乎意料地柔嫩多汁，完全冇乾柴感。 **亮點**兩款湯底飲完都唔口渴，份量夠飽肚！ **推薦指數**⭐️⭐️⭐️⭐️ （5/5）
繼續閱讀