うどん処 今助

營業中

休息中

係奧海城買完野, 突然想食日本野但又唔想太貴, 所以就諗住行返去大角咀出面食, 會比奧海城平.路經新九龍廣場(奧海城行去大約五分鐘), 俾個大燈箱餐牌吸引住, 見到幾十蚊有壽司有烏冬, 好似幾抵, 就入去試下, 點左個牛肉烏冬四件壽司定食壽司有點失望, 不算新鮮, 無鮮味，三文魚不大塊,亦不厚不肥美，帆立貝偏乾，飯有太黏有少少爛牛肉同烏冬份量都不少, 肥牛尚算有牛味，不是平價任食貨色，比較細塊. 烏冬好好食, 彈牙得尼夠冧夠滑. 事後睇到食評才知原來烏冬係招牌菜, 果然在水準之上. 烏冬好多似豆腐泡的粒粒原來叫蝦碎，即天婦羅碎，數量很多，本身係無味，吸收湯之後亦只有咸味, 而且太細粒, 好難夾起同烏冬一齊食 , 另釋放出相當多油份，用匙"不"來食的話感覺比較好多油，故有多此一舉之感.埋單 $88 (包加一服務費), 價錢OK

今助好似有唔少分店，但我地係第一次食，因為行開大角咀呢頭，見到佢大大間又幾企理就入黎試下。價錢方面，都係一般日式烏冬店既價，都幾合理。我覺得我揀呢個自選飯拼冷烏冬係最抵！成個套餐先$65，個飯同烏冬都唔細，夠晒飽肚！鰻魚份量雖然唔多，但口感好軟熟，唔會話咬唔斷或者皮好厚，飯亦都撈匀晒鰻魚汁，黏身有咬口，不過鰻魚汁就唔係好夠香。反而烏冬就比較失色，麵條太韌，都要d牙力先咬得斷，冷麵汁偏鹹又唔香，好似普通豉油咁。但整體以呢個價錢黎計都幾值既！另外個腐皮烏冬都要＄59，相對地就冇個餐咁抵啦！只係一個好普通既烏冬，烏冬個質地又唔係話好滑好彈牙果種，不過腐皮都幾甜既。

今次第二次來，由於不知附近那小籠包餐廳已沒做，想食all day breakfast 又full曬台，我話去食小炒，某人去到又話不如去翻日食，好囉，就你一次啦！我去過佢未去過，食完佢話無佢所想既壽司味道咁好，我話係既啦，咁既價錢你要求d乜姐？！壽司黎講，大部份都好細件，刺身切得幾薄，鮮味不過不失，帶子欠光澤，鮮味欠奉，三文魚不夠鮮味，顏色同樣普通，係鰻魚最好食，紫菜淋身，軍艦類大件頭點，沙律和三文魚算較好，有些鮮味。整体壽司的飯團迷你，幸好壽司飯的飯粒不散，不難夾，芥辣是用粉開成的，沒有鮮磨製的好吃，但這價錢也就不能要求過多了啦，趕時間下全塞進口！這餐最好味就是烏冬呢，面質彈牙又咬口，食完壽司好飽下都不能放棄這個，面面的un 度很足，遠超想像的高水準，很像手打鮮烏冬呀，實屬驚喜之作！主角的肥牛量不少，牛肉質地有口感，嫩滑細緻香口，加上彈彈柔軟的旦旦更顯美味，兩個配合度亦高。而個湯頭都幾香呀，面豉豬骨帶清香蔥段味，濃味得來看上去又好清晰，不油不膩的帶有牛肉的肉類鮮香呢，我還真是喝下了不少…… 雖然好趕時間，吃。喝得我狼吞虎嚥！！！！食完就嗱嗱林趕去看戲喇，看完頸渴到爆呀，不知是個人問題，

好彈牙的日本烏東，我一個人點了冷烏東及滑蛋豚肉飯，好味道，烏東彈牙煙韌，豉油加了袖子，芝麻及香葱，好味。豚肉炸到脆皮，有香濃滑蛋在上面配襯，好正的一個飯。服務好好，好專業，熱誠，有禮貌，現在餐廳有這樣的服務態度，已買少見少了

同BB女友去完長洲玩左成日，出返去港島區諗住唔駛點食野就返屋企，送女友搭車後，我都返返屋企付近，諗住求其食D野，諗住去SUBWAY買個包就算！點知鋪頭closed... 所以就去左隔離鋪頭食日本野啦坐低叫野食，我就叫左個溫泉蛋烏冬 諗住叫汽水飲，但係鋪頭冇汽水供應...咁我叫佢俾杯冰水我吧！等左10分鐘有得食，個蛋堅係流心，唔錯，碗烏冬都好多料，超多牛肉，質地似打邊爐D肥牛，清湯底，唔鹹，烏冬係手打烏冬，因為見到D patten唔係直的，整體唔錯啦。

相約了曾小姐到大角咀上西餐煮食課程，水太太就到附近的新九龍廣場吃午餐水太太比較少來這邊，第一次到今助吃呢餐廳很少人，可能是比較貴吧水太太點了雞柳天婦羅烏冬六件壽司定食（$78）烏冬是很不錯的，很彈牙，湯底亦OK但雞柳是雞胸肉的，水太太覺得比較淡味但喜歡雞胸肉的朋友應該會喜歡，因質感都頗嫩滑的幾件壽司來說，三文魚比較美味，都算肥美帶子是急凍帶子的貨式，水太太自己間中也買入不少吞拿魚不算是很新鮮的，合格吧沒有飲品，另須加一，但味道很普通，算不便宜的午餐

Want to try out the new restaurants nearby today, and eventually went into this one, as this is spacious and not crowded.The menu only provided limited choices.  Ordered Shrimp tempura udon set.  There is only one shrimp tempura.  The udon is good, very chewy.  The soup was Japanese soy sauce base, which was not particularly impressive and had MSG.  There were a few slices of beef and clams.  The clams had sands.  The set costed me HK$88, including 10% service charge.The service is good.  Howeve

下午兩點左右, 唔知想食咩, 就一路行下睇下, 啱啱行到哩間店門口, 一直都想試一次就決定入去。可能已經過佐繁忙時段, 客唔係好多唔需要等位。環境都幾舒服, 服務都唔錯。之後叫佐兩個 Set Menu:牛肉烏冬, 味道唔錯, 可惜湯太甜。牛肉都好鮮。海鮮烏冬, 隻蝦可惜在浸淋佐, 不過鮮味搭救。因為Set有跟飯, 所以都好飽肚, 但可惜唔係用日本珍珠米, 總覺得差佐啲野!不過都會再返去試下其他菜色。 

四月二十一日 (星期日)愛吃烏冬，尤其是讚岐系聽過不少食友推介此店，雖然位置較偏僻，也要找一天來試試水準位於人流不多的新九龍廣場，這大路的名字，也是第一次聽店是地鋪，不難找不過附近有不少住宅，所以也吸引到一定食客，所以也要等一會兒才有位供應的有湯烏冬,撈烏冬和冷烏冬，也有多款天婦羅一場來到，每樣也點一客啦其做麵粉的小麥來自北海道，更加上海鹽，就是用的水也用了「逆浸透膜過濾系統處理」用這個系統來做烏冬，可將水份完全滲入烏冬內，質感就更爽滑粗身的烏冬，比普通吃慣的更粗身，咬落帶豐富的煙韌口感鰹魚麵汁帶着陣陣魚香，薑蓉更能帶起味道層次牛肉挺嫩口的，不過略欠肉香温泉蛋是否來自日本就不清楚，不過蛋味不錯相比起湯烏冬，更愛吃凍的撈烏冬不過這讚岐風温泉蛋撈烏冬是熱吃的，只合一半口味煙韌的粗身烏冬，蛋味濃郁的蛋汁，是無得輸的組合，美中不足，還是熱吃的不過，加一點紫菜,加一點蒽花伴吃，也不錯~紫菜虎蝦天婦羅炸漿較厚，欠一點蝦肉爽口的感覺味道是不錯的，尤其是加入了架架仔喜愛的紫菜，味道更突出，也能帶起蝦的鮮味

由於太座喜愛食烏冬的關係, 雖然現在某大飲食集團已經引入做手打烏冬的機器, 又話自己嘅粉由日本邊度嚟之類的廣告, 但食過幾次之後又唔覺好特別, 當然係食得出同平時超市賣的很不同,而且那時的配搭大部份都是油炸物, 所以那時選擇不多, 不過最近再經過那集團的連鎖店, 看見門口餐牌豐富了很多, 言歸正傳回說今次這間” 今助烏冬” 這店特別強調是由日本引進來的,窺見廚房內有做”手打烏冬”的機器, 但當日唔見有開喎! 當日試過的有:雞柳烏冬右加壽司套餐: 壽司當然只能說一般貨色, 烏冬口感偏實淨有點嚼勁, 喜歡有咬口的客人會喜歡, 並不是平時超市買到那種一咬就斷的那種, 但個烏冬高湯則幾教人失望的, 只感覺咸味重, 原本應該是木魚湯的那份鮮甜, 香氣不知道往哪裡去了?這就令這湯烏冬好像兩個主角獨欠一人那樣! 兩件雞柳是炸出來的另外四方碟裝開, 雞柳雖然有點嚡口不過可喜的是並不乾柴柴,太座的Seafood Sukiyaki Nabe set: 海鮮是天婦羅蝦/ 帶子各一隻, 簿牛肉数片, 流心蛋/冬菇各一,鳥冬跟我的同樣, 湯底則因為是 Sukiyaki 的關係, 糖份自然多所以高湯多少都可以補救

起"今助"食過幾次, 幾次都係去食LUNCH~呢間店有壽司, 烏冬, 同飯食, 價錢中價啦~ 好平又唔係, 好貴又唔算~午餐大多數我會叫"牛肉烏冬鍋"定食~ ($65- 要加一) "提提大家平日午飯時間, 幾爆GA, 早D去會好D"前幾個月, 店內都係供應熱既"綠茶", 宜家可能天氣熱啦, 改左供應凍既"麥茶" 味道OK, 飲起黎唔會似水咁無味~ 加水都算快~"牛肉烏冬鍋"定食, 有一碗飯 & 醃青瓜~- 牛肉鍋, 入邊有烏冬, 一粒鮮冬菇, 少少金菇, 肥牛, 同有隻蛋起面~烏冬確實幾彈牙, 唔會有酸味, 而且唔係幼烏冬, 所以我鍾意食~ (香港黎講, 呢個質素既烏冬, 算少有, 可以一試)而其他配料就正常啦, 無特別~呢到肥牛, 次次食都係偏瘦, 少肥膏~ (所以岩晒D唔鍾意食咁肥既朋友)湯底係甜甜地~ 幾濃架~ 小總結:::餐廳上菜效率算快~ 而且坐得舒服~ 味道不錯, 值得一試架! 聽講沙田都有分店既~ 我就未去過~呢個餐食完一定飽, 烏冬鍋入面有一個烏冬份量, 加埋碗飯~ 好足夠!^^

天氣大熱，吃點讓人清新怡人不膩的料理，總是令人暢快的...每當如此悶熱之時，咬一口乾撈日式烏冬，確是令人口腔登時為之一振....來到之前有不少好評的"うどん処 今助"，為的都是那一碗的乾撈烏冬....定食的款式多至讓人眼花，每一份都想點來試試，真教人頭痛....參詳了一會後，決定揀了櫻海老魚乾雜錦撈烏冬壽司併盤定食。嚴格來講這也不算是一份正規的定食，皆因它是欠缺了平常定食應有的開胃小吃、茶碗蒸以及麵豉湯....撈烏冬是熱吃的。個人的心水是若冷撈的話就更能吃得出烏冬的原味。烏冬本身是甚粗身而具韌勁，沾醬汁來食本應甚不錯的，可惜的是店提供的昆布醬油實在是少得太可憐，從而令烏冬的味道亦變得太寡，少了變化。可幸是舖在烏冬面上有一只生雞蛋，將之與烏冬拌勻後食確是令滑溜感因而大增；細細只的櫻蝦味帶少許鹹鮮，不錯；銀魚仔就真的十分袖珍且量少，撈進烏冬後是嚐不出甚麼味道來了...壽司的水準就真的很一般 --- 飯團似不是手揑的，質感十分鬆散；所用的三文、鰻魚以及帶子也屬超市買回來便宜貨色；卷物則較好一點，特別是以拆蟹肉作餡的那件，味道是蠻鮮甜的；至於鐵火卷剛是不過不失....感覺上食物只是極普通，而且

平時都係去自家烏冬,琴日見到呢度新開一直都未去過,就決定一試。裝修不錯,但不時都有蚊滋飛過,實在不太舒適。牛肉鍋烏冬炸雞柳烏冬配壽司湯底味道和夀司都不錯,不過烏冬真係唔覺多彈牙,有D失望。相反雞柳比我想像中好，好嫩滑，皮亦唔厚。價錢大約＄７０－９０左右，以呢種食物質素黎講不過不失。但對於我呢種鍾情烏冬既人黎講，應該唔會再黎。

這裡是近期於 Openrice人氣甚高的店子, 是日下午來到, 卻水靜河飛, 莫非叫好不叫座?店內其中一幅牆上附有大量有關這裡製作烏冬的材料和方法, 看來相當認真。點選了一客烏冬和一客天婦羅, 首先來的是紫菜虎蝦天婦羅, 綠色賣相有別於一般, 是剛炸起的貨色, 即時吃會有燙口感, 可是天婦羅的皮層是軟的, 一點也不香脆, 令人失望, 幸好以 $12 兩隻的虎蝦質素還可。後來的讃岐風冷烏冬, 賣相對辦, 令人有所期待。沾上醬油, 先吃幾口, 發覺烏冬甚有嚼勁, 且有彈牙感覺, 是城中較為罕有的。不過, 再吃下去, 便越吃越不對路, 烏冬似乎過於有嚼勁, 席間朋友全部都開始牙骹軟, 並感到口開始疲倦起來, 眾人皆是首次於吃烏冬時遇上這個狀況。不知是否因為有師傅「落場」或休息的緣故, 是次體驗有別於其他食家, 只怪自己是日沒有食神吧。

每次到日本旅行，總有一兩餐吃到烏冬！但在香港，主打烏冬的餐廳選擇卻不多，得知大角咀最近新開了烏冬店，KsMeow跟早肥先生也來湊湊熱鬧....餐廳位於大角咀，裝潢頗日本風，木製牆身、日式布簾、小燈籠...主打較平民化的讚岐烏冬路線，當晚我倆都飢腸轆轆，各自點了一份定食！熱湯的腐皮烏冬壽司併盤定食（78個大洋）烏冬滑溜，輕曬蔥花，更能嚐到原始的小麥味道！腐皮看似普通，但她其實是烏冬的最佳伴侶，兩者甜味配合起來，令人一試愛上！壽司併盤的壽司飯握得有點鬆散，但以綠葉來說算是恰如其分！新鮮！飽肚！．．．再嚐海老天婦羅炸年糕撈烏冬壽司併盤定食（86個大洋）餐牌相片跟實物差不多，同樣吸引！壽司併盤同上，不作詳述！大大碗撈烏冬配上自家製昆布醬油，味道微甜，烏冬煙韌彈牙；昆布醬油份量下得恰當，炸物未被撈烏冬弄糊！六件炸物（每款三塊）炸衣上得厚薄適中；年糕柔軟具嚼勁，黏度高而不黏牙！海老天婦羅的味道較淡，輕曬海鹽為佳！うどん処今助整體食物美味，烏冬煙韌彈牙兼份量多，但位置不算方便；自家烏冬質地較硬身，價錢尚可，較多分店；赤丸製麵的烏冬質感可，但售價越來越貴；各有長短處，看看那間適合妳！今次搵食餐廳：うど