うどん処 今助

營業中

休息中

Lunch同事帶我嚟新九龍中心試下呢間日式餐廳，佢話食過唔錯，所以帶我嚟試下。叫左一個套餐，有一碗烏冬同七件壽司🍣。烏冬無咩特別，正常水準。壽司都幾新鮮，而且有七款，以呢個價錢嚟講唔錯，服務態度都幾好，有機會會再嚟。

今日經過大角咀 見到呢間店都幾多人食就吸引左入去。呢到係食定食的，真係花多眼亂，每款都會有一些壽司連埋的，平均$80-$150不等。今次我試左佢個吞拿魚腩碎魚生飯再配牛肉鍋，飯同烏冬都好食啊，吞拿魚腩碎配埋蔥一齊食 沾小小醬油已經okay，正！因為係套餐配嘅，所以相對係比較細碗，但係都好夠食。而牛肉鍋味道幾好，惟配料比較少啊，如果多些蔬菜就更好了。另外點左三文魚與帶子壽司，$22-$25起，壽司偏細件，而且三文魚太薄片，但係帶子相對厚身，抵食。

今日番工附近去左大角咀附近搵野食。突然想食日本野,就試下呢間今助啦雖然商場位置略為偏遠,但都算係易搵既。中午叫左呢款蛤肉烏冬。 最鍾意d蛤肉大大隻,一碗大既有成5-6隻 。另外,烏冬比一般食開既一d唔同,略為粗身,但幾入味唔錯幾好食,之不過略嫌湯就比較咸。不過上菜較慢,對於番工午飯時間需要改善 。埋單承惠HKD75。不過就沒有飲品附送,連埋加一需要80幾。性價算屬一般。不過鍾意食蛤肉的朋友,可不妨一試。

呢個星期實在太凍番工都極少出去食晏 因為真係凍到人都唔想郁 叫左成個星期外賣🙈🙈🙈🙈今日終於同d同事dick 起心肝同d同事出街食Wa 一落到去真係好凍又大風又落雨揀左今助黎食 貪佢又近又有竹烏冬我叫左牛肉天婦羅蝦烏冬加4件壽司（$95）再加一一上枱 真係好大份 一個女仔真係會食唔晒份量十足👍🏻👍🏻D牛肉好'un' 又肥又冇牛味👎🏻👎🏻個湯底又咸又油👎🏻👎🏻👎🏻D蜆又冇味 個帶子又梅個啟冬食得出係煮熟完先放左好耐好爛👎🏻👎🏻👎🏻最離譜係個壽司竟然有一舊係有隻蚊定唔知咩😨😨😨勁嘔心 食到最後先知😭😭😭😭個粒點係蚊唔係芝麻

平時我都只會用openrice 搵野食， 第一次有衝動寫評每次經過見到好似吾錯 今次咪入去試 見menu好幾吸引今日經過是要同小動物覆診 因為附近有獸醫診所 講真我地入去個時已經有小籠子 （動物係比兔仔更小的鼠類）動物完全無發聲 我地坐低 無野啊 點餐 ～ waiter 問我地要食咩 我地叫2個燒牛肉定食 （都好清楚） 。 佢問小姐 你要咩 ？我望住waiter “ 2 個燒牛肉定食“ 。。正常都會話聽溜左 唔好意思！ waiter 望住我 ” 你地無話2個“，然後就走。野食其實唔差 但到買單， 我令起個籠 佢就話沖過來話 “ 小姐，我地我唔比可動物入嫁 你吾好令出來！！！！” 下？ 我都無打開過籠？ 我入去你又無講清楚 我本來想再幫襯 不過以後都唔會啦。 

繼續唔煮飯，周圍搵好嘢食，我地無放棄過，行街前搵間日本菜。晏就都多人，聽講呢間係出名食烏冬，點黎試下先。環境算係唔錯，唔會坐得好迫，唔算好嘈。價錢唔算係平，希望係值得。呢個係牛肉烏冬鍋六件壽司定食，$95，佢個烏冬真係好味，彈牙，唔易斷，配合個湯，真心讚。牛肉份量唔會話太少，薄片都唔錯，幾好味。有6件壽司，正常味道同鮮味，唔會太雪嘅味，係幾好。我自己三款都鍾意！呢個係親子飯定食，$65，有一個飯一碗細烏冬，飯雞蛋汁算係正常，我個人喜歡生小小，雞夠滑。新一年有個新開始，唔錯

呢篇係小弟第一次寫食評。其實平時真係懶得寫，不過今次，真係氣難下！真係唔知點形容呢個鰻魚冷烏冬餐！呢間野，其實越黎越差，所以好耐無食，咁岩見佢轉左menu 所以黎試下，點知中晒伏。 叫左個鰻魚冷烏冬餐，點知原來係超級迷你鰻魚飯餐，個餐唔平㗎，要成70HKD呀！ 我係大角咀呀食lunch咋！大角咀食個lunch要70蚊，仲要係伏。我唔係要求d咩，想食個飽飯，舒緩下工作壓力，誰不知... 真係要警惕世人。多謝收看。

見呢間都開昨好耐，今日中午經過第一次去試下，點咗個天婦羅炸蝦年糕撈烏冬，賣相ok,但味道可以用差黎形容，蝦唔新鮮，有好多黑色蝦腸係度，炸粉唔係天婦羅炸粉，完全唔脆，係淋嘅，仲充滿油益味，真係救命😡賣$66一碗。我都食完去到埋單個下先嬲，$66烏冬，我俾$100,佢找我$33正常錢，然後將$1打散晒毫子屈我俾貼士😱😡😡呢間野咩事呀？最後我都留返返毫子俾佢，但真心覺得呢間舖不知所謂😡😡😡真係唔會再幫襯佢！

呢間其實食過好多次，平日其實無咩人，可能今日星期日關係，人多到要等位，正常都係直入的。老實講呢間餐廳的食物質素好一般，壽司未算鮮味亦不算難食，今日叫左個滑蛋豬扒飯定食，有豬扒飯加一碗細剩烏冬，烏冬口感煙勒，似讚歧烏冬，個湯清清地算不錯，個豬扒飯就麻麻地，豬扒不是現炸，不夠新鮮。滑蛋味道算可以。呢個定食份量足，大男人食都夠晒飽。另叫左個日式雜錦飯定食，同樣有烏冬，個飯主要係素為主，有蛋，納豆，秋葵，木耳，三文魚粒，因我唔食納豆，所以無試，朋友就比較鍾意，較清同無咁漏。另外叫左幾件蕃薯天婦羅，炸粉不算厚，蕃薯味甜，似返日本蕃薯，不過不失。埋單2人合計180，90蚊位，呢區食日本野，呢間都算便宜，但質素就不能要求太多了

今助非常適合用餐時間不多，甚麼都想吃一點，但又不想賣單貴貴貴的食客。食物選擇不少，很多組合套餐，可謂「乜都有啲」，但味道不突出，普普通通，有點像日式快餐。晚上點了滑蛋豬排丼配烏冬、明太子烏冬配吞拿魚腩蓉丼，還點了野菜、小青椒、竹輪、蝦天婦羅（天婦羅都是十幾蚊一款），食物豐富，味道一般。明太子味很淡，烏冬正常。飯沒彈性、香氣、魚蓉正正常常，未有腩香。豚肉沒酒脂香，薄而醃味重。蛋不滑，飯咸。天婦羅不脆，但外衣厚度尚算適中。吃得非常飽，還好啦。

烏冬鍋🌟的材料有蟹鉗，蟹肉，蟹腳，菇類，嘢菜和 烏冬蟹鉗厚肉大隻，飽滿多肉。老闆預先碎殼，方便進食😌肉質嫩滑鮮甜，異想美味，值得一試。 烏冬滑溜，但煮得有點過腍😣 湯底味道有點像壽喜燒，清晰帶甜❤，一囗氣吃光三大碗

平時成日行過見到呢間餐廳，裝修得幾有日本風又幾寬敞。今晚就試下啦！我叫左個姜汁豚肉丼配湯烏冬，babe叫左滑蛋豬扒丼，各$65。雖然係$65咁平，但一d都唔敷衍喎！babe個滑蛋豬扒份量都幾多，而我既豚肉，雖然唔係有好多塊，但味道搭夠，d飯又夠棉，所以我都好滿意！而佢既烏冬，亦都好彈牙！其實呢間餐廳位處既新九龍廣場，人流比較小，希望呢間質素唔錯既餐廳會有多點人認識啦！

今晚無論點都想揾D新野食下，係大角嘴行下行下，不如入D間“今助”試下。印象開業接近兩年，搭車同行經都好多次，都無乜吸引我。今晚神推鬼扯。😂入去試下，客都幾多下，樓面阿姐招呼好我地，我把定心情，食烏冬，食飯，因為知道 Sushi 一定吾係D間既強行。所以點咗2個餐加多個额外腐皮烏冬。等十分鐘，餐開始上枱。嘩，一啖湯先試，正呀!再试口烏冬，真係好食，條條好長，好统一，原來係現做的。怪不得咁好食。吉列朱扒蛋飯，用D日本米都好香，但塊豬扒有D細塊，大2格會好D。整體食物質量中上水準

Living nearby and have been constantly visiting this restaurant. They serve good quality Udon and fine combo. However when I take my mom to visit today to introduce the restaurant I like, it really disappointed me when a table of five and even a take-out boy who came-in 5-10 mins after us get their food 15mins earlier than us. It was only a simple pork rice, which however takes 42 mins and we were only given a simple reason of "peak-time" when the food arrives us eventually at 2:21pm which obvio

如果公司在大角咀區, 又想食個udon 或日式丼做午餐, 又唔想排隊, 接受到60-90蚊一餐嘅可選擇呢間我點左個温泉蛋薑燒豚肉丼, 一上菜, 蛋已破是最不能接受的不過日本蛋依然好香, 一啖就食得出豚肉夠juicy 有醬油及薑味, 味醂, 日本豉油同酒的比例調教得唔錯, 但在底的醬汁稍少了些食材比例都算適中, 洋蔥份量夠多, 因為我喜歡洋蔥, 牛肉同米飯都滿滿男士都夠飽, 當然仲有味噌湯配, 湯太鹹, 重味左少少另外, 午餐都冇飲品配, 加錢嘅option 都冇, 只可原價點, 有點奇怪