相信大家對Mamaday唔陌生，創辦人喺2018年台灣回流返港共開設3間分店—“Mamaday”、“Wish You A Mamaday”、“GoodDay BadDay MamaDay”。全線大玩港式幽默，古靈精怪菜名同裝潢，一齊笑住食、食住打卡。
今年3間分店都推出「情人節套餐」，優惠期間激減$150!! 只係$650已連服務費/2位(原價$800)，就可以享用輕鬆玩味嘅情人節晚餐啦。3間分店餐牌都各有賣點，想知邊間menu啱自己可以聯絡餐廳查詢㗎。
Mamaday 3間分店均走港式幽默路線，古靈精怪菜名同裝潢都令人回心微笑。
每個裝潢細節位都玩味過癮。
你搵唔搵到小矮人拯救隊喺邊?
MamaDay 3間分店都有限定「情人節套餐」menu，即刻睇吓“GoodDay BadDay MamaDay”有咩食啦～
「情人節套餐」$650已連服務費/2位(原價$800)
Soup 松葉蟹蕃茄濃湯
Appetizer 三蝦盛宴刺身(阿根廷紅蝦、甜蝦、虎蝦)
Mains 美國安格斯西冷配蘋果沙律 磯煮鮑魚黑松露燉飯
Desert 手作甜品2份
Drinks 無酒精飲品2杯 (+$38升級紅酒/白酒) |
「情人節套餐」大份豐富，有齊牛扒、鮑魚黑松露共2份主菜，好有儀式感。
Soup·Appetizer
情人節晚餐先有松葉蟹蕃茄濃湯，濃湯加咗新鮮蕃茄熬煮，湯身濃郁紅卜卜。鋪上嘅松葉蟹肉都好多，蟹鮮撞上酸酸甜甜蕃茄湯好開胃。
飲完熱湯後，就有三蝦盛宴刺身(阿根廷紅蝦、甜蝦、虎蝦)。份量都幾多幾滿足，有種食西餐又滿足到刺身癮嘅感覺。3款蝦之中，最深刻一定係出名蝦味濃嘅阿根廷紅蝦，刺身食法更加鮮甜膠質。
松葉蟹蕃茄濃湯
三蝦盛宴刺身(阿根廷紅蝦、甜蝦、虎蝦)
Mains
情人節晚餐食牛扒、飲紅酒最有mood。“GoodDay BadDay MamaDay”特別準備咗美國安格斯西冷配蘋果沙律，有鋸扒嘅儀式感，配上蘋果沙律解膩等你留肚食埋磯煮鮑魚黑松露燉飯，安排好貼心呀。
美國安格斯西冷配蘋果沙律。滿足情人節儀式感，又可以留肚食埋磯煮鮑魚黑松露燉飯。
磯煮鮑魚黑松露燉飯。磯煮鮑魚、黑松露存在感好強。
Desert·Drinks
好多Mamaday fans都知佢哋嘅甜品、飲品一向好花心思。特別鍾意佢哋嘅手作甜品甜度恰好，相比現成甜品嘅口感更軟綿綿。
無酒精飲品亦有冰茶、咖啡等選擇。當然，想浪漫啲一定係升級埋紅白酒，優惠價+$38絕對抵飲呀。
Mamaday手作甜品一向受歡迎，平時有熟客直接嚟買甜品蛋糕㗎。
無酒精飲品有果茶、咖啡等選擇，亦可用優惠價升級紅白酒。
【人氣主菜】
“GoodDay BadDay MamaDay”一向有幾款招牌菜特受歡迎，冬天成日心心念念嘅海上芝士火鍋；同埋大有乾坤嘅英國熟成20天西冷牛扒，都係必食之選!!
海上芝士火鍋$368
冬天食個芝士火鍋，暖笠笠嘅濃郁芝士真係好有幸福感。今次芝士火鍋就有波士頓龍蝦、特大軟殼蟹、酥炸魷魚圈、意大利芝士。大過手掌嘅龍蝦勁彈牙，連埋兩款金黃炸物大滿足。
海上芝士火鍋。冬天食好有幸福感，有波士頓龍蝦、特大軟殼蟹、酥炸魷魚圈、意大利芝士。
波士頓龍蝦勁大隻，蘸滿芝士嘅彈牙龍蝦肉好吸引!!
英國熟成28天西冷牛扒$268
乾式熟成牛扒Dry-aged Beef，被喻為牛扒界天花板!! 因為經熟成後嘅西冷扒牛味特濃，比一般牛扒軟嫩得多之餘，每啖都有豐腴油花，完全滿足對牛扒所有願望呀。
要成為牛扒界天花板，背後花嘅心思當然唔少啦。呢塊頂級西冷要放於恆溫0至3°C及85%濕度嘅熟成櫃中28日。熟成期間， 牛肉外層與表皮油脂水份會蒸發風乾，有助鎖住牛肉內部水分。
同時，牛肉本身嘅酵素同外在微生物互相產生作用，能分解牛肉蛋白質、脂肪及碳水化合物， 令熟成牛肉更嫩滑及富油花，最後煎出香氣滿溢嘅牛扒～
英國熟成28天西冷牛扒。背後花好多心思，先做到肉味、肉質、油分都咁出色嘅牛扒。
好日子梗係香蒜龍蝦炒粉絲$298
同場仲有多款意粉、粉絲選擇。鍾意龍蝦嘅話，除咗可以食芝士火鍋，仲可以揀呢款龍蝦炒粉絲。估唔到中式炒粉絲crossover波士頓龍蝦，兩種煙韌彈牙口感加埋一齊幾好食。
好日子梗係香蒜龍蝦炒粉絲。中式炒粉絲crossover波士頓龍蝦，煙韌彈牙好過癮。
黃金軟殼蟹意粉$148
鍾意香口嘢就有呢道黃金軟殼蟹意粉，特大越南軟殼蟹炸到酥脆金黃，最後淋上鹹蛋忌廉creamy惹味。
黃金軟殼蟹意粉。用上特大越南軟殼蟹，加埋鹹蛋忌廉酥脆香口。
Wish You A Mamaday
地址: 銅鑼灣駱克道491-499號京都商業中心10樓
電話: 39967380
Mamaday
地址: 尖沙咀加連威老道29號信基商業中心2樓
電話: 23456856
GoodDay BadDay MamaDay
地址: 尖沙咀加連威老道27-27A號嘉榮大廈地舖及1樓
電話: 94241449