香港食飯預咗無驚喜? 今次搵嚟呢間“Maison Beirut”完全估佢唔到。首先係食好罕見嘅正宗黎巴嫩菜，逢星期五、六仲有「頂級肚皮舞表演」，舞孃可能就喺你身邊跳舞啊。真係好少機會一邊食嘢、一邊咁近距離睇表演。
而且餐廳離海邊只係十幾步腳程，揀坐室外望海景食飯又得；食飽沿海散吓步又得，真係幾有feel㗎。
如果夏天怕熱，其實坐室內都幾吸引。全店以木系、藍色、白色打造異國氣氛，悠閒舒適，拍拖或飯局都好啱。
“Maison Beirut”優惠詳情
·逢星期一至四，所有單點菜式享85折優惠 ·逢星期一至四，所有飲品買一送一 |
“Maison Beirut”由黎巴嫩人Imran Khaleel開設，佢年輕時於瑞士讀書，及後為多間餐飲品牌擔任總經理。今次佢夥拍埃及總廚Maged Makram，以其40多年烹飪經驗設計一系列黎巴嫩菜。
(左)主理人Imran Khaleel、(右)埃及總廚Maged Makram
二人完美呈現黎巴嫩風味料理。
黎巴嫩菜 | 水果·香料突出原始風味
可能唔係好多人了解黎巴嫩菜，其實呢個菜系著重使用新鮮蔬菜、豆類等，並常用香草、水果取代調味料。完美保留食材原始風味，同時又有豐富層次㗎。
最近“Maison Beirut”就推出咗全新Menu，私心鍾意釀入香料飯同堅果嘅黎巴嫩釀雞，飯粒吸滿雞汁勁香呀!! 而且黎巴嫩人真係好擅長羊料理，新推慢煮羊肩軟腍之餘，仲有淡淡香料層次，唔係度度食到呀。/div>
【全新Menu】
黎巴嫩釀雞(Stuffed Chicken)
大廚將香料飯、堅果釀入原雞後慢烤，令雞肉精華慢慢滲入米飯中，同時又保留到雞肉嫩滑度。將雞肉同米飯一齊食真係好正，雞味濃郁又唔膩，記住蘸啲汁食又係另一種風味。
慢煮羊肩(Lamb Shoulder)
黎巴嫩菜嘅羊肉一向出色，當地人會用多種香料慢煮。“Maison Beirut”總廚Maged Makram都唔例外，將羊肉慢煮12小時做到又嫩又入味，仲有種獨特嘅醇厚香味𠻹。配埋嘅意大利細麵，加咗啲果仁、提子乾令口感豐富咗，同軟軟嘅羊肉撞出雙重口感幾夾。
肉眼扒(Rib Eye Steak)
想要儀式感當然唔少得牛扒啦，好鍾意用扒爐煎到有格仔坑紋嘅牛扒，會有種獨特焦香～“Maison Beirut”特配2款醬料，試吓唔同滋味。
牛油果鷹嘴豆蓉(Avocado Hummus)
地道黎巴嫩菜有好多豆蓉料理，當地人會用彼得包、烤薄餅蘸嚟食。今次新Menu就將經典鷹嘴豆蓉，加埋人氣Superfood牛油果打成蓉。食落多咗種綿柔醇厚嘅層次，健康又好食。/div>
大蝦Fatteh(Shrimp Fatteh)
中東地區傳統料理Fatteh，會將配料、脆片、米飯層層疊加，無論口感、風味都好有層次啊。今次主廚Maged Makram就揀咗用鮮甜大蝦煮製，同綿綿滑滑嘅乳酪好夾㗎。
Maison Beirut
地址: 將軍澳唐賢街29號藍塘傲格林威治村地下10號舖
電話: 23210368