旺角真係好少餐廳有真·天台座位，“REFLECT”就係區內極罕有大天台嘅餐廳，大到可以包場開Party或舉辦輕婚禮㗎。梳化座位坐得舒服，好啱飲酒傾偈。
旺角區內餐廳，好罕見咁大個露天座位。
室內環境都浪漫精緻。
今年“REFLECT”推出情人節套餐，只係$1,088/2位。於旺角夜空下，一嚐慢煮加拿大保濕豬鞍、炭燒牛柳、牛肉他他等，CP值極高呀。
情人節想飲酒又驚唔識揀酒，唔使擔心～情人節套餐可以+$280/人升級Wine Pairing，調酒師幫你為熱湯至甜品配搭美酒，一個價錢飲勻意大利氣泡酒、白酒、紅酒、甜酒，並一嚐美酒撞上料理嘅化學變化，絕對有驚喜呀。
“REFLECT”情人節套餐，只係$1,088/2位。
如果你唔升級Wine Pairing，同場亦有2款情人節Cocktail選擇。分別係士多啤梨雞尾酒、玫瑰雞尾酒，女生一定鍾意。
駐場調酒師，即製雞尾酒。情人節套餐亦可升級Wine Pairing。
2款情人節限定Cocktail，分別係士多啤梨雞尾酒、玫瑰雞尾酒。
“REFLECT”情人節套餐$1,088/2位
Soup | 南瓜濃湯
情人節套餐以南瓜濃湯揭開序幕。大廚將新鮮南瓜打蓉煮成濃湯，再配上椰子慕絲。湯身綿密，略帶椰香好有層次。
Appetizer(2選1) | 牛肉他他
其實“REFLECT”係墨西哥餐廳，所以呢款墨西哥料理真係值得一試。牛肉他他伴入香料、巴馬臣芝士軟綿鹹香，放上脆卜卜法包多士一齊食，又軟又脆。
Appetizer(2選1) | 水牛芝士沙律
水牛芝士(Burrata) 有明星芝士美譽，每次切開瞬間都好療癒，望住佢流出軟滑芝士，又聞到淡淡奶香。而且水牛芝士味道溫和，配上新鮮羅勒、車厘茄一齊食好清新，追求健康嘅女生一定鍾意。
Main(3選2) | 虎蝦龍蝦汁扁意粉
主菜3選2之中，唯一海鮮料理—虎蝦龍蝦汁扁意粉，加咗墨西哥辣椒、自家製龍蝦汁幾有驚喜。食落有墨西哥香香辣辣風味，同時不失新鮮虎蝦+意粉嘅西餐儀式感。
Main(3選2) | 慢煮加拿大保濕豬鞍
加拿大保濕豬鞍經保濕處理，肉質特別嫩滑Juicy。大廚再花心思慢煮減少肉汁流失，令豬鞍肉更柔軟。
配菜則有烤焗甜薯、特式阿根廷香草醬，香甜溫軟，好啱溫馨嘅情人節享用。
Main(3選2) | 炭燒牛柳
情人節食牛扒最有儀式感。大廚特別揀選軟嫩牛柳位，並配上充滿浪漫氣息嘅歐洲配菜—香濃意式波倫塔、法式雜菜酥皮盒，一上枱即聞到牛油香呀。
Dessert | 白桃芭菲 配香草雪糕
最後以自家製白桃芭菲、香草雪糕作結。同對方一人一啖香甜白桃芭菲；再食啖香草雪糕平衡甜度，共度幸福情人節。
REFLECT Restaurant & Bar
地址: 旺角西洋菜南街74-84號旺角城市中心12樓
電話: 94029697