秋冬成日諗起辣嘢、炸雞，去食韓國菜一定最滿足!! 旺角、荃灣都有分店嘅韓國過江龍“Yadllie Plate”，當地已經超過30間分店。韓國老闆朴正根先生亦好著重香港店質素，大部分食材均由韓國直送，並親身為香港店設計多款限定料理，全新蒸煮食法白切五花腩，推出幾個月已經爆紅啦！
新開荃灣店環境開揚，黃昏時間有機會睇到日落。
荃灣店大玩英倫風
旺角店大熱嘅驚喜二重奏，有齊石燒牛扒+原味炸雞，終於唔使選擇困難啦。香港炸雞都係跟隨韓國做法，用人手逐一撲上秘製炸粉，減低炸雞粉漿吸附過多油分，薄脆低油食多幾隻都唔驚肥㗎。旺角同荃灣店餐牌都係一樣，有招牌炸雞、爆紅料理；以及多款地道料理—八爪魚煎餅、玫瑰牛肉炒年糕、魚介湯鍋等，完美還原韓國風味。新開業荃灣店就更IGable，全店大玩英倫火車站主題，深藍色氛圍更顯浪漫。揀啱黃昏時間嚟，仲有機會睇埋日落。
【爆紅料理】香港少見！白切五花腩
韓國直送原條五花腩，肥而不膩兼零羶味。
平時韓燒五花腩會食到一身油煙味，有時仲好熱氣𠻹。朴先生就特地設計蒸煮食法，鍋中豬肉湯會邊食邊滾，利用豬肉湯輕煙蒸煮上層五花腩。呢種蒸氣食法可以逼出多餘油分，同時又保留五花腩水分肉汁，入口軟嫩滲出油香而不膩，真係有相逢恨晚嘅感覺呀!!
新鮮生菜包住五花腩、辣椒、蒜頭，蘸鹹蝦醬/大醬食好正。
肉控天堂！驚喜二重奏
旺角店長期人氣No.1嘅驚喜二重奏！石燒牛扒係頂級肉眼扒，加埋原味炸雞完全係肉控天堂。“Yadllie Plate”香港店均用韓國進口走地雞，肉質特別彈牙鮮嫩，係韓雞嘅獨特風味。
石燒牛扒+原味炸雞CP值好高，旺角店長期人氣No.1。
【招牌健康炸雞】零化學調味·人手撲粉·雙重油炸減油
韓國“Yadllie Plate”以炸雞起家，所以好著重炸雞質素，會用濟洲島20多種蔬菜香料醃製，完全零化學調味劑。為咗令炸雞健康不膩，每日堅持人手撲粉將粉漿減至最薄，減低粉漿吸附油份；更用雙重高壓油炸先鎖肉汁、後逼出油分，做到外脆內嫩又低油。全店共4款炸雞口味揀—原味炸雞、大邱辣醬炸雞、大蔥絲炸雞、蜜味乳酪粉炸雞，心大心細可以揀半半炸雞任選2款味道。
半半炸雞(大蔥絲炸雞、大邱辣醬炸雞)，附送炸番薯條大滿足。
【正宗韓國風味】
韓國冰湯機製 | 水冷麵
無懼秋冬都要食呢度嘅水冷麵呀！“Yadllie Plate”水冷麵好煙韌，而且有別坊間只加碎冰做法。真係用韓國冰湯機，即場將水冷麵湯底製成片片冰花。每啖Q彈麵條都掛滿冷湯冰花，入口融化慢慢滲出香醋微酸、黃芥末輕辛，完全唔會咬到無味碎冰㗎。
韓國冰湯機即場將湯底製成冰花。入口融化，一般碎冰難以媲美。
韓國直送粉漿 | 八爪魚煎餅
韓國地道料理不得不提煎餅，呢度係用韓國直送粉漿，所以做到脆邊煙韌嘅獨特口感。八爪魚同樣韓國直送，啖啖都好爽彈好足料，自行蘸 煎餅辣醬／自家製醬油 更加香口。
煎餅粉同八爪魚都係韓國直送，夠晒地道。
完美還原 | 魚介湯鍋
朴先生更完美還原韓國街頭小食—魚介湯鍋，連爐上枱滾住食好有風味。經典魚豆腐、魚糕等都係嚟自韓國，拎住竹籤食真係好似去咗韓國咁呀。
魚介湯鍋係經典韓國街頭小食，拎住竹籤食更有風味。
終極邪惡拉絲 | 玫瑰牛肉炒年糕
早前玫瑰醬炒年糕喺韓國掀起風潮，而家“Yadllie Plate”香港店都食到喇。最重要係加咗幾種邪惡芝士，完全係極限爆拉絲！將年糕、芝士連埋炸米通一齊食，又脆又煙韌絕對上癮。
韓國掀起風潮嘅玫瑰醬炒年糕，配炸米通食更過癮。
【IGable甜品·梳打】
夢幻雪冰系列
雪冰系列好夢幻，大大杯只係$78起有黏糕雪冰、朱古力雪冰、士多啤梨雪冰、蜜瓜雪冰、芒果雪冰。雪冰係用牛奶作基調又綿又有奶香，入口融化。全部都有滿滿配料，蜜瓜雪冰仲有支蜜瓜雪條好驚喜。
蜜瓜雪冰有蜜瓜波波、蜜瓜雪條，見到已經好開心。
(左)士多啤梨雪冰、(右)黏糕雪冰。黏糕鋪滿黃豆粉，粒粒冰糕儼如雪米糍口感。
芒果雪冰鋪滿芒果肉。
朱古力雪冰最香濃。
唯美漸變 | 梳打系列
4款梳打都係唯美漸變色，有巨峰乳酸梳打、草莓乳酸梳打、蝶豆花青瓜梳打、藍橙荔枝梳打選擇。
(左起)巨峰乳酸梳打、草莓乳酸梳打、蝶豆花青瓜梳打、藍橙荔枝梳打。
Yadllie Plate 야들리애플래이트 (荃灣店)
地址: 荃灣大河道100號海之戀商場2樓2030-2032號舖
電話: 62231415
Yadllie Plate 야들리애플래이트 (旺角店)
地址: 旺角西洋菜街1號兆萬中心11樓
電話: 23600233
