呢排冷風來襲，喺被竇睇韓劇見到韓國人食烤肉、飲大醬湯就好羨慕喇!! 如果想喺香港都食到韓國暖笠笠風味，銅鑼灣呢間「伽倻韓國餐廳」就係由韓國老闆娘開設，佢笑言試勻香港大部分韓國餐廳，「伽倻」係最地道之一嚟㗎。由2002年開業至今，一直都好受韓迷歡迎。
一整排落地玻璃卡位，好啱慢食傾偈。
梳化座位寬敞，好啱一班人聚餐。
可預訂VIP房更有隱私度。
一入座即免費送上韓國小碟。全部自家製，貼心地隨季節改變食材。
好鍾意「伽倻」嘅精緻環境，一入門口已經聞到高級香味。一整排落地玻璃卡位，好啱慢食傾偈。臨近新年，多人飯局亦可預訂VIP房就更有隱私度啦。
【MUST必吃推介】韓國直送 秘制醬油蟹
食地道韓國菜，必定點的當然係「秘制醬油蟹」，這裡的蟹用咗餐廳自家製嘅醬油做調味，有提鮮嘅作用。而呢度的蟹都來自韓國，隻隻都爆晒膏，而且蟹肉夠晒鮮味。醬汁調味部份都好出色，唔會搶咗醬蟹嘅鮮甜。價錢仲好抵食，1隻HK$300 / 2隻HK$580。
【招牌烤肉】必食1++韓牛
呢度烤肉均用高級靚肉，特別係韓國牛後腰肉、烤特級肉眼扒係最高級韓牛1++，肉味濃郁又有咬口，比油脂重嘅和牛更有肉感!!
韓國牛後腰肉。肉味濃郁，一向好高人氣。
嚟自美國嘅激長烤特級牛肋骨，以韓國做法醃到甜甜地，食落有咬口又唔韌。最鍾意燒到咁上下，夾到好高剪成一件件好有儀式感。
激長烤特級牛肋骨嚟自美國。韓國做法醃製，輕甜有咬口。
燒到咁上下，夾起剪成一件件好有儀式感。
韓國老闆娘推薦: 蔬菜包烤肉更地道
韓國老闆娘好推薦，用蔬菜包烤肉嘅地道食法。平時以為只係食落無咁膩，今次試咗佢哋自家製鮮香蔥，原來輕甜輕辛嘅大蔥絲連埋烤肉一齊食咁有層次。當然你都可以揀平時常見嘅鮮雜菜沙律、鮮生菜拼盆包住食。
(左上至右)鮮香蔥、鮮雜菜沙律、鮮生菜拼盆。
【韓國人食完烤肉會食咩?】
大家都知韓國人會先食前菜小碟，再食烤肉主菜。但原來韓國人食完烤肉，仲有個習慣食埋麵條。所以「伽倻」都有熱鍋麵—鮮牛肉鍋麵、海鮮鍋麵等；又或冷麵—冷製蕎麥麵，辣雜錦蕎麥撈麵等。全部自家製麵條，特別軟Q。
【還原韓國口味】多款地道料理
新年一班人食烤肉，都想食多幾款韓國料理～當中必食外脆內軟海鮮煎蔥餅。係用韓國傳統煮法，先做到內裡輕韌口感㗎。
「伽倻」開業多年，熟客一直好鍾意呢道炆牛肋骨煲。牛肋骨炆到好腍，唔使用力咬就會喺口中化開，肉味帶甜好開胃。
冬天食韓國嘢，點少得飲碗大醬湯暖吓胃。滑豆腐海鮮辣煲好香辛，趁石鍋一上枱仲熱辣辣，即刻撈勻蛋黃，令蛋漿包住各種海鮮更好食。另一款辣牛腩片大蔥湯就更滿足!! 牛腩好厚切，有男士同行係必食。熱湯辣得嚟又有蔥香，即刻想配兩啖白飯一齊食。
食完咁多熱辣辣嘢，最後都可以叫碗雪花冰降吓溫。芒果雪花冰、紅豆雪花冰都係用韓國機即製，入口即融好過癮。紅豆雪花冰仲有韓國直送麻糬𠻹。
伽倻韓國餐廳
地址: 銅鑼灣登龍街1-29號金朝陽中心二期 - Midtown 9樓
電話: 28389550