Odelice! 由灣仔小店做起，法國人老闆想大家喺輕鬆氣氛下，一嚐地道法國料理。不賣花巧，價錢貼地，感覺就好似喺巴黎街頭casual 地行入小館用餐咁，唔侷促又唔驚out budget，而家香港已有多間分店 (尖沙咀/灣仔/將軍澳/荃灣/沙田) 。
香港人咁出名鐘意食海鮮，Odelice! 當然喺餐牌度落足心思加入唔少海鮮元素，今次主題就介紹幾款海鮮好物，用親民價黎滿足一眾海鮮控。
法國南部風味 蕃茄茴香酒煮蜆
茴香酒 Pastis 係法國南部嘅招牌開胃酒，味道甘，配上大蜆的鮮甜相當合襯，更可提升蜆肉嘅鮮味，加埋蕃茄及甜椒等小蔬菜，成個湯汁好有層次， 連埋蜆肉一齊”啜” ，口感輕盈又不失香濃鮮味，難怪成為其中一道招牌菜。
必試頭盤 煎封吞拿魚薄片
好多人鍾情於吞拿魚Sashimi，呢款煎封吞拿魚薄片可以話係升呢版， 吞拿魚粘滿黑白芝麻，用橄欖油慢火煎至吞拿魚呈半生熟，一咬落去脆卜卜之餘，更帶出吞拿魚嘅甘香鮮甜，最後口腔蘊藏芝麻餘香，而醬汁方面有個醒胃柚子醋汁，同有新鮮柚子肉點綴，色香味俱全，又一絕對要試嘅一款頭盤!
法國西北部經典料理 雜錦海鮮蕎麥薄餅
可麗餅Crêpe係法國西北部布列坦尼地區嘅經典傳統料理，喺香港早已出曬名，但唔知大家有冇試過Crêpe都有個鹹嘅版本? Odelice! 呢款海鮮蕎麥薄餅，用蕎麥粉打成麵糊嘅蕎麥薄餅 Galette，有大蒜炒香嘅虎蝦、鱈魚、BB帶子同八爪魚仔，配個經典不過香草白酒忌廉汁，堪稱完美，蕎麥薄餅唔係度度有得食，加埋呢個為香港人而創嘅配搭，保證食過番尋味!
普羅旺斯的光榮 馬賽龍蝦海鮮鍋
食法國菜點可以唔試埋作為世界經典名菜之一嘅Bouillabaisse，亦係普羅旺斯美食嘅光榮! 半隻龍蝦、青口、大蜆、盲槽魚及小八爪魚，大啖海鮮嘅鮮美甘甜一碟過足本享受，想再抵食d 可以叫Odelice! 人氣 $788 二人餐，除左海鮮鍋之外仲可以揀多款主菜，套餐亦包括餐湯、頭盤及甜品，包羅萬有，絕對係抵食選擇。
仲有無其他特別優惠? Odelice! 之所以咁深得民心，因為一直對食客照顧夠周到，所以答案係有嘅!
【逢星期二: 海鮮放題 每位$268】
逢星期二5:30pm開始，任食新西蘭青口、澳洲黑青口同大蜆!
兩款湯汁”白蘭地忌廉汁”同”地中海海鮮汁”各有各精彩， 點可以唔試曬佢地?
【逢星期日: 點生蠔! 即送法國白酒】
逢星期日全日到Odelice! 每嗌6隻正價生蠔 $218, 即送2杯法國Chardonnay靚靚白酒，堅抵!
生蠔為法國Fine De Claire，蠔殼修長輕薄，蠔肉略帶海水鹹味，肉質多汁，口感柔軟，配法國Chardonnay白酒，清爽新鮮，丹寧度低，同生蠔係絕配!
溫馨提示: 生蠔每星期空運到港，數量有限，記得預訂!