想食正宗潮州菜，陳儀興新蒲崗店絕對係好選擇，食物質素每次都好穩定！必點鵝肝，入口嫩滑，滷水汁好入味！今次人多，點咗拼盤，滿足晒唔同口味，滷水豆腐墊底超香，份量多啲就perfect😁 藕餅都係心頭好，蓮藕比例啱啱好，鬆軟又香脆，超正！雙拼蝦棗蟹棗都係招牌，蝦棗多地方有得食，但蟹棗唔係處處有，呢度仲可以雙併，抵讚！青菜推介沙嗲牛肉芥蘭，簡單一碟但鑊氣十足，超香！蠔餅同蠔仔粥係指定動作，表現穩定，但老實講，蠔餅我更鍾意另一間😅 下次再同大家分享！整體黎講，陳儀興真係潮州菜嘅穩陣之選，值得一試 - 香港新蒲崗的陳儀興飯店 (崇齡街)