爵樂印度餐廳

呢間Gaylord Indian Restaurant有多年歷史，入面環境寬闊雅緻。我哋係假日去嘅，以尖沙咀嚟講午市時段仲咁寧靜，實在非常難得。不過無幾耐就有唔少食客入座，同埋好多都係印度人或外藉人士為主，侍應亦主要以英語溝通。睇咗睇餐牌，覺得散叫都唔係好抵食，權衡之下決定食百幾蚊一位嘅Lunch Buffet。食物都算有幾多選擇，啲菜式嘅中文名係我上網搵，可能會同實際有啲出入，分別有Vada（小扁豆冬甩）、Idli（白米糕）、Saffron Pulao（印度米飯）、Vegetable Samosa（雜菜餡角）、Fish Amritsari（炸魚餅）。同埋Sambhar（燉小扁豆）、Chicken Malai Tikka（香料烤雞）、Vegetable Jalfrezi（雜菜咖喱）、Chicken Makhani（牛油雞）、Lamb Bhuna（羊肉咖哩）、Saag Paneer（菠菜茅屋芝士）、Dal Makhani（豆子咖喱）。另外仲有四款特色沙律以及多款醬料，甜品方面有Soan Papdi、Mango Phirni（芒果米布甸）、Gulab Jamun（蜜汁圓球）、Seviyan Kheer（米粉布甸）。呢度有啲菜式之前都未食過，感覺都幾特別。同唔少印度菜館一樣，佢哋嘅Naan（烤餅）係廚師晌店入面烤製，可以拎嚟點唔同嘅咖喱。呢個Dosa就係第一次食，薄薄嘅班戟皮入面包住薯蓉之類嘅嘢，有少少似食緊法式可麗餅咁。其中我最鍾意嘅係Saag Paneer，入面嘅茅屋芝士質感偏硬，食落好似硬豆腐，打成蓉嘅菠菜就無乜辣味，感覺都幾健康。Fish Amritsari同Chicken Malai Tikka都係第一次食，前者微辣而惹味，後者就有好香嘅燒烤味。Vegetable Samosa就幾健康飽肚，Saffron Pulao入面啲印度米長長哋，粒粒分明黏性低同比較乾身，咬起嚟比我哋平日食到嘅白米脆口。 甜品方面我只係食咗Gulab Jamun， 原來係將牛奶揉成小圓球再落油炸， 之後就浸晌糖漿之中， 食落甜味極高， 就好似食緊一粒吸滿煉奶嘅小蛋糕咁， 不過都幾解辣。…查看更多

印度菜在我心目中都是比較低檔次,同埋想起"重慶森林"....記得第一次去到重慶大廈,有點在親身經歷這部經典的片子的場景....不過....去一次我就怕了,就是有點難以言喻的陰森感...朋友提議要去吃印度菜,上次探險般的記憶又再勾起,好彩,今次地點不再是在森林中,而是在商廈中,我也不想太刺激心臟病發~一入門口,已聽到有印藉的樂隊在高歌,音樂帶是Jazz,細心一看,他們的樂器也挺有趣,似風琴的,因為我遲到了,不然我會問這樂器叫什麼名字的燈光昏昏黃黃,但感覺乾淨,就是有點印式的風情吧!客人有一半都是印度人,能吸引本地的朋友,也該猜到口味應是"夠地度"~坐下不久,侍應就送上Welcome Snack - Papadum,薄脆上放上了易出水的洋蔥及蕃茄粒,我也有擔心會淋掉,影響口感,不過試了一口,就知不用擔心了,口感薄身而且夠脆,正!印度菜中,我喜歡 Vegetable Samosa,就是像中式的咖哩角,不過內餡就沒有肉,只有綿綿口感的薯蓉及雜菜等餡料,喜歡外層酥脆,入面軟綿的口感,一次滿足我喜歡澱粉質及脆口食物的慾望之後就是熱辣辣的 Tandoori (鐵板類)的菜式,炭燒鮫魚口感不屬於軟身的魚類,比較挺身,調味相對比較淡,令魚味及炭燒味更為突出朋友點了印式烤芝士 Paneer Tikka Lajawab我是不愛芝士的朋友,我很難想像芝士還要用鐵板上的模樣.....上桌時,我見到的是一件件,好像是豆腐的東西.....下!真的是芝士嗎?望了三分鐘,終於下決心試一角吧,用刀切開一角,很擔心會流心........刀切下,感覺是實心的,通熱也不流心,立即安定了,試了一口,口感比較硬身,芝士的蘇味不太明顯,有點像絹豆腐,綿綿的口感同味道我都有驚喜的~Tandoori Jumbo Prawns 烤珍寶大蝦一上桌已經覺得好吸睛,蝦身雖被調味料染成帶紅色,但不會有過份調味的問題,大隻厚肉,肉質夠彈牙,非常喜歡Prawn Jalfrezi 香草雜菜燴鮮蝦蝦比珍寶蝦少一點吧,但也是很彈牙及鮮味,香草汁酸酸甜甜,好惹味!朋友點了Saag Paneer菠菜蓉芝士做法應該是把菠菜及芝士添合打成蓉,口感綿滑,芝士味不太濃及膩口,怕漏如我也可以接受本人是依靠澱粉質生存的,以上的Samosa 及Papadum,當然不夠我一餐的攝取量,所以我大量在咬 Naan,咬得不亦樂乎....這裡可以說是令我非常高興,除了大路的芝士烤餅,蒜蓉烤餅,仲有極多不同口味的!!不停的在點....芝士烤餅/烤餅,可以見到芝士/蒜蓉在兩層烤餅的中間,份量也是挺多的,自然味道也比外間的香濃,上桌都是熱呼呼的,口感軟熟呢!我見到澱粉質的食物,真的會瘋起來,幸好朋友也非常包容,另點了蕃薯味的,甜甜的外層脆脆的好像甜品, 提子味都好香好甜!仲有羊肉味的,估不到肉類也可以加進Naan中 我記憶上印式甜品都是甜到漏.....Kesar Kulfi (Home - Made ice cream) 自家製印度雪糕切粒上的雪糕,樣子有點像腐乳吧,至於入口時有點冰感,像雪葩般,不過就不易溶,幾挺身,味道就是有點香料味,吃完濃味的印度菜,清清味蕾也不錯~最後是印度芒果,肉質比較挺身,不如愛文芒/呂宋芒的甜美,帶點獨特的香草味有時不想吃太甜的時候,也是很好的選擇~這一晚,吃得很滿足,整晚我也是手舞足蹈的,就好像去了印度走一圈,不用再走進森林,也能找到地度的風味~…查看更多

在雜誌看到 Gaylord 有 Sunday Brunch 就往一試, 以印度餐廳來說 Gaylord 是老牌名店也走比較高檔次的路線, 客路應以富貴印度食客為主, 店的環境當然是要比重慶大廈的多間咖喱王好,當日所見食客除印度人香港人外, 還有日本人 / 韓國人/ 外國人等的不同種族, 但係唔係高級就係好.....?! Gaylord 的 Sunday Bruch選擇真的很少, 全場數埋祗有約 10 樣食物 Tandoori Chicken - 又乾又o鞋, 空有外在美而無內在味Malabari 魚 - 魚柳全無味道, 咖喱汁不香不辣又唔酸, 失望咖喱雞 - 急凍雞脾肉也全無味道, 咖喱又係不香不辣, 和 Malabari 魚同出一徹咖喱雜菜 - 全場最好食的咖喱了, 祗有這個咖喱我有再添食羊肉灌腸 - 買相有點突核, 像乾了的米田共, 吃了一舊, 唔羶, 但無興趣食多舊印度炒飯 - 飯粒分明, 配咖喱雜菜好食Mashed Spinach - 一句講哂, 唔好食, 菠菜蓉內的不像是芝士粒, 似豆腐粒多點!竟然無咖喱羊 - 真奇怪 熱盤就係得咁多,應知不同的咖喱食品應有不同味道不同層次的色香味辣, 但 Gaylord 的咖喱就是不温不火不辣, 幾款咖喱都似一個味道 沙律有 2 款, 祗有一款雞豆沙律好吃比較啱食, 另一款係生洋蔥生青紅椒粒粒, 絕不合香港人口味. 甜品 - 雜果盤 (西瓜 / 波蘿 / 蜜瓜粒 ), 不知名的糕點一款, 另有一款像印度版楊枝金露甜品 -吃到有芒果味 / 奶味 / 椰汁味 / 也有西米, 但超甜, 甜 到食一匙就唔會食第二匙 另印式脆香夾餅和傳統的 Naan 烤餅是即叫即做, order 才送上, 這 2 個好食 全店祗有三個服務員, 除印度藉經理英語能力好外, 其餘 2 人有點問非所答, 但 3 人都好好笑容. $120 + 10% - 不是價錢平貴的問題, 是對這店的咖喱感失望, 睇怕都無下次. 還是重慶大廈的咖喱比較啱我這個平民百性. …查看更多