竺扶大班燒味

之前幫襯過好多次都覺得叉燒好好食，今晚要OT到11點好夜 ，諗住食個好食嘅叉燒飯，於是大概七點嗌咗兩個外賣黯然銷魂飯，叫咗半肥瘦，一打開個盒嚇一跳！出到嚟兩盒飯嘅叉燒全部都勁乾勁嚡 ，同煲湯瘦肉完全冇分別！其實冇肥位唔緊要，本身肉質係深色爽口嗰啲位都冇問題，但係就係唔係，又硬又乾。極度失望！唔通外賣客就唔重要？定係夜晚賣剩啲唔靚嘅位？如果係的話就唔好打開門做生意！希望可以改善一下！否則真係以後都唔洗幫襯！…查看更多

聖誕日下晝專程去灣仔太原街走一趟，行吓行吓已經6:00。晏晝食得太飽，晚餐隨隨便便搞掂就算，諗起原來有兩個星期冇食過廣東燒味，就去附近的【竺扶大班燒味】開餐。同一般街坊燒味店差不多，門口就是燒臘枱；店舖面積細小，只有幾張小餐枱，主力做外賣斬料生意。印象最深是燒味店名字及店內牆壁上的兩幅有趣圖畫：「雞同鵝講」、「豬雞鵝赴宴」。普通燒味刻意改個特別名字：金鐘罩燒鵝、銷魂叉燒王、霹靂火燒腩、飛天貴妃雞。特色出品就有冰燒鳳凰雞，雖然冇食，睇照片估計應該係辣味燒去骨雞脾扒。老火例湯日日唔同款，今日喺西洋菜蜜棗煲豬腱。味道雖然唔算特別濃郁，但清甜有肉味，係真正老火湯。一碟古井燒鵝飯只需 $52，轉配鵝汁撈粗麵就要 $62；仍然平過不少燒味店。古井燒鵝配鵝汁撈粗麵（$62）份量夠多，嚿嚿胸肉（另外加了 $8 指定要鵝胸），鵝皮香脆。鵝肉軟身，但偏乾、肉汁很少。撈粗麵有大量鵝汁及燒味豉油，味道很夠、但欠缺燒鵝醃料及鵝油香氣；粗麵出乎意料之外幾好食，爽靭、沒有鹼水味。黯然銷魂飯（$58）源自1996年周星馳電影《食神》，原裝正版的黯然銷魂飯有半肥瘦叉燒、煎太陽蛋、菜心及洋蔥；電影上畫之後，全香港各大燒味店及快餐店瘋狂翻抄，但全部簡化了炮製方法，去掉用洋蔥醃制及調味。眼前這碗飯的叉燒切得厚薄均一，一樣沒有洋蔥味，但味道還可以。肉質軟腍、但稍嫌乾身；半肥瘦脂肪亦太爽實、未夠腍滑。太陽蛋的蛋黃夠圓夠大，但原來很偏身，唔夠脹卜卜，剌穿蛋黃之後唔見很多蛋汁流出來。同燒鵝飯一樣，勝在抵食，平過不少連鎖店。只是叫了燒鵝及叉燒，味道中規中矩，屬於一般燒味店水平，最大賣點夠抵食。用餐期間，見到唔少熟客出出入入斬料外賣，同兩位阿姐級店員有講有笑；兩位阿姐又撩小編傾偈，非常熱情，絕對係加分位。…查看更多

呢幾日好想食黯然銷魂飯，搵緊除咗敏x之外，仲有邊間有賣。因為好多餐廳淨係做燒味飯但係冇煎蛋同甜豉油或者秘製豉油襯托。俾我喺灣仔搵到呢間見openrice comment都幾好，好多like。地理位置又方便今日lunch就去試吓。啲叉燒好林但有d肥，分量適當，賣相吸引。同事叫左燒肉叉燒飯。啲燒肉好靚好脆皮，下次都會加燒肉。lunch time時間好多人排隊，12點幾去到已經要等一陣位，好彩d人都快食快走。每日有唔同嘅例湯加$6。價錢差唔多唔好再加價。…查看更多

「馬鞍」來得快走得快，竟然連半日風假都放不成，決定要找點好吃的平衡一下心理。小小的三角街，在一堆乾濕貨攤中，有家小小燒味店總是被人團團圍住，等待品嘗其出色至極的燒味飯。簡單的東西往往最難做得好，竺扶大班的黯然銷魂飯(叉燒煎蛋飯)是當中得俵俵者。黑毛豬製的半肥瘦叉，鮮紅色的外層充滿光澤。除了有最愛的燶邊外，肉質肥瘦均勻，甚至覺得有一點脆口的感覺，可口而不油膩👍將煎蛋的蛋黃、大將燒肉汁和白飯搞拌在一起，每顆飯粒都披上一層咸咸甜甜的金黃外衣。因為選用的米比較大粒粗身，咀嚼起上來更加有口感😋一口接一口，本來鬱結的心情慢慢得到舒緩，就像下午出了太陽一樣☀️後記：為什麼叉燒煎蛋飯會得名「黯然銷魂飯」呢？答案在電影《食神》。主角史堤芬周在食神大賽的最後兩分鐘，以內力製作出落難時候吃過的叉燒飯，並將其命名為「黯然銷魂飯」❗️…查看更多

✨好食 但不可抱太大期望✨.平日晚上7點左右去到位於灣仔街市嘅竺扶食燒味飯，之前聽朋友高度推薦及睇網上食評都好多人讚好，所以決定一試( •̀֊•́ )以普通叉燒店來講呢間都好食！性價比亦都幾高，好啱附近返工嘅人去食😋只係個人對叉燒有些少失望，因為我哋係衝住叉燒去食，但同我平時食開另一間差唔多價嘅燒味店有一大段距離🤣.▫️黯然銷魂飯 $58（7.5/10）［半肥瘦叉燒＋煎雙蛋+大將燒肉汁］雙蛋煎到有脆邊及流心黃好正😻仲有個大將燒肉汁撈飯都一流！至於叉燒對比唔少地方好食，但可能我期望太大，覺得未如傳聞中出色，覺得唔夠香同燶邊🙈唔需要特登去食.▫️古井燒鵝＋叉燒 $58（7/10）估唔到燒鵝有啲驚喜，肉汁多而不帶酥味，層皮勁香不過如果脆啲就完美；而呢碗嘅叉燒瘦咗啲，同黯然銷魂飯嘅叉燒對比下更失色🫣.▫️凍奶茶 餐加$8唔錯幾好飲.…查看更多

朋友知道我鍾意食叉燒講左好耐想帶我去食佢公司附近有間藍帶勳章主理既燒味店平民貼地價但高質享受·位於灣仔街市附近既窄巷裡午餐時間去到店舖門外已經滿滿人龍先拎飛排隊等左20分鐘左右·點左黯然銷魂飯（$58）加左一隻咸蛋（+$8）個叉燒半肥瘦外層烤得焦香·望落誘人岩哂我呢d鍾意食叉燒燶邊既人叉燒軟腍·肥膏位更入口即化脆邊既半生熟蛋尤其出色每次食燒味飯都必加咸蛋佢個秘製大將燒肉汁配咸蛋黃撈飯一流不自覺咁清碟😎燒鵝拼叉燒米粉配鵝胸位（+$8）燒鵝皮脆內嫩個皮仲帶點脆身油脂感滿分鴨胸位咬落相當juicy唔會乾柴而且鵝香味十足叉燒比黯然銷魂飯個叉燒更厚身但相比下無咁焦香店員服務很好見我地坐到一抽二掕坐到好迫仲專登幫我地keep起個shopping bag2人卡座中間有隔板張枱野食擺哂就無多餘位🙈想同朋友影張合照打卡要轉個半身都有點難度🥲…查看更多

在燒味關注組看到有不少人推介這間位於灣仔街市旁的茶餐廳，我已經一早bookmark，待今日剛好要行會展時，先行嚐嚐這間「竺扶大班燒味」。竺扶就在灣仔電車站通過街市的橫街當中，穿入去看到門面掛着大量油光閃閃的燒味就是，非常搶眼。來到出名的燒味店，最好的選擇就當然是要樣樣燒臘都要嚐一嚐，看看質素到底如何。見到竺扶的餐具都有非常多的配搭款式，所以我們就精選了自己最喜歡的燒味來一試。聽聞這裡的燒味都是日日新鮮出爐。⧗ 1. 黯然銷魂飯所謂的黯然銷魂飯，就是一種「叉燒煎蛋飯」，來到燒味店當然要試試這經典燒味特色菜。雞蛋煎至半生熟燶邊，整碟飯都選用半肥瘦叉燒。每一件都肥瘦適中，外層烤得焦香、咬起很軟嫩，入口溶化。還帶點黏性和咬勁，加上特製的大將燒肉汁，一口叉燒一口配有燒肉汁的白飯，是不平凡的好味道。⧗ 2. 古隻燒鵝+燒腩仔 （轉瀨粉）竺扶自設太空爐，每隻燒鵝都好新鮮，燒到皮脆肉嫩。燒鵝皮薄肥美啖肉、脂肪少，甘香回味。今次識食地轉瀨粉當然精明，鵝油浸透瀨粉的油香，簡直大滿足。燒肉的肥瘦比例適中，脂肪和瘦肉層層相間，鬆化、軟腍無渣入口即化！肉香突出更帶炭火味，不會油膩。重點的外皮很脆又鬆化，讚！⧗ 3. 老火靚湯（西洋菜蜜棗煲豬腱湯）見到餐廳有煲老火湯，那就寧願飲湯都不要冷熱飲品。果然，是日靚湯為西洋菜蜜棗煲豬腱湯，非常足料，好飲得來又可以食到湯渣，絕對比普通飲料更值得。喜歡食燒味的，不妨過來灣仔一試。…查看更多

我真係好鍾意食叉燒飯呢度嘅叉燒真係好高質好出色我喺金鐘公司行過嚟大概要20分鐘都在所不惜我已經喺呢度嘅常客記得第一次嚟係食暗然銷魂飯一啖食落口已經覺得驚為天人食神咁款啲叉燒又淋又香，正宗半肥瘦好好食記得第二次嚟食就好失望D 叉燒好乾好瘦好柴當時好唔開心因為專登行咗20分鐘，個腦諗住叉燒飯叉燒飯咁樣去，結果咁樣好失望所以我忍唔住同個員工講咗我話我可唔可以加錢俾你換返幾舊靚叉俾我點知佢冇收我錢直接俾咗成碟好靚嘅叉燒我佢話叉燒唔靚唔得嘅，佢話我應該出聲我話我俾返錢佢話唔使結果我就買多啲嘢斬料返屋企好欣賞佢哋嘅服務態度從此我就成為咗常客總之就係叫叉燒飯嘅時候一定要講明咗半肥瘦（雖然第一次唔使講都好靚）不過講明就一定冇事雖然間唔屎都會冇咁靚不過整體來講都係好高質好好食次次食完都好滿足服務來講燒味舖你都唔會expect有啲咩服務不過我覺得燒味舖來講佢哋算服務幾好但係之前請我食碟叉燒嗰個阿叔好似已經冇做😢…查看更多

𝑆𝑖𝑢 𝑀𝑒𝑖 燒味 🍗🥩🍳🍚・灣仔區性價比較高的燒味店此店由藍帶廚師主理有一定的水準而我偏愛這裡的叉燒❤❤❤叉燒選用了波蘭黑豚肉先用大火燒製 燒出肉香再用慢火 慢慢烤成有肉味之餘而且肉質非常鬆軟平日我愛點這裡的黯然銷魂飯配上兩隻燶邊太陽蛋與叉燒汁極有風味😋😋😋・這裡除了叉燒之外我每次也必選他們的自家製羅漢果茶有益之餘他們製成的味道亦相當濃郁 另一款 就是他們的老火靚湯 每日都有一款湯品供應味道都很不錯 看到足料熬成有別於一般餐廳的是日例湯 ・⭐黯然銷魂飯⭐叉燒米⭐自家製羅漢果茶⭐老火靚湯…查看更多

有日喺灣仔行行吓街，係啲巷仔穿嚟穿去嘅時候，突然發現到一間金碧輝煌嘅餐廳即刻俾佢吸引咗🍴原來係一間啱啱新裝修又是正又乾淨環境又闊落嘅燒味店🤪如果唔係趕時間都唔會叫外賣，我一定會直接堂食🥲睇完個餐牌之後，幾分鐘之內，圍觀同等攞嘢食嘅人已經越嚟越多🤯 之後咁啱餐廳燒好一批新嘅叉燒，佢哋講完即刻有更加多人埋嚟睇埋嚟揀🤭本身我企咗係到睇都睇咗一段時間，太多選擇諗唔到食咩🥺不過最後都係揀咗幾個大班首選try try🤭第一個我叫咗黯然銷魂鴛鴦飯🍚店主都極力推薦我叫呢一款飯，因為極之搶手，我叫嘅時候已經係最後一個，因為佢好出名嘅無骨雞扒已經一早賣晒🤭返到屋企第一盒即刻試試佢，果然名副其實冇介紹錯👍🏻叉燒半肥瘦，雞扒咬落去啖啖肉再加埋佢哋個秘製鳳凰汁，叉燒汁嘅甜豉油再加少少酸辣嘅秘製汁，真係好夾😋另一盒我叫咗普通嘅黯然銷魂飯🍚雖然無咗雞扒，但係佢啱啱出爐嘅叉燒再加埋兩隻流心煎蛋🍳誇張啲講句淨係食佢兩隻蛋撈飯都夠🤣叉燒就唔使再講，燒得好香再加埋個邊有少少燶so yummy!!!!😋最後一盒我叫咗燒鵝五寶飯🍚雖然係一盒大雜燴，但係咩都可以試到👍🏻皮脆肉嫩嘅燒鵝同燒肉，唔使再介紹嘅叉燒，再加埋平時會唔係好顯眼但係無咗佢又唔得嘅紅腸同埋鹹蛋，真係好啱啲唔知揀咩，樣樣又想試吓嘅朋友叫🤪…查看更多

呢日放工後去左公司附近一間燒味舖度斬料返屋企加餸😎雖然位置係橫街度，但係勝在幾光猛乾淨企理，見到個燒味架所剩無幾，店員話紅腸、油雞同埋雞扒都已經賣曬，好彩仲有我最愛既燒肉🤣等候期間都有唔少人同我一樣買外賣，叉燒亦都幾乎係每個人必點既😚▪️ 黯然銷魂飯（7.5/10）💲55之前都係報章度見過話呢間既叉燒用上波蘭脢頭，肥瘦均勻，邊位有少少脆既焦香，而且肉味香濃，加上令到賣相閃令令既蜜汁香口帶甜，連埋滑溜既煎雙蛋既蛋汁撈飯一流🍳▪️ 鹽香燒腩仔（7.5/10）💲136/1斤店員提我返到屋企就算未食都要即刻打開盒蓋，以防倒汗水流落去個皮度🤭係夜晚時段買燒腩仔，好多時候最驚就係擺左全日個皮都已經淋曬😖但係呢間既燒腩仔完全無呢個問題，個皮食落依然脆口，又唔會有太多肥膏，有鹹香得黎唔會過左位😍🔎 整體評分（7.5/10）…查看更多

呢排疫症期間，買外賣當道，係灣仔放工後，穿過三角街，收到燒味店的姐姐派的傳單同埋聞到新鮮出爐的燒鵝味，好香，所以決定今晚晚餐就係呢間店買外賣。餐廳的裝修好新、燈光好光猛，在收銀的一旁有一排獎杯，真的要試下得獎師傅的燒味手勢。黯然銷魂飯（$55），以半熟煎蛋和半肥瘦叉燒，叉燒一片片都幾厚切，知道餐廳是用上西班牙黑毛豬，食落感覺特別唔同，肉質鬆化有彈性，同埋燒得好香，甜甜的香濃蜜汁味，半熟煎蛋撈飯加上甜醬油好正，一d都唔覺得dry。黯然銷魂鴛鴦飯（$65），這個鴛鴦飯是叉燒配雞扒，叉燒今次有少少烘邊脆口，這份飯配上2個汁，叉燒點上鳳凰辣汁，份外惹味，另外一個主角雞扒肉質鮮嫩，啖啖肉，而且燒得好香，可點上燒肉汁，甜甜地相當匹配。燒鵝五寶飯（$80），五寶有燒鵝、燒肉、叉燒、紅腸、鹹蛋，燒鵝是我最期待試的五寶主角，燒鵝味道甘香，有陣陣的陳皮味，肉質嫰滑，燒肉皮脆，肉和脂肪比例均勻、彈牙，鹹蛋黃的好黃白部分各一半，總體都好好食，而且份量大份又足料。以質素而言，都幾高，價錢都幾貼地。…查看更多

真的沒有想過這間位處灣仔街市附近的燒味店，竟然是一間由藍帶總廚主理的食店。食店位於灣仔三角街，這裡的燒味每天新鮮出爐，看見店面掛著燒鵝、叉燒、油雞、乳豬等，真係看見也口水直流。餐廳除了供應主打的燒味外，亦有廣東式小菜供應，款式也不少，有蒸魚、小炒 ... 價錢十分大眾化。黯然銷魂飯（$55）👍👍👍👍👍半肥瘦的叉燒配煎雙蛋的黯然叉燒飯是我的最愛，這𥚃的厚切叉燒三分肥、七分瘦，加上少少的燶邊，再配合甜甜的蜜汁，十分惹味。還有兩隻飽滿的荷包蛋，淋上甜豉油，甘香的叉燒跟流心的煎蛋真係絶配。古井燒鵝上湯瀬粉（$52）👍👍👍👍👍這𥚃的燒鵝有個很特別的名稱，名為「金鐘罩」燒鵝，原來這𥚃的燒鵝是用一個「太空爐」烤箱烤成。出爐的燒鵝皮脆肉嫩，肉汁豐富，鵝香四溢，真係值得推薦，配合白飯或瀬粉，同樣美味。豉椒炒蜆（$88）👍👍👍👍吃過他們的燒味，也想試試他們的小菜，所以叫了一碟豉椒炒蜆。蜆的份量也不少，鑊氣十足，豉椒味道大大提升蜆肉的鮮味。門面內在環境餐牌…查看更多

出左灣仔做野， 臨走時聽到（ 熱辣辣叉燒出爐）😚我小朋友超鐘意食叉燒，就決定今晚加料。黎到三角街就見到一間裝修得都幾靚既食肆，叫做竺扶大班燒味，員工著晒colorful 制服，裝修又金光閃閃咁， 非常吸睛，一眼就望見。見佢餐牌推介 冰燒鳳凰雞及 黯然銷魂飯 睇完都唔知係咩黎😂，就問下姐姐，原來係叉燒雞髀飯同埋叉燒太陽蛋飯。因為我係為叉燒而黎，就叫左呢2個推介，再配多合燒腩仔 燻蹄外賣返去屋企食。冰燒鳳凰雞，配左鳳凰辣汁食，辣辣地又幾似泰國酸辣鳳爪嘅汁，幾特別。黯然銷魂飯， 叉燒好淋好岩小朋友食， 太陽蛋煎得啱啱好 唔會好水好易穿，但又唔會老。好味到小朋友食完再添飯👍燒腩仔皮脆，咬落卜卜聲， 燻蹄好咬口，一陣就清晒得返個盒。…查看更多

竺扶大班燒味 CHUKFO TAIPAN RESTAURANT 📍灣仔 Wan Chai.⭐️ 位於灣仔街市附近嘅燒味餐廳 門口金光閃閃 入面面積唔大但都算企理 呢到嘅燒味全部都係自家廚房燒 日日新鮮出爐 大家不妨買外賣番屋企食👌🏻.🍚 黯然銷魂飯 $55: 半肥瘦叉燒肉質軟熟 肥瘦適中 燒烤至微微焦香 粒粒都好厚帶濃濃蜜汁 兩塊蛋煎到脆邊 仲有流心效果 再淋上甜豉油 撈飯一流😝…查看更多