湯煲私房火鍋

首次品嚐私房火鍋，比較像家庭式的餐館，店員態度都比較熱情和友善。望到餐牌價錢都比坊間貴差不多一半，不過家人不太想要去人多的地方就試一試。黑蒜姬松茸脊骨煲感覺滋潤補身，口感是滑溜溜，奶白色的濃豬骨湯，不過感覺完全不肥膩，黑蒜味道清甜，可以一粒粒吃，姬松茸味道很濃，口感有點像茶樹菇，湯滾後先品嚐兩碗再開始火鍋。小籠包原來味道真是保留了小籠包的鮮肉味，外皮就比較厚身像餃子皮，都幾創新，中間啖啖鮮肉。即炸響鈴可以說是我吃過最香脆的響鈴，沒有油溢味道，不用滾湯可以直接沾泰式酸甜醬，香脆腐皮的味道，薄薄一片包了很多層，味道口感無得頂！日本白金豚腩肉店員說只需淥3秒就可以吃，不過我們就不太喜歡生豬肉，所以都等到全熟先吃，可能吃的方法不同，味道不太突出，滾後是普通豬肉片。什菌拼盤新鮮乾淨，有幾款不同菇菌，杏包菇、冬菇比較好吃鮮味濃郁，吸盡湯汁。青檸梳打很解渴，味道較酸，青檸份量十足。食材新鮮，特別是餃類和包類都是自家製造，價錢比較貴，值得偶然再來。…查看更多

湯鍋是幾出名的私房火鍋，在openrice訂座儲下miles，感覺都幾溫馨，地方不算大，約可容納30人，枱與枱之間亦夠空間。難得來到湯底就選特別一點，黑蒜姬松茸脊骨煲滾起後可以喝兩碗先，黑蒜甜甜地，姬松茸菇味幾突出，湯底果真清甜好喝，不枉叫了這個。這裏比較出名手工餃，選了個雙拼：川色麻辣牛肉餃拼味增大根黑豚餃。價錢都幾貴，其實只有六舊，幸好真是好吃。川色麻辣牛肉餃麻辣味道不算太重，反而牛肉的鮮味特別香，中間包着濃濃的鮮肉汁，外皮索著黑蒜豬骨湯汁，真是很出色！味增大根黑豚餃比麻辣牛肉餃更加出眾，味增甜甜地，中間的大根令到餃子有爽口口感，豬肉更加適合製造餃子，全晚最出色的配料！墨魚滑都幾彈牙，比較結實。唐生菜價值不菲，不過滾湯很好味。店員很主動幫忙落配料和介紹菜式，態度和服務很好。整頓火鍋都很有自家製的健康新鮮感覺，都算物有所值。…查看更多

香港人最鍾意就係打邊爐，周圍都係火鍋店，但要搵間有質素，舒適，服務好既火鍋店就難好多。宜家火鍋店好有質素，包你食過一次番唔到轉頭。裝潢方面，以簡潔為主題，坐位夠晒闊落。服務態度都好好，好主動幫手落料，控制火候，解釋食法。就連醬料都好有心思，師傅自家制的蝦醬🦐有點似XO 醬，微辣，而且香口。 不過，由於宜度食材新鮮，湯底味道濃郁，唔點醬反而仲好食，個醬最好留番用黎撈面食。《黑蒜姬松茸脊骨煲 $288》宜度出名個湯底，打邊爐連湯底都飲埋你試過未? 剩睇食材，就知一點都唔簡單。當中黑蒜營養價值最高，抗氧化能力比白蒜高10倍，味道偏甜，最重要係唔會口臭。當打邊爐既尾聲，食出面既豬骨湯渣會覺得好鞋，但宜一家既脊骨絕對唔會鞋，而且豬骨肉味仍然係度。首先，等個湯沸騰幾分鐘，等松茸出味，品嘗一下個湯，個湯味道十分濃郁鮮味，感覺煲左十幾個鍾。鍾意飲湯既你記得飲多幾碗先打邊爐，因為落其他食材會影響成個湯個味道。 ⠀⠀⠀⠀⠀⠀⠀⠀⠀《蘇格蘭安格斯肥牛 $188》安格斯發源地其實係蘇格蘭，只係美國後來將安格斯牛🥩發陽光大。宜個安格斯牛既滿佈油花，口感豐腴，肉味香濃。另外，介紹大家一個食法，就係用黑蒜同肥牛或腩肉一齊食，肉味同黑蒜個味好親，大家要試下👍⠀⠀⠀⠀⠀⠀⠀⠀⠀《日本白金豚腩肉 $138》日本白金豚腩肉係日本身價最高的豚肉品種，香而不膩。不過，用豚腩肉打邊爐個時間要拿捏得好，要全熟，但又唔可以淥得太耐，好考大家功夫呀😉《墨魚滑 $108》宜個係必叫，未食過咁好食既墨魚滑，口感好彈牙，而且好滑。《水晶奶皇包 $88》仲叫左個奶黃水晶包！唔知有冇人同我一樣，打邊爐鐘意落水晶包呢🤭兩分鐘左右就食得，個奶黃味好濃郁呀！⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀…查看更多

今日同女友過左海，突然又想打邊爐於是搵左呢間私房火鍋店，其中係睇中佢有靚湯底，所以決定一試。一開始講一講呢個湯，好大煲，同時味道十足，一開始先飲呢個豬骨湯，加上少少姬松茸既菇味，成碗飲完都唔會口乾，最後添多左碗一邊打邊爐一路飲👍🏻另一邊有係整醬料既時間，店員推薦呢個自家蝦醬，有少少似xo醬但又冇咁濃味好似鮮味突出啲，同時用佢黎點即炸響鈴都不錯，儘管響鈴本身有個甜酸醬，但我都係鍾意用呢個醬多啲。即炸響鈴好酥脆，無論就咁食同加湯都好味，唔會太油膩係值得一讚。今日叫左安格斯肥牛，其實本身都想要本地手切牛，可惜冇貨，但呢個安格斯食落都好軟滑，有油香，牛味唔會太淡都係一個好質素既食材。味噌大根黑豚餃，餃皮好煙靭同時豬肉都好香，不過要小心佢煮太耐會好入味，後期會有啲咸。什菌拼盤種類同數量都算多，我地未落晒都鋪滿左成個煲面。菠菜麵經已事前煮過，係煲到再加熱就食得，質地似平時既幼麵但又冇咁靭，我本人幾鍾意。總結成餐飯過程都有店員從旁協助，湯底上枱後會有店員控制火候時間等再幫你添湯靚湯。中間不時幫忙換骨碟等都體現出佢地細心同熱心。以後過海都可以黎打個邊爐傾下計。…查看更多

食得邊爐多 都開始對於個啲普通湯底覺得食到有啲悶悶地之後上網見到依間打邊爐係主打以老火湯做湯底好似幾有新意咁，所以即刻約朋友去試下😛雖然個大廈門口有少少難揾，好易會miss左個路口但一出𨋢即刻見到好大個招牌🙈坐低睇menu，侍應會好熱心同好詳細咁同你介紹，服務好好👍🏼佢地會向你逐個湯底介紹佢地各自既功用同埋佢地會建議你揀左個湯先，再慢慢揀食物聽完佢既介紹之後，我地決定要脊骨煲💕👆🏻黑蒜姬松茸脊骨煲一嚟到就見到佢好足料😍一開始要等佢煲翻滾，令所有食材都出味啲先等到滾起左之後，侍應就會幫我地“畢”湯真係全程都好好服務😂🤤個湯飲落去就知好足料💕好鮮甜👅仲有好多湯渣食煲得越耐就越濃🤩可惜要留肚食野 廢事飲到飽曬，當大家都飲夠既時候，佢地就會加湯準備打邊爐喇🤤🤤👆🏻即炸響鈴聽説依個係佢地自家製的🤭佢地建議蘸泰式辣醬就咁食果然唔錯，食落仲熱辣辣，而且好鬆好脆得嚟又唔油🤩👆🏻即炸魚皮同響鈴一樣，佢地都係建議就咁食魚皮都係好脆好鬆，而且仲好香🤤真係食到停唔到口👆🏻頂級本地手切牛雖然價錢偏高，但真係有質素❤️脂肪分佈平均，食落好有牛味而且有咬口得嚟又唔韌👍🏼👍🏼真係值得一試👆🏻西班牙黑毛豬梅肉CP值好高!!價錢唔貴之餘，個質素係拍得住牛食落好香豬味，仲好嫩有種入口即融既感覺😳👆🏻廣東雲吞、川色麻辣牛肉餃、味增大根黑豚餃雲吞 - 每粒都有好大隻蝦🦐好彈牙👍🏼川色麻辣牛肉餃 - 辣辣地咁好過癮😆啲餡好足料🥰味增大根黑豚餃 - 依個因為有大根既關係，所以佢係甜甜地😳食落有豬肉既外感之餘，仲有白蘿蔔既甜，幾有新意，幾好食⭐️⭐️⭐️‼️聽啲侍應講，佢地每隻餃都係即叫即包，好有心思❤️‼️👆🏻自家製墨魚丸、竹生帶子丸(雙併)啲丸全部都好彈牙🤤🤤可惜份量少左啲，食完都唔夠喉🤣👆🏻青檸梳打好濃好解渴，唔會淡到飲水咁而且仲好夠凍😍一揸4個人飲啱啱好😚…查看更多

好多時少人打邊爐都幾麻煩，因為唔係食到好多野。但好在，打嚟訂位嗰陣講咗情況，佢哋話可以講我哋budget，為我哋安排食物及份量一坐低後，大廚就出嚟介紹混醬嘅醬料，首推自家制蟹醬，但原來入面係無蟹㗎喎。入面有蝦膏、蝦米、蝦籽、蝦乾及芥花籽油，食落鮮味濃郁，點少少有畫龍點睛效果。不過大廚都話，佢哋嘅食材係好新鮮㗎，建議客人都係唔好點咁多醬汁所有湯底都係零味精，用新鮮材料熬起嘅老火湯。較特別嘅有天麻川芎白芷魚頭煲、花雕醉雞煲、黑蒜姬松茸脊骨煲及冬瓜陳皮水鴨煲。一見到姬松茸呢個字，再加上自從一踏入餐廳後已經聞到好香嘅菇味，就要呢個啦！哇菇味香濃到不得了，非常清甜而且冇乜肥油，未打之前已經先飲幾碗！最重要嘅係，佢哋加湯，都係會加返嗰種湯，絕對唔會溝淡！本地手切牛有牛腩頭及挽手兩款部位，老實說，真係聽都未聽過！牛腩頭又叫牛腩心，食落好滑有口感，油脂分佈平均，非常香；挽手，即係前腿連住牛胸嘅位置，因為喺劏牛時，要喺中間劏一刀，所以挽手嘅份量只有兩塊，最多唔會多於3斤，不過都係最香最滑最靚嘅刁鑽位！兩款都只需要淥兩至三秒就OK豚肉併上面嘅係西班牙黑毛豬梅肉、中間係日本宫崎縣豬腩，最底嘅係岩手縣白金豬豬腩。最好味嘅都係西班牙黑毛豬梅肉，不論口感味道都比一般豬肉優勝，肥瘦適中，感覺上食好多都唔及豬腩肉咁罪惡，哈哈！餃子併有味噌大根豚肉餃、雲吞及水餃。由於係即叫即包，所以一坐低就快啲order喇！用料係本地大地魚及蝦籽，粒粒都非常飽滿新鮮，咬開好juicy。即叫即包果然零舍不同！丸子併有鯪魚球、豬肉丸及蝦丸。每粒都好大，手打到好彈牙。蝦丸真係有蝦肉，好足料！點心外面都有啲地方用點心嚟打邊爐，不過就未試過！叉燒包嘅皮係澄麵做成嘅水晶皮，熟咗之後半透明，好靚！好在打完小籠包之後冇爛到，咬開後入面仲有好鮮甜嘅肉汁！奶皇包軟綿綿咁，奶皇好香滑，食落唔算好甜甜品有椰青布甸及笑口棗，前者椰青味香濃順滑，仲有一粒粒椰果增加口感食材非常新鮮，地方企理舒適，想食高質邊爐嘅要嚟試！…查看更多

火鍋是香港的傳統菜式，自問自己也很愛吃，只是已經有一小段時間沒吃了，無意中發現到上環有一間私房火鍋，平常真的好少去上環，總感覺這區沒有什麼好吃和好逛的。以前男朋友在上環工作，所以對於那邊的路也算略懂一二，湯煲私房火鍋雖然就近地鐵站，入口卻在一條小街道處，向來對於橫街窄巷的衛生感到懼怕，但為了吃好東西，還是需要經過的。場內環境十分寧靜，給人的感覺很好，我到的時候只有一枱客人，環境以白色為主色，坐也坐得好舒服。燈光也充足，有點黃黃的燈光，柔和得來又不會令人感到睏倦。說到是私房火鍋，價錢當然比起一般的火鍋放題昂貴，一般的火鍋放題大概二百多元，散點的私房火鍋，每人至少要花五百元，但無可否認，質素大多也是有保證的。食材的種類跟一般的散點火鍋店也差不多，就不多說了，只是想說一下老火湯煲的湯底，只是一個湯底也要二百多元，如果是不好喝的，應該會被人罵到2046。本來醬料就沒有什麼好說的，店員卻為我們介紹一個很特別的醬料，叫蝦蟹醬，他說是廚房的師傅自家調製的，裡面有蝦膏、蝦醬、蝦干、蟹膏、蟹籽等材料，真是第一次吃這種醬。有很濃郁的蝦肉味，個人認為蝦的味道比蟹佔更多的部分，吃完後。味道亦在口中徘徊很久店員為我們推介了天麻川芎白芷魚頭煲、黑蒜姬松茸脊骨煲和椰子雞煲，雖然整整要二百多元一個湯底，但真的足料非常！裡面有超多的松茸條和牛脊骨部分，喝進口的味道就是完全沒有多餘的油份，也沒有下很多的油。大家常常在火鍋店吃響鈴，即食的響鈴大家又吃過沒有？即炸響鈴來到的時候，店員竟然跟我們說：「這裡的響鈴是即食的，浸了湯便不好吃了。」這下子還真是驚訝真的第一次吃即食的響鈴，一咬，便是咯咯的聲音，十分脆身，油份又不會輕易的滲出來。鮮滑牛肉即是我們平時在茶餐廳吃滑牛肉飯的牛肉，這裏賣得這個價錢，質素當然比茶餐廳高很多。一進口時已知龍與鳳，牛肉的質感軟稔得來不失嚼勁，牛肉的味道也十分明顯。蘇格蘭安格斯肥牛有兩種價錢，一種是$188半份，一種是$288全份，$288那份實在太貴了，兩個人也吃不到那麼多，最後點了半份。牛肉的條紋還算明顯，只是脂肪部位較多，這裏扣了一點分，但吃進口依然有入口即溶的感覺手打蝦滑是火鍋店當中常見的菜色，只是這裏的形態不一樣，變作了蝦丸，手打的確實比起用機器做出來的會有明顯的分別，形狀會是不規則的。這裏的蝦滑數量一點也不吝嗇，裏面有超多的蝦，蝦肉也爽口彈牙。墨魚滑的上下分別用了小菊花和葉片作點綴，看了心情也好一點墨魚滑的味道也是濃郁非常，這個並沒有標明是手打的，所以分辨不了，質素也不錯啊。最後一道的是黑豚餃，即是豬肉餃，餃子皮很是大塊，裡面的豬肉味道新鮮，甜甜的，原來每一隻餃子裡都有數條茴香，感覺不是很喜歡呢，只是甜甜的味道，好像跟豬肉有點不搭呢。…查看更多

上環好少火鍋店，世瑛大廈終於開咗一間，朋友好多嘢都想試，訂枱時問可唔可以$800 做omakase咁食，好開心，居然得餐廳不是好大，入門口有幾張方枱，三五知己來最適合，近窗位置仲有一張大圓枱，家庭聚會之選，另入邊仲有一間VIP房。呢到主打湯底，除咗成日食嘅芫茜皮蛋煲、沙爹煲之外，仲有天麻川芎白芷魚頭煲、花雕醉雞煲、黑蒜姬松茸脊骨煲、冬瓜陳皮水鴨煲。店員話女仕們最適合黑蒜姬松茸脊骨煲，所以就選了這個給我們，入好清甜，好重菇味，一口氣飲咗兩碗本地手切牛有兩款，分別係牛腩頭併挽手，兩款都係第一次食牛腩頭又叫牛腩心，油脂分佈平均挽手，係牛嘅肚腩底，每隻牛得兩件，約斤半重，比較有質感兩款都好滑，滾兩至三秒就得，我比較喜歡挽手的質感，不過牛腩頭嘅牛味就重些豚肉併最上嘅係西班牙黑毛豬梅肉、中間係日本宫崎県豬腩同下面好似五花腩嘅就係岩手県白金豬豬腩，先食宫崎県豬腩，跟住係西班牙黑毛豬，最後係岩手県白金豬，我就最喜歡西班牙黑毛豬，可能自己不太喜歡食肥肉餃子併分別有味噌大根豚肉餃、雲吞同水餃，全部都係即叫即包，好新鮮，店員仲話雲吞係用咗本地大地魚和蝦籽，一向喜歡食雲吞麵嘅我，當然最愛雲吞丸子併鮻魚球，豬肉丸和蝦丸，大大粒，睇様就知係手打，我比較喜歡食蝦，除蝦膠，仲見到有成隻蝦，好爽口點心今次係我第一次用點心打邊爐，叉燒包個皮變成用澄麵做嘅水晶皮，感覺好特別、放小籠包入鍋時好怕會穿，好彩無，入面仲有好鮮甜嘅湯，奶皇包留番最後先食，可以當甜品，奶皇好滑，又不太甜甜品估唔到仲有甜品，係椰青布甸同笑口棗，椰青布甸滑得來仲有一粒粒椰果打邊爐，除咗湯氏底，醬料都好重要，呢到有個好特別嘅醬，係自家制嘅蟹醬，雖然叫蟹醬，不過係無蟹嘅，因為廚師之前做橋底辣蟹，個醬就係用橋底辣蟹演變出來的，所以就叫番蟹醬，材料有︰蝦膏、蝦米、蝦籽、蝦乾，芥花籽油，好野味，我覺得配海鮮最好，可惜無得買，有得買，一定買一樽回家…查看更多