夏麵館 (寶石大廈)

行街街行到五點，走去夏麵館吃個下午茶套餐當晚餐。這時段餐廳人很少，卡位坐得舒服。點了香辣牛肉麵和排骨擔擔麵，加了鮮肉小籠包，上海春卷，配熱豆漿和熱奶茶。香辣牛肉麵用鐵鍋上，熱度十足，麵條爽滑，牛肉份量多又易咬，肉質雖然不嫩滑但又不至於嚡口，調味足夠，湯底濃味，只有點點辣。排骨擔擔麵同樣份量十足，麵身帶點黏性，花生醬汁的湯底味也濃郁，配上炸菜粒，花,生粒，吃時有點口感。上海排骨即是豬扒，炸得鬆脆可口，醃料入味。鮮肉小籠包，一籠有四隻，包身的皮有點厚度，咬下去可看到內裏仍保存鮮肉汁，肉團大大個，味道可以。上海春卷，一碟兩件，中間剪斷成四塊，用蔬菜做錎，卷皮炸得很鬆化。熱豆漿，豆味濃郁，還有一片腐竹皮在杯內，難怪可以做出那麼黏稠度高的豆漿。熱奶茶就味道一般了，茶不濃較淡口。這店的下午茶都有水準，吃得飽又好味。…查看更多

今晚和太太在荃灣吃晚飯，突然想吃上海菜，於是來到這家有多間分店的夏麵館，一試水準。餐廳環境裝飾舒服，燈光柔和，內有多張多人枱及卡座，可以舒服地吃飯傾計。餐牌選擇極多，涼菜、小食、麵食、小菜、飯類以及甜品一應俱全，價位適中，更有時令的蟹粉菜式。哆唻咪真材實料用上大量新鮮蟹黃、蟹粉及蟹肉，三者一起燒製，蟹肉的鮮甜味道及蟹膏的油香更為濃縮，入口鮮甜甘香，味道一流，十分下飯，可惜今晚只叫了擔擔麵，但也馬上加點一客銀絲卷蘸著吃。炸銀絲卷新鮮即叫即炸，外層香脆，內裡鬆軟香甜，無論配撘煉奶或者哆唻咪，都同樣可口。鮮肉小籠包熱烘烘的上枱，小籠包皮薄而夠韌度，肉餡味鮮而湯汁清香，小籠包的皮經得起用筷子夾帶而不破裂漏汁。響油鱔糊上枱時仍不停冒煙，火喉鑊氣十足，十分經典的上海式濃油赤醬，色澤亮麗，吃起來有醬香魚鮮，且黃鱔鮮滑脆嫩，加上荀段口感多層次。排骨擔擔麵擔擔麵湯底調味細膩豐富，麻醬味道香濃，微辣的風味，輕輕的刺激著舌頭，口感豐腴，引人入勝，拉麵口感筋道醇厚，頗有嚼勁。而炸排骨外層焦香酥脆而軟嫩不乾澀。濃湯滑津白最後來一個相對比較不重口味的菜式，津白滑嫩可口，奶油濃湯味道濃厚，加上金華火腿的鹹香，三種食材的滋味相配，頗收相得而益彰之效。夏伯伯酸梅湯冰涼的口感，清新的香氣，加上純粹天然果酸，酸甜適口，腴而不膩。…查看更多

今日突然想食上海野，就random咁樣揀左去夏麵館🙆🏻‍♀️ 鮮肉小籠包 (4隻) ($38)：多湯汁，但係皮就偏厚，所以口感麻麻🙈生煎包 (3個) ($34)：呢個係我心心念念左成個禮拜想食嘅野🤤 呢間質素就正正常常，算係少少滿足左口腹之欲😂😂😂老上海炒麵 ($68)：份量都ok，加上入面有菜，所以唔會太濟擂沙湯丸 (4粒) ($32)：最後叫左個甜品做個Happy Ending🤣 甜品反而最好食，熱熱地，皮好軟，喊又唔會太甜，值得一試！…查看更多

荃灣間夏麵館假日真係好爆滿，但閒日就唔太多人，所以唔使等就入座，靜靜地慢慢食都幾好，加上座位舒適又夠大，的確唔錯。鮮肉小籠包 $38價錢合理，皮薄餡靚，要小心夾來食，湯汁滿滿有鮮肉味，餡料份量剛好肉嫩鬆化。花雕醉雞 $66份量好足，雞隻雞算大隻，但肉幾滑，口感扎實帶點彈，雞皮十分爽口唔肥，超級入味，好有酒香，連d汁都好好味。蟹粉炒飯 $95好抵食又大份， 蟹粉係另上的，特別分開裝，可跟個人喜好，自己加蟹粉落粉飯，好豐盛好滿足。每啖飯都連一啖蟹粉，好富貴呀！金黃色的蟹粉有蟹肉絲及蟹膏，味道好濃香，但唔會膩，配爽身粒粒分明的粉飯，唔油膩之餘，仲有鑊氣，味道好好。高力豆沙 $36係我必食甜品，口感輕盈如空氣，入口微彈，內餡係幼滑清甜豆沙，個面仲有爆滿糖粉，好幸福的甜品，但又唔會膩。…查看更多

今晚和太太在荃灣吃晚飯，突然想吃擔擔麵，於是來到這家有多間分店的夏麵館，一試水準。餐廳面積頗大，內有多張多人枱及卡座，可以舒服地吃飯傾計。餐牌選擇極多，涼菜、小食、麵食、小菜、飯類以及甜品一應俱全，價位適中，更有時令的蟹粉菜式。夏味燻蛋涼菜先來一客燻蛋淺嚐，生熟程度拿捏恰到好處，蛋黃部分顏色澄黃，口感滑溜，蛋香相當濃郁。鮮肉小籠包熱烘烘的上枱，小籠包皮薄而夠韌度，肉餡味鮮而湯汁清香，小籠包的皮經得起用筷子夾帶而不破裂漏汁。蟹粉豆腐煲真材實料用上新鮮蟹黃、蟹粉及蟹肉，濃醇香滑的蟹粉與豆腐一起燒製，蟹肉的鮮甜味道及蟹膏的油香更為濃縮，豆腐口感細滑軟嫩，入口鮮甜甘香，味道一流，十分下飯，可惜今晚只叫了擔擔麵。排骨擔擔麵擔擔麵湯底調味細膩豐富，麻醬味道香濃，微辣的風味，輕輕的刺激著舌頭，口感豐腴，引人入勝，拉麵口感筋道醇厚，頗有嚼勁。而炸排骨外層焦香酥脆而軟嫩不乾澀。高力豆沙最後以一客傳統京式甜品高力豆沙作結，外層口感富彈性，有淡淡蛋白香，內層豆沙蓉香甜不膩，十分有驚喜。…查看更多

早幾日荃灣寶石樓依家夏麵館見佢嘅午餐價錢都幾吸引，一於同朋友打電話嚟訂枱食晚餐餐廳座位好闊落，還有幾張卡位。一行四人，7:30pm入座都full full地，好彩有訂枱咋，之後原來都坐到差唔多滿座我哋見到有啲套餐，但係因為唔係太肚餓關係，最後都選擇單點鮮肉小籠包比起一啲大連鎖式店，更加性價比高。小籠包即叫即正大約五至7分鐘就上枱啦肉汁鮮嫩，湯汁豐盈，而且熱辣辣。紅燒獅子頭是上海菜的表表者，將豬肉剁成免治豬肉繼而做成拳頭大小的肉丸，濃油赤醬，紅燒口味濃郁。酥炸排骨麵豬扒新鮮炸起，炸得香酥可口，而且炸漿唔厚，調味得宜，而上海麵面質偏硬，有咬口及彈牙。津白肉絲炒年糕朋友是「煙韌控」，對年糕依種食物完全沒有抵抗力。有嚼勁而且不黏牙配搭香濃醬汁，贊😊…查看更多

夏麵館在香港大概有5-6間分店吧，今天總算有機會試到了。上海餐館有晚市套餐供應，一至五還可免茶芥，套餐包白飯和湯品，比淨小菜才多十數元，而且還可以優惠價加配飲品和小食，二話不說，來兩個套餐！凍豆漿 套餐+$6剛下單不久就馬上送到，大大杯，是上海菜的必備飲料。酸辣湯大碗又夠熱，酸味夠出，辣度適中，配料又夠多。三鮮豆腐羹賣相看似清淡，味道卻是十分豐富，還有股濃郁的咸香味！原來有一大片金華火腿！上完湯品之後，啲嘢食一下子就黎齊晒，由落單起計只需五分鐘左右，超高效率！高力豆沙 套餐+$16口感不錯，豆沙餡料味道偏淡。鮮肉小籠包 套餐+$14皮做得夠薄，近乎一碰即破的程度，內裡包住勁多肉汁，一咬爆晒出黎。蒜泥白肉 $50另叫的冷盤，白肉切得十分公整，被分配到比較瘦的部份，肉質有點硬，是運氣不佳吧？糖醋魚塊 $84每塊魚都均勻上滿糖醋汁，最難得是魚肉仍保持香脆可口。蔥爆牛肉 $84份量超多的一碟小菜，只是調味重手了一點。…查看更多

黎開荃灣經過左都特登走番轉頭黎食夏麵館，一入去未坐底已經講我地聽完左下午茶但個時5pm都未到，唔緊要⋯我地有心黎食野，咪正價食野囉！滿心歡喜環境、餐牌相都影哂，打算寫個食評！好快鮮肉小籠包$36/4隻；就到左，皮好薄透光好易夾起唔會穿，湯鎖係包入面唔會太油味道偏淡，肉好大粒整體黎講小籠包比一般食既都大粒；但好味抵食既！然後一直期待個擔擔麵⋯⋯等左好耐打開個茶壺研究，入面原來無茶葉既，得色水杯茶係無味，咁沖出黎既係咩野？茶都飲左3壺等左半個鐘咩都無黎，我地話取消佢即刻同廚房講唔洗煮，即係一直都未煮？？見到有員工輪流出黎坐&食野，我地明白餐廳會有落場時間，但如果無人煮野食不如直接門口寫休息唔好要客人比正價價錢，咁既服務咁既質素餐廳…查看更多

自從荃灣廣場n年前執左夏麵館後，就再冇食過啦！知道荃灣開返後又嚟食😁望落好似好大碟，實質洋蔥仲多過雞，雞塊略細，微辣中帶點辣椒豆瓣醬味菜飯齋食比較淡，加啲汁食會比較好，牛腩肉質較實，帶點微辣小籠包上枱時仲keep到好熱，皮薄肉汁豐富，餡料適中芝麻味夠濃，唔會太甜太漏…查看更多

以前曾經在上海生活了一段時間，對滬菜情有獨鍾，夏麵館的小籠包令我尋回當時的味道。從前我最喜歡去荃灣廣場的夏麵館，自從結業了，就要跨區到屯門、樂富或荷里活廣場，的確有點距離。當知道夏麵館在荃灣重新開業，便躍躍欲試了! 餐廳環境非常典雅，中國風洋溢，大紅色的沙發座位、酸枝木椅、瓷器擺設等，室內光線充足，略帶點奢華。我們安坐於寬敞的卡位，舒適的點選菜式。我跟友人每樣都想吃，最後揀選了包羅萬有的2人套餐，有湯羮、涼菜、主食和甜點，當然少不了我最喜愛的鮮肉小籠包，未食已經滿心期待了。鮮肉小籠包絕對是必點推介，小籠包皮薄肉鮮，湯汁充滿了小籠包，用筷子輕輕夾起，看到湯汁在底部流蘯著。為了吃到最新鮮、熱辣的小籠包，我不理燙嘴，大口一咬再慢慢呷一口湯汁，湯汁充滿肉味的鮮甜。薑絲放在鎮江醋中，鮮甜的湯汁中帶點微酸，提高整體的滋味程度。吃完小籠包後，黃金蝦球也是我的最愛，黃金蝦球一如其名， 外皮炸到甘香酥脆，粉漿漙而不油膩，吃下去有濃郁的蛋黃香氣，當中的蝦仁十分彈牙、厚實，非常邪惡而且吃到停不了。黃金蝦球下有生菜墊底，幫助減輕油膩感。海蜇十分美味，口感煙韌、有嚼勁，表面灑上的芝麻和濃濃的麻油香，令我感到十分滋味。三鮮豆腐羮味道比較清淡，剝殼蝦、玉米粒和滑溜豆腐粒粒，是營養豐富且味道清甜的湯羮。黝黑色、滋味香濃的燻魚﹐魚骨細軟，但略嫌有少許乾身，咬下去魚油香味在口中散發，吃完有點意猶未盡。 瑤柱蛋白炒飯的火候十足，米飯粒粒分明，口感軟硬適中，蛋白絲裹著米飯，味道不太濃不太淡，比較健康。甜品桂花拉糕的外型呈桂花形狀，表面的桂花啫喱味道恰似酒釀丸子的甜湯，淡甜、帶點微微酒香，拉糕口感非常煙韌，是有特色的上海甜點! 總括而言，夏麵館的食物水準不俗，2人套餐的款式配搭多，多吃幾次也無妨。如果甜點也可以有更多選配，如高力豆沙，感覺會更開心。…查看更多

我本身都好鍾意食上海菜，平時想食既時候往往上海餐廳都要等位排長龍而被迫放棄，剛好比我發現開左分店係公司附近，所以放工叫朋友過黎一齊食飯，諗住閒日無咁多人等位就唔洗等到頸都長。去到店門唔見有人龍，幸運地唔洗等即刻可以入座。店內都用新派時尚既裝修，樓底特別高，座位都較闊落，感覺舒服得多同空間感好大。點餐係自己寫紙落單，依度出名食蟹黃，店員話蟹黃系列菜式有折扣優惠，我地都毫不猶豫叫左款試下，另外仲有二、四、六人套餐供選擇，啱哂D唔想煩又怕左諗右諗既客人。花雕醉雞: 離遠已聞到好香花雕酒味，雞件肉質嫩滑同好冧身，酒味浸透雞肉內，每食依道菜都好似飲左酒咁，味道幾濃鮮肉小籠包: 一籠有四粒，未食已經望到皮好薄同好透，好多湯汁係入面，沾少少醋食，食落比平時食既特別，一般食到既小籠包都以咸為主，但佢依度既小籠包食落帶少許甜味，好特別同好好味，咬一啖已經溢出滿滿既湯汁糖醋魚塊: 賣相同一般小菜咕嚕肉好相似，估唔到份量都幾多，一碟有七至八件魚塊，魚塊大件啖啖肉，皮脆肉滑，糖醋汁酸甜味道適中，撈飯食一流蟹粉豆腐煲: 豆腐質感好滑，好重蟹粉味，芡汁入面仲有蟹肉同蟹黃，好足料，再落左少少醋，令整個味道好鮮，我撈左炒飯一齊拌住食食左三碗，好正干煸四季豆: 炒得好惹味，咸度剛剛好，同埋豬肉碎咪一齊炒好香，夠哂穫氣，係幾出色既一道菜金牌菜肉炒飯: 無諗過份量咁大碟，足夠四個人食既份量，炒飯用左火腿粒同小棠菜一齊炒，飯炒得粒粒分明，唔會太油，味道都比較清黎得唔會淡口，似揚州炒飯既味道咁整體上，每款菜式味道都唔錯，我叫既菜都係配飯一流，加上價錢同份量經濟實惠又大碟，一般食上海菜既份量都較少，但依度既份量係超乎想像，啱哂我哩D大食之人，下次會再黎…查看更多

都有兩年冇去荃灣嘍，今日搭巴士一落車就見呢度有間好似茶居嘅食肆，望入去人地碗麵，哇，咁大碗！？好，咁就試試啦～下午茶餐都有好多種麵揀先飲杯茶先，茶味輕輕地，甘甘地即刻黎碗麻醬拌麵先，麵量好大，麻醬好多，份量相當平日1.5份，麵質滑口，軟稔得黎有少少彈牙，麻醬水份平衡適中，唔會食到口乾乾咁，麻醬稠身，令每條麵掛著麻醬，淡淡都係麻醬滋味～隨麵附送一碗細細碗嘅雪菜湯，可能係預俾人地嫌太濃拌淡番個麵然後就到嫩雞煨麵，奶白色嘅湯內有雞丁，菜碎雖然材料好一般，但味道都好好食，湯底鮮甜，少少鹹味，清淨純潔嘅味道，嗯，就好似一位穿白色連身裙嘅女神咁個碗真心好大，仲有「夏麵館」三個字，精簡得黎又美觀仲試左一試個小籠包，好幸運地，放入口嘅過程「冇穿冇爛」，保留湯汁，湯汁飽滿，夠鹹夠惹味，油油嘅味道同醋相對，形成兩種味覺嘅沖擊，感覺特別飲品有凍酸梅湯，味道酸酸地好醒胃 仲有呢杯熱豆漿，味道十分純潔，飲出豆香而唔係一味地甜，飲淡有種祥和嘅感覺，仲relax過飲淡咖啡～…查看更多