西塘花記 (已結業)

家鄉在北方的我，特別喜愛吃餃子🥟自從這裏開了一間專吃餃子的餐館，我已很想試一試。今天， 我們把這裏所有招牌的餃子口味全部也試過。特別喜愛顏色艷麗的餃子皮，而且你的餃子皮也標榜用天然蔬果色素所染色。我們點了招牌五穀水餃（10隻）$78、四小福水餃（6隻）、雨花石水餃$72（8隻）。這三款水餃也會跟紅棗雪耳燉雞湯😍另外，鮮花半木耳$28，味道也不錯。我有特別想推介，這裏健康的飲品。鮮榨淮山露$28👍🏻我第一次飲淮山露，感覺新鮮、不甜，十分健康。另外，山楂雪梨水$18都不錯。

星期日帶媽咪去灣仔食色彩繽紛既花色餃子🥟，氹得佢好開心😃一入去見到裝修係恬靜幽雅既風格，覺得食完可以練仙🧘🏻‍♀️雨花石水餃$72用左三種蔬菜汁（火龍果、菠菜、南瓜）做成好靚既三色水餃皮，餡係簡單好味既馬蹄豬肉～招牌五福水餃$78綠色：素三鮮（唔辣，但好鮮有韭菜蝦仁雞蛋，小朋友會好中意～）黑色：海三鮮（有蟹柳、元貝、蝦仁，味道少少似龍蝦丸）紅色：蕃茄牛肉白色：剁椒魚（辣椒加魚肉，味道唔腥非常正）黃色：冬菇豬肉記得點佢既自家製既水餃醬汁，重蒜香味，又辣又酸，十分過癮！加$20就有既菌菇湯麵🍜，係拉麵底，口感煙韌彈牙，我仲加左佢自家爆香既辣醬😋雞絲拌粉皮$48鋪滿左手撕雞，好多切得幼身又爽口既蔬菜，加上芝麻，麻油，辣油，粉皮係底，撈埋一齊真係超豐富好味！鮮榨淮山露$28榨碎左好香滑無太大渣感，甜度適中，飲完身心都覺得好健康養生～自家製酸奶$28食完辣食酸甜冰凍既酸奶，都算係人生一大樂事😌

今日去食下午茶，成日途徑這間西塘花餃都好客人滿滿的；在門口見到師博現包餃子，環境也好好，寬敞舒適，設計有櫻花的裝飾的4人雅坐，淺木色的枱子椅子好乾淨、整齊又配搭好，牆上有荷花及葉子的圖畫。更有錄影睇著師博包餃子的功藝每張枱上都有醬汁（辣椒醬及豉油）、牙櫼；好乾淨又有條理的擺設！點餃子或小菜或小食，都可加錢加飲品，見有健康的鮮榨蔬汁，點都要一試（鮮榨淮山露）淮山露是鮮榨的，唔會太甜，有黏黏的口感，幾清又滿健康，對腸胃好！（招牌五福餃）🌈🌈五色餃子真係好靚，10隻餃又賬卜卜，最重要是健康的！每種餃子皮都是伴入天然的蔬菜汁或墨汁而製成的，絕對無化學物質！紅色餃子：紅色是以紅莧菜火龍果汁製成，皮不是太厚好有口感；內餡是番茄牛肉，番茄酸酸甜甜、不是切得好碎有口感又有茄紅素，健康美味；牛肉好濃郁牛味又軟腍黑色餃子：墨魚汁製作餃皮，鮮味十足；加上內餡是三鮮（蝦仁、蟹柳、元貝）口感正、爽、鮮黃色餃子：南瓜汁製作餃皮，內餡是冬菇豬肉，豬肉唔會好肥，冬菇好香又軟，易咬又濃郁味綠色餃子：唔少得菠菜汁，好好鐵質！內餡時雞味濃又滑的雞蛋絲、香味又爽口的韮菜、爽脆的蝦仁；我最愛這個，秘製的剁椒醬好麻香野味、配上淡

成日出街食西餐好滯，今次食下水餃中式嘢。呢間水餃多元化，七彩水餃皮認真制作，餐廳仲會播放制作片段添！招牌五福水餃（10隻）$78-左至右包括係素三鮮水餃、剁椒魚水餃、蕃茄牛肉餃、冬菇豬肉餃同海三鮮水餃各兩隻。最鍾意食海三鮮水餃，墨魚汁水餃皮入面包住蟹柳、元貝、蝦仁，鮮味十足。另外剁椒魚水餃都好特色，好少見餃會包魚，有啲啲辣去咗腥味，魚肉軟腍好味道雨花石水餃（6隻）$72-水餃皮有三種蔬菜汁，健康得嚟又令佢變得七彩繽紛，餡料係豬肉同馬蹄肉汁豐富又爽口韭菜蝦肉煎餃（6隻）$58-比一般煎餃大件，煎得香脆，又有鮮甜蝦肉係入面，同韭菜味道好夾。山東秘制手斯雞$48-醬汁酸酸地辣辣地好開胃。鮮榨淮山露$28-第一次飲淮山露，味道似豆腐同杏霜混合版，淡淡地飲落潤喉。鮮榨紫薯露$28-好香紫薯味，飲落竭竭地夠濃味

今日放工就約朋友去灣仔食餃子，其實我都好喜歡食餃子🥟，經常食飯食得多都想變下食其它食物，餃子都係一個唔錯既一種選擇，這間餃子店是新開，所以都想去看下環境和食物水平質素如何。入去時有位店員問我地幾位，我答2位就請左我地去座卡位，入面D員工個個都非常年青而且有禮貌，後來我地座落覺得環境好舒服又乾淨，我們就叫了雨花石水餃(6隻)$72；每日限量推出，外皮係帶有綠、黃、紅、白色間條都未見過，包含3種蔬菜汁：菠菜汁、菠蘿汁、紅火龍果汁；應該花左很多時間和心意才做到，而裏面材料有馬蹄同豬肉，食起後索索聲，口感很爽口；冬菇豬肉餃(8隻)$58，內有材料:冬菇、豬肉，採用南瓜汁皮，食左一啖發覺內面很多湯，要小心食免得燙到個咀！茴香千葉豆腐$32，一層層豆腐皮爽爽地又帶有茴香味配搭得宜，郊外油菜(生菜)$28，這碟山菜青綠爽脆，可點蠔油食；山東馳名醬豬蹄$48，豬蹄味道適中不會太腍，又唔會太硬，而且仲爽爽地，真係很好味，另外仲叫左鮮榨淮山露$28，果然係鮮榨，唔同出面的太甜，飲落有鮮味的淮山味道，味道清淡不加糖水，而鮮榨南瓜露$28，一樣係原汁原味，很香濃南瓜味，真係很喜歡這2款飲品，他們還送了一碟花生