原の味

新一年, 大家有新目標嗎? 我的目標就是要變得完美….完美!? 會否太貪心? 的確, 要一個人變得完美是很難的事, 但卻可遇上完美的事和物, 今晚我們就遇上….在友人介紹下, 今晚帶老爸來到一間西日fusion 菜的餐廳, 為我們新一年帶來驚喜。餐廳採用大型落地玻璃門窗, 可讓途人清楚看到內裏的環境, 門口亦擺放了多塊大型的餐牌, 很吸引途人註腳細看。甫進內裏, 以深啡木色為主調, 裝潢帶有和風色彩, 設計簡約平實, 環境寬敞舒適, 分有幾個用膳區。近門口設有一個大"L"型的壽司連酒吧枱, 對着一部超大螢幕, 不斷介紹着餐廳, 而另一邊還設有舒適的沙發座。再走入一點, 還預設了多張二至四人枱, 枱與枱之間有很多空間, 坐得自在。安坐後, 店員隨即送上熱茶和多份餐牌, 有串燒系列、晚巿精選、Happy Hour推介和一本餐簿。先翻開餐簿, 第一頁便是招牌菜, 怎能錯過? 還有蠔、前菜、炸物、湯品、壽司、卷物、刺身、主菜、意粉及丼、甜品和兩款晚巿套餐, 大部份都是結合西和日的菜式, 很有創意。******************************先點一客沙律打開胃子。梅酒杞子藜麥麻醬沙律 Goji Seasame Quinoa Salad ($88)選材多變, 配搭起來色彩豐富, 未吃已令人胃口大開。吃前先把胡麻油醋汁 Sesame Vinaigrette  拌勻, 酸咪咪又有胡麻 的甘香, 份量剛好, 不失食材的清新味道。數數看, 除了有新鮮爽脆的雜沙律菜 外, 還配有雙色車厘茄 Cherry Tomato, 清甜爆汁; 亦有清爽的日本紅皮白心蘿蔔片Red Radish ; 仲有健康有益的雙色藜麥 Mixed Quinoa, 多份煙韌口感, 當然不少得浸過梅酒的杞子, 滲出梅子酒香, 又特別又好味。西式的沙律加入日式的梅酒, 讓原是簡簡單單的沙律變得有驚喜, 又美味, 很喜歡!******************************魚子醬迷你脆筒二重奏 Caviar Cornet Duet （Miced Toro & Uni 2pc/CE) ($138)又一驚喜之作, 讓我想起兒時所吃的朱古力小甜筒, 估不到化身成鹹點, 真的創意無限。一客共有兩款口味, 一是混入吞拿魚蓉配麻油分子; 另一是海膽配黑魚籽, 兩款均配上不同的乾花瓣, 賣相都很精緻優美, 老爸拿着仔細研究一番, 還差點弄掉, 哈!先試吞拿魚蓉脆筒, 藏滿黏滑油潤的吞拿魚蓉, 非常鮮味, 跟脆卜卜的脆筒 同吃, 雙重口感, 味道和口感都教人回味。輪到色澤金黃的海膽, 油潤豐膄, 黏滿口腔, 介乎入口溶化, 伴上少少黑魚籽, 鹹鮮味進一步提升, 而脆筒卻帶點甜, 味道複雜多變, 滋味萬分!******************************驚喜一浪接一浪, 原之味火焰卷 Naked Flaming Roll ($148)讓我在視覺和味覺上同樣得到享受。別以為只是一客六件的卷物咁簡單，店員把其端上枱後隨即點火，紅紅烈火不斷燃燒，難怪命名火焰卷。視覺享受完就輪到味覺享受。每件大小相若，外層是經稍稍火炙的三文魚，迫出油份，肉質油潤兼柔軟；頂頭伴上雙色飛魚子醬，既有爆脆的口感，亦添鹹鮮。中間捲着厚厚的吞拿魚刺身，再拌上自家製辣醬，份量合宜，火辣惹味得來又不失魚鮮，配搭一流。它取名火焰卷的確很貼切，點火、火炙和火辣，一絕！******************************老爸愛吃牛, 故選了一道橙薑汁蒜片烤安格斯肉眼扒 Grilled Orange Ginger Garlic Steak ($188) 。西式的肉眼扒 U.S. Rib Eye Steak 伴上爽身入味日式的本菇 Shimeji Mushroom，還有脆口香甜的紫薯脆片Crispy Shredder Purple Potato、甘香的炸蒜 Garlic Chips 和特色的橙薑汁 Orange Ginger Sauce，配搭有新鮮感。指定半生熟，外表烤得金黃，帶些焦香，內裏稍稍粉紅，但完全沒有血水，緊緊鎖住肉汁，肉質嫩且牛味濃，吃時再蘸些特色的橙薑汁，酸酸地以減卻肉眼扒的油膩感，配搭既合宜亦美味，令我倆讚口不絕！******************************還未夠喉, 再來一份五串拼盤 5 Sticks Assorted ($88), 本是有大蔥 Spring Onion、雞軟骨 Crunchy Chicken Soft Bone、雞柳 Chicken Fillet、雞肉棒棒 Chicken Meat Minced 和鵪鶉蛋 Quail Egg，但因不吃蛋，故改了豆腐 Tofu。即點即燒，熱辣辣，香噴噴。每串都沾上燒汁，份量不會太多，味道剛好，而大蔥 和豆腐 還舖滿舞動着的木魚絲，添上鹹香。由大蔥 開始吃起，燒得合時，保持爽嫩，滿有蔥香；雞軟骨 燒得金黃，啖啖爽脆，帶些鹹香，不錯！大大串雞柳肉質雖較紮實，但並不嚡口，且烹調入味。我倆最喜歡就是雞肉棒棒，底面界了網紋，讓燒汁 滲內其中，很入味，加上嫩肉中混了爽脆的軟骨，雙重口感，正！一串四件豆腐 也不錯，外香脆可口，內香嫩，很有豆香，吃時再蘸些燒汁，更好吃！******************************去到尾聲也是驚喜之作, 威士忌三文魚籽沙冰 Whisky Yuzi Sorbet w/ Salmon Roe ($138)令人回味無窮！以一個方形木杯盛載一球雪葩, 杯旁擺放了一羹晶瑩剔透的三文魚籽 Raw Salmon Roe, 單單賣相已很特別。 先一嚐雪葩的味道, 原來是柚子雪葩 Yuzi Sorbet, 酸酸甜甜, 清新開胃, 還夾雜不少煙韌的柚子皮, 不過……為何沒有威士忌的味道呢? 再仔細看看, 原來威士忌 Whisky Shot 已注入杯中, 稍稍浸着柚子雪葩。馬上舀一羹威士忌  加柚子雪葩, 再添一粒三文魚籽 同吃。嘩! 三者集合起來, 酸甜、醇香、鹹鮮並存, 味道複雜多變, 不失其中一方的味道, 配搭起來既特別又美味, 難忘!------------------------------新一年能遇上一間完美的餐廳, 的確是一個好開始。它不單止環境舒適, 服務良好, 最重要是選用優質的食材, 賣相吸引, 味道美味, 既創新又有特色, 令人很難忘, 不得不說句 “原の味, 很完美”。 遇上完美的事和物當然開心, 也同時提醒自己在新一年也要變得完美。…查看更多

針魚剌身 $180針魚肉質彈牙，味道偏淡口，沾上酸酸既柚子醋非常清新。魚子醬迷你脆筒二重奏 $138呢度吸睛既前菜好有心思，迷你脆筒有兩款，包括海膽+魚子及吞拿魚茸+三文魚子，魚生都好新鮮，不過要快啲食，否則放耐左個筒就會好快淋～紅菜頭汁牛油果蟹肉卷 $138紅菜頭拌入左飯中，賣相可愛，但紅菜頭汁令到飯身唔夠乾爽。中間既牛油果夠creamy搭夠～啖啖蟹肉份量無欺場海膽藜麥意粉 $198海膽醬汁好濃郁creamy，藜麥豐富左口感，意粉硬度適中～整體黎講幾好食蟹肉蟹籽沙律 $98沙律份量都幾大，但青瓜有少少出水令到醬汁有啲淡，味道還可以～威士忌三文魚沙冰 $138甜品底部有少份量既威士忌，酒味香醇，同令口腔煥然一新既柚子雪葩好夾。意大利特濃咖啡配抹茶雪糕 $128奶凍滑身，加入抹茶雪糕同咖啡一齊食呢個配搭幾有創意！餐牌…查看更多

尖沙咀東部，一個繁華中帶點休閒的地區，由於靠近海傍，很多遊人都喜歡在哪裡欣賞著香港島的美景，放鬆地閒逛一番。而近年亦有很多不同的特色食店進駐其中，有優閒的咖啡室亦有高級餐飲，百花齊放，最近筆者就到了一間位於摩地道的西日Fusion餐廳，享受一頓與別不同的晚餐。餐廳取名「Naked」，帶著一種原始天然的味道，相信或多或少也表現了廚師的風格吧。西日融和料理，大多以日本著名的新鮮海產配以西式廚藝擺碟呈現出別緻的菜式，每每都給客人帶來不少驚喜，希望今次也不會例外啦，讓人期待。餐廳門面沿用了落地玻璃摺門的開放式設計，一進內已被右面播著餐廳品牌和出品的大屏幕所吸引，側邊還有倘大放滿酒的吧台，十分吸睛。店內則以西式酒吧風格配上和風裝潢，一室啡木色系的主調，多組簡樸通花的屏風間隔開幾個小角落，提升了私人空間感；滿室的日系畫作和擺設裝飾，增添上一點日式的典雅氣味，配上柔和暗黑燈光，裡裏外外都給人一種新舊融和，高檔氣派的感覺。餐廳主打西日新派融和菜，打開餐牌見到很多菜式都是以日本海產或名貴食材入饌，從沙律湯品到頭盤小食、壽司刺身到意粉主菜都一應俱全，另外還有幾款六道菜的套餐可選，價格從五百多元起至千多元不等，豐儉由人，不想動腦筋的話也不乏選擇。先來的是魚子醬迷你脆筒二重奏，4個自家製的迷你脆筒分別放上了加拿大海膽+橄欖油魚子醬和吞拿魚腩蓉+黑魚子醬，造型的骰趣緻，大廚更細心的在做脆筒時加入了不同的味道，放海膽的脆筒用上了羅勒搭配，放吞拿魚腩蓉的搭上了黑芝麻，再加上花瓣和小綠葉的裝飾伴碟，實在很有詩意，美呆了！盡見大廚的精心設計。加拿大海膽色澤金黃富光澤，十分新鮮，入口綿滑甘香，配上橄欖油魚子醬和滲上了脆筒的羅勒香，倍添鮮味。吞拿魚腩蓉肥美滑溜，配上黑魚子醬和脆筒的黑芝麻香，多上了一份鹹香滋味，滿有海洋氣息。接著來個清新一點的原之味赤身沙律，一端上來已覺驚喜震撼，那色彩斑斕的賣相和霸氣十足的份量十分吸睛，經輕輕煎香的吞拿魚赤身，外邊微熟沾上了黑椒，中間半生還呈鮮嫩的嫣紅色，配上多樣的沙律菜、牛油果、車厘茄、腰果合核和藍莓，灑上巴馬芝士、藜麥和黑椒碎，配上芝麻酸汁沙律醬，放在大木板上枱，滿有田園風味，眾多不同的食材相互配合下，口感層次十分豐富，店員建議我們將溫泉蛋弄穿撈上沙律來吃，多上了一重蛋香，味道更上一層樓，濃厚酸香爽口，作為一道到位的開胃菜，完全是精品的級數。跟著還有黑松露蟹醬配脆米餅，蟹醬裡充滿著一絲絲的蟹肉，帶著濃郁的黑松露幽香，幼滑鮮味，真材實料，很是吸引，點上隨碟的脆米餅，吸收了松露蟹醬的精華，鮮甜香口，像是在吃上海鍋巴一般，唯一挑剔的是米餅有點過於脆硬，如能鬆脆一點，吸收上醬汁外軟內脆，那就更好了。小食過後，再點來一客卷物和主食。極上戀之炸卷，炸卷飯糰紅白相間，原來是廚師以紅菜頭汁，將白飯染成了棗紅色，很有心思。內裡包著魷魚和青瓜，卷上紫菜以天婦羅做法輕輕炸脆，面頭撒上木魚碎和飛魚子，淋上少量自家調製的芒果及紅菜頭醬汁，賣相吸引。雖然是經過油炸，入口卻出奇地清爽，一點也不油膩，外脆內軟糯，配上木魚碎的獨特焦香及青瓜的爽脆口感，點上酸酸甜甜的醬汁，感覺反而輕盈清新，頗有驚喜。極上海鰻丼，相對簡單的配搭，將白鰻和星鰻兩種不同品種的鰻魚以自家燒汁燒香，放在日本米飯之上，並灑上藜麥，沒有了之前多姿多彩的賣相，讓客人更專注於其出色的滋味。白鰻的魚身燒得焦香度剛好，入口嫩滑肥美，微甜的醬汁更帶出了其鮮味；穴子的調味則較清淡，食落魚味同樣香濃鮮甜，一道菜式裡能品嚐到兩種不同的鮮美味道，讓人感覺滿足。雖然河鰻裡帶有一點點小軟骨影響了少許口感，但這狀況在一般吃鰻魚時時有出現，也不會引起哽骨的問題，影響不大，而且出色的味道已蓋過了一切，就連平時不太愛好鰻魚的筆者也吃上了整碗飯，當中的美味可想而知。最後當然是來一客甜品，才算是一個完美的結尾，原之味甜品拼盤，當中有豆腐和綠茶雪糕，還有抹茶蕨餅和藍莓芝士蛋糕。豆腐雪糕味道清淡豆香突出，入口幼滑清爽；綠茶雪糕茶味香濃，帶著淡淡奶香，順滑清新。抹茶蕨餅煙韌QQ的，味道清甜中滲出淡淡抹茶香；藍莓芝士蛋糕，賣相的的骰骰，藍莓香混和著淡淡的芝士味，味道不太濃厚。整道甜品拼盤不算太有特色，但還算不錯。整晚的菜式創意滿分，以呈現食材原味為核心，用新派獨特的手法製作出一道又一道的精緻料理，讓人印象深刻，驚喜連連，盡顯大廚的心思新意，令用餐變得更有樂趣，收費雖屬中高檔價格，但以食材的新鮮度和大廚精心的製作，以至舒適的環境和到位的招呼，均算是物有所值，值得支持一試。餐牌快拍…查看更多

經過門口時以為都係一間酒吧，睇清楚先知係間日式餐廳，環境感覺很好，可以用寧靜舒適去形容，傾計談心都無問題，好合適。講返食物先！先黎左個黑松露蟹醬配脆米餅做小食，真係咬到蟹肉，同埋黑松露醬味道很濃，而且互相配合很好，唔會好咸，可以直接將醬汁放落口食都可以，如果想有的口感就要連埋米餅食，而個米餅都好脆口。個醬真係好好食，一人食一碗都得！之後呢個魚子醬二重奏賣相好得，其實主角仲有海膽同拖羅，海膽味鮮，另外拖羅配另一魚子，肉質口感同海膽相似，但可以食出另一種味道，真正原之味二重奏。脆筒底係雲尼拿醬，食到最尾甜甜地，又另一種享受！cheers！🥂灸燒芒果醬三文魚押壽司，押壽司其實只係地區制作方法唔同，因為押壽司一般都係切開，所以感覺係完整一個放入口都容易的。而呢款加入左秋葵同芒果醬，好鮮甜、清新。加上三文魚燒過，味覺享受一次過出晒黎，咬落原來中間放左木魚(但只記得食忘記左補影木魚相)，即時感覺都唔同晒，好香，層次提升！燒過特別香！正！本茹藜麥黑松露溫泉蛋意粉，可能嫌剛剛食既黑松露唔夠，意粉都特意再叫有黑松露，哈哈而且有比較少食既藜麥，感覺菜式好創新，好健康！藜麥有咬口，但勝在幼粒，所以口感唔錯！黑松露好香，但味道唔算太濃，蓋過其他味道，溫泉蛋又可以混合一齊放入口，值得推介。橙薑汁蒜片烤牛排，又一創意之作，平常食黑椒或海鹽牛排多，橙薑汁真係第一次食，fresh，感覺好特別！牛排大概五成熟，最好既係唔需要自己切開而且大小適中，適合幾個朋友一齊食，肉質剛好，有牛味！玉子海帶豆腐味噌湯材料多，味道唔會太咸。飲埋個湯今餐就完美啦！好滿意既一餐，食物水準好高！環境舒適，職員有禮親切！好好笑容，令你食得好舒服！推推推！…查看更多

朋友曾經推介呢間日式餐廳俾我，唔單止有新鮮魚生等，仲混合左fusion菜式，聽落幾得意趁今晚係TST，特登行過去試下新派日式菜的，唔使等位侍應安排左我地坐入面梳化位，環境佈置幾日式， 寧靜舒適，私隱度高雖然餐牌選擇多， 甚至意粉都有， 但我地黎之前睇過推介， 都大約揀左食咩，亦想試下佢既日式西餐要左個小食mini cones -魚子醬迷你脆筒二重奏， 以甜筒既造型， 賣相造型都好可愛， 比我想像中更的骰有兩款味道， 其中一款係海膽拼三文魚子， 海膽鮮味十足有光澤; 而一款係吞拿魚蓉拼黑魚子醬， 吞拿魚一般比較淡味， 但呢款加左辣， 十分惹味， 而且吞拿魚蓉刴得好幼細， 入口即溶，配埋黑魚子醬，突顯矜貴由於海膽實在新鮮無比， 我地加插多一份終極卷物，卷物上面鋪滿海膽，三文魚子同吞拿魚蓉，賣相吸引， 一啖放入口， 三種鮮味混合， 美味無窮，食到卷物裡包含紫蘇葉&漬物，但老公唔鍾意紫蘇葉味道太重， 好輕易夾走紫蘇葉， 壽司飯都無散開 原之味赤身沙律，用木板形式送上，份量幾大，差唔多半張枱咁大沙律菜好新鮮， 沙律材料種類多, 好豐富, 有煙燻吞拿魚，牛油果，合桃， 腰果，藍莓等，大家夾既時候先發現仲有隻半熟蛋， 先將半熟蛋攪均再加上香醋汁撈起， 加蛋既食法係我第一次遇到，食起黎有滑溜口感，感覺幾新奇貪得意轉食日式西餐，黑松露忌廉湯，加入好多新鮮磨菇打成，食到粒粒磨菇，口感豐富黑松露亦已經同湯融合， 味道唔錯另外， 賣相要讚下， 好似有架小船係磨菇湯上飄浮，好有創意48小時慢煮雪花牛小排，用左美國安格斯牛，份量比我想像中多，用左紅黃綠蔬菜作裝飾，顏色豐富，吸引視覺牛小排厚身，半生熟狀態，仲清楚見到雪花分佈，鮮嫩粉紅肉質極之軟腍，生熟程度掌握得好，牛味濃，味道質素配得起個價錢，我地食到讚不絕口除左主角牛小排外，配菜薯蓉亦好做得好好，打得幼細，入口即溶仲覺得未夠飽，原本想加個飯，但黎到不如試特別野，就加左份本茹藜麥黑松露溫泉蛋意粉，香味十足，意粉彈牙，加添黑松露提升左整碟意粉層次，溫泉蛋令意粉更滑嫩，而且加左藜麥，感覺健康d， 又可增加飽肚感估唔到廚師除左日式廚藝了得，烹調西式都唔錯除左食物吸引又美味外，服務不可不讚侍應服務 殷勤有禮，時時主動加茶換碟…查看更多

「Naked」有一種原始、赤裸裸嘅意味，加上「原の味」嘅譯名，多多少少你就估到店家堅持嘅喺乜嘢。較早陣子，喺從雜誌嘅介紹認識這家店，主打新派日菜，並非常有創意及互動，仲記得早前到訪嘅Le Reve，以西日融和風格帶嚟唔少驚喜，所以，對Naked亦萬分期待。店舖嘅正門喺開放式設計，摺門趟開晒後，從外望入去十分開揚，擺上高腳枱椅，只喺嚟飲番杯又得，作為餐前坐晌度輕鬆小酌亦可。但當真正踏進餐廳，近門口右邊嘅巨型壽司吧，十分搶眼，坐晌度唔單止睇到師傅搓壽司，有興趣更可跟師傅交流，而背後嘅電視屏幕，不斷播放刺身、壽司相關嘅片段，絕對唔喺硬銷飲食嘅「節目」。因為我哋被安排坐晌一面，跟住侍應一路走，一路窺探內裡環境，原來地方非常之大，以多組雕花屏風作間隔，提升私人空間感。而一室以金、啡及木系為主調，帶點和風嘅裝潢，卻不失典雅及氣派，然而，唔會有太俗氣嘅感覺。餐廳設有貴賓房，人多大可訂個房自成一角，不過，溫馨提示一下，由於間隔只喺雕花屏風，唔能夠完全隔聲，悄悄話就唔好講得太大聲。除壽司吧位搶眼之外，裡面一張U型大枱，足可容納15人，侍應話人多唔想太拘束，揀坐依道喺幾唔錯，因為可以圍埋有傾有講外，更可以聽到由廚師站晌中央位置講解菜式。翻翻餐牌，比較意外嘅喺菜式選擇非常多，因為好多時賣日本菜嘅餐廳都比較做得專注。分類大致為蠔類、沙律、湯品、前菜、壽司、刺身、特上卷物、廚師推介、食事及甜品，難得喺試過之後，無話太多選擇而做得參差不齊。而且，細閱一遍，發覺用上唔少靚食材！散點外，亦有供應3款二人套餐，定價為$588、$818、$1068，同樣都喺以6道菜為標準，價錢貴啲，就自然所奉上嘅菜式會喺矜貴啲啦。魚子醬迷你脆筒二重奏 $138先上一道小食過吓口癮先，迷你脆筒二重奏其實好簡單，就喺以加拿大海膽拼三文魚籽、鮮吞拿魚蓉拼黑魚子醬做成兩款迷你「雪糕」。賣相的的骰骰，非常得意，脆筒脆口喺應有嘅效果，而無論邊一款口味，都好有海洋氣息。加拿大海膽拼三文魚籽迷你脆筒海膽色澤鮮橙有光澤，喺新鮮嘅表現，入口綿滑，一啲腥味都無，三文魚籽嘅鹹味更吊出海膽嘅鮮。鮮吞拿魚蓉拼黑魚子醬迷你脆筒吞拿魚蓉刴得細緻仍保持口感，鹹鮮嘅黑魚子故然特別醒神，但啲吞拿魚嘅鮮味亦唔失禮。赤海老水雲豆腐 $98水雲，喺海藻嘅一類，雖然食過，但次數唔多，黏滑得嚟有啲爽口感，加入咗少少柚子醋，變得好醒胃；豆腐少少黃黃哋、綠綠哋，店長上菜時就介紹過喺混入鱈場蟹膏嚟做，認真特別；再配上爽口嘅鮮蝦刺身，擺放晌隻玻璃杯內，確喺賞心悅目。就連幾粒杞子，都搵梅酒浸過，又放一片食用花作裝飾，食心思、心機都抵番晒啦！紅菜頭汁牛油果蟹肉卷 $148不得不讚讚佢哋做菜嘅賣相，就好似依一道壽司反卷，「整色整水」之後，喺咪耀眼奪目靚仔好多呢！紫紅色嘅壽司飯，喺搵紅菜頭汁混入珍珠米煮成，捲入牛油果、蟹肉，放點飛魚籽，砌成花形，賣相夠晒美觀優雅，最緊要仲喺好睇又好食嘛，整體口感綿密緊致，清新健康。餐牌中有一欄喺廚師推介菜式，店長誠意推薦，尤其個牛肉海膽刺身板，佢話依家個價錢喺暫定嘅優惠價，試試市場反應，遲啲應該會調整。48小時慢煮雪花牛小排 $248先試試個慢煮小牛排，唔單用上美國安格斯牛小排，更以低溫53°C慢煮48小時，聽落都好吸引。雖然賣相無之前幾道菜咁特別，但用料無欺場，啲牛小排腍滑到不得了，好似做晒水嫩保濕咁，又有肉味，配上香蒜豉油汁，真喺好好食。伴上加入黃薑粉做嘅蕃薯蓉（店長解釋有抗氧化之效），鮮嫩無渣嘅露筍，少少百合，成道保健菜式咁，但另一特別之處，喺再放埋粉紅色嘅「心內美」絲，唔喺店長講講，真喺唔知乜嚟，其實喺一種紫紅色心嘅蘿蔔仔，口感帶點爽脆。自家製特上牛肉海膽刺身板 $380如果挑選全晚最難忘嘅菜式，非依道牛肉海膽刺身板莫屬，一上枱我哋已經嘩嘩聲嚇親隔離。之前提及過餐廳嘅菜式有互動嘅元素，正正可以晌依道菜上反映，一大塊木板之上，放上加拿大海膽、澳洲M3級和牛，以及和牛他他伴鵪鶉蛋、蒜蓉、韓國泡菜、紫蘇葉及韓國紫菜，唔知點入手，角落已擺放一件成品作參考，但亦大可以按個人口味隨心配搭，玩法極多。小弟先以「樣辦」試試味道，入口紫菜鹹脆，紫蘇葉帶出濃香嘅氣味，跟住海膽嘅綿密，和牛嘅油潤，口感極有層次，更從蒜蓉、韓國泡菜引發出辛香惹味，所以，喺一道非常過癮嘅菜式。再試試由和牛他他配海膽，亦有試齊三者嘅組合，同樣效果出色，不過，紫蘇墊底再放紫菜嘅效果就絕不建議，因為失去咗紫菜嘅脆口感。最後，理所當然想以甜品作結，睇到甜點嘅款式好特別，結果揀咗一款加入鵝肝嘅出品，喺款幾大膽嘅創作，以及一款意日聯乘嘅出品，又喺好睇又好玩嘅創作。藍莓鵝肝番石榴雪糕 $148以一個類似放魚子醬嘅盛器登場，裡面滿滿番石榴雪糕，酸香軟滑，番石榴哋非常突出，而雪糕面嘅鵝肝仲喺暖暖哋，將鵝肝拼合雪糕一齊食，感覺喺又熱又凍，味道喺又鹹又甜，然而，番石榴嘅酸味平衡鵝肝嘅油膩，再嗒番粒清甜嘅藍莓，成件事唔會令人覺得怪，卻有一份計算準確嘅心思。意大利特濃咖啡配抹茶雪糕 $128依道日本聯乘意大利嘅甜品，相信喺店家嘅招牌甜點，唔單賣相好有心思，食材嘅配搭亦好特別。為大家拆解吓個甜品先，上層漏斗型玻璃杯加入紅豆蓉墊底，並填滿加咗百利甜酒嘅意式奶凍，再放上大大球抹茶意式雪糕；唧管喺意大利濃縮咖啡，加唔加入奶凍就隨個人喜好，仲有三粒原粒烘培嘅有機咖啡豆，可以就咁咬嚟食，好香濃嘅咖啡味。一口過紅豆蓉、奶凍、雪糕，實在令人開心。下層圓型玻璃杯主要放有喺原味及朱古力味脆米，以及少少食用花做裝飾，令整個甜點更好睇。啲脆米喺俾客人加落上層度一起食，不過，實際玩法可由客人隨心，例如倒翻轉，將部份雪糕放落脆米一齊食亦可。今晚同友人嚟到「Naked原の味」聚餐，菜式唔止只喺賣新派、賣創意，仲加入好多健康食材，亦以呈獻原味為核心，可以講喺一道原味清泉。部份菜式加插亞互動元素，令用餐有更多樂趣！…查看更多

    對這家店一直有很好的印象。首次造訪還是它開在中環soho，名叫gurume garari之時。入店要穿過一條窄窄的走廊，周圍掛著不少畫作，的確很有gallery的味道，菜式擺盤似乎也很講究藝術。最讓人念念不忘的是海膽意粉，醬汁濃厚，海膽足料。雖然時常想再訪，但無奈店舖位置並不就腳，一拖再拖，最終竟然得知了餐廳搬遷的消息，還改了名字，叫原の味。機緣巧合，終於在週六晚上臨時決定造訪。    新店位於尖東海傍，周圍長期盤踞著一班西式餐廳和日式餐廳，相比在soho的逼仄和熱鬧，新位置似乎更加符合餐廳的氛圍和氣質。在menu上看到了很多熟悉的菜品，備感親切；亦見到不少新菜式（亦或是我已不記得見過）讓人胃口大開。因為臨時訂座，只有吧台位置，然而歪打正著，造就了一次很愉快的用餐經歷。兩位師傅都會細心了解食客的想法，樂意介紹食材，根據食客的口味做出變化，也會非常開朗地交談，氛圍很輕鬆。最後師傅竟然贈送了一客甜品，感覺自己好幸運xdd    無論從食物質素還是服務水平，都是一家值得再回訪的餐廳！希望下次有緣再見啦！    …查看更多

今日M佬同我睇完Art Central之後，成個人都好似藝術家上身咁，我發覺我真係好有氣質囉！所以今日嚟到尖沙咀尖東原の味Naked，點都要食番餐又睇得又食得嘅晚餐，感受一次每一道佳餚都可以係一件藝術品！蓮藕脆片：作為前菜唔油膩仲帶點焦燶味。藕片仲有少少砂糖，食嘅時候，記住點埋松露沙津醬呀，細心感受吓，呢個醬混入咗少少wasabi同松露，實在係好高嘅層次。可唔可以要多碟呀？帆立貝冰菜沙律：帆立貝一向都係我的最愛，切到薄身，新鮮之餘仲好juicy，上面鋪上沙律菜，好靚呀！旁邊仲有冰菜，配上炸煙肉碎、豆腐同芝士，再加埋芝麻醬嘅麻香，好開胃呀！薰衣草枝豆：驟眼睇，以為係無乜特別嘅枝豆，但原來粒粒都充滿薰衣草嘅香味，真係越食越放鬆，M佬，我會唔會瞓著㗎？魚子醬迷你脆筒二重奏：賣相好cute呀！聽店員講，大廚用咗加拿大海膽同新鮮吞拿魚，再加魚子醬製成嘅脆筒，淨係聽都覺得係為咗我呢啲咁高貴嘅女士而設啦！海膽夠晒海水味，仲好清甜呀；而吞拿魚就夠晒綿，仲帶有七味粉嘅微辣。不過，魚子醬份量唔多，但都感受到魚子醬嘅鮮甜。押壽司卷物拼盤（芒果醬三文魚押壽司、紅葉頭汁牛油果蟹肉卷、赤蝦押壽司、黑松露劍魚腩押壽司）：四款唔同嘅壽司各有特色，不過，每款都係得一件，M佬又點夠食喎。芒果醬三文魚押壽司：火炙三文魚配上芒果醬，令一向唔鍾意水果入饌嘅A姐都愛上，估唔到芒果醬同三文魚都可以咁夾。紅菜頭汁牛油果蟹肉卷：粒粒飯都占上紅菜頭汁，成個卷物都係紅色，好靚呀！而卷物入面有蟹籽、蟹肉同牛油果，好味得嚟又夠健康。赤蝦押壽司：蝦肉好彈牙，好新鮮，一向鍾意食蝦嘅我，忍唔住想偷偷食埋M佬嗰舊。黑松露劍魚腩押壽司：咁多隻魚生之中，劍魚腩絕對喺我心目中有好高嘅地位，再加埋黑松露，真係好矜貴呀。吞拿魚腩配48個月伊比利亞火腿卷：最底層係48個月伊比利亞火腿，中間就係超肥美嘅拖羅，頂層仲有配上藜麥嘅拖羅蓉，旁邊仲有海葡萄，真係望見都唔捨得食呀。火腿嘅煙薰味好濃好香，而拖羅入口即熔，好味到，我真係唔識寫落去喇！黑松露忌廉湯：忌廉湯加入黑松露都算係近年嘅must，當然有啲餐廳嘅黑松露就用上雲南出品，味道較淡。而呢度嘅黑松露忌廉湯，除咗好夠松露味，湯仲夠晒滑，唔錯。日式辣酒煮花螺：大排檔食辣酒煮花螺就食得多，日式嘅就類似關東煮，入面有好入味嘅蘿蔔同獅子狗魚蛋，重點之重當然係花螺啦，好入味又無沙，夠晒創新。…查看更多

尖東酒吧林立， 但原來最近新開了一家原址在中環頗有知名度，主打西日fusion菜的Gurume Naked Gyarari。 餐廳裡面環境昏暗，但透明度高， 從正門的落地玻璃便可看到師傅在一個開放式的壽司吧枱正準備材料，感覺很專業呢！😎 店內還別出心裁地以屏風把店舖間隔成別樹一格的日本風情🇯🇵， 私隱度高，給人營造出舒適的空間感。 每道屏風包圍着兩三張木枱， 店裡中間還有了一張長長的U字形吧枱，可容纳多人用餐， 就在同一個晚上，有一群常客又在這裡舉行聚會，可見這裡都頗受歡迎呢！😏 沒想到普通的前菜小食都做得很用心呢～😯 炸得微脆的炸藕片配上wasabi黑松露沙律醬， 入口微辣惹味，松露味突出， 香口得黎又高貴，作為小食一流！👍🏻 赤身沙律（$168） 沙律用料十足， 除了份量十足的吞拿魚他他， 還有多款新鮮爽脆的沙律菜、車厘茄、牛油果和果仁等，🥗 淋上令人開胃的柚子沙律汁， 加上店員着我吃前先把溫泉蛋戳破，把蛋汁均勻地拌着沙律吃，感覺更滑溜！ 厚切的吞拿魚他他， 外層沾滿黑椒，裡面肉質軟腍，入口微辣惹味， 加上芝士粉的點綴，味道多了一重層次感呢！ 惟可惜的是吞拿魚魚香比較薄弱。😟 魚子醬迷你脆筒二重奏（$138） 由矜貴材料配搭以至高貴賣相，都看得出店家下過一番心思！😯 店家採用了海膽和吞拿魚這兩種矜貴的食材， 加上數粒晶瑩剔透的魚子醬作點綴， 刁鑽地放於迷你甜筒中🍦，真的很奢華呢！😍 吞拿魚蓉中以七味粉調味 ，軟綿鮮甜中帶微辣， 海膽軟滑，食落海水味比較薄弱，但鮮甜味都算突出， 加上微微滲透着鹹鮮的魚子醬和香脆可口甜筒， 味道、口感都很創新呢！😋 泰の蠔（$156） 即叫即開的生蠔肥美飽滿，入口嫩滑爽脆， 加上特調的泰式醬汁和兩串矜貴的海葡萄， 在口中感受到不同層次和味道的變化，很特別呢！😆 終極卷物（$158） 叫得終極，真係不論在味道和份量方面都一下KO左我地！😂🙈 卷物材料相當有份量！ 份量十足的海膽和三文魚子覆蓋整個飯卷，😳 海膽大大瓣，鮮甜味十足！ 三文魚子的鹹鮮一咬下去便在口腔內爆發， 吞拿魚蓉軟滑，入口油潤肥美。😋 飯卷裡面亦很有心思地加了紫蘇和漬物， 令卷物嚐起來更有口感和味道的層次感。👍🏻 龍蝦燴飯濃湯（$168） 把溫熱的龍蝦湯注入碗內， 由原塊切件龍蝦肉和炙燒過的飯焦所堆砌成的城堡隨即劃分成湖中堡， 十足十高尚的法國菜呢～😳 店家用龍蝦殼熬出濃郁又甜美的龍蝦湯，呈現出最自然的醇香 ，「濃湯」不愧為濃湯！👍🏻 龍蝦肉肉質紮實， 濃湯淋在飯焦上變成了美味燴飯，值得一試！😋 本菰藜麥黑松露溫泉蛋意粉（$128） 扁意粉用日本醬油炒得入味， 混和了黑松露的醇香和溫泉蛋的幼滑， 加上卜卜脆的藜麥和本菰， 令整個意粉更有層次感！😏 不過如果黑松露多一點便更香更美味～ 整體來說， 餐廳環境舒適之餘， 菜式設計也很用心，價格又合理， 用上不少矜貴食材搭配出富有藝術感的創意料理，令我們有一個「養眼」的美食體驗！☺️ 喜歡吃西日fusion菜不妨一試！😏…查看更多