老三火鍋雞煲海鮮放題

如果你好𩟔得既話，咁呢間鋪應該好岩你食，事關呢間鋪既火鍋放題係無時限㗎！餐廳距離旺角A2出口只有一分鐘既路程，十分之方便。星期日夜晚既人流都唔算太多，而且環境都幾乾淨同寬闊，好適合一大班朋友黎聚舊。一坐低店員就會問雞煲既辣度，有得揀唔辣、bb辣、小辣、中辣同大辣。今次我就揀左小辣，本身唔係好食得辣既我都有啲擔心會好辣，但食落都唔係好辣，係有少少麻，而且雞肉都幾嫩滑同入味。店員仲會俾埋一碟即炸既響鈴，將響鈴沾雞煲既醬食，超好味。食完雞煲之後就可以食火鍋，火鍋湯底有好多選擇，包括濃湯花膠雞、藥膳醉雞、胡椒鹹菜豬肚等等。我就揀左藥膳醉雞湯，湯底清清地，幾唔錯。火鍋本身包左8樣配料(龍躉片拼鱔片、牛肩胛、豚肉片、手打蝦丸、招牌餃、響鈴、什菌同埋時菜)，另外佢會送一盤鮑魚花膠海鮮盤。除左鮑魚同花膠之外，佢仲會隨機俾4款海鮮你(海蝦、元貝、蟶子、花甲、黃蜆、刀貝、番薯蜆、生蠔)。海鮮都好新鮮同鮮甜，隻鮑魚仲識郁㗎！唯一唔好既係每人每款海鮮只係得一隻(除左蜆)，如果想再食既話，要加錢先有得食。除左海鮮盤之外，其他既火鍋配料都可以任食，例如牛肩胛、龍躉肉、白鱔片、水魷魚、魚皮餃、烏冬等等。食物選擇唔太多，不過食物質素都叫OK，同埋夠食。飲品方面，除左有基本既汽水之外，仲有自家製羅漢果菊花茶。我最鍾意飲既就係得米凍頂烏龍茶。甜品方面就淨係得雪糕，不過都有唔同味道揀，包括雲呢拿、朱古力、芒果、海鹽、乳酪同咖啡。價錢: 平日$238一位，另收加一，星期五六日及價期前夕每位加$10整體而言，我覺得呢間雞煲火鍋店既食物質素中規中矩，係勝在有新鮮既鮑魚海鮮食，但連最基本平時打邊爐可以任食既蝦都唔係任食嘅，所以個人認為都唔係話好抵食。值得稱讚既係員工服務態度好好，冇漏單既情況，上菜同收碟都快。另外，即使枱面已經擺左幾碟食物，都仲係好闊落，坐得好舒服。餐枱上唔單止有紙巾提供，仲有一個黑色兜用黎放垃圾，令到餐枱乾淨企理。…查看更多

早前看youtube的美食channel看到這間放題認真抵食，又鄰近旺角站A出口，數分鐘便到，非常方便。可以六人一枱，下次可以跟一大班朋友吃。不得不讚一下，侍應會主動更換新的碗碟和清空垃圾桶(每枱也有一個小桶)。海鮮雞煲火鍋放題 - $228順序推出十款項目，不夠的話還可以任飲任食追加，而且用餐時間是沒有限時的。自助區有多款飲料，當中有較特別的本地品牌Summi果汁；甜品有本地品牌CoCoberry的多款口味雪糕；醬料區除了基本豉油外，還有麻醬、沙茶醬、麻辣醬等等。香辣滑雞煲雖然可以走辣，但重慶雞煲當然要有點辣才過癮。芬香撲鼻的花椒香味和辣椒味，味道香辣惹味而不嗆喉；即炸脆響鈴非常酥脆，沾醬汁一流；雞件有一隻份量，入口好新鮮，完全沒有雪味，好嫩滑彈牙。值得一讚，店員會幫忙煮雞煲。蟲草竹笙鮮菌鍋八款湯底選擇了這個較為滋補強身的湯底。再將健康素什菌和田園時菜放下，更顯清甜。鮑魚花膠海鮮盤(隨機6款)餐廳內有魚缸飼養，海產特別新鮮。新鮮的海蝦上碟還會跳動，好鮮甜彈牙；花甲、刀貝和番薯蜆均會吐舌，鮮甜不帶沙；雪白厚身的帶子好嫩滑，裙帶位爽口，月牙位軟糯；原隻鮮鮑魚頗厚身爽身，有鮑魚鮮味。生劏龍躉片拼鱔片較少見的龍躉片肉厚嫩滑，魚皮特別充滿膠質；鱔片也不遜色，但較多細刺。安格斯牛肩胛雪花分佈得好均勻，色澤新鮮紅潤；這位置較多肌肉，入口紮實富牛肉味，帶一點嫩筋有彈性。手打蝦丸 & 特色招牌餃蝦丸爽口紮實，充滿鮮生蝦味；招牌餃是韭菜肉餡有好濃郁的韭菜菜香。…查看更多

朋友約食生日飯，鐘意打邊爐既我見有新開既老三雞煲火鍋，就一於試試!星期五六每位$238，雞煲加打邊爐任食，價錢唔貴。雞煲肉質鮮嫩，而且入味，好食!而且份量多，食完食雞煲都已經飽左6-7成。雞煲仲跟埋一碟即炸嚮鈴，老闆教我哋沾左雞煲汁去食，果然香脆好食!食完雞煲，店員會幫手換湯底打邊爐，仲會俾埋海鮮盤、招牌餃子、安格斯牛肩胛、生劏龍躉肉拼鱔片、蔬菜盤。我哋揀左藥膳醉雞鍋，標準食法係先將海鮮盤加入去，等湯底滾起就可以飲湯，然後食海鮮。藥膳醉雞湯清甜可口!海鮮盤有鮑魚、鮮蝦，硯等等，最好食係鮑魚同埋蝦，好彈牙爽口!硯同貝都好味既，不過就有少少沙，美中不足。第一次食，我覺得老闆同員工服務都十分細心，會同我哋分享點先最好食，例如會提我哋食左蝦先，不然肉質會太老，值得一讚!總體黎講，我十分推薦大家去試，我自己亦會再去食。…查看更多