窩心鍋 (已結業)

今晚氣溫跌一跌，老公提議到尖沙咀打邊爐，佢話有一間好型格的火鍋店好想試下，火鍋店位於白蘭軒道2號，門口的一面牆畫了一幅好型的畫，好吸睛，樓梯間都有好多FIGURE擺設，好靚! 餐廳有兩層，房間可以唱埋K，一邊打邊爐一邊唱K，真係好潮!我地揀左$338一位嘅窩心套餐，另外餐廳再送左一客日本和牛刺身。除左叫餐之外還可以散叫，都好多選擇。日本和牛刺身雖然係免費，但一點都無馬虎，每片都見到好靚的網維雪花，入口即溶，回味無窮。紅菜頭水一點紅菜頭的泥腥味都無，甜甜的好好飲。香茜皮蛋湯滿滿的芫茜鋪於湯面，湯料還有皮蛋及馬蹄，湯底越滾越濃，愛吃芫茜朋友一定要試!牛脾肉 + 黑豚腩片牛脾肉一看脂肪分佈均勻，肥瘦有致，入口肉質軟腍，牛味濃而不羶。  黑豚腩片薄薄一片好快就熟，甜甜的豬肉味好細緻。台式滷水牛根+ 豬肚牛根和豬肚都滷得好入味，即使烚完都依然保留著滷水的味道，而且炆得好腍，尤其牛根有種入口即化的感覺，我好鍾意食。三寶丸 + 脆鯇片三寶丸有蝦丸、墨魚丸和鯪魚丸，我最愛蝦丸的口感，非常彈牙。脆鯇片好爽口。海鮮拼盤拼盤有鮑魚~大蝦~廣島蠔鮑魚好鮮甜，非常新鮮，又有嚼勁。大蝦老公話好好食所以我貢獻埋比佢

沿住樓梯上嚟已經覺得好特別，好新潮又colourful但係又帶點傳統，我鍾意！上到樓上先嚇一跳，哇咁大個算盤嘅？！真係忍唔住要即刻打吓佢先，後面就係彩色繽紛嘅卡位了，啲顏色真係勁吸引，又黃又金，睇到都開心！窩心套餐 ($338/位)老闆推薦我哋食呢個餐，第一次嚟食當然試吓set先，如果好味嘅下次先散叫吖嘛！香茜皮蛋湯上菜時呆咗，首先個金盤已經勁得意，差啲想放對手入去金盤洗手！另外係芫茜勁多，差唔多鋪滿成個湯面！入面仲有皮蛋及馬蹄等，煮到好清甜，未打之前當然已經忍唔住飲咗幾碗啦紅菜頭水凍嘅就飲得多，熱嘅真係未試過喎！原來煮熱咗嘅係咁清甜，真係好想一口氣飲晒佢！海鮮拼盆南非鮑魚：已經切開一格格，肉好厚身但唔覺得好韌，鮑魚味又濃虎蝦：肉質好爽彈，好大隻而且蝦味好好好好好濃廣島蠔：有啲可惜，夾起上嚟未解凍夠，不過煮熟後蠔味都好足夠，加返分啦！日本雞頸肉聽到雞頸肉之後真係忍唔住問，乜雞頸食得㗎咩？！一直以嚟都係話記住唔好食雞頸呀，打針㗎。不過來自日本嘅雞又點呢？佢哋唔打針，所以雞頸都可以放心食用，老闆專登引入，每隻雞只有一片，好罕有㗎！肉質超嫩滑又爽口，雞味好香濃，好難忘！手切極尚和牛脾肉油花分

"窩心"一詞，原來在中國南北區域都有著很不同的意義，但在江南華南(包括香港) 泛指 "心裡感到溫暖、有暖心的意思"。用餐當日，寒風凜凜加上微微細雨，街上。對於晚餐，我和友人站在棉登徑十字路口豪無方向，忽然見到一個易拉架, 試業八折！說實在的，我當堂個心踏實了很多，跟同行友人互相一個默契的眼神，就一起箭步上樓去也。餐廳走時尚格調路線，而且光猛鮮明企理，一入門口已經見到一堆時下最流行的 "Bearbrick" 和 "岳敏君"擺設，而三樓每一間房都有不同的顏色配搭，下次約親友私聚又好，帶客戶食飯也好，都絕不失體面。另一個亮點係，男洗手間(由於性別關係，未能到女洗手間一窺全豹，留待其他女讀者發掘了)金堆玉砌的手洗手間，無論係坐廁以至尿架，都係以"金色"為主題，還記得香港在 2000 年代，曾經某上市公司打造過金廁所，更被列入健力士世界紀錄！很懷念當年的黃金年代呢！其實，試問就算急到萬馬奔騰的情況，又有幾多人捨得再多放黃金萬兩呢。但我知道，如果下次同客食飯，這些都可以係跟客戶一個討論話題，唔使下下放工仲傾公事。未上正餐，先來一客飲品潤潤喉嚨，點了一客"紅菜頭水"，是店家自家制的，坊間火鍋，大多都