博多拉麵別天神 (已結業)

逼不得已一定要喺街食飯的話，我推介「博多拉麵別天神」！（拜託，強制險疫的人不要進來！）一進舖頭，發現它的座位像日本拉面店般，食客平排單向的，一臉朝着吧台坐。（沒有面對面與其他食客接觸，比較放心）用日本最常用的自助售賣券機，我們叫了一個別天神套餐（有一豚骨拉面，一小龍蝦蟹子沙律，一餃子），另外就叫了蝦味噌豚骨拉面，賣相一流之餘，味道實在物超所值！小龍蝦蟹子沙律很開胃，蟹子的粒粒脆口感配上蝦肉和沙拉醬，是前菜必選！（配埋卜卜脆紫菜食無得壇）我和男友分別試了不同湯底的拉面，豚骨湯很滑，白色湯底不膩不油；蝦味噌湯底則比較濃郁，喜歡蝦的人必試～ 我特別欣賞這店的豚肉，別家的店豚肉叉燒有時肥得要緊，有時卻瘦得像柴皮；但別天神的豚肉卻是肥瘦適中，配上湯底實在是絕配！

----------💛#黃店💛5/8, 11/11/2019罷市💛8/2019學生半價優惠💛11/2019派生理鹽水濕紙巾----------🍜豚骨湯麵 $75湯底唔會過咸，麵係幼麵，麵質軟硬度適中。配料有叉燒、半熟蛋、紫菜、木耳、蔥，叉燒有灸燒所以幾香口，而且肥瘦適中。-🦐蝦味噌豚骨湯麵 $85蝦味噌豚骨湯比豚骨湯濃，有大量嘅櫻花蝦，中意濃味嘅可以揀呢款。-加$30可轉套餐 有一款小食🦐小龍蝦蟹子沙律/🥟餃子4隻沙律幾特別，有好多蝦肉，啖啖都好鮮甜，加埋脆卜卜嘅紫菜好快就可以食哂🤣。----------📍博多拉麵別天神🔎紅磡民泰街6號地下🔎銅鑼灣告士打道277號地下3A號舖🔎尖沙咀阿士厘道24號天星大廈地下A1地舖🔎尖沙咀彌敦道100號The ONE LG1樓🔎旺角山東街40Q號地下🔎中環擺花街12-16號合成商業大廈地下3號舖🔎北角書局街22號地下

最近成日都係屋企自煮，真係忍唔住要出街食美食! 旅行無得去，又掛住日本拉麵，於是就去返之前食過既別天神拉麵，味道一如以往，仍是我最喜愛拉麵店之一!一入到店，就會見到自動販賣機~menu選擇不多，主打2款拉麵，亦可以加30蚊upgrade做套餐，同老公2個人食就已經可以試晒所有食品蝦味噌豚骨拉麵+餃子套餐 （$115）湯底味道非常濃郁，賣相亦好出色，碗面舖滿櫻花蝦，粟米，青蔥，叉燒肥瘦剛好，既濃郁亦有清爽既口感!別天神套餐 （$105），套餐包括左豬骨湯麵+小龍蝦蟹子沙律，以拉麵店價錢黎講係好抵食，特別一讚溏心蛋非常流心，熟既程度洽到好處，好想再追加食到尾聲既時候，店員突然送上每人各2個口罩加濕紙巾!!!係呢個咁既一罩難求既時勢，食完美食仲有口罩，真係好窩心!!【康復香港 · 時代抗疫】

別天神拉麵咁出名，之前係網上面都睇過好多佢既食評，都係一致好評，我今日試哂佢既拉麵同小食。首先環境唔錯，好有日本拉麵店風格。服務都唔錯，只有2位店員打理成間店所有運作，但所有事務都打理得井井有條。食物:我地叫左個別天神套餐加4隻餃，同埋蝦味噌套餐加小龍蝦沙律。😍😍我個人比較鐘意豚骨湯拉麵個湯底，真係正如佢咁自信咁講100%豚骨濃湯，香濃到不得了，好高質。加上佢既日本叉燒都好入味，令人十分回味。餃子用料主係豬肉同菜，唔錯。另外蝦味噌豚骨湯麵相比起豚骨湯，比較重蝦味，我朋友就比較鐘意蝦味，加上店員推薦加上拉麵汁 蒜蓉 同 辣芽菜，神奇地成個麵湯馬上升到另一個層次。小龍蝦沙律好多小龍蝦肉，成個沙律竟然感覺好新鮮同濃郁，值得一讚，再用紫菜包住食，好美味。下次一定會再黎食。

行過紅磡想食拉麵，唔係好想食拉麵天王，所以去左試下另一D拉麵店，所以試下依間要等位既別天神。別天神入面都係一貫吧台設計，有兩個店員整野食連洗碗，所以門口有部自動售賣機，代替Cashier，都幾日式。但部機就類似M記果D賣野既機，咁我地就睇下有咩食啦。主要有兩款拉麵，一隻係豚骨拉，一隻係蝦味噌拉，仲有兩款小食，小龍蝦沙律同餃子，可以以套餐形式叫。所以我地一人叫一Set，梅花間竹既配搭。野食未黎之前我地留意到有頭頂有Tempo紙巾，夠晒慳位和細心。另外有茶水供應，幾好亦有唔同配菜!後面有D許願牆!又有D卡通精品換等左一陣先上左小食，我地先食小龍蝦沙律，並有紫菜提供。我地用紫菜包住沙律食，幾Fresh!之後再黎餃子，我地睇住佢係餃子機即整，幾香脆內軟，好味。之後食晒小食，就有拉麵喇，時間岩岩好豚骨拉: 配菜有竹笙同蔥落下拉麵專用Pepper先!蝦味噌拉: 配菜有Corn同蝦米櫻花蝦好乾脆有兩隻流心蛋幼面質，幾特別差燒肥厚，香口流心蛋非常正臨食番隻，都依然Keep住流心感。仲有卡套送添。依個晚餐，都幾抵食

真係好中意食別天神d拉麵，無味精得黎，好多地方有分店，每間店既設計都好貼心，有曬tempo紙巾，茶水任添。而且有許願貼紙牆，真係好有特色🤩慣例叫曬兩款小食，發現小龍蝦蟹子沙律🥗呢間味道少少唔同，好似多左芥末味，不過鮮味依然，膠質都係咁彈牙。蝦味噌豚骨拉麵🍜朋友落左激多蒜蓉落去，重口味既一定要試，味道濃郁～豚骨拉麵叉燒好味，湯係乳白色，呢個價錢絕對係一碗above average 既拉麵，當然叫埋套餐最抵！都係$105😎每碗拉麵都有味付玉子，整得甜味又唔會腥，每次食都好滿足，最緊要係湯無落味精，飲曬都唔驚😂👍🏻今次兩個女仔一齊食都叫左套餐，差d食唔曬。大家唔好好似我地咁眼闊肚窄😂

掀開布簾，就會見到餐廳裡面長長嘅吧枱。我真係好鐘意呢種有吧枱嘅餐廳，因為睇住廚師料理都係一種享受。而且我特別鐘意係岩岩開鋪嘅時候黎，可以避開人潮，好舒服咁食晚餐。一如以往，我同呀妹一人叫左一個套餐。餃子外皮煎得香脆，裡面有肉汁。小龍蝦蟹子沙律用料十足，小龍蝦嘅分量好多。豚骨湯底本身已經十分濃郁，但加上櫻花蝦同味噌，令湯底更加鮮味。拉麵嘅配料亦十分豐富，半熟蛋係我嘅最愛，有時甚至會再加多隻蛋。枱上面有吾同嘅調味料同配菜可以自由配撘，所以每次黎食都會有新鮮感，百吃不厭。

『別天神拉麵』最近在多區開了分店，作為日式拉麵粉絲的小女子當然不會錯過，這天就來到位於紅磡的分店試試看！店子使用電子版下單及付款，完成後店員便會將食物送上，十分方便。「別天神套餐」就是豬骨湯拉麵加一份小食，先說說拉麵：豬骨湯底用料十足，味道夠濃郁，但又不會覺得油膩；拉麵屬於較幼身的，很掛湯，軟硬度亦剛剛好，帶點彈牙口感～配料方面，义燒是半肥瘦的，而且本身已燒得很香很惹味，溏心蛋亦有流心效果，超級抵贊！另一款選了「蝦味噌豚骨湯麵」，湯底以豚骨配搭香濃味噌，比純豚骨更惹味，加上粒粒蝦米另拉麵又多了一重口感和味道，喜歡湯底較濃味的話一定要試！「別天神拉麵套餐」本身已包一款小食，所以可以不加錢吃到「小龍蝦蟹籽沙律」。看似小小一球內裡其實有不少龍蝦，肉質新鮮爽口，配上脆脆的紫菜來吃超級正，必食！另外點了一份餃子，外皮煎得夠薄夠脆，內餡足，味道雖不算驚艷，但也很美味。老實說本身對『別天神拉麵』沒有很高的期望，但吃完完全覺得是超水準！價錢也不貴，絕對值我再來～------------------------------By alvahana

又去咗黃埔探朋友，順便一起吃晚飯，佢話最近別天神開咗新店在附近，不如就食這店別天神套餐包一個拉麵同一個小食，拉麵有豚骨湯拉麵和蝦味噌豚骨湯拉麵可以選擇；而小食則有小龍蝦沙律和餃子可供選擇作為博多拉麵店當然採用九州的直身幼麵，麵身爽口彈牙，個人覺得快食麵身口感更佳豚骨湯拉麵 - 豚骨湯底配以叉燒、木耳、糖心蛋！湯底濃郁，配以木耳增加了不少口感，叉燒上前先用火槍燒過蝦味噌豚骨湯拉麵 - 豚骨湯底加入蝦味噌，湯濃而不鹹！櫻花蝦配上蝦味噌，令蝦味更濃，而粟米就能增加口感整碗拉麵嘅口感小龍蝦沙律 - 沙律中有小龍蝦肉和蟹子，蟹子卜卜脆，用紫菜包住食，口感更好，非常好味餃子-底部非常香脆，肉餡多汁，配埋餃子醋食味道更佳佢哋做緊五周年優惠，將相放上網仲有毛巾送

每年返日本鄉下都2-3次，有時候想在香港搵正宗日本拉麵食下頂癮，今次嚟到呢間博多拉麵店，再次品嚐到正宗日本拉麵嘅味道。套餐已經包括沙律、小食及拉麵，只需要$105，都算幾抵。座位擺設都好有日本拉麵小店嘅風格。小龍蝦蟹子沙律，啖啖龍蝦肉，好鮮甜，包住紫菜一齊食會更加夾。餃子都係日式風味，水準合格。豚骨拉麵有一個香濃嘅豬骨湯底，味道唔會太鹹但夠濃厚，拉麵爽口彈牙，日式叉燒混合左少少中式做法，有一面叉燒係煎香左再擺番落個麵到，令到叉燒更香滑而唔會太肥膩。蝦味噌豚骨拉麵嘅湯底俾純豬骨湯底更香，加咗蝦嘅香味層次更豐厚。我個人比較喜歡蝦味增湯底。