博多拉麵別天神 (已結業)

別天神拉麵咁出名，之前係網上面都睇過好多佢既食評，都係一致好評，我今日試哂佢既拉麵同小食。首先環境唔錯，好有日本拉麵店風格。服務都唔錯，只有2位店員打理成間店所有運作，但所有事務都打理得井井有條。食物:我地叫左個別天神套餐加4隻餃，同埋蝦味噌套餐加小龍蝦沙律。😍😍我個人比較鐘意豚骨湯拉麵個湯底，真係正如佢咁自信咁講100%豚骨濃湯，香濃到不得了，好高質。加上佢既日本叉燒都好入味，令人十分回味。餃子用料主係豬肉同菜，唔錯。另外蝦味噌豚骨湯麵相比起豚骨湯，比較重蝦味，我朋友就比較鐘意蝦味，加上店員推薦加上拉麵汁 蒜蓉 同 辣芽菜，神奇地成個麵湯馬上升到另一個層次。小龍蝦沙律好多小龍蝦肉，成個沙律竟然感覺好新鮮同濃郁，值得一讚，再用紫菜包住食，好美味。下次一定會再黎食。