THE CAPTAIN'S FISH & CHIP BAR

營業中

休息中

🙋🏻‍♂️餓底探員去咗啟德調查呢間小食店，店鋪以船長為主題，主打炸魚薯條同街頭小食，全港首創雙皮奶雞蛋仔係爆紅小食，喺threads上討論度相當高，除咗爆紅雞蛋仔，主食都好高質，下次食雞蛋仔記得試埋佢哋嘅主食，真心推介👍🏻🍝巨大船長炸魚配明太子白汁意粉 $108🙋🏻‍♂️表示招牌巨型魚柳超大塊，選用冰島鱈魚，炸到金黃色，外層酥脆，肉質鮮嫩鬆軟，配上彈牙意粉，加上濃郁香滑嘅明太子白汁，食落仲有蒜香，好好味，必食推介👍🏻🥛雙皮奶雞蛋仔 $38🍳蛋撻雞蛋仔 $40🙋🏻‍♂️表示雞蛋仔即叫即製，外脆內軟，充滿蛋香，雙皮奶雞蛋仔係全港首創，選用順德近百年老字號品牌「民信雙皮奶」，咬開爆餡，奶香濃厚，口感軟滑細膩，另一款蛋撻雞蛋仔都好特別，食落有蛋撻嘅嫩滑同雞蛋仔嘅香軟，雙重蛋香層次豐富，賣晒就無，要食趁早呀🐤蟲草花雞肉燒賣 $30🐖香菇豬肉燒賣 $30🙋🏻‍♂️表示燒賣有多款口味選擇，仲可以㨂蒸或炸，蟲草花雞肉燒賣揀咗蒸，口感彈牙，味道鮮香又有蟲草花嘅清甜香氣，配上XO醬食落更加惹味，香菇豬肉燒賣㨂咗炸嘅，外脆內爽彈，充滿肉汁同香菇鮮味，口感豐富，配上松露沙律醬，增添菇菌氣息🍗秘製單骨雞翼 $38🙋🏻‍

雖然冇得入去睇演唱會，去Airside呢間炸魚薯條店，都有得活著Viva吓呢間嘅炸魚薯條，大胃認為絕對好食過喺倫敦食，8安士嘅炸魚非常大塊而且好厚肉，外皮脆卜卜，裡皮好彈，魚肉好鮮香好嫩滑薯條份量非常之多，質感唔錯，點他他醬同茄汁食好滿足單條solo就聽唔到喇，單骨雞翼都仲食到，雞翼炸得好好，肉質唔知點解可以咁有彈性咁有肉汁雞翼可以配意粉，海膽汁意粉真係勁香海膽味，條條意粉上晒色入晒味，麵條煮得好彈牙呢間連雞蛋仔都有賣，更有雙皮奶餡料𠻹，真係聞所未聞一底勁聚手，粒粒都有足料雙皮奶，啖啖蛋香奶香好足食炸嘢一定會頸渴，點都要嗌杯檸檬汁送吓餐，西柚味嘅檸汁格外清新，可以少冰少甜熱情果金橘味有果肉可以食吓，過吓口癮

之前行Airside 商場，已經好想試下呢間餐廳。因為成日都見到好多人排隊點餐，而且有啲啲出嚟嗰陣手都拎住雞蛋仔，搞到我都好想試下～近排終於去咗～點咗佢哋嘅西式item同雞蛋仔。雞蛋仔嘅味道原來係雙皮奶，都幾好味幾特別。成餐味道都唔錯～雙皮奶雞蛋仔外皮質感相對柔軟，雙皮奶香氣馥郁，甜度亦恰好，幾好味，令人想一口接一口。英倫炸魚(4OZ)配薯條 炸魚外脆內嫩，香氣撲鼻，搭配濃郁的蕃茄汁與自家製嘅他他醬，口感豐富，而份量十足，好夠食！招牌單骨雞翼配香草番茄意粉 6隻蒜香風沙雞翼炸至金黃酥脆，肉質鮮嫩，肉味香醇而蒜香誘人；而意粉彈牙，蕃茄味道相對柔和，唔會太濃郁同酸，恰到好處。奇異果原個檸檬果汁清新，味道酸酸甜甜，奇異果同檸檬味嘅互補，飲完好神清氣爽哈～玫瑰西柚原個檸檬果汁西柚香氣濃郁，伴隨檸檬的清爽。呢杯野尤其口感冰涼！

朋友話未去過AIRSIDE，於是有過一次經驗的筆者大膽自薦做導遊，週末一起出來遊玩。搵餐廳醫肚期間，見到地下的這間「THE CAPTAIN'S FISH & CHIP BAR 」大排長龍，一於趁墟加入試試！香脆的單骨雞翼，空口吃已非常香口惹味，選擇了香脆蜜糖口味，鹹中帶點甜。海膽汁意粉呈橙紅色，質感偏乾身，不過口感又幾彈牙，海膽香味都頗為濃郁。4oz炸魚的份量已經非常大塊！魚柳外皮炸至脆卜卜，裡面的魚肉十分滑嫩，也可以蘸點店舖自家製的粒粒他他醬。配上粗薯條，同樣炸至外脆內軟，滿滿的薯香味。根據排隊點餐期間的觀察，小食顯然是最受歡迎！燒賣有6個款式供應，更可選擇炸/蒸做法。揀選了炸的蟲草花雞肉燒賣，外層香脆，雞肉餡幾香，但就未太感受到蟲草花口感。醬汁也是自由配搭，配上明太子沙律醬，增添了微辣感，更加惹味。這個絕對是店舖number 1的人氣小食！基乎人人都有order，誇張到要等候接近35分鐘。雞蛋仔新鮮做起，外脆內軟，入口有蛋香味。而每一粒都有雙皮奶內餡，雙皮奶滑溜，奶香味道濃郁。整體味道不會過份的甜膩，食完一底都不會太膩。

香港特式小色—雞蛋仔，相信每個香港人由細到大都會食過，但要做得出色，唔係每一間都做得好。嚟到Airside，見到雙皮奶雞蛋仔海報，深深吸引我去試🤭本身好鍾意食雞蛋仔同雙皮奶，Mix埋一齊真係未食過。果然冇令我失望，雞蛋仔係即叫即製，雙皮奶用義順雙皮奶，甜度適中，奶味突出。每粒雞蛋仔都有滿滿的雙皮奶，絕對冇偷工減料，每啖都食到豐富的餡料😋而家每次去Airside，都會去幫襯，希望店主繼續keep住水準💪

咖吓好多地方都有有餡雞蛋仔朱古力。芝士。肉鬆都好普通話啦今次有我最愛嘅雙皮奶😍😍😍蛋殼夠脆夠香內餡雙皮奶都好香好滑少少甜熱辣辣超好食星期六日任何時候都好多人今次星期二下晝5分鐘就有啦🤤🤤🤤下次試吓蛋撻雞蛋仔先🤭🤭🤭

經過airside出面大公園 見到一間都幾多人排隊嘅小食店原來有雙皮奶雞蛋仔😍🧇 雙皮奶雞蛋仔 （朱古力味） $38上2星期食 有試食價$38 原價$45 唔知依家仲有冇🙈雙皮奶呢個味道好有新意😍我將雞蛋仔味轉左做朱古力味😝多人排隊 等左20分鐘先有 等個陣係公園坐下睇下狗仔😆一拎上手 雞蛋仔好重手 好香奶味😍咬落去入面充滿雙皮奶餡 有啲仲爆左出嚟🤣 好重奶味 好食👍反而朱古力味有少少蓋過左 但唔大問題🤓不過因為餡多 佢會快淋少少 鍾意脆口嘅人要留意❣️自己食一底都會幾飽 真係太足料 都係建議2個人share🤩試食價都幾抵食 不過唔知完未🙈🖐️大力推介