西塔老太太烤肉

營業中

休息中

黎到尖東覓食 試一試西塔老太太 係內地多個城市都有分店架👍🏻 唔想諗食咩 一於叫佢個2-3人餐🤩前菜有六款 可以refill🤩馬鈴薯蓉睇落平平無奇 但原來好好食職員介紹佢地一個特色醬汁有麻醬 芫荽 蔥 白醋 豉油唔食芫荽蔥可以同職員講聲呢個醬汁好特別 未試過用麻醬點烤肉 差唔多點哂成碗醬！🌟老太太特色瘦牛 雖然瘦牛無乜脂肪 但係食落亦唔會韌🌟老太太特色肥牛 肥瘦相隔 唔會好重油脂味 食多兩塊都唔怕膩🌟雪花肋條 表面滿佈雪花 牛肉味香濃 肉質亦好嫩🌟燒汁橫隔膜 本新已經用燒汁醃製過 店員推介點辣既燒肉汁 都好match 燒肉汁只係微辣 唔食得辣既朋友都可以放心點🤪🌟豬五花 好肥美 豬皮烤到十分香脆 肉質都好厚實🌟芝士粟米粒 記得趁熱食 涷左芝士就唔拉絲架喇！🌟錫紙金針菇 用左辣椒同蒜蓉調味 完全唔會辣 好好食😋另外 值得一讚既係店員好主動過黎幫手燒肉 甘就唔怕會燒燶左👍🏻

雖然依家個個都北上消費，對於住屯元天嘅朋友仔嚟講北上仲快過過海，但對九龍友嚟講，其實無咁嘅精力、時間同毅力北上，所以唔係話北上消費咁簡單，呢個亦係點解始終要有內地過江龍店嚟香港開店嘅原因。呢間西塔老太太主打韓式燒肉，仲要開係尖沙咀，唔洗北上都食到😬環境估唔到係開係舊尖東一帶，個人覺得呢頭好似比較少人？星期五晚18:30嚟未到食飯時間，但一到19:00已經full house！勁旺場，睇嚟我嘅擔心係多餘。餐牌有Set抵食咁多，當然叫Set啦！但鍾意散叫都大把選擇。 招牌烤肉2-3人餐 $698如果單點套餐內嘅食物原價要$852，依家$698就食到，有7款食物，仲包前菜任添，平均每碟$100，尖沙咀地段可算係性價比高。全程職員會繞場一圈咁幫客人燒肉，我哋開頭18:30未有太多人時，店員會幫我地燒埋，但由於之後太full house，店員唔會企定定幫你燒，所以自己都要睇下火翻下面。 老太太特色瘦牛 瘦牛顧名思義肥肉較少，但牛肉依舊彈性足帶油脂，沾店家特調芝麻蒽醬更惹味。 老太太特色肥牛肥牛肥膏嘅部份大約比瘦牛多一倍，但又不至於過肥膩，我比較鍾意食瘦牛嘅人都接受到。 燒汁橫隔膜相對上油脂少一點

尖東新開咗一間烤肉店，喺尖東工作嘅我又點可以唔黎試下, 地點非常之易搵就係噴水池對出嘅地舖平日夜晚直接Walk in都可以, 一入到去地方都幾光猛，而且因為係新店所有嘢都好新淨店員安排了座位都非常寬敞。今次我哋揀咗招牌烤肉二至三人餐, 有五款肉類啱晒我哋呢啲食肉獸, 仲有一款熟食拉絲芝士粟米粒, 同埋蒜蓉金菇。一開始會有前菜前菜，包括沙律同配菜。沙律菜都非常新鮮，配上酸汁非常開胃。店員好快就將所有食物放於枱上，而且第一次見到有款特色醬汁, 係芝麻醬加芫茜同蔥, 濃濃嘅芝麻醬加埋肉類都好夾。當然另外亦都必備咗最基本嘅醬汁。呢度最正嘅地方就係會有店員幫忙燒肉, 完全感受到飯來張口嘅感覺。所有肉都好好味, 完全開正我杯茶👍我自己最鍾意老太太特色肥牛和雪花肋肉, 非常juicy, 大大條豬五花, 食五花肉當然唔少得配上生菜, 生蒜片同秘製醬份量都非常之夠, 而前菜(薯蓉沙律, 醃蘿白, 泡菜)和生菜都可以無限encore整體用餐體驗非常好，有店員幫忙燒肉, 仲有見到枱上面空碟都好快清理, 讚!! 尖沙咀食烤肉又多個選擇喇👍👍👍