六福菜館

營業中

休息中

今日與朋友去西貢行下，出法前當然要食餐好先有氣有力。我們到六福菜館，食一食一間連續多年米之蓮餐廳睇下係咪咁正先。我們點了一個海鮮4人餐當中有椒鹽鮑魚，脆皮豆腐，天婦羅桶蠔生菜包，米湯浸時蔬，菠蘿生炒骨，薑蔥炒蟶子皇，上湯焗開邊龍蝦配伊麵。椒鹽鮑魚：超大隻厚身入口爽口彈牙加上鮮甜可口而椒鹽既香味令到鮑魚口感更多層次。脆皮豆腐：薄薄脆口外皮加上椒鹽香味,豆腐嫩滑可口,好一個外脆內嫩的感覺。天婦羅桶蠔生菜包：超級大隻桶蠔睇到目定口呆炸完都保持到蠔入面鮮味蠔汁加上生菜有著清新同鮮味的口感,蠔鮮味十足。米湯浸時蔬：青嫩菜芯加上蒜頭粒。菠蘿生炒骨：肉質好唔會太肥，脆漿夠薄唔會成口粉。火喉剛剛好，三色椒同菠蘿加上甜酸汁都非常惹味開胃。薑蔥炒蟶子皇：蟶子皇一大條,快炒火喉控制得剛剛好,完全鎖住蟶子皇之鮮甜肉汁肉質鮮嫩彈牙,薑蔥更加係令到海鮮鮮味再提高一點。上湯焗開邊龍蝦配伊麵：龍蝦肉質爽口彈牙,厚似既龍蝦加上上湯去煮鮮味一下子都落到伊麵上,而伊麵簡直係吸收左日月精華咁,啖啖似既鮮味龍蝦令人想一食再食。果然食物非常有水準，服務態度都好好。

來到西貢，不想隨便選擇海鮮酒家，老友帶隊專訪這家獲有米芝蓮稱號的酒家來聚餐，這裡的餐牌有很多選擇，抵食套餐亦可從菜單中自由選擇。我們選了如下：椒鹽焗鮑魚~鮑魚大隻又厚肉，炸得香脆嫩滑仍能保留其水份。天婦羅桶蠔生菜包~外酥內嫩裹著生菜吃，鮮味十足，爽脆並兼。豉椒炒蟶子煎米粉~蟶子的鮮甜和豉椒的香辣互相輝映，配上煎米粉的金黃香脆和蟶子的爽滑，既匹配又有嚼感。芝士龍蝦伊麵~伊麵吸收了龍蝦汁及芝士的香濃美味，爽口彈牙，很惹味。欖角蜜糖骨~欖角的咸香和蜜糖的甜絲絲結合，層次分明，煮得美味出色，令人垂涎欲滴。米湯浸菜心~清淡的米湯與菜心一起煮，增添風味，口感更滑順。菠蘿生炒骨~一道百吃不厭的菜式，酸酸甜甜真材實料，炸得酥脆可口，令人回味無窮。客家炆腩肉~肉質柔軟入味，口感和味道也豐富。總的來說，這家酒樓地方優雅，坐得舒適，看得出廚師對所有菜餚以其獨特烹調技巧來用心做，另一方面店員又殷勤招待，令顧客有賓至如歸的感覺。

平時都會買海鮮再到酒樓加工開餐，今次同事介紹六福，話係非一般食海鮮，所以入西貢試一試，驚喜發現👍🏻。今次直接叫4人餐，唔洗花時間買海鮮，坐低無幾耐就食得。椒鹽奇趣豆腐 - 係招牌小食，的確炸得出色，皮薄之餘，外脆內滑。薑蔥炒蟶子皇- 蟶子炒落足料，每人最少食三件。而且薑蔥味好香，比起豉椒炒味道更夾。天婦羅桶蠔生菜包 - 呢度每一道菜都有心思，加左生菜真係減低油膩之餘再多口感。而且蠔既size算得上珍寶，內裡juicy。椒鹽焗鮑魚 - 鮑魚肉厚，味道偏淡d，但有少少酥炸鮑魚裙邊，邊位好食。上湯焗龍蝦，加芝士轉炒飯底 - 炒飯一定要試，比起平時的伊麵底更驚喜，炒飯夠乾身又有蛋香，加埋龍蝦芝士汁，絕對唔比龍蝦輸蝕。而且當日有南澳龍蝦，所以轉左，肉質彈牙啖啖肉、份量相當多。仲有菠蘿生炒骨同米湯浸時蔬，生炒骨偏向酸甜開胃，而米湯浸時蔬就清甜淡口。椰青大菜糕 - 係由泰藉姐姐親手整，食得出係用新鮮椰青水整既清甜，藍色加左蝶豆花去調色，味道只有少少分別。口感爽彈，好食～

西貢六福菜館 連續15年獲得米芝蓮一星殊榮有唔同嘅套餐 可以一次過試晒佢嘅招牌菜【4人海鮮餐 HK$3288】【椒鹽奇脆豆腐（8件）】炸豆腐以為好普通 但佢整得非常出色所以係餐廳招牌菜之一椒鹽味香濃 炸得非常酥脆 內裏熱騰騰而且非常嫩滑【薑蔥炒蟶子皇（4隻）】蟶子肥美彈牙 炒得非常惹味惹味到食晒蟶子之後 連薑蔥都忍唔住食埋【椒鹽焗南非鮑魚（4隻）】三頭鮑魚超大隻 彈牙得黎完全唔會韌【天婦羅桶蠔生菜包（4件）】炸蠔成隻手掌咁大 而且食法好特別將生菜搽上沙律醬 配上炸蠔 一次過食生菜嘅爽口 炸蠔外層酥脆 蠔身非常鮮嫩多汁 口感非常豐富【上湯焗開邊西澳洲龍蝦配伊麵（2隻）】龍蝦好大隻 非常彈牙 伊麵好濕潤 啖啖滋味【菠蘿生炒骨】用新鮮菠蘿去炒 更加甜同爽口至於生炒骨 外面少少香脆 內裏嘅肉又好軟腍【米湯浸時蔬】食咗咁多海鮮 嚟一個時蔬米湯味道香濃 菜心非常入味【自家製甜品】最後甜品係泰式椰汁西米糕由泰國籍侍應親自製作 望落以為平平無奇 點知味道非常出色連續15年米芝蓮一星殊榮果然名不虛傳所有海鮮又大又新鮮 而且全部烹調得恰到好處非常滿足嘅一餐