榕記車仔麵 (已結業)

今日機緣巧合之下，去左榕記車仔麵食晚餐，老實講如果唔係睇到openrice佢ge好評幾多，都應該唔會去食，因為門面和裡面裝修都唔太吸引。晚上6點幾去到，入面只有我和男朋友兩個客人。menu簡單清晰，唔同湯底分開左唔同ge顏色紙，而餸菜選擇都一樣。酒香藥膳雞湯呢到最出色ge就係湯底，飲得出係用心去整，唔係求求其其。個人偏好藥材味，所以就揀左酒香藥膳雞湯底:)，個人覺得入口味道淡左d，不過咁樣小朋友都會食得到。餸菜方面，就揀左雞翼尖、百葉豆腐、芝心粟米煎蛋。雞翼尖係普遍滷水雞翼尖，冇咩特別；百葉豆腐好少車仔麵店會有，完全係索哂個湯底，所以百葉豆腐配任何湯底都好適合。芝心粟米煎蛋開頭第一啖咬落去，都冇咩特別咁，再咬多幾啖，就會食到一粒粒粟米，同埋裡面有流心芝士，食完覺得好滿足，好有家的味道。胡椒豬肚湯男朋友就揀左胡椒豬肚湯底，裡面仲會有幾舊豬肚，入口真係好重胡椒味，真心正！至於餸菜，就揀左沙爹魷魚、麻辣鱈魚丸、魚肉春卷。沙爹魷魚不過不失；魚肉春卷就好似南記ge質素，入口q彈；最有驚喜係麻辣鱈魚丸，我同男朋友都係第一次食，估唔到裡面ge餡又真係幾辣下架喎！…查看更多

踢波⚽關係，每週都係九龍城開飯🥢 幾次想幫襯榕記，但佢門口寫住胡椒豬肚湯😕，酒香藥膳麵😒，又吾是賣飛弗，今日lunch 的起心肝极下食評，全線好評既😯 呢啲陳設咁似海關話罰你錢同順豐叫你領件一樣伏味重重😲最終的起心肝去幫襯，舖頭係街尾方便停車（九龍城優點👍），打開「胡椒豬肚湯」同［酒香藥膳雞」對聯中間既趟門，走進呢個溫馨小天地🤗 小店真係好家庭feel, 有部電視播viu tv韓劇（記住唔係反智tvb), 仲有我最愛高達模型，同個小書櫃放下漫畫放下酒🍷🍾🍸枱面有五色點餐紙🌈，代表唔同湯底既麵紙，淆底怕伏既香港人心理軀使下，揀咗風險程度為低既雞絲🐥碗仔翅湯底，加貢丸，肥牛🐂，魚皮餃🐟，仲有佢出名既芝心🧀粟米🌽煎蛋🥚，仲有跟咗我最愛既粗麵點知轉個頭老闆黎放低咗枝醋仲有枝油，名叫溫柔😂😂：佢提醒我翅底加粗麵會太杰，最好改烏冬，公仔麵等🥰🥰碗熱麵上枱，老細再問要唔要加滴酒🍾話好食啲😍😍 加完同我講係威士忌，好彩應該係過到吹波仔既濃度😂😂呢啲溫油小動作，睇得出店家唔係單純想賺你錢🤑 係想客食到最好味既食物🙌🙌碗仔翅盛載住公仔麵，攪起黎杰達達😲但公仔麵無煮到淋下，係啲翅中間穿插，每啖都有麵既彈牙🤩，翅既雜香😍 餸應該都係來貨，唔差👍 貢丸，魚皮餃都係鮮；肥牛用得幾靚，肥瘦合適本來以為大滿足o趙晒碗麵，此時一道剎氣降臨，係芝心粟米煎蛋💘 賣相無乜特別，蛋卷一個，咬落去竟然係芝士撻既香味🥳🥳仲混合咗粟米既爽脆，好耐無呢份感動，明白到店家要小心翼翼處理芝士熟度，係啱啱好係蛋內流動，又唔會流出👍😲🤩😍嘆完碗仔翅，麵，餸，芝士蛋後，意猶未盡，加多罐無糖可樂坐一坐等美味烙印係舌頭上👅埋單89，可能你覺得貴，但我覺得超值，一定會回頭大膽啲試埋其他湯底😂…查看更多

作為一個香港人對於車仔麵應該係一件很熟悉既食物,  亦可以話係香港其中一種獨有既食物文化, 平時都會試下唔同地方既車仔麵, 今次就去左九龍城打鼓嶺道既呢間榕記車仔麵到食, 因為聽講佢呢到既車仔麵同平時唔同, 特別係佢地個湯底。講到個湯底咁特別, 當然要試試佢, 原來佢地有兩款湯底, 一係胡椒豬肚湯底, 二係酒香藥膳雞湯底, 咁下面呢碗就係胡椒豬肚, 加左魷魚,翼尖同豬軟骨。 當飲第一啖湯，胡椒味對口腔既衝擊，會令你好想飯第二啖，如果你有去過新加坡食胡椒肉骨茶，你應該可以幻想到個湯既味道，絕對可以媲美。至於翼尖同魷魚就不多講，但呢個五香豬軟骨值得介紹，煮得好入味，名附其實咁軟，真係幾好味。之後呢個咖喱牛腩飯，的而且確係餐牌上寫既辣咖喱，而唔係日式或者泰式帶有椰香蛋花既咖喱，接近巴東印度咖喱感覺，不過本人本身喜歡辣，所以不覺辣。另外，呢個牛腩放入沙煲再煮熱，熱辣辣，非常吸引，牛腩都煮到入晒味，仲要易咬，好味。呢個湯都值得一試，酒香藥膳湯，落足料，味道夠，飲得多唔知會唔會對身體有保健作用。芝心粟米煎蛋當然係芝士加粟米加蛋，呢隻煎得好香，外面金黃內裡岩岩熟，食落外脆內滑，非常香口，不過美中不足既係，如果可以再多加芝士就完美。呢三杯野飲係香港都好少飲到，姜汁咖啡，咖啡經常飲，加姜汁少飲，不過個效果都唔錯。中間杯甘草鹹柑橘，比平常其他地方飲到既係好飲啲，應該話佢個份量剛剛好，唔會淡又唔會太鹹。右邊杯杞子生薑，如果喜歡薑茶既你可以試下呢杯，唔錯。…查看更多

車仔麵是經典港式平民美食，變化多端，今次在九龍城榕記車仔麵竟然見到碗仔翅也可變成車仔麵湯底 XD平實小店格局，裝修走港式復古風，環境就比舊式的車仔麵店企理衛生。店內放有不少小擺設，更會不時播放著懷舊歌曲、廣告及劇集精華片段。原來曾經有不少明星到訪過，當然不少得經常流連九龍城的發哥。車仔麵配料十分多元化，就連湯底也選擇繁多，令人三心兩意。芝心粟米煎蛋 $12外層煎得金黃，雖然稍為煎得有點油膩，不過吃起來富有蛋香。內層入口柔嫩，夾雜著芝士粟米，層次感豐富。蒜香生菜 $20生菜保持青綠的色澤，清脆爽口而帶蒜香，只是油份稍為下得重手了點。胡椒豬肚湯 $28胡椒味濃重，香氣十足，一喝下去已爆發辛辣滋味，驅寒暖胃。內裡配料不少，蘿蔔味道清甜不苦澀。辣咖喱牛腩飯 $47上枱已飄來陣陣咖喱香味，煲仔上份量夠多，足夠填飽肚子。牛腩肉質偏瘦，但仍炆得軟腍入味，咖喱味道濃惹滲出辣勁。雞絲碗仔翅湯底車仔麵配兩餸 $52平時的車仔麵湯底多以清湯、腩汁、加辣為主，想不到碗仔翅都可以變成車仔麵湯底，如此有創意的點子，又怎能不點 另外再加兩餸 - 鮮雞柳及蘿蔔。碗仔翅湯頭濃稠，真材實料，配料豐富，而且喝後亦不會覺得口渴，應該沒有加味精吧。選配了上海粗麵，麵量很足，掛湯力強，類似烏冬的滑溜口感而帶少許嚼勁，不會煮得過軟。還加了一杯凍檸樂 $18。…查看更多

難得放假，訓到自然醒，應承咗帶啲姪仔去九龍城單車公園玩，放低左佢哋踩單車之後，已經下晝三點鐘，個肚餓餓地地，就梗係要搵嘢食啦，九龍城咁多好嘢食，究竟邊間會得到我嘅寵幸呢？呢間榕記車仔麵，好啱心水，門口見好多名人都嚟呢度食過，嗱嗱臨即刻入去試吓:)裏面擺設都幾得意，有好多應該係老闆的漫畫肖像，都係唔好講咁多，即刻寫紙仔入單先胡椒豬肚湯配三餸⭐️⭐️⭐️⭐️胡椒嘅辣味加埋豬肚，係我至愛，點可以唔試，特登揀咗米粉，配呢個湯底應該特別夾豬皮、冬菇、豬肚，信我，全部掂當尤其是個湯底，鍾意食辣嘅朋友一定要試另外呢個蒜香濃湯，唔係度度都有得食㗎小食我哋order左個芝心粟米煎蛋，12元，完全唔使諗啦，粟米同蛋香，仲係即叫即煎，你唔係會唔試卦？車仔麵始終係香港人至愛，亦係我嘅童年回憶，況且呢間車仔麵咁有水準，下次就算唔踩單車都會特登嚟食…查看更多

今日上完講座往九龍城榕記食下午茶, 我點了肉燥香煎雞扒飯, 芝心粟米煎蛋和凍姜汁奶茶。肉燥香煎雞扒飯肉燥味肉汁鮮甜, 食落美味, 肉燥送飯一流, 煎雞扒煎得香脆, 即叫即整煎雞扒肉質鮮嫩, 食落惹味飯好軟綿, 份量適中整碗肉燥香煎雞扒飯份量十足食落口感大滿足；芝心粟米煎蛋和肉燥香煎雞扒飯也是即叫即煎, 芝心粟米煎蛋好重蛋香味, 蛋好香滑,切開煎蛋有流心芝士流出, 芝士味道香濃, 粟米食落又香又甜, 口感十足；最後凍姜汁奶茶薑味香濃, 薑味濃度適中,飲落不會太辣, 奶茶茶味香濃, 奶飲落很香滑。餐廳有很多關於西藏, 踏單車和遠足的擺設和海服, 原來老閱喜歡遠足和踏單車, 並進行西藏踏單車和遠足籌款幫助腦退化症患者, 很欣賞他的善心, 這裡是一間善心小店。餐廳食物美味, 即叫即整, 而且價錢合理, 食了一頓滿載善心下午茶。…查看更多