台蔡滷肉飯

營業中

休息中

每次食飯時間經過台蔡滷肉飯都見到大排長龍，今次終於有機會試到啦。原本諗住兩點半唔使排隊，但點知都要等半個鐘左右先入到座，睇得出呢間餐廳嘅人氣果然犀利。入到餐廳店員都提醒我地1個鐘用餐時間，我哋都把握時間即刻叫嘢食。我哋就叫咗個招牌九層塔鹽酥雞套餐同埋爆蔥溫泉蛋滷肉飯，當然唔少得肉鬆芝士蛋餅啦～鹽酥雞炸得香脆，入邊仲好Juicy，滷肉飯肥瘦適中仲有啲酸菜可以平衡返個滷肉飯嘅油膩感。爆蔥溫泉蛋滷肉飯撈埋啲蔥同蛋汁一齊食味道更加豐富同有層次，食落超級順口，大推必叫，必叫，必叫呀。蛋餅餅底就夠脆，肉鬆多到瀉晒出嚟，每一啖都好滿足。但就略嫌蛋餅有點硬。總結而言，入嚟荃灣一定要嚟試吓啊！

呢間向荃灣已經屹立左幾年嘅台式餐廳，每次食飯時間都會見到長長嘅人龍，所以呢日同男朋友慕名嚟到試試。藥燉排骨套餐 - 湯嘅味道藥膳味唔算太重，飲落好順口，排骨都燉得好入味，滷肉飯嘅油味好香，而且豬肉肥瘦適中，每啖都好滿足。花雕麻油雞麵 - 冬天去台灣一定會食嘅麵，因為食完成個人會暖哂好舒服，台蔡嘅麻油雞麵唔算太重花雕味，所以飲落更加順口。涼拌黃金木耳 - 大讚，向台灣最愛食嘅黃金泡菜，竟然向香港可以食到一模一樣口味嘅黃金醬汁，喜歡甜中帶微微辣口味嘅，一定要試試。肉鬆起司蛋餅 - 佢嘅餅皮係比較厚身少少但咁先更加食到脆口嘅感覺，裡面嘅芝士仲可以做到拉絲效果，讚。鹽酥雞 - 雞肉非常嫰滑，炸得剛剛好，非常酥脆。

好耐無同閨蜜撐枱腳，難得今日大家都有時間，來一個快閃台蔡午餐😎😎😋😋傾下講下好快就一小時，不用飛台灣都可以享受到台灣味😎😎😎必點九層塔鹽酥餐～有滷肉飯細細碗剛剛好🍚、鹽酥雞份量十足😋😋😋閨蜜點了花雕麻油雞湯麵🍜🍜～幼麵好正，少少花雕味唔會太嗆，雞肉好好味肉鬆起司蛋餅～慢慢煎，外皮好脆，肉鬆芝士蛋味道好夾😋😋😋大紅袍珍珠奶茶少甜少冰 + 熱大紅袍仙草奶茶走甜～茶味好香🤗🤗

之前次次經過呢間台灣菜都見到排哂長龍，所以一直都未食過🥹星期日四五點睇完戲經過，見到居然冇人排隊🤔真係唔知係因為落雨☔️定係大家去哂北上消費😂以米芝蓮來講，呢間由台灣人主理嘅台菜店，都算幾抵食😌上菜快又唔洗加一，唔洗排隊嘅話真係值得一試😋🧀肉鬆起司蛋餅 ($40)蛋餅煎得香脆，足料又厚實🤤厚厚嘅芝士配埋肉鬆，加埋甜甜嘅醬汁，好味道😋🍛肉鬆滷肉飯配溏心蛋 ($58)成個滷肉飯上面都鋪滿哂肉鬆🤩不過肉鬆真係呢個飯嘅MVP，海量嘅肉鬆好好吸睛，味道幾濃，好啱撈飯🥰加埋半熟嘅糖心蛋，幾高質😚🍗九層塔鹽酥雞餐 ($73)炸雞炸得酥脆，唔覺油膩👍🏻份量都幾多幾足料🤭鹽酥雞跟餐配埋滷肉飯，滿滿嘅台灣風味😚🧋大紅袍珍珠奶茶 (跟餐價+$18)無特別叫少甜，但整體好似冇乜味，比較淡口，茶味同奶味都唔特別明顯😅珍珠正常發揮，都算煙靭😆

-呢間係得到米芝蓮推介嘅台灣菜，youtube channel Mill Milk 都介紹過😍 所以就算平日晚餐去都要排隊🙉老闆娘係台灣人，所以野食都好高質😍🧀肉鬆起司蛋餅 $40蛋餅皮係偏向蔥油餅嘅texture帶啲香脆但同時幾鬆軟，係我鍾意嘅蛋餅皮🫶🏻 肉鬆份量好多甜甜哋同蛋餅好夾🥰 加埋cheese嘅鹹香好味🤤🍗九層塔鹽酥雞餐 $73鹽酥雞好香脆唔會好油，食落都幾juicy😛 調味上同台灣嘅會有少少分別，跟左碗滷肉飯但今次食偏濕啲，都係鍾意單點嘅滷肉飯多啲！最推介係麻辣滷肉飯同蛋餅🫶🏻🫶🏻🫶🏻 鹽酥雞都唔錯~ 仲有白桃🍑烏龍茶+寒天 💕📍台蔡滷肉飯荃灣海壩街99號地舖大角咀海庭道18號奧海城2期1樓大食代內

25-10-2023 (Wed)繼續同老公放假,到晏晝佢話要食飯了,於是走落荃灣,我哋先去到新開嘅豚豚食堂睇,老公睇到話係普通嘢,冇興趣食住,咁去壽司郎,又啱啱係食飯時間,算多人等,我哋唔得喇.之後老公記得我哋未食,而每次非工作日嚟到一係未開,一係排長龍嘅呢間台灣嘢,於是行嚟,我哋嚟到時都有一組客等𡁵,應該唔使等好耐,於是等啦,喺等嘅時候,見到門口黐咗張嘢,話喺出面等位嘅顧客,如有須要,可以攞把遮遮太陽,入座時還返就得,好體貼呀!好快我哋就有枱喇,睇完menu,由於我唔太肚餓,所以我只叫小食,老公就要個餐,我哋要咗:4. 叫餐加$15.00要$25.00嘅百香果鳳梨烏龍茶,走冰由於冷氣幾夠,所以唔使飲咁凍嘅嘢,於是叫走冰,呢個所有味道都有齊但唔太濃亦唔太甜,不過口感就嚡.4.5分1. $40.00嘅肉鬆起司蛋餅呢個耐少少到,無他嘅,要即做嘛,睇見佢大大件,影完即夾嚟食,因為要趁熱嘛,夾起係有拉絲,亦睇見肉鬆同炒蛋都唔少,食落,個餅脆口,夾咗甜甜地嘅汁食,老公同我都話好味,唔怪得咁多人排隊食.5分2. $40.00嘅大腸包小腸喺程班長食過,都知係咩嚟,糯米大腸煙韌,小腸貫徹嘅甜,但佢嘅醃

呢間小店主打四款油香撲鼻嘅滷肉飯同台式小食👍🏼糅合台灣老師傅秘技同西菜創意，連烹煮嘅調味品都係由台灣運嚟🤩💗爆蔥滷肉飯 ($76)滷肉以人手切豬肉，所以肉塊會大d更有口感，先炒後燜滷入味🐖米飯沾上袐製滷肉汁，配上糖心蛋，超好送飯🍚！加入大量青蔥同自家製酸菜中和滷肉嘅油膩🎋💗紅燒牛肉麵 ($79)紅燒湯熬煮得非常有火候，湯頭有超濃郁牛肉味帶少少辣味，配搭幼身掛湯嘅白麵🍜牛𦟌炆得軟腍嫩滑🐂💗大腸包小腸 ($40)大腸糯米腸黏糯嘅口感，包住惹味嘅蒜香台式香腸，簡直係黃金組合🌭💗九層塔鹽酥雞 ($42)鹽酥雞選用雞腿肉，皮脆肉嫩而且肉汁豐富，五香粉超級惹味🍗💗涼拌鹽水雞 ($48)涼拌鹽水雞無骨啖啖肉，肉質嫩滑🐔伴上杏鮑菇、青瓜、紅蘿蔔絲，記得一定要蘸上祕製麻辣醬食，風味完全提升🌶️💗肉鬆起司蛋餅 ($40)蛋餅即叫即做，餅皮比較似手抓餅，口感較千層酥脆🫔裡面包住滿滿肉鬆同拉絲芝士🧀💗大紅袍珍珠奶茶(+$18）特選大紅袍茶底製作珍珠奶茶，茶味更香氣馥郁，風味更獨特，同時有濃厚奶香，配搭煙韌珍珠🧋💗百香果鳳梨烏龍茶(+ $15）百香果鳳梨烏龍茶酸甜清新，有助解膩🍍

終於排到堂食了, 堂食真係好食過外賣的.我都排左約有20分鐘, 如果最佳排隊時間約2:10開始, 較排得快及或會未賣晒的.麻辣滷肉飯溏心蛋, 麻辣滷肉飯好食, 如果喜食辣的可選, 不會好辣, 係剛夠味不搶的.肉鬆起司蛋餅, 份量餡料都可以的.大紅袍珍珠奶茶, 可選甜度及走冰, 很貼心。QR code落單。

呢間台灣餐廳喺荃灣以前Beans嘅鋪位，老闆係台灣人，經過都見到好多人排隊，睇過介紹都有幾高嘅評價，話係好正宗嘅台灣菜！不過可能期望有啲高，食落係幾好食嘅，都有台灣嘅味道，但又無太驚艷，同埋果日去食都有啲小插曲🫣 排隊唔算等咗好耐，大概30-45分鐘，不過當日落住雨，我同朋友都無帶遮，但都等咗一陣就諗住照等，但唔知點解排到最前嘅時候，店內有空枱都無入人，去到空咗2-3張先開始入，感覺入座安排唔太靈活，入到去感受店員都唔太禮貌，有改善空間啦～•🥢 台味滷肉飯(溫泉蛋) $52🥢 麻辣滷肉飯(糖心蛋) $58麻辣滷肉飯同台味滷肉飯分別不大，就係多咗啲辣粉，食落唔會好辣，係惹味啲，我同朋友都鍾意麻辣滷肉飯多啲~滷肉好濕潤，肥瘦比例幾平均，滷肉飯可以揀配溫泉蛋/糖心蛋，台味(原味)果碗揀咗溫泉蛋，撈勻之後個飯會濕咗少少，所以建議配糖心蛋！另外仲有啲酸菜，唔會好鹹/酸～•🥢 九層塔鹽酥雞 $38炸皮係一粒粒咁，唔係成塊，所以唔厚仲好脆~ 雞肉幾滑，調味都唔會好鹹，而且份量都唔少，不錯~•🥢 肉鬆起司蛋餅 $38餅皮雖然未去到最好食嘅鬆脆(好易撕開一層層)，但脆面加埋肉鬆、芝士同蛋點都無得輸，而且

次次經過台蔡滷肉飯，都見到好長既人龍，今日早左食飯，見到得兩三個人排緊隊，即刻去排！呢間滷肉飯由開張起，就keep住好多人排隊食，聽聞係連台灣人都力讚口味正宗。今次終於有機會食到。呢度主打滷肉飯，另外都仲有啲麵食、排骨湯、小食等等，份量都好多好好食！ 1⃣️鹽酥雞滷肉飯套餐（$70） 鹽酥雞好香脆而且好多粒！食落粒粒都係外脆內嫩，仲有九層塔伴碟！好正宗既台灣風味～滷肉飯既肉夠肥，而且個汁都啱啱好夠撈飯得黎唔會太濕🥰仲有啲榨菜係面。另外套餐仲會跟碟小菜，有海帶同啲腐皮，都好食👍  2⃣️鹽水雞滷肉飯套餐（$74） 唔係好多地方有得食鹽水雞，鹽水雞食落比較清爽，搭配上蒜粒、青瓜絲、杏鮑菇、蘿蔔絲等等既配菜。另外仲有附上麻辣醬可以點雞食。  3⃣️椒鹽甜不辣（$28） 甜不辣煙煙韌韌咁，外表炸得幾脆，椒鹽香好正🤤  4⃣️肉鬆起司蛋餅（$38） 呢度既蛋餅皮係類似手抓餅咁既酥皮，食落會酥酥地，我自己好鍾意～中間餡料都好滿😋芝士味道雖然唔係好出，但係有滿滿既肉鬆搭救！  5⃣️白桃烏龍茶（+寒天）（套餐+$15） 飲品可以免費加寒天/珍珠/仙草。白桃烏龍茶清甜，搭配粒粒寒天好好飲～  6⃣️大紅袍仙草奶茶（套餐+$1

冇得去台灣，最掛住就係嗰個勁平又勁好味嘅個碗滷肉飯！最近不論社交平台、訪問都係呢間台灣人主理小食店。主打每日新鮮熬製滷肉，還原台灣味道。閒日晚上去到都見到有幾pair人排緊隊，大概15分鐘就入得。入面裝修幾舒服，有一邊係台灣夜市嘅畫作，但只係座位位置較逼，同埋大家記得用餐時間係1小時。爆蔥滷肉飯 $58⭐️⭐️⭐️⭐️份量巨多，女仔叫真係小心，唔好因為一時想試唔同款野食而叫太多，食落就知佢份量有幾足。一睇就見到有幾爆蔥，成碗都佈滿哂，鍾意食蔥嘅一定要點呢個！呢度嘅滷肉食到一粒粒顆粒口感，唔會話太腍好似醬咁，滷肉偏向瘦少少，油膩感唔會太重。撈完飯個咸度岩岩好，叫左溏心蛋，正正常常，如果係溫泉蛋會仲加好食，但最緊要個飯夠熱。成個飯最令我驚喜嘅唔係滷肉，反而係個不太起眼嘅醃菜，簡直先係神之筆，香得黎帶酸微辣，令到個滷肉飯味道層次多好多，亦點綴到個飯，唔會咁膩口，令到人食幾啖就唔想食！鹽酥雞套餐 $70⭐️⭐️⭐️⭐️鹽酥雞真係記得趁熱食，凍左真係整體味道上差好多。首先佢炸到好香脆，熱辣辣又脆卜卜（加分），雞肉食落都算嫩滑，唔會太柴太乾爭爭。調味都幾香唔會過咸，除左層炸皮有調味粉之外，入面雞肉都有醃過。但唯一

今日十一點四十分左右到食店，已經見到有一條十幾人隊仔排緊，佢哋十二點開咖，等左陣，我大約十二點一左右入座，其實佢個位置係以前荃灣 Beans咖啡室個位，不過間鋪一分為二，右邊係一間新cafe 左邊就係佢哋舖頭了，數過可以坐到二十人左右，最好兩個人去，可以對住一齊坐，如果有八個人，可能要等中間長檯，我剛剛一個人，坐中間長檯，佢日頭有膠板間左中間做一張4人檯+兩張2人檯。一坐低，檯上面以有餐牌同檯號碼單同個 QR code, 可以即時手機掃code落單, 我叫左 一個鹽酥雞套餐一杯凍大紅袍仙草奶茶 (少甜少冰) 另外散叫左 一個肉鬆起司蛋餅，大約9分鐘左右, D食物就陸續來，都算快咖。我覺得最好食就係個鹽酥雞同個蛋餅 ，其他都一般般... 整體服務質數都 ok咖，有時會見到老闆幫手送餐出來， 真係完全冇摧客人埋單依樣同網上介紹吻合，食完晒攞埋張印左檯號同 QR code單出櫃檯埋單就可以了，出到去又見到一大堆人係到排隊，好彩食第一輪，如果唔係一定排到變左食下午茶...

小店主打滷肉飯🥢菜式選擇都多元化只可惜今次兩個人去食唔到太多🥲由於舖頭位置唔多 要排隊不過大熱天時都唔使喺門口等位!!!因為餐廳有位先會call你🦦星期日lunchtime 去大約等左20分鐘闆娘同員工親切服務態度好好😚❝鹽水雞滷肉飯套餐 $74⋆滷肉肥瘦均勻 重油香🤤⋆食落唔會太Heavy 米粒煙靭⋆鹽水雞味道夠 雞肉爽滑❝九層塔鹽酥雞 $38⋆呢個價錢來講份量非常多🤩⋆外脆內軟有肉汁推薦✨✨❝肉鬆起司蛋餅 $38⋆說真的比較普通🙈⋆欣賞小店用上台灣醬油膏 ⋆但味道有點太鹹肥妹為食推薦指數：🦦🦦🦦🦦(滿分為5🦦)味道：7.5 / 10環境：7 / 10服務：9 / 10歡迎大家follow肥妹ig🥹✨@japjapeaaat