淥鼎記

營業中

休息中

這間人氣火鍋店位於旺角的創興廣場，主打任食任食火鍋放題，午市則主打精緻點心及中式小菜，以港式及四川口味為主。店內環境寬敞舒適，裝修格調高雅，適合多人聚會。爵爺套餐 - $378/成人無限時頂級手切牛及海鮮晚市火鍋放題2位成人消費免1位小童壽星免費優惠，生日前後8天有效(需8位以上成人消費)錦繡前菜(一次性)金黃酥脆的蒜蓉風味炸蝦連殼也可食用；麻辣花生香脆不油膩。日本直送時令刺身(一次性) 爽滑的三文魚肥而不膩；牡丹蝦綿軟中帶彈性，爽脆而鮮味亦十足；北寄貝肥美爽脆甘甜；帶子軟嫩香甜；象拔蚌充滿海水味。主菜六選一(一次性)老壇酸菜魚的湯底以豬骨及魚骨熬成，加入指天椒及花椒等，特意用老壇酸菜，味道鮮甜且酸辣麻香；鱸魚片連少量魚皮，嫩滑同時保留魚肉的紋理；晶瑩剔透的寬粉滑溜煙韌，吸滿湯的精華。無限時火鍋放題每日嚴選真材實料新鮮熬製的八款湯底。金黃澄澈的花膠美人鍋以鮮雞熬成，又有一片片軟嫩彈牙的花膠，充滿著膠質，還有紅棗及杞子等，滋補養生。頂級手切牛拼盤安格斯頂級牛小排有著豐富大理石花紋，油花分布均勻，鮮嫩多汁。豪華海鮮拼盤大顆肥美廣島蠔，蠔身爽滑彈牙，甘甜隨之而來，餘韻悠長；鮮鮑魚有著明顯的鮑

呢間餐廳晚市主打火鍋放題，先食招牌主菜，再揀真材實料嘅湯底打邊爐，有多種火鍋配料任食🥢🍲爵爺晚市火鍋放題（$388）💗先送上炸蝦膠釀豆卜同枝豆作前菜💗主菜·老壇酸菜魚 （6選1）酸菜魚嘅魚肉嫩滑而且完全無骨🐟酸菜夠爽脆但唔夠酸🥬底下仲有寬粉、蓮藕同萵筍，食落有齊酸、辣、麻🌶️💗豪華時令刺身分別有鮑魚、帆立貝、赤蝦、三文魚、北寄貝5款刺身，全部都非常新鮮鮮甜🐚💗湯底·姬松茸雞雜菌鍋（8選1）湯底用上姬松茸、雞件、淮山、杞子、薑片等煮成，養生滋補，帶濃濃菇菌香🍄‍🟫💗頂級手切牛排盤手切牛帶適量油脂分佈，肉質軟腍而且肉味濃🥩💗豪華海鮮拼盤分別有海蝦、帶子、鮑魚、花甲、手打墨魚丸同手打梅菜豬肉丸，非常豐富🦐💗有40多款火鍋配料無限時任食，包括牛豬羊雞、海鮮、手打丸、餃子、麵食、蔬菜等💗每人送1杯Haagen-Dazs

今日朋友帶我上嚟呢間試吓因為可以滿足想食唔同嘢食嘅人酸菜魚可轉烤魚/椰子雞/牛腩煲羊腩煲/雞煲 一定有款啱食~我哋今日比較肚餓 揀咗爵爺套餐比起小寶套餐 爵爺套餐多咗手打牛肉刺身同埋海鮮拼盤- - - - - - - - - - - - - - - - - - - - - - - - 1. 老壇酸菜魚本身以為係細細碟 點知個份量都幾多好似出面食酸菜魚舖頭一樣大碟每塊魚肉都好大塊 口感嫩滑咬落好有彈性 係滿滿嘅膠原蛋白加埋湯底滲晒入去 魚味更加香濃湯底酸味辣味程度適中而且可以中和魚肉 冇魚腥味2. 頂級手切牛拼盤雖然同佢餐牌張相有啲唔同但味道都係咁好食牛肉上面雪花均勻好靚切成薄片可以確保快速熟透淥耐咗就唔好食啦我諗大概淥20秒就食得快啲拎起肉質會比較軟唔使太多咬勁 口感順滑3. 豪華時令刺身我哋都好滿意呢個刺身今日嘅時令刺身有以下幾樣甜蝦、三文魚、鮑魚、象拔蚌同帶子每樣味道都好原始鮮美 肥美豐腴肉質細嫩 可以溶化喺口入面4.豪華海鮮拼盤包括帶子、鮑魚、生蝦、沙白仲有幾粒好似手打嘅丸啲嘢未淥之前已經好令立立好似啱啱喺海入面撈上嚟咁XD只要按住適度時間淥熟之後每樣海鮮都好嫩滑鮮美

今日黎到旺角呢間淥鼎記打邊爐呀🤩 好耐之前食過觀塘嗰間 旺角開咗一直都好想試吓 今日終於黎食啦～ 今次揀咗小寶套餐 早食1930前離座 $238任食兩個鐘 正呀😬坐低先揀主菜 有三樣係要六個人以上先可以揀 我哋兩個人就可以揀重慶雞煲、老壇酸菜魚、同埋干鍋海鮮什錦 咁我哋就揀咗酸菜魚啦～～ 揀好主菜 有兩款小食就已經上枱啦～ 再出去拎嘢飲 好多選擇🤣 揀咗竹蔗茅根 同埋茉莉茶 自家製嘅竹蔗茅根唔會太甜 打邊爐清熱啱晒～茉莉茶 見到佢係原個茶包 好濃茶味👍🏻 老壇酸菜魚 大大碟好香熱辣辣咁上枱 魚肉分量超多 全部都係無骨啖啖肉 酸菜好食唔太酸～ 配菜方面有蓮藕、萵筍、豆芽、薯粉等等好足料👍🏻 完全同出面食嘅份量一模一樣 如果食晒都應該飽左一半🤣 酸菜魚食到一半就叫咗個湯底 今次揀咗花膠美人鍋 好快就上到嚟啦 估唔到都有成8塊花膠🤩 仲有啲杞子紅棗 真係好養生 好啱女士🫢 二話不說飲咗個湯先😌 花膠彈牙有咬口 好味😋 紐西蘭羊肉片：肉質鮮嫩 羊羶味唔算重 安格斯極佳级精修肥牛：有牛味 脂肪較多 肉質就腍啲安格斯牛板翼：牛味濃啲 脂肪分布平均啲 肉質比較有咬口 個人比較推薦呢一隻😋全部肉類

同兩位閨蜜飯聚，打邊爐都係我哋其中一個經常嘅選擇，我哋最鍾意就係無限時同埋坐得舒服，可以盡情咁樣食嘢同傾偈。淥鼎記都幫襯過幾次，主打火鍋放題，有限時兩個鐘同無限時選擇，雖然價錢唔算平，但食物質素、環境同服務都滿意，所以我哋今次再嚟食，不過真係要早多少少book位，因為經常full booking。餐廳以深色為主調，燈光較昏暗，大部份都係獨立卡座，舒適寬敞，私隱度高。自助區有飲品、火鍋配料，款式種類都多，仲有多種醬料選擇，客人可以隨心混醬。#錦繡前菜我哋叫咗爵爺套餐，先嚟前菜四小碟，有拍青瓜、酸辣鳳爪、煮花螺及花生。#日本直送時令刺身三文魚腩肥美，牡丹蝦同帶子都大隻，鮑魚彈牙，全部食材都高質、鮮甜。#老壇酸菜魚主菜六選一，我哋揀咗酸菜魚，小辣，上枱一大圓盤，有橙紅色辣椒同鮮黃色菊花瓣放面，顏色好靚，賣相吸引，魚片滑，酸辣度適中，配菜有萵筍、蓮藕、薯粉。#花膠美人鍋火鍋湯底六選一，淡淡紅棗杞子香味，都算有幾多花膠，淥嘢食前可以先飲碗花膠湯。#頂級手切牛、牛丸手切牛切得唔薄身，脂肪雪花狀分布平均，唔好淥太耐，牛味濃郁，份量都唔少。牛丸有咬口，真材實料。#豪華海鮮併盤有八款，蝦、鮑魚、沙白、珊

香港可以無限時，又可以任食嘅火鍋唔算多，之前介紹過兩間，呢一間之前都有介紹過，主打好多火鍋套餐，有啲仲係無限時，啱晒想傾好耐計呀大家。淥鼎記係一間養生火鍋店，主打無限時任食雞煲、酸菜魚、火鍋，仲會送牛小排、活魚刺身、海鮮拼盤同甜品等，有唔同套餐，分別有唔同嘢食同埋唔同野送，豐儉由人，依家就嚟秋天，就好適合去打邊爐。除咗火鍋佢哋晏晝仲會主打精緻點心、中式小菜，酸菜魚可以話係店舖嘅招牌菜之一。店舖環境唔錯，我哋四個人，不過坐咗張六人嘅位，都算鬆動。入邊冷氣足夠。出邊仲有自助區，可以攞自助醬料、飲料、菜、火鍋配料等。亦都可以手機自助下單 好方便。-🥘 鰲拜套餐 💰488/位（4位起）呢個套餐要早一日預訂，餐廳會WhatsApp confirm，套餐除咗有無限時火鍋放題食材，仲有好多海鮮、刺身、牛肉、雞煲/酸菜魚送。最早可以17:30入座任食至22:30。-🐟 黃金炸魚皮 （👅: 8.5/10）第一道前菜係黃金炸魚皮，新鮮炸起，咬落去魚皮好脆，食落去鹹蛋黃味道突出，而且有起沙感。-🦢 椒絲炒鵝腸 （👅: 8/10）鵝腸都算大碟，咬落去都算爽口，食落去冇內臟嘅羶味，不過豉椒味就唔算好入味，我搶已

地方大，環境舒適，乾淨，點心幾抵，好食。仲有加68蚊可以叫酸菜魚 。不過一台只可以追加一次。雖然68蚊，但係份量都幾多。而且啲魚好滑，無骨。 點心款式都幾多，我特別鍾意松露叉燒腸粉。 配上松露又幾盞鬼，松露味真係好香，而且腸粉皮好滑，叉燒夠味又唔會乾爭爭 。抹茶奶黃流沙包小朋友好鍾意。不過個重慶口水雞就唔好食，雪藏味兼且好鞋。 蝦膠煎釀虎皮椒都推介，可以去試下。overall ， 呢個價錢，呢個環境質素真係唔錯。