雲南啊老表黑山羊湯鍋米綫 (觀塘工業中心)

之前食過『雲南啊老表』佐敦店覺得唔錯～這日和朋友行完 apm，來到觀塘店開餐，門口貼著要搬遷的告示，幸好來得及時～下次再來，就要到後一條街的新店了。細碗羊肉米線$50，配可樂 $59 炎炎夏日，先來兩罐冰凍的檸檬可樂消暑，好清涼。再來2 個小食～～等了一會，朋友點的「蒜泥白肉」很快便上枱， 份量不算太多，勝在五花肉口感爽彈 ，入口完全不覺肥膩，而沾醬蒜泥方面， 有生蒜的香辛，也有白醋的微酸，味道十分配合五花肉。接著是『水餃10隻』， 水餃有白菜/韭菜豬肉餃， 我們點了雙拼，每款 5隻，新鮮包好的水餃從來都不會讓人失望， 白菜水餃味道較為清甜，而韭菜餃就較為香口濃味，都唔錯。粉麵有好多款餸菜可以選擇，豬大腸， 豬手，豬頸肉， 豬腩肉，雞肉，牛腩等，樣樣都想試，但都係要返羊肉，落單後才發現，原米線都可以選雙拼，哈哈.....細碗羊肉米線先飲一啖乳白色的羊湯，這裡的羊湯明顯比佐敦店更有羊味，米線軟滑有口感，不會有生硬的情況。羊肉帶有不同的部位，有些瘦肉，有些較肥， 又有些超嫩滑的羊髀位置，食完米線都未食完羊肉，真係超大碗，食完好暖身。細碗豬大腸河粉朋友點了豬大腸河粉，豬大腸清洗得很乾淨，口感比想像中軟淋，配的雲南河粉跟普通河粉不一樣，似豬腸粉，很特別，河粉軟糯，吸收羊湯後，也有羊味。『雲南啊老表』 主打羊肉，羊湯米線，呢度叫細碗都超大碗，而大碗的份量更是不得了地驚人，眼見都唔少男仕挑戰大碗。…查看更多

自從鋪頭搬左去呢個位就無去食過啦，因為唔算好就腳( D4出口附近 )，以前佢係官塘廣場嘅時候就經常去食😆😋😋😋，應該都有成五年前啦😹😹今日行開附近，就去回味一下💓一打開餐廳門口，已經可以聞到濃濃嘅羊肉香味🐏，呢個鋪位比以前官廣闊落好多，我諗都有大成三倍咁上下啦！！餐牌黎講無記錯就同以前差唔多，少少唔同嘅應該就係價錢啦😹😹係比以前貴左啲啦，不過合理嘅！而架物價貴左啊嘛😹我就叫左碗👇🏻細嘅 羊肉米線 加 可樂($9)，大家無睇錯，以下呢碗的確係細嘅😹不過其實已經好大碗，男仔都夠食😆羊肉份量十足，而且舊舊都係肉，所以50蚊絕對係抵到爛！羊肉嘅獨特香味，不會太大陣騷味，加上半肥瘦咁又好juicy，真係可以食極唔厭😹😹😹咁當然啦，鍾意食羊肉嘅我相信會鐘意食😃經過嘅可以一試啊～…查看更多

呢度嘅羊肉麵有分中碗同埋大碗。中碗夠一個大食男士食飽，大碗就夠2個正常食量既女仔食飽。佢用嘅羊肉應該係羊腩嚟嘅，唔係一般出邊食到羊肉片咁。未食米線之前先食佢一啖湯，超香羊味，唔會蘇，係羊味！唔知係咪d蔥起到作用，完全係做到鮮甜美味！如果唔係飽到食唔落嘅話，我都好想可以飲多d佢個湯。羊腩超級滑！羊味濃！以佢嘅米線都做得好好，雖然冇得叫米爽，但係其實根本都唔需要叫，因為佢本身就已經夠爽口，當然係完全熟透左嘅。…查看更多

要左大碗羊肉米線，兩個人share。好快就有得食，一上台一睇，個碗的確幾大，米線可能一人分到兩小碗。聽到隔離台熟客話要加底，先知原來可以免費加底。可能我地兩個都大食，其實食完都唔係好飽，但起碼唔餓囉！如果有下次，會加底😂羊肉要左淨瘦，切薄片，份量都算多，有十五片或以上。羊肉可能切薄片既關係，唔重羊騷味，都幾嫩。但就冇咩口感，同米線一齊食，唔知自己食緊羊肉。主角羊肉質素算普通，未太出色。米線幾順口，食完一啖又一啖。屬於幼米線，唔差既，正常貨色。湯底第一啖食算幾清甜，我有surprise左。平時出街食咩麵、米線都好，我都唔會飲湯，今次破例飲左四啖😂可惜湯面浮住好多油脂，怕油膩既我會扣少少分。羊肉、米線同湯一齊食，幾正嫁！餐廳仲有提供辣菜甫，幾脆，辣勁後上，加埋會增加口感，但中意清淡既話就唔洗加啦！我淨係飲左四啖湯，但食完之後，竟然超級口乾，個湯應該落左無數味精。本身仲覺得幾好食，可以再黎，不過味精咁勁我諗試過就算啦！仲叫左韭菜豬肉餃，上到台仲熱辣辣。餃子皮薄、少少煙韌，唔會係粉既感覺，不錯。餡料都ok既，未算太多，但調味唔會over，不過韭菜味唔出。冇湯汁，整體接受到，正常野吧！觀塘哩間依家做緊全店九折，要試既就快啲趁平少少去啦～整體性價比算高，價錢唔貴，但食物質素普通，冇咩特別，未試過可以一試。試過又唔中意味精既人，應該冇下次了吧！味精令我對餐廳大打折扣，不過可能係佢地既生存之道，單純個人口味唔中意罷了🤷🏻‍♀️…查看更多

晚飯時候去的，叫左份小碗清湯羊肉米線，結果上黎發現個碗足足比我塊面仲大。同行的兩個frd叫左大碗，根本食唔曬。湯底夠清，羊肉冇臊味。咁凍的天氣，食完真係好暖身。涼菜叫左涼拌木耳，涼拌豬耳同口水雞，三樣都唔錯。…查看更多

今日同老公去觀塘行街街，經過呢間雲南啊老表黑山羊湯鍋米線，係門口已經聞到好香嘅氣味，所以走入去食。我們叫咗羊肉湯鍋米線我選了有皮，牛腩湯鍋米線，口水雞和避風塘麻辣雞翼，仲有凍檸樂和凍檸七。先講羊肉湯鍋米線啲羊肉好多，好有羊穌味，米線都好多好彈牙，份量好足，湯底好鮮甜。牛腩湯鍋米線，啲牛腩勁林，入口即溶，真係勁正，我加咗酸菜，酸酸辣辣食咗好開胃，牛腩嘅湯底比羊肉湯底更濃味。口水雞又麻又辣，好刺激。避風塘麻辣雞翼都係好好食，同埋20元有5隻雞翼勁抵食。佢係係工業大廈開，所有好大地方，坐得都幾舒服，都好多人食，坐到爆曬。…查看更多

平時在觀塘區上班, LUNCH也可不便宜.. 但是這家蒙古黑山羊米線就非常經濟實惠, 用了$45蚊 + 細碗再加底$2, 羊肉和米線的份量很多, 羊肉味也很香, 很嫰, 上湯米線湯底也嘗到羊肉味, 米線就略腍身了一些, 但是以$45的兩人份量, 真的很不錯了, 結果兩個女生也吃不完.提提大家: 這家餐牌的款式和價格是全天供應的, 下午2時以後去會比較少人^^The Yunnan-style lamp mixian just priced at $45 (add $2 for more noodles)!! Enough for two .…查看更多

返工時忽然想食羊肉的話，就會去公司附近（都要行超過十分鐘）、位於觀塘的「雲南啊老表黑羊湯鍋米綫」食。此店搬了新位置後我還是第一次來，幸而食物味道不變，還是我喜歡的那股鮮香羊味。來這裏吃羊肉米線分大、細兩種size，細碗的其實亦足夠一個大男人吃得飽飽的，今天貪心點，還是吃大碗的。切得細細的羊肉片分帶皮和瘦肉兩種。除非減肥，否則我還是愛吃帶皮的羊肉米線，因為較有口感，皮亦夠爽，連皮帶肉吃起來才有層次。這裏的羊肉帶點微微的羶，卻不過火。最怕吃一點羶味也沒有的羊肉，愛羊肉的就是愛那特殊的羶味嘛。而此店的湯頭亦充滿羊的鮮香，妙！建議先喝原味的湯，吃到一半加點辣椒油，即起微妙的變化，又是另一種過癮的滋味。…查看更多

老實說，我是米線粉絲，雲桂X, 譚X... ，X哥，係香港人都食過，尋晚去開官塘見完客，收工搵嘢食醫肚，即刻諗起呢間米線，之前係官塘廣場，但地方太少，成日排隊，依家搬左去隔離官中，地方大很多，原來擴充左，証明好食客多。他們賣米線的配料不多，沒有咩丸咩丸，呢樣個樣，只有牛有羊，但勝在夠精，一碗羊肉米線已經赢晒！我叫左碗細，但份量唔細，對我來說已足夠，羊肉有兩種選擇，有淨瘦肉或連皮，我比較喜歡連皮食，因較香及有嚼勁，羊肉切得幼幼，沒有羶味，可能湯底帶點點微辣關係，兩者很配合！加多一蚊，叫埋碟酸菜，我喜歡混埋落湯底一起吃，酸酸辣辣，好開胃。埋單四十蚊，大滿足！…查看更多

其實羊⋯⋯⋯⋯⋯⋯都真係我嘅最愛，呢間舖係未搬前，總未有機會去試，難得有機會係觀塘「出job」，同事又就得我，我就建議去呢間重未有機會試嘅舖度啦！睇到餐牌大碗同細碗，同事話我想試好耐，一定要試碗大，但點知⋯⋯⋯⋯大到呢⋯⋯⋯⋯俾佢fake左，一個女仔係無能力ko咁大碗米線，重要叫埋小食，你話呢⋯⋯⋯⋯都係講番d羊，唔「so」易入口，當然我呢d係追求「so 」到暈嘅羊，就差少少距離，但係味道係唔錯，又唔「un」，以為白汋會無晒味，但又唔會，相反我覺得個湯係好好味，都帶有羊嘅鮮味，都滿意！兩位同事都偏好公仔麵，所以佢兩個就揀細碗嘅羊肉麵（但忘記走青）！口水雞，不辣不麻，我覺得係就左香港人口味而設，加上觀塘工業區，大熱天時重食d咁重口味嘅雞，都真係⋯⋯⋯⋯如果可以偏麻d可能帶番出口水雞應有嘅麻辣風味，雞都算嫩口，還可以的！食得太多肉，點都要叫碟菜食下，爽口新鮮，正！順帶一提，如果係lunch hour，都需要等位，所以要係工廠區揀特別風味美食，就早d過來啦！…查看更多