金記冰室 (創紀之城五期(apm))

晚上睇完戲要醫醫肚，眼見金記喺面前就馬上衝入去，中式小炒、鐵板、焗飯，炒粉麵、湯粉及小食乜都有，實有一款合心水。 鐵板香煎雞扒拼吉列魚柳，配薯菜、黑椒汁 $90雞扒大大塊，吉列魚柳炸粉少少厚，薯條同鐵板不可分割，沾上黑椒汁同茄汁，好味好味。另外鐵板唔夠熱，淋汁落去聽唔到“咋咋聲“。 芝士鮮茄焗炸雞脾飯 $70大隻炸脾放飯面，友人望見很開心，雞脾不算太油炸，厚肉咬落啖啖滿足。茄汁甜甜酸酸好開胃，配料有少許茄肉， 蘑菇及西芹增加口感。 韭黃蝦球炒滑蛋 $80蛋炒得香嫩不太老，份量多多食到夠晒喉，蝦球大大隻爽口彈牙，小菜推介之選。 羅宋湯（跟餐）本來期待值不高，但飲落改變觀感，辣辣地又帶啲甜味，材料有洋蔥、辣椒粒、青椒及椰菜等，好足料。 紅豆冰 +$10好多紅豆，甜甜地幾好飲，配埋雞脾食係最正的。菠蘿柚子冰 +$13底層滿滿柚子醬，非常慷慨，拌勻後甜度適中，面層有幾粒菠蘿很清甜，友人表示多幾粒就更開心。…查看更多

在2019年8月10日星期六晚上我們四位香港超級聯賽球會，理文FC💛🖤🐝的Ultars成員一同晚餐，同時是Philp的Farewell，因為他在明年回到瑞士展開新學期。當天我們在一起在等待座位時，當天都很多人等候。店里的裝修很現代化，但是工作人員是剛剛足夠應付晚餐的人流😳😳。當天我order了滑蛋蝦仁，味道有點像椒鹽味道，但是用上小型的平底鑊，而且蝦仁剛剛好夠大粒，滑蛋不會太過水汪汪，保持到新鮮感，但是白飯要另外加單才有😞😓。羅宋湯的感覺有點椒鹽味道，但是份量同樣足夠。…查看更多

茶餐廳，是大商場的小綠洲，特別是在購物慾高漲的時刻。忙碌的二月終有喘息的之時。忙碌過後，佳節當前，購物慾總是異常的高漲。這天友人相約在apm，瞬間便被兩旁的時裝店、美妝店征服了。想爭取時間盡情購物，向有選擇困難症的我，竟一反常態地晚餐由友人發辦。Apm內的金記冰室是大商場的小綠洲，茶記的消費、茶記的效率，對於想「速食速決」的我而言是最好不過了。循著開飯網的導航走上六樓，金記冰室就在扶手電梯正前方。開放式的設計有如美食廣場，但裝潢上更時尚型格一點，而且是有服務而非自助模式。價錢就有如美食廣場的親民，雖然要等位才能入座，但茶餐廳翻桌快等位不會太費時。深知時間的寶貴，甫一坐下掀掀餐牌，不作多想便選擇兩份晚市套餐，再加一款小菜。茶餐廳的套餐總是人氣之最，加上這兒的晚市套餐感覺絕不行貨，無論是雜扒、煎魚、海南雞或吉烈魚柳都很吸引，若要求不高在套餐餐單上挑選已很足夠。友人點的是芭堤雅式燒倉魚配白飯($68)，晚市套餐配條燒倉魚，而且還配湯、飯和飲品十分抵食。倉魚煎封得極為脆身，魚肉亦新鮮滑嫩，那酸汁調度得清酸可人，友人把倉魚吃得一絲不剩。無骨海南雞飯($68)值得一讚的是那雞油香飯，雖說是油飯但不算油膩，雞油很清香。海南雞件皮下脂肪不多，雞皮滑嫩，可惜屬雞胸位置，個人較喜歡吃雞背、雞髀部分，就是不愛粗嚡的雞胸，只怪自己下單時沒有跟侍應說明。風沙炸豆腐($68)可配成套餐，會比套餐貴上一點。切方的炸豆腐非常滑溜，外層鬆化可口，還沾滿香蒜、椒鹽，惹味程度跟大排檔、小廚不相伯仲。見冰櫃裏放着無冰奶茶，想起了茶記要打出名堂，一杯靚奶茶確是不可或缺。無冰奶茶(凍飲+$5)以冰塊鎮著，其實在冰櫃裏已說得冰得夠凍了，冰鎮是為求視覺效果吧！ 喝一口確是茶底香濃，奶滑度足，比一般茶記水準高出不小。熱情果水果茶(特飲+$13)在寒冷天氣下最受歡迎，水果茶以透明玻璃壺聖上，除了熱情果粒外還有新鮮雜果粒，甜度剛好茶味又足，鮮果粒亦甜美新鮮。套餐亦包一份餐湯，羅宋湯酸甜足料，不錯。香港較為人所知的茶記是翠華、太興，分店處處但是價位偏高。如今金記冰室也漸嶄露頭角，茶記品牌能多一些選擇，就是食客所樂見的吧！…查看更多

唔少香港人都鍾意懷舊吓，所以，造就咗一啲偽懷舊冰室，即喺新餐廳，但設計得帶懷舊味道，「金記冰室」喺其中一家。但佢嘅西環「老店」其實小弟未去過，只喺去過其灣仔店，眨吓眼原來仲晌唔同區域開咗好多分店添，算有啲成績。apm有個星戰展，順便晌度搵埋食。上面都講開「金記」喺扮懷舊，但apm分店就好唔同，裝修上同翠華、翠河、太興……一類新派茶記差唔多，比較摩登，並無加入舊懷元素。雖然門面有唔少人等位，但始終喺茶記，人流快上快落。主餐牌好大本，菜式選擇極多，但就唔再喺「乒乓波拍」本搞嘢餐牌喇，不過，打開第一版，照舊喺金記嘅歷史介紹，元祖店實質開晌筲箕灣，仲有半世紀之長。因為都喺同朋友嚟填肚，就無細心研究餐牌太多，只喺偶然睇到有版創意菜式，由於得意得嚟又幾吸引，所以，就揀咗特色雞飯。而主餐廳內嘅單點菜式，都可以加$25 / $28轉套餐。如果想簡單啲，直接瞄瞄晚市套餐，共9款選擇，都喺賣$68、$78，全日無加一，包是日餐湯及熱飲，定價唔貴。除咗地方整潔光猛，亦見其他細節位企理，好似打開枱下櫃桶，餐具充足亦排列整齊，枱上嘅調味架，唔會污污糟糟。炸雞塊（套餐）揀咗加$28有小食嘅套餐加配，小食原來喺炸雞寶，細細兜，炸得唔算好乾，味道不過不失咁啦。羅宋湯（套餐）老友夏總要西湯，佢話個湯好濃郁，夠晒味，帶點辣勁，好過翠華啲貨色喎。合掌瓜煲瘦肉（套餐）小弟就試個中湯，味道雖然飲落比較淡薄，但感覺喺無味精出品。芭堤亞式燒䱽魚 $78對於「芭堤亞」，我理解就喺乾燒，主要喺配上帶泰式風味嘅酸汁，的確個酸汁令啲魚食起嚟更特色；而條䱽魚呎碼都幾大件頭，外皮煎得極脆口，肉質唔喺嫩滑嗰種，喺實肉而有魚味嘅感覺。爐燒原隻嚤囉雞飯 $98以小煎鑊配原隻燒雞上，而隻燒雞份量唔少嘢，切開仲釀咗好多飯，不過，今晚兩個死佬，絕對喺夠食力KO埋隻雞。單用刀叉食好難搞，所以，附上膠手套，而隻雞燒得香口，肉質唔錯，無話「嚡烚烚」，雞內喺咖喱飯底，超正，而雞下仲有好多咖喱汁，好彩道䱽魚有配飯，一於撈埋啲咖喱汁食，唔使嘥。蜂蜜檸檬沙冰 +$13、凍檸茶 +$3貪過癮點咗杯沙冰，打得幾滑，唔喺好重冰粒感，以檸味為主，蜂蜜味則比較隱若啲。夏總話佢杯檸茶有水準，茶底夠香，檸檬夠多，無澀味。同夏總最多話題就喺講波，其次就喺旅行，講講吓又講番吹咗成年嘅2020年初北歐極光之旅，吹住先，唔知成唔成事，因為成本高吖嘛！唔喺嚟茶記食餐飯，百零二百蚊落樓咁簡單嘅事啊。…查看更多

每個香港人的童年回憶裡都會有冰室這種美味是再貴重的山珍海味都不比擬悠閒的星期六下午要吃得悠閒被安排坐在四人雅座午餐有數款選擇我點了鮮茄焗豬排飯例牌先送上羅宋湯濃郁的深紅色非常對味焗豬排肉熱辣辣新鮮奉上 豬排很軟腍是茶記的普遍制作方法用上炒飯底有心思加十二元可加配上湯娃娃菜你的乾炒牛河夠惹味如果可以熱到冒煙就更好口癢癢加點一客炸雞翼薯條薯條是扭紋型的港式口味雞翼是生炸非常脆口就這樣渡過了一個充滿港味的下午…查看更多