紅樓 (已結業)

今晚食中菜(地方超大的), 睇到一張menu寫住Impossible meat, 都好好奇係meat味道, 據說就係從植物(豆, 薯family)當中提取出黎嘅meat味, 真係食過先知, 期待.>一口植物肉煎餃 (HKD62)如果唔當佢係植物肉, 其實同豬肉韮菜餃真係無乜分別, 感覺仲無咁油膩添, 最緊要係聞到好香, 一鍋6隻for兩個人或者happy share當係試下impossible meat一定嗌li款煎餃😋有驚喜🥟.>菠蘿🍍咕嚕植物肉 (HKD168)咕嚕植物肉搓成肉丸嘅形狀, “肉”嘅顏色比食開嘅較深, 夾起黎非常掛汁, 口感無豬肉嗰種厚實, 卻多左份juicy感. 甜酸醬味道較突出, 加上菠蘿🍍, 三色甜椒, 好創新又好味. >椒鹽九肚魚 (HKD88)炸到脆口又juicy嘅九肚魚粒好有”避風塘”風味, 啲炸蒜椒鹽調味勁足味道豐富!>紅樓招牌炒飯 (HKD128)跟住menu嘅S字揀左li個原來好正嘅炒飯, 一黎就係一大束蟹肉喺面頭, 料多過飯🤣, 有叉燒, 鮑粒, 蝦, 雞蛋, 菜好足料, 我鐘意店家嘅叉燒又入味又無乜肥膏👍🏻👍🏻,

lunch同事想飲茶，上網見到這間餐廳新開而且也有點心食，所以便來試試。餐廳都幾大，以紅色為主，天花掛有好華麗的燈，令餐廳感覺更高貴!點餐紙上有多款點心、飯、麵、甜品可以選擇，而今期也有一些蟹粉菜式可以選擇!香檳金蝦餃，蝦餃皮的顏色跟平時食到的不同，這裡的是粉紅色，還加有少許金萡在面頭。蝦都幾大粒而且彈牙!蟹籽黑豚肉燒賣，燒賣比平時酒樓食到的冇咁油，蝦肉彈牙惹味!酥皮菠蘿黑豚肉叉燒包，初初以為是菠蘿包的質地，原來是墨西哥包的質地，餡料有菠蘿和叉燒，叉燒餡料不會太肥，而菠蘿令包酸酸甜甜，很特別的感覺!太極馬拉糕，馬拉糕造型就像太極圖案，味道分別是原味和黑芝麻味。馬拉糕唔會太甜，而且好鬆軟，有淡淡的黑芝麻味，很香口!炸兩腸粉，腸粉內的油炸鬼非常脆口，就算落了豉油浸了一陣子也是很卜卜脆，腸粉皮又唔會好厚，還配有花生醬和甜醬，很美味呢!蒜蓉炒白菜仔，白菜仔不會太油，很香蒜味，而且白菜仔唔會太咸和很鮮甜!紅樓招牌炒飯，這款炒飯其實是蟹肉炒飯，飯炒得很乾身，除了有蟹肉，還有蝦肉、叉燒、菜心、蟹籽，不會很油膩而且味道也不會太咸，很適合女士吃!這間餐廳的食物味道都不錯，而且座位舒適，是下午飲茶的好去處

上堂前，因地點近登籠街，朋友提議嚟呢間中菜試吓。環境唔錯，燈光偏暗，尙算坐得舒服。因諗住食少少，㨂咗三個特色菜。點心㨂咗香檳金蝦餃，外表同平時嘅蝦餃唔同，佢喺粉紅色皮再加上金箔，食落味道無太大分別，不過勝在蝦夠爽口同新鮮。小菜㨂咗黑豚肉叉燒皇，好有特色，木架鐵盤熱上，隨叉燒另附上餅皮、蒽段，食法可以好似片皮鴨一樣，肉香軟嫩，仲有蜜汁，十分惹味。最後喺紅樓招牌炒飯，味道同賣相都可以，配料嘅蝦都好爽口整體感覺唔錯