神山麺屋 (創紀之城五期(apm))

🍜神豚燒沾汁拉麵 好味指數：👍🏻👍🏻👍🏻👍🏻佢嘅湯汁非常之濃郁，入面加咗豬肉粒同埋蘆筍，整體嘅味道係偏鹹香。拉麵上面鋪咗燒咗嘅豬肉，豬肉嘅烤香氣味滲入左拉麵入面，而拉麵嘅質感偏硬身。🍅蕃茄叉燒拉麵好味指數：👍🏻👍🏻👍🏻👍🏻佢嘅蕃茄湯面頭會放咗經過特別烹調嘅蕃茄，啲蕃茄非常之香甜，為成個蕃茄湯加分唔少。🥟神山湯餃子好味指數：👍🏻👍🏻👍🏻👍🏻👍🏻 呢個餃子都係皮薄餡靚，入面包咗菜同埋豬肉，配上香濃嘅湯底，整體口味非常鮮甜，係必點嘅一道菜。🧀北海道流心芝士球好味指數：👍🏻👍🏻👍🏻👍🏻👍🏻 係一個好好味嘅甜品，佢嘅外面係非常之酥脆，入邊就係軟林林嘅麻薯質地嘅計時，無論係味道定係口感都令人感受到好幸福。🍄牛油蘆筍炒雜菇好味指數：👍🏻👍🏻👍🏻👍🏻好有牛油香氣，入邊有好多唔同嘅菇類，當中，小編最鍾意就係金針菇啦。🦑蒜香魷魚鬚好味指數：👍🏻👍🏻👍🏻👍🏻佢嘅魷魚好有蒜香氣味，而且熟成度剛剛好，爽口彈牙唔會韌。🍑蜜桃焙茶好味指數：👍🏻👍🏻👍🏻👍🏻好神奇地，你杯嘢飲會有少少好似益力多嘅味，但係又會有蜜桃同埋焙茶嘅香氣。🍇巨峰梳打好味指數：👍🏻👍🏻👍🏻👍🏻呢個係日本品牌出嘅玻璃樽飲品，佢嘅氣泡相當細緻，如果鍾意飲有氣飲品嘅朋友可以試吓。🪑環境適合一至六人入座。以下係餐牌俾大家參考一下：…查看更多

中午到觀塘APM食午餐， 突然好想吃沾麵😚，每次想食沾麵都會諗起東京著名的沾麵店 ～ 神山麺屋✨， 就即興與同事們一起去吃。 店內燈光柔和， 座位舒適， 店員們服務親切有禮👍🏻， 我們點了神山豚角沾汁麵$88、 黑神山豚角拉麵$85、神山湯餃子$42、 蒜香魷魚鬚$42、 雙色牛舌$48、 牛油露筍炒雜菌$48、 梅子青檸梳打$28、 巨峰提子$28。 📌神山豚角沾汁麵🍜 ～ 先嚐一嚐湯頭🤤， 味道香濃鮮甜， 湯底用豚骨和魚介熬製完成， 面的質地煙韌又掛湯， 配上入味鬆軟的豚角，好正！   📌黑神山豚角拉麵🍜 ～ 湯底以黑蒜油味為主， 厚切豚肉入口非常軟腍入味， 配上溏心蛋，味道更豐富。 📌神山湯餃子🥟 ～ 餃子皮煎至金黃色， 有微脆的口感加上香甜的湯頭， 散發出一陣陣肉香味。 📌蒜香魷魚鬚🦑 ～ 爽口彈牙的魷魚鬚， 蒜香味突出， 越食越滋味。 📌雙色牛舌🥩 ～ 兩款不同烹調手法的牛舌， 牛舌味道濃， 口感嫩滑。 📌牛油露筍炒雜菌🍄 ～ 菇菌爽脆香口，濃濃的牛油香，好味。 📌巨峰提子🧃 ～ 有濃厚的巨峰提子香氣， 果味極濃，非常解渴。 📌梅子青檸梳打🍹 ～ 甜甜酸酸又開胃，清爽的梳打特飲。 價格親民又美味的麵屋， 喜歡吃沾麵的朋友一定要嚟試下😊。 🏷️溫馨提示～ 整個用餐體驗均屬個人分享意見， 只作參考😊。 …查看更多

自從APM開左呢間神山麵屋後, 已經光顧過幾次, 每次都必點沾麵, 誰叫我是沾麵控平時都只叫最普通的神山沾麵及煎餃, 今次就嘗試黑神山叉燒沾麵及湯餃。最先上的是這個湯餃子, 湯很夠熱及很濃, 有4隻餃子, 不過最好食的竟然係旁邊的菜餃子就比較一般之後就上我最期待及第一次試的黑神山叉燒沾麵了，上菜第一眼就覺得沾麵的湯好像芝麻糊豆腐花一樣, 左右兩邊分左黑白兩色, 之後就試食啦，一食..........凍嘅? 再食清楚, 發現應該是黑色那邊的黑麻油不是熱的，但原湯那邊是熱的，如不好好溝埋一齊像我一樣只沾黑色那邊, 那就會覺得凍, 不過就算兩邊溝埋D湯也只是暖而已, 但味道是不錯的, 只是下次不會再叫這款沾麵了.P.S: 流心蛋真的很好吃最後還有加一服務費呢…查看更多

日本沾麵過江龍，剛開店時大排長龍，現在晚市時段仍需等位。-神山沾汁麵 $89叉燒有火燒味很香很軟腍，一層肉一層肥膏，怕肥的不能吃肥膏，但也很好吃湯起初是熱的，但只用玻璃碗，很快變冷，個人認為沾麵熱才好吃但此店宣稱沾麵湯不夠熱是他們的特色🤯不解。但湯依然很濃，配上沾麵還是很好吃的😋-黑神山沾麵 叉燒換成普通的叉燒，湯也不夠神山沾麵的濃，也更快變冷，相比之下神山沾麵的確出色很多。-神山湯餃子 🥟 $38煎過的餃子放進拉麵的豚骨湯裡，原來很夾！煎餃仍保留脆脆的外皮，與湯一起吃很好吃🤤…查看更多

呢間麵屋周不時都有人排隊等位，見無咩人就入去試下。神山沾汁麵- 個沾麵汁唔錯，啲麵質都幾彈牙，不過份量唔算多，胃口大啲啲應該唔夠飽。豚肉味道ok。隻蛋正常，有流心。神山湯餃子- 啲湯味道好似沾麵汁，不過淡少少，餃子普普通通，整體味道正常，但唔會特別推薦。…查看更多

東京的神山麵屋登陸香港，記得初開業時人山人海，連想試名物神山豚角沾汁麵也售罄！現在熱潮冷卻，就算要等位也不用太久，而沾汁麵也沒有售罄。今天除了沾汁麵，也嚐了香港獨有的神山湯餃子，還有藥膳雞。藥膳雞有濃厚的花雕酒味，其實就是我們平常吃的花雕醉雞，而雞肉用了日式叉燒製法，變成了圓形一塊的，整個感覺不錯，涼涼地，配上翡翠苗，清新之選！神山湯餃子就比較一般，湯有點淡，而主角餃子雖然煎過，但由於有湯，所以淋了。神山沾汁麵初吃的時候還不錯，豚角有燒肉香味，而麵質彈牙，但可惜豚角的脂肪太多，加上湯濃厚的油，很快就吃滯了！吃了3份1已經有辛苦的感角，不斷飲茶來消滯！…查看更多

香港人愛吃日本拉麵，所以無論海外來港或本地品牌都有捧場客，現在連日本沾麵都開始熱起來！！今天得意和家人來到位於觀塘apm的<神山拉麵>一嚐美味沾麵雜果特飲（左），菠蘿特飲（右）炎炎夏日當然要先來兩杯冰凍特飲雜果特飲是味道甜甜的fruit punch，菠蘿特飲汁酸酸甜甜滿滿的菠蘿味，好飲又解渴。<和風蘋果沙律>絕對是喜出望外的沙律！有大量的蘋果粗條，每條都輕輕沾有帶有蟹子的沙律輕汁，再加上面頭撒上粟米脆片和提子乾以增加口感，非常好吃。<藥膳雞>又是令人喜出望外的一道冷盤，帶有淡淡的酒香呢厚切的雞件非常嫩滑而且充滿骨膠原的感覺，超正<唐揚豆池魚>短小而肥嘟嘟的豆池魚經唐揚後外層很鬆化但又不會乾爭爭，成條連骨都可以食埋，鈣質豐富。<神山湯餃子>老公很喜歡吃餃子，無論是煎餃還是湯餃。這個湯餃子有著濃濃的湯汁浸著，非常惹味。<神海老沾汁麵>終於來到戲肉！！！海老沾汁麵一放低已經香氣四溢，蝦味濃郁。肉質彈牙的巨蝦差唔多有成隻碗咁大隻！！沾麵湯汁亦不容小看，質地超濃厚，味道濃郁，充滿蝦膏香，鮮！甜！甘！美！爽滑彈牙的沾麵浸入濃濃的湯汁中，絕對是無比的享受。溏心蛋亦不容小看，有圖有真相，溏心的程度破表。<神山沾汁麵>愛好肉類的老公選了神山沾汁麵。上台的時候我們都被那兩舊大大舊的烤肉嚇了一跳。肥瘦相間的巨型五花腩經火烤後帶有微微的燒烤香氣，感覺上沒那般油膩，而且肉汁非常香滑，非常邪惡。沾麵汁同樣非常濃厚，可以緊緊的掛著爽滑彈牙的沾麵上，味道比較濃郁，適合喜愛重口味啲朋友來。…查看更多

夏天真係好適合食沾麵，因為食湯拉麵太熱。APM 呢間新新地嘅沾麵經常好多人排隊，難得今次閒日7pm經過咁啱有位，即刻街都唔行，直衝入去，食完飯先再慢慢行商場。開左應該有半年，咁耐都係第一次食。之前食過超出名「周月」沾麵之後，就深深愛上咗。見呢間神山咁受歡迎，就聽取餐廳職員建議，order咗poster推介嘅「神·海老沾汁麵」$128麵條粗粗地，好煙韌，暖嘅，一條條好分明，唔會痴埋一餅嘢，好好！一次過夾兩三條麵，放入湯汁，輕輕一沾，啜入口，滋味無窮。魚介湯底好鮮味，湯汁加入大蝦精華，濃得黎唔膩，真係好惹味。海老超大隻！淨係蝦頭大過隻蛋！肉質彈牙，龍蝦肉咁呀！蝦頭d膏勁多～ 好好味！溏心蛋都好高質好正！和風蘋果沙律 $45蘋果超級清甜爽脆！沙律汁帶有輕輕的芥末口味，十分清新～ 雙色牛舌 $45即係冷熱牛舌，兩個都好諗，凍嘅比較薄和食到本食嘅牛舌味；熱嘅厚d，配惹味醬汁，別有風味（鹹咗少少）唐揚豆池魚 $45唐揚雞就食得多，見店員誠意推介，即管試吓唐揚魚仔～ 沾少少帶酸味的醬汁，即刻將個魚味提昇！細細條，炸到勁脆～ 食魚嘅感覺無食雞咁油膩。神山湯餃子 $38食咗碟煎炸嘢，就食湯餃子啦，因為去拉麵店一定要食餃子。薄嘅餃子皮，餡料菜肉分佈平均，煎過嘅餃子放湯無咁熱氣，但亦不失惹味，湯底濃郁，配拉麵應該都會好好味，下次要試吓呢度個拉麵先。菠蘿/雜果特飲 $15@抵過飲汽水！有d生果嘅嘢飲係零售fresh～總結係唔怪得咁多人幫襯，因為真係幾好味，價錢又合理！下次同b仔再黎先～…查看更多

假日當然要逛逛街血拼一下，大戰一輪後飢腸轆轆，隨便走進一間不用排隊輪候的拉麵店，店員們均很有禮貌，甫坐下經理即熱情地推介他們的新產品海老沾麵，研究過餐牌後，點了一客湯餃子及黑蒜沾麵。湯餃子是神山麵屋的首創產品，每日以豚肉新鮮包製，先煎至表皮金黃，再放入韭黃、菠菜及秘製豚骨湯中享用。煎餃子放湯後很快變淋，要吃到表皮微脆效果要盡快食用，味道沒有驚喜，勝在湯夠熱及價錢合理。店內設開放式廚房，客人可以看到師傅處理食物的每個步驟，確保新鮮衛生。身為沾麵和黑蒜的忠實粉絲，當然要點這個叉燒沾汁麵（黑蒜豚骨湯底），驟眼看份量不太多，麵條偏粗身。先試一口湯，頓感失望，黑漆漆的湯底竟然沒有黑蒜味，而且溫度不足，麵條沾上湯汁後仍偏硬，需較費力咀嚼。黑蒜豚骨湯內有兩片叉燒、筍及溏心蛋一隻，叉燒屬偏薄而瘦，味道合格，溏心蛋則有驚喜，嫩滑香濃，挽回一些分數。希望沾麵湯汁質素及溫度有所改善吧！…查看更多

上星期同朋友去左AMP食飯, 經過呢間餐廳覺得幾特別, 所以決定試一試. 佢既門面都幾靚下, 7點左右去到都唔算好人, 好快就有位坐, 見到佢既推介久須志菌茸沾汁麵, 當然梗係試一試, 而且見到好似每台食客麵好似order左呢碗麵. 我地仲叫左神山湯餵子, 沖繩風味豚足, 茄子pizza, 山葵手羽先, 再加多杯雜果特飲.茄子pizza 食落真係好香pizza味, 唔太油又好味, 沖繩風味豚足即係豬腳, 好淋....好入味...我鐘意食..不過份量如果多少少就好啦, 神山湯餵子....鐘意食餵子既人都會鐘意食, 另外山葵手羽先食落酸酸甜甜好開胃...好味.最後到久須志菌茸沾汁麵, 一上台就見到好大碗, 聞到好香既菌茸味, 一望就知超級濃郁既味道, 碗麵D菌超多. 我先夾起D菌沾一沾個汁黎食, D菌都有好幾款又新鮮, 另外D麵比平時食既拉麵係唔同既, 因為呢款麵係叫麥香曲麵口感好彈牙, 仲有配埋個醬燒豚角真係好GOOD. 起初仲驚唔夠食, 但食到後少少開始有D飽, 可能我地食得太多小食, 加上D沾汁太濃厚.....其實我想當湯飲哂佢...不過真係好飽, 下次黎叫少D野食應該就可以食到一滴不漏.…查看更多

今日去左APM 搵食!見到有間神山拉面,都幾多人排隊!!所以試試入面招牌菜完全未聽過!久須志菌茸沾汁麵 可能我自己見識少所以入去取取經菠蘿特飲叫左杯菠蘿特飲,估唔到入面真係有一片片菠蘿!都幾新鮮茄子披薩$43自己本身都好喜歡茄子和PIZZA, 想不到有混合体!  點都要試下LA估唔到都幾好喎! 入面PIZZA 味好似某某大型PIZZA 味道, 茄子都好入味!作為前菜可以一試沖繩風味豚足$38好重蠔油汁的豬手, 都可以的 , 幾入味......蘿蔔都好甜... 女士們應該很喜歡! 因為有好多骨膠原>_<神山湯餃子$38自己都好鐘意食餃子!!! 不過我自己覺得偏咸一點!!  味比較濃,,,但材料新鮮補救返!!HAHA 試不試見仁見智啦山葵手羽先$38一聽到個名真係點都要試下LA! 山葵手羽先喎! 所以叫左泥試下!酸甜的雞翼, 自己好少試! 都不錯 出面好少禁樣烹調! 所以推介俾大家!久須志菌茸沾汁麵$88最後泥左個主菜!! 果然係招牌菜!(久須志菌茸沾汁麵)其實姐係松茸面, 但又幾好食! 一開始以為湯面, 點知佢分開上菜!好重的松茸味!  喜歡味濃味啖可以可以調教! 麥香曲麵，口感彈牙煙韌,依個真係要試下, 仲有個排骨好大塊!!!! 真係一碗都好飽下!!! 平民價錢! 都可以試下! 觀塘APM神山拉面都係值得推介的!!! 大家有時間可以去試下…查看更多

神山即日本的富士山，亦有「不二山」之稱，既然神山有不二山之稱，當然要試試他們的拉麵是否我的不二之選。神山在東京創立，以極尚濃郁豚骨湯頭精華，配搭多種日本魚介和秘製醬油作調味，製作出神山獨有的豚骨白湯底。晚飯畤間去到這間人氣過江龍麵店，果然人氣十足，不少人在門外等位！食品種類也不少，除了以沾麵、拉麵為主外，亦有米飯和多款小食。小食分有四個主題：自然、大地、空、海，每個主題都有四至五款選擇。黑神山义燒沾汁麵（$79）👍👍👍👍👍沾麵有三款選擇，分別為白神山、赤神山、黑神山。黑神山就是以黑蒜豚骨為湯底，湯底濃黑，帶有濃厚豬骨和蒜的味道，極黑的黑蒜油湯還有义燒、荀片、和原隻流心蛋。沾麵的麵條比較粗和有坑紋，所以更容易掛湯。麵條煙靱有彈性，口感有嚼勁，味道還帶點小麥的香氣。原隻流心蛋果然非常流心，用筷子一刺，流心蛋黃馬上流出，蛋白軟滑有蛋香。蕃茄义燒拉麵 （$85)👍👍👍👍這個蕃茄义燒拉麵，除了有义燒，流心蛋，還有新鮮蕃茄和一個薯仔波波。湯底是比較清蕃茄豬骨湯，味道比一般湯底清新點，有點田園味道，番茄的天然味道亦令人感覺開胃。麵條比起沾麵較幼，口感比較粗的沾麵較軟，但入口仍有彈性。神山湯餃子（$38）👍👍👍👍👍神山湯餃子是自然系列的小食之一，先把煎得外皮金黃焦香的餃子放入豬骨湯內，煎香了的餃子索滿濃厚的豬骨湯，吃的時候，外皮還保留一點香脆，和濃湯相伴一起吃，更加美味，濃湯內還有青綠的菠菜。茄子披薩 （$43）👍👍👍👍茄子披薩亦是自然系列的小食，披蕯大家都不會陌生，但這個餅底則以茄子作提代，茄子上舖滿芝士、肉碎、蘑菇、青紅椒粒和紅蘿蔔絲，醬汁味道有點辣，配合新鮮的沙律菜可以平衡辣味。雙色牛舌（$45）👍👍👍👍這是大地系列的小食之一，牛舌用了兩種處理方法，一熱一涷。涷食的是以鹽水浸泡加上麻油，味道比較清淡；熱食的牛舌，以酸甜的醤汁煮，味道較濃。兩種味道，一涷一熱、一濃一淡，各有特色。唐揚豆池魚（$45）👍👍👍👍這款小食是海的系列，材料選用日本海岸捕撈的豆池魚，以唐揚方式炸至金黃，整條豆池魚可連骨吃下，味道酥香，配合酸汁或加點檸檬汁，味道更清新。菠蘿特飲/雜果特飲（@$15）👍👍👍👍兩款冰涼的特飲都有雜果/菠蘿在杯內，味道香甜。門面餐牌…查看更多

香港近年興起沾麵, 所以開左一間又一間嘅日本過江龍。星期日下午剛好經過, 難得冇乜人排隊, 就入去試下。呢間出名食沾麵就當然要試下招牌菜。 豚肉好厚身, 但肥瘦太分明, 所以好易一啖瘦肉一啖肥肉。溏心蛋正正常常, 咬開會有少少流心。重頭戲湯底同麵質真係幾高質! 麵質啱啱好, 唔會太淋, 咬落去好有口感。麵條沾完湯汁放入口, 味道好濃郁, 唔會太咸。湯汁亦唔會太稀, 可以每啖麵條都沾滿湯汁。呢個沾麵真係好好食。我地都叫左個黑蒜湯底既沾麵。雖然黑蒜味係幾香, 但同神山沾麵比較就會差段距離。黑蒜湯底味道冇咁豐富, 湯亦較稀。平時去拉麵店我都好鍾意食煎餃子, 但日式湯餃就真係少見。估唔到呢個湯餃都幾好食, 餃子煎好後放入濃湯, 一大啖餃子連湯味道真係幾唔錯。叫左咁多濃味既野食, 諗住試下個淡味D既, 點知淡得濟lol 雞肉唔係特別嫩, 好似熟左少少, 亦都冇咩藥膳味。雖然呢間仍然係比唔上我之前係東京食嘅六厘舍(真係一試難忘T^T), 但係香港食到既水準算係幾高質。…查看更多

每次經過APM都見到神山麵屋門前人山人海，這晚跟男友早收工就一於在人潮出現前試一試長期出現人龍的真正原因。餐牌上的選擇都頗多，除了主打沾麵之外，亦有拉麵及各款小食。不過沾麵的湯底依正宗做法，所以溫度大概會維持在60度，我向來喜歡食物熱辣辣所以便揀選了拉麵~雙色牛舌冷盤小食先上檯，此為牛舌兩食，有清淡版本亦有濃濃醬汁，酸酸甜甜所以覺得很開胃，牛舌鬆軟不會騷。神山湯餃子餃子先輕煎過然後放入濃湯中，雖然被湯浸住但餃皮都不怕散開。唐揚豆池魚全晚最推介的小食，小魚炸到鬆脆香口，全條魚都可以放入口食~茄子披薩以茄子代替了平日Pizza的餅皮，加入芝士及蕃茄醬等使味道香濃，不過不論視覺上或是口感都太油膩。黑神山沾麵不要被污卒卒的沾麵嚇到，其實湯都只是面頭那一層油份是黑色。底下的湯都是清澈的，而且為免沾麵口感會太膩，所以湯的質感不會過份杰身。入口充滿了黑蒜油香，每一口湯精華都不能放過。蕃茄叉燒拉麵真正落足料的蕃茄湯跟平日食到的色素湯望落截然不同最特別是湯中加入了薯蓉波波，令湯底變得更濃稠。溏心蛋的生熟度準繩，蛋白質感軟滑，蛋黃更是100%流心狀態。拉麵及沾麵的價錢都尚算適中，而且服務十分抵讚~…查看更多

窩夫與蝦子餅日前去試了觀塘apm新開的、來自日本東京的神山麵屋。餐牌除了食品介紹，還印了很多神山(即富士山)的畫，美得像一本畫冊。窩夫點了蕃茄叉燒拉麵($85)，蕃茄湯裡加了一球薯蓉，配搭很特別，窩夫個人覺得蕃茄湯底不夠濃厚，叉燒和拉麵都沒有很大的驚喜，蛋的生熟程度也控制得不夠好，窩夫的蛋太生呢。蝦子餅點了白神山豚肉拉麵($78)，白神山即濃厚豚骨湯底，其餘的選擇有赤神山(辛味豚骨湯底)和黑神山(黑蒜豚骨湯底)。小食方面，雙色牛舌($45)的水準不錯，小碟上的牛舌是冷盤來的，調味比較輕手，較能突出牛舌本身的味道，另一款牛舌的醬汁較濃，各有各精彩。神山湯餃子($38)是神山麵屋首創的，比較少見，值得一試。廚師每日以豚肉新鮮包製，並於熱鍋煎香至表皮金黃，再放入加了韭黃和菠菜的秘製豚骨湯裡，趁新鮮吃才可吃到最佳的口感，但要小心燙口。總括而言，窩夫與蝦子餅對神山麵屋的湯拉麵有點失望，或許它的招牌神山沾汁麵會做得比較出色。…查看更多