黑龍

營業中

休息中

黑龍拉麵，位於灣仔，利東街附近，過江龍2014年日本人開既正宗拉麵店，真。長期爆滿，遊客定香港人都排😘傳統拉麵店，坐吧枱仲可以望住個製作過程👍🏻白雞鹽味拉麵，都相當多人推薦嘅雞湯，先飲湯底，超濃香既雞湯，會忍唔住即刻嗌好味🤤鹽湯清澈，完全吊晒啲雞味出嚟🐥加埋軟身麵超夾，掛住湯食正🫶🏻愈食愈想食既拉麵，配埋雞肉正，同時上枱炸雞🍗唔油肉嫩，味道都幾唔錯👍🏻辣三枚肉沾麵，特色沾麵，魚介湯濃到傻，加少少辣爽，粗麵底，沾一沾食得，好味😋重口味必選，必加玉子，加啲濃湯好味到爆👍🏻三枚大叉燒都好腍滑，點湯食正，加左牛筋飯，牛筋腍滑，關鍵係食完麵加落湯食，好正既享受🤞🏻SUNTORY 生啤+餃子，好抵既組合，餃子多汁夠脆，生啤配拉麵，正😎真。地道日本拉麵屋體驗🍜拉麵、沾麵同湯都好正，雞湯真係要試，極高質👍🏻每月仲有唔同既限定優惠，Follow 社交平台就送餃子、炸雞等小食，正🫶🏻

🍜拉麵 💮小店 🚹1-2人 ——————晚市未開門已經有人排隊，🐻🐻‍❄️好彩第一輪直入，開門10分鐘已經有人龍排緊下一輪🤣黑龍到底有咩魅力？😆💯白雞鹽味拉麵$90湯底雞味超特出！黑椒調味嘅筍絲吊咗味，麵條好易夾起，但叉燒食落直情有少少「柴」，相對普通～💯牛筋Black沾麵$100黑椒味令個湯底夠濃味，加埋啲牛肉味；叉燒厚切，食落嫩過雞白湯嗰碗，但如果再切薄啲似乎可以再嫩啲；溏心蛋偏熟～💯🥟雞皮餃子$30肉餡餃子🥟雞皮夠脆，味道靠上面嘅少少七味粉同豉油醃過嘅肉餡唐揚炸雞👍🏽惠顧一碗拉麵&Follow餐廳社交平台免費送一塊👍🏽炸皮有調味，新鮮炸起，雞肉嫩滑結論：湯底非常高質👍🏽但配料食落相對普通，不過依然係🐻‍❄️私心最愛拉麵頭3位之內！

黑龍2014年係灣仔開業，由日本人主理，一入去好似去左日本嘅拉麵店咁，無論裝修同佈局，都同日本嘅十分相似！一直維持好高人氣，條街窄窄地，經過都成日見到有人排隊等，今次終於有機會試試佢！ —— 辣三枚肉沾麵 $98叉燒好正！！本身用料好好，肥瘦層層相間好均勻，肉質軟腍，燒到微焦夠哂香。沾汁濃厚，辣辣地幾惹味，麵條掛汁，彈牙煙韌👍🏻食到最後仲可以加湯落沾汁飲，夠哂正宗！—— 白雞鹽味拉麵 $88湯底唔錯，飲得出真材實料，最鍾意佢唔死鹹，但又雞味好出；另會有三塊雞肉，偏薄身，食落都好滑，拉麵麵條就正常發揮。比較起黎，我更愛沾麵🤣—— 雞皮餃子 $30內餡鮮嫩，一咬出汁，雞皮金黃酥脆，超邪惡但真係好好食！🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍 黑龍 (灣仔)灣仔汕頭街29號地舖🔎分類搜尋：#FTHK_灣仔 #FTHK_日式

灣仔橫街好多隱世美食，今日俾我發現到一間日式拉麵店《黑龍》原來開業接近十年，由日本人開既拉麵店，餐廳門面同裏邊充滿傳統日式風格 🏮 我超愛食拉麵就同朋友要試下 🤗🍜 黑龍豬骨拉麵豬骨湯頭好香濃配幼拉麵非常掛汁，麵質比較幼身爽口，豚肉肉質好嫩口，另外有碎碎地紫菜味更濃，麵質可自己揀軟、硬適合唔同人🍜 白雞鹽味拉麵湯底濃厚白雞湯，好似濃縮成隻雞落個湯度，清甜湯汁配正常粗度拉麵恰到好處，雞肉帶少許雞皮口感嫩滑，配有溏心蛋煮得剛剛好 另外叫三款小食：🥩 胡椒鹽味叉燒日式义燒稍稍煎烤，用胡椒調味更喜出望外，同配湯麵义燒滋味不同，帶點嫩滑豬扒感覺，味道更香口🦑 燒魷魚一夜干一夜干製法魷魚超驚喜，肉身軟淋帶咬口，無乾燒咁乾爭爭硬崩崩，燒香味濃郁，必定要試下🥟 餃子煎得夠香口包住裏邊油脂豐富嘅肉餡 好好味真係人氣拉麵店Keep住全埸爆滿，我同朋友都超滿足，下次必定會再去 🙌

男友想吃拉麵，就找到附近有這間過江龍「黑龍」。看到介紹說是日本也有店，來港開了分店，所以都滿滿期待。可是一吃就有點失望了😞不是預期中的美味。可能期望太高呢(*/ω＼*)門面很有風味，有個勁大的日本燈籠🏮點菜紙拉麵🍜湯底不過不失，沒有預期中的香濃豚骨味叉燒真的好普通。加左隻蛋，流心的，但可能吃過好好味的，就覺得這個唔吸引。但麵是正常的。份量不算大，可接受。男友對於這個很有意見，首先是麵底用了他最不喜歡的麵。湯底，肉都麻麻🙈

睇個名以為係雞骨湯底0既拉麵,但食落原全無雞骨湯味,應該係豬骨加鹽味湯底吧???(希望我無食錯吧~)雖然無雞骨味,但濃度及味道還是可以接受.雞肉叉燒同鳥華亭一樣都係浸過D醬油,感覺上好似鳥華亭略勝一籌,因為比較香醬油味,不過食落都不俗,啖啖肉,總好過薄薄的一塊0既叉燒.最特別係攣麵,有別於一般豬骨湯所彩用0既直麵,麵0既攣度好似公仔面,但當然哩個攣面好食過公仔面啦,其他配料如筍,流心蛋等都係一貫水準,以黑龍0黎講,哩碗面係比較普遍一D,但整體水準還可以接受~