牛屋餐廳酒吧

營業中

休息中

喺T3下，落咗成日雨，夜晚終於無落雨，唔帶遮都可以唔濕身。「牛屋」整體嚟講，食物味道同質素偏高⬆️，但份量偏細⬇️。🐮『紐西蘭牛柳』$168牛柳比想像中細塊，但肉質鮮嫩多汁，幾重牛味；跟「薯菜」——薯條份量多，幾飽肚⋯⋯🐣『意式檸檬牛油汁燒春雞』$168檸檬牛油汁有驚喜，牛油可以令到個春雞比較嫩滑，食落有肉汁；但好多cafe嘅燒春雞，都係一隻雞咁上，佢就得半隻，相比下份量比較細，有少少唔夠喉⋯⋯🐌『招牌法式焗田螺』$68田螺有六粒，比較淋；下面墊左一層厚厚嘅薯蓉，比想像中多（成隻叉咁厚）；牛油/忌廉份量適中，唔會太油膩⋯⋯酥皮羅宋湯（紅湯）多料，但味道偏鹹；友人認為酥皮襯白湯多啲，佢要次會咁叫。📍 牛屋餐廳酒吧 (佐敦)佐敦吳松街143號地下。回味指數：🌕🌕🌕🌗🌑地理位置方便，價錢可以接受，所以回味率偏高

在2021的香港，能找到道地而又便宜美味的扒屋實在難得。這間牛屋價錢便宜，Lunch Set十分化算抵吃。一個午餐包了牛油麵包和餐湯。我喜歡它的羅宋湯多過白湯，味道濃郁可口。蒜蓉雞扒意粉實在邪惡，是邪惡博士的化身。蒜蓉汁十分足夠，不會只有數滴。而雞扒很大塊，超豐滿的。而它口感嫩滑多汁，像一朵盛放的花兒。而意粉軟硬度適中，就像人生遇上困難，能夠以軟制硬，以硬解軟。感恩讓我仍能享受和品嚐美味的一餐，牛屋已成為我常常吃的飯堂。

雖然係老店, 屹立喺佐敦吳松街多年, 但確實麻麻地。午餐價錢最平$42有交易(餐飲需加$3), 有牛油餐包、餐湯(羅宋湯或忌廉湯)。羅宋湯嘅質地及味道都非常濃郁, 係唯一值得讚揚嘅地方。燒汁鴛鴦扒意粉($42), 係牛扒拼豬扒, 牛扒係嗰種薄切切嘅BBQ扒, 幾多醃肉粉嘅味道, 唔得; 豬扒算可以, 略肥。燒汁似番茄汁。另外一個係紐西蘭肉眼扒配薯菜($52), 牛扒都係嗰種薄切切嘅BBQ扒, 醃肉粉嘅味道少啲啲, 都係唔得; 薯條偏淋。同樣係燒汁。空間有限, 都坐得幾逼夾, 要搭檯。