釣魚翁 燒鵝．海鮮飯店 (已結業)

是晚去咗觀塘搵朋友，問佢附近有乜嘢好食，佢推介咗呢間餐廳，所以我哋去試下。大約7點半左右去到，本來唸住要等位，點知原來間餐廳只有一半人入座。入門口之後，就見到一排排鵝吊咗喺度風乾，跟住見到個燒鵝爐同埋個燒豬爐，即時對呢度嘅燒味信心大增。打開個餐牌，發覺選擇很少，但是由於只有 J 同 E 兩個人食飯，所以盡量叫少d。我好鐘意飲湯，所以叫咗個是日例湯：椰子雞湯(小)$98，本來以為係例牌行貨嘢，點知有驚喜，椰子味道香濃，睇得出廚師落足料。欣賞餐廳將湯渣同湯分開上，所以一小煲湯也可以分成5碗。本來想叫半隻燒鵝，但係喺 J 大人阻止下只叫咗份燒鵝(例牌)$138，一如所料，由於不是叫全隻嘅關係，d燒鵝係已經凍咗，所以打咗折扣，但係我可以估到如果隻燒鵝係熱辣辣嘅話一定好好食。侍應姐姐推介特價上湯加拿大龍蝦，任叫任食只係$68一隻，所以我哋叫咗2隻，龍蝦肉質彈牙，食得出係好新鮮，不過個人還是比較喜歡芝士焗口味。仲有細心嘅 J 大人發現嗰 4 份半隻開邊龍蝦並非出自兩隻龍蝦，除咗大小不一之外，仲有3份係左邊而1份係右邊，所以話呢，女仔真係細心d，唔到你唔服。呢度服務一流，侍應姐姐有禮之外亦很勤力換骨

因為只得三個人，沒有訂位，六點去碰吓運氣，只有近門口燒鵝風干櫃前一張細枱。招牌燒鵝例牌先上，我同老媽每人食兩大塊鵝髀肉，其他部份阿女清哂 (因佢遲到)， 非常甘香滑溜，反映風乾過程做得非常專業， 一絲不苟。籠仔豉汁蒸大鱔， 大大碟(籠)有超過10両白鱔，材料費街市自己買都要過百，這裏才收一百四十八，取價算很克己。 阿女 唔俾老媽同我食得太鹹，貼心地將豉汁洗淨先比我地食， 但仍然覺得好鮮味， 證明係用新鮮材料唔係急凍貨。冰梅骨， 係源自潮州菜梅羔骨， 但係加入左廣東燒味元素 ，味道更上一層樓。， 係改良自潮州大芥菜煲，湯底咸鮮味濃，用一個小火爐上， 效果非常不錯。另外也要了味菜鵝腸同鮮蝦荷葉飯，前者用新鮮鵝腸，味道不俗。後者用料很夠，但蝦肉有少少蘇打粉味，不過老媽也連盡二碗。值得一提是這裏的每碟菜份量都很大方，我最怕一些"小家"歺廳，令人食得很寒酸。大厨團隊應有潮州菜同粵菜既大師傅，希望佢地更進一步， 多做一d跨菜系既fusion 菜式。

觀塘的鱷魚恤中心餐廳林立，是搵食的好地方，而且由apm直接可走捷徑過去，非常方便。釣魚翁當晚客人很多，部長嘗試把客人分流到樓下三樓同一個集團的北斗翁頂尊火鍋料理，我們則堅持在這邊等。飯店的裝修跟傳統酒樓不太一樣，至少地下不是鋪上那種大紅地氈，改用黑色雲石和原木地板，配上天花一堆堆圓形的手工燈，感覺很優雅。檯與檯之間空間感亦足夠，而且就算是兩個人也不用跟人搭檯。先來一枝德國Erdinger的黑麥啤(500ml 酒精含量5.3%)，它僅僅使用麥芽、啤酒花、新鮮酵母、水四種天然原料進行精釀，更選用高營養價值的小麥，投入比例是50%以上，當中沒有添加其他香料及副原料。發酵方法也有別於主流啤酒，同時使用了「上層發酵」和「瓶中二次發酵」兩種方法，於裝瓶前再次添加新鮮酵母，讓它在瓶中持續發酵。黑麥啤的外觀呈褐色，有一陣陣果實香，味道帶點甘甜，酒精味跟其他牌子的黑啤相比較輕，氣泡順口帶有淡淡的麥香，女孩子喝也很適合。等待上菜的時間，邊喝啤酒邊吃餐前小吃，也是一種享受。是日小吃是花生小魚乾，兩者口感都非常爽脆，作為餐前小吃真是一流。這種在乾貨店可以買到的鹹魚仔，蛋白質含量高，買一堆回來深炸至金黃硬脆，沒