鏞記酒家

同事仔請食散水飯🍚 估唔到係去鏞記😮 對上一次黎應該係幾年前餐business lunch🤔係老蘭gateway既無敵荀位，一入門就有人招呼🤗 金黃色既牆身裝飾豪氣萬千，呢份氣派歷久常新💖 係右手電梯上到黎一樓坐低，全場坐唔滿，一兩枱係商務客開會，另外都主要係遊客🇨🇳Menu 📙 複雜啲組合多到數唔完，要點菜確實有難度🙄 先黎有出名既酸薑皮蛋 🥚 對半開連紫薑上，光滑既表面帶住流心蛋黃，用酸薑去夾住一啖放入口，咬破薑既微妙厚度，到達啫喱質地既皮蛋，最後抵達中心既溶岩，三層口感係呢道前菜特點💪燒味三併，叉燒🐽 燒鵝🦆油雞🐔, 燒鵝全脆既表皮搭配醬汁，加埋碗小小瀨粉，見到鵝油係湯面水漣漪般散開😮 香香既油汁點亮清湯同瀨粉；叉燒燒得微焦夠香，汁料係表面凝固咗一層透明護膜💗除咗呢兩個菜外，其他都唔算特出😑梅子排骨🐖有啲得意，上枱個梅子醬係分開無放落肉度🤔 肉質還算可以鳳眼果炒蝦球 🦐 ，啲蝦唔算最鮮，未到彈牙，大小亦都唔大一致炸豆腐直頭係失色👊 溫度唔夠之餘，表面亦炸得唔脆🙄兩個蔬菜還算可以，但同外頭中餐館比唔算突出😶埋單四個人成二千幾銀💵 除左裝修，地點，叉燒，燒鵝同個皮蛋外，我睇唔出點解要值呢個價，食過一次就好，要回頭無理由🤐…查看更多

晚餐的地點由尖沙咀到灣仔再到中環，晚餐前我們各自於中環行街。於置地會合後，到中環蘭桂坊晚餐。由之前原本訂位於尖沙咀The Market，轉到中環食牛扒生蠔，到最後，用餐於鏞記。入餐廳後要到二樓雅座，坐低後得到餐牌兩本。隔多一段時間，男待應用國語問”要甚麼的茶?”, 嗯, 真的只做遊客生意嗎?點菜，原來這不止燒鵝貴，其他小菜都以一百起錶。最後點選了:半隻燒鵝: 滿心歡喜的期待換來的失望，感覺真係好差。燒鵝唔熱，只係微溫，皮唔脆，只可以話佢肉質鬆軟。汁不是燒鵝汁，唔夠味。絕對同佢的價錢不成正比，海港酒家或者深井比佢好。椒鹽鮮魷: 可能我地真係唔應該向呢度叫呢一個餸，脆皮唔係全件鮮魷包住，皮還皮，鮮魷還鮮魷。不如將椒鹽都分開上? 鮮魷係大件有味，但你收到一百二十元，不是比這個質素嘛?什菜煲: 有介菜，西蘭花，白菜仔，草茹，蝦米。蝦米好味，不過介菜有苦味。食唔到…另外叫左個瀨粉同河粉配燒鵝! 個粉係最好味，湯底味道濃郁。最後埋單共$568.7，唔係貴，, 但唔值!…查看更多

最近拜讀過鏞記第二代主理人甘健成先生所著之《鏞樓甘饌錄》，對飲食知識，獲益良多，對所述之鏞記燒鵝更是垂涎三尺，正是「人生有幾多個十年」，應該要來引証一下。鏞記在我心目中，一點也不陌生，兒時在中環長大，每天都路過，在她方圓一百尺的食肆還有張錦記，京華酒樓，告羅士打酒樓，安樂園餐室，七重天餐廳，新世界餐廳，五華號，甚至荔園燒臘茶餐廳等，至今，祇剩下鏞記。雖然名店林立，但我最常吃的是張錦記的雲吞麵和鴨腿湯飯，荔園燒臘茶餐廳的燒臘飯，何解？一家七口全靠老爸一個，原因不言而喻。這天剛巧是端午佳節，雖則是霪雨霏霏，但要到中環買點東西給另一半，也不得阻延，順道到鏞記吃碗燒鵝瀨粉，要壺消滯普洱茶，侍應先問要大碗$52 或是細碗$38，實則吃過午膳不夠兩小時，要細碗便可。自從到社會做事後，鏞記燒鵝已吃過不下十次，但少不更事，多是牛趙牡丹，囫圇吞棗，今回必定要嗒真味道。根據甘先生之《鏞樓甘饌錄》所載：「在清明節及重陽節前後兩個月內，這日子中的鵝，每頭約重四斤餘，果真是皮香、肉嫩、骨軟、肉汁濃，稱之為最佳鵝季。」幸運地這天正值是鵝季，約等了十多分鐘，燒鵝瀨粉便送到，一陣熱的炭燒肉味撲鼻而來，數件燒鵝整齊排列，伴有菜心一條，燒鵝皮香肉嫩，而近翼的部位脂肪不多，味道因其醃料增加複雜性，入口甘香，確是名不虛傳，吃一箸瀨粉，帶有一股大地魚香，是湯底的香味，想不到連湯底也絕不馬虎，單用這湯底送瀨粉已夠味，配上燒鵝更是無以上之。普洱茶色如琥珀、味甘，正好用來消脂解膩，多喝有益，區區十元茶金，也是值得。經理亦見落力督導侍應，填補服務不足之處，若能壓低聲浪會更好。還有多樣名菜，必定會擇日再來品嚐。正是：「淺嚐鏞樓燒鵝瀨，細啖雲南普洱茶。」…查看更多