南越南咖啡廳

營業中

休息中

係吖 ～ 又 encore 呢間餐廳，之前同朋友嚟食過生日飯，朋友食完讚不絕口。今日突然懷念佢嘅美食，所以重臨。小食「Shake Shake 雞軟骨」（$52），雞軟骨加埋有炸香了香茅及香蔞葉，放在袋內給人客可以玩shake shake，雞軟骨夠香口，好食又好玩。「扎肉沙律」（$48），扎肉很香，加埋沙律菜超新鮮，好開胃。「招牌金邊粉」（$88），金邊粉香滑，配埋湯底超膠及濃厚，好味又暖胃。「烤蔞葉春雞配青蘋果條」（$88），雞有特別香料醃得超入味，再配一口清新青蘋果條超夾。飲品很特別，「清爽香茅青蘋果茶」（$23），先雪凍放入樽，再給冰杯，可直接飲避免溝淡，亦可倒入冰杯，細心位。「Tears of mermaid」（$58），鍾意佢藍色超級靚，上枱時仍然有個波波，自己破後有煙霧很有氣氛，含有酒精，啱我頗不錯。

平時食越南菜黎黎去去都係檬粉、春卷果啲，但呢間餐廳既越南菜比較有特色，裝修都同傳統嘅越南菜好唔同。《五香豬腩伴鍋巴》$52全餐最鐘意呢道菜。中間有舊肥豬肉配蛋黃醬，下面有塊脆口既鍋巴，面頭有少少酸菜同辣椒絲，口感層次豐富。《南越蟹肉醬配脆球餅》$68脆球餅一般都係印度或尼泊爾見得多，估唔到係呢間餐廳見到，個蟹肉醬既蟹肉味好突出，不入去個脆球餅，好玩又好食！《斑蘭龍眼茶（冷）》$22龍眼味清甜，斑蘭味比較含蓄，但都非常解渴。《南越蛋咖啡》$28最上面果層係焦糖，中層個層係蛋醬，蛋香濃郁，口感似奶蓋，有少少偏甜，咖啡味好strong，夜晚飲完有啲瞓唔着😂《招牌金邊粉》$88叫左小辣，比想像中辣，但個湯底牛肉依然好濃烈。油條放左好耐都好脆，浸落個湯度吸晒湯汁精華，食落口好正。牛肉片就用左牛板腱，有條筋喺中間，口感冇咁好但牛味濃郁。《烤蔞葉春雞配青蘋果條》$78春雞烤到個皮好脆，有少少香茅味，青蘋果條清新開胃。超中意個醬！好重椰香味，再略帶有少少斑蘭味，同烤雞好夾。

近排南越南咖啡廳人氣高企，出到去旺角緊係要去朝聖下啦！一出𨋢門就到，裝修得唔錯，重有霓虹燈係天花，不過我地被安排坐係窗邊既座位。點左好多人叫既脆球餅：脆球好脆口，擺左陣都重好脆；味道match既，又幾好玩。如果青瓜攪埋落個醬都可能唔錯！跟住就係五香豬腩伴鍋巴：個鍋巴幾有驚喜wor!有睇頭得黎都幾夾。冇諗過越南餐廳有d咁特別既食物。腩肉有入口即溶既感覺，裹面果醬好match，又平衡到個油膩。主食點左個金邊粉同烤雞：個湯金邊粉味道夠，生牛肉嫩口，春卷牛肉丸正常，牛根牛腩夠淋，不過略嫌個辣味好似蓋過左佢食物原味道咁烤雞連香葉烤炸得幾好食，唔配醬已經好好味。醬汁好有東南亞風feel，有椰奶味。配菜青蘋條外面辣裹面爽甜，感覺好清新！飲品方面點左蛋咖啡，見到好多人點同埋個名夠特別好似有層焦糖蛋咁，但飲落好似海鹽咖啡。杯凍既香茅青蘋果茶易入口，但普通左d， 飲唔到濃厚既香茅同青蘋果味啦！

創新越南菜·令人難忘嘅咖啡☕️呢間餐廳令小編對越南菜重新感興趣❤️ 越南菜本身俾我嘅感覺係好蛋香菜香料，但呢間店嘅每一道菜嘅味道都會做到最平衡，唔會過重或過輕。道道菜食落都係好順口，令人想一再回味😋。🍗 烤蔞葉春雞配青蘋果條好味指數：👍🏻👍🏻👍🏻👍🏻雞肉好有咸香，唔會柴口,醬汁甜甜地帶有香料味，同雞肉非常夾。青蘋果條好特別，入口先食到醬料香味，之後再有滑甜青蘋果香氣湧出，清新味蕾，口感清脆。🍜辣招牌金邊粉好味指數：👍🏻👍🏻👍🏻👍🏻比較辣，建議嗌小辣。油炸鬼外面香脆內軟，仲吸收咗啲湯汁。湯汁微酸帶有香料味道。金邊粉口感煙銀。牛肉肥瘦參半，簿切，好有牛肉香。牛筋咬落充滿膠質，好淋身。🦀越南蟹肉醬配脆球餅好味指數：👍🏻👍🏻👍🏻👍🏻👍🏻 炸球非常香脆，咬破後，蟹肉洶湧而出，建議一口氣食晒一球，感覺超級爽。小編最愛❤️🌮五香豬腩伴鍋巴好味指數：👍🏻👍🏻👍🏻👍🏻👍🏻 鍋巴非常香脆，腩肉脂肪入口即溶，肉質鮮嫩。仲有特調醬汁，整體嘅調味非常融洽。而且造型非常靚，打卡一流。大推必點😋🍹柑桔檸檬綠茶好味指數：👍🏻👍🏻👍🏻👍🏻柑桔檸檬配上綠茶令味道清甜，不膩。而且細心分開裝，唔會溶晒啲冰搞到淡哂味。☕️南越蛋咖啡好

新派南越#fusion菜 ❤️見好多人試同推介 決定去試下🤤 -⭐️烤蔞葉春雞配青蘋果條好食👍🏿雞外層烤得夠脆 肉都夠汁 唔會太乾 青蘋果條仲有啲酸辣醬拌住 酸酸甜甜😋呢個唔錯❤️-⭐️招牌金邊粉都算大份 入面都唔同料😋有牛肉 牛筋 牛腱 牛肉丸 牛麵珠 仲有油條🤣 料都算豐富 湯底都夠鮮甜👍🏿-⭐️南越蟹肉醬配脆球餅超愛呢個‼️‼️可以做個前菜～蟹肉絲蓉配埋超脆餅底 脆卜卜 好好食❤️-⭐️五香豬腩伴鍋巴超邪惡🤭好大舊肥腩😂😂真係一人一舊就夠哂數😝豬腩算軟腍配埋脆鍋巴 真係兩啖食哂🤪有少少膩 呢個一般-⭐️#南越蛋咖啡 記得隔離係綠豆糕🤣🤣友人掉左落咖啡 佢話飲落涼涼地 於是我哋問姐姐 佢話係綠豆糕🤣比人解下膩咁 笑死我哋😆😆😆😆😆😆-⭐️#咸檸七好正 竟然有得嗌 天氣熱就係要飲呢啲🤪🤪😍😌

久違冇食越南菜，心思思好想食，網上見到呢南越南咖啡廳，菜式選擇多元，充滿新鮮感，玩味十足，於是決定去試吓☺️NVN高樓米塔 ($48)- 呢個米塔真係份量十足，米條好有咬口，乾身脆香，單丁食都幾好味，但連埋酸甜嘅醬汁，風味倍增👍🏻脆米紙薄餅 ($48)- 呢個菜真心好好味，味道豐富多元，酸甜鹹完美融合，愈食愈好味，連埋青瓜絲、千島醬、蒜香脆粒等等嘅配料，口感多層次，真係好好食🤤SHAKE SHAKE雞軟骨 ($42)- 雞軟骨好有特色，香料香濃惹味，雞軟骨炸得香酥脆口，咬落sop sop聲，另加一啲青檸汁同辣椒粉更加香口惹味，一流嘅小食😆烤蔞葉春雞配青蘋果條 ($78)- 春雞調味幾特別，鹹香得嚟有餘韻，雞肉肉質超贊，嫩滑得嚟好juicy，青蘋果條清新香甜，配搭濃味嘅春雞，一流嘅享受😚南越蛋啤酒 ($38)- 呢個啤酒好有特色，越南蛋醬圍繞杯內圍，蛋醬嘅甜味中和咗啤酒嘅苦甘味，甜苦交融，非常signature🍻荔枝雲朵咖啡 ($32)- 呢杯咖啡都係驚喜滿滿，荔枝香蜜嘅甜、咖啡嘅回甘，配搭平衡；雲朵嘅造型，仲有花瓣嘅點綴，好食得嚟非常亮眼😍Cafe裝潢設計既現代又有格調，別樹一幟，而且空

越南菜一直都好少食仲要係有玩味嘅南越Fushion菜咁特別自然吸引到我呢啲新💩坑—————————————————高樓米塔打卡一流名符其實一座高樓炸過嘅米粉加臘腸食落脆卜卜又夠香米紙薄餅第一次見有創意新意我鐘意面頭有大量青瓜絲醃蘿蔔同越南臘腸清新得黎又夠爽脆烤雞多汁嫩口唔柴半隻太少好快食曬青蘋果條好fresh襯埋甜酸汁好開胃雞軟骨炸得好鬆軟軟骨連肉一齊炸😋咬落脆卜卜好惹味一向唔太飲咖啡嘅中島見到有個越南蛋咖啡又抑制唔到好奇心叫左杯試面頭一層好似焦糖布甸嘅蛋奶蓋加上下面濃郁醇香嘅咖啡👍🏻本身一杯普通檸水但加埋底下嘅藍色微藻顏值即刻提升如果可以變埋色就好薑味好搶好突出好暖胃😂—————————————————⚫︎ NVN高樓米塔 $48⚫︎ 脆米紙簿餅 $48⚫︎ Shake Shake雞軟骨 $42⚫︎ 烤蔞葉春雞配青蘋果條 $78⚫︎ 越南蛋咖啡 $28⚫︎ 微藻檸檬薑茶 $28

有別於傳統越南菜，尼間啲菜式同設計都好新潮，環境好開揚舒適，地方夠大。招牌金邊粉 $88鍾意食牛一定要點，好多唔同部位嘅牛肉，有牛丸、肥牛、牛筋、牛腱等，肉質軟腍，湯底吸收左牛嘅精華，味道鮮甜，油條要儘快食，擺耐左好腍。 烤蔞葉春雞配青蘋果條 $78烤到啱啱好唔會太燶，雞肉好嫩滑，就算係雞胸肉都唔乾柴，雞皮好薄好香脆，超鍾意個沙嗲醬，椰奶味香甜濃郁，除左蘸烤雞，蘸炸雞都好夾好好味。青蘋果條唔酸甜甜地好開胃。 NVN高樓米塔 $48好高既炸米粉塔，配上臘腸粒、花生粒、炸蒜頭同紅蘿蔔絲，脆卜卜既米粉加埋其他配料一齊食，好有口感。食前淋上特製醬汁，醬汁酸酸鹹鹹，好有香茅味，非常開胃！但唔好淋咁多，唔係就太鹹。 ShakeShake雞軟骨 $42好fun，紙袋入面裝住炸雞軟骨，附上辣椒粉同青檸，可以按自己喜好調教分量。倒入紙袋後就可以shakeshakeshake啦~ 雞軟骨炸到好惹味，外層酥脆，入面唔會太硬同難咬，而且分量仲好多！不過我落曬所有辣椒粉，所以有D辣，唔食得太辣既就唔好落咁多了。南越蛋啤酒 $38第一次試蛋啤酒，感覺好新奇特別，蛋味唔係好出，啤酒甜甜地，酒精含量只有4點幾唔怕飲醉