旺記冰室 (大本型)

一個人食午餐，經過見到呢間冰室幾多人排隊，諗住質素應該OK，就入去試吓~ Lunch餐牌主打滑蛋飯，本身又好耐冇食過滑蛋叉燒，今次就叫咗滑蛋叉燒飯~~自家製叉燒 日本滑蛋飯餐牌寫住叉燒係佢哋自家製，望落又真係同出邊買嘅唔同，叉燒嘅肉質比較軟唸，咬落有肉汁唔乾身，比出面叉燒冇咁肥，最怕食到滿口油脂，起碼食落啖啖肉幾滿足~滑蛋炒得啱啱好，最喜歡滑溜溜嘅感覺，有蛋汁，而且食到香濃嘅蛋香，配埋佢哋自家製嘅時候味道更加突出，本身見到成碗都係豉油都有啲擔心會好鹹，雖然豉油多但係味道不比坊間嘅豉油鹹，反而同滑蛋叉燒嘅味道都幾夾，我覺得佢豉油嘅味道都啱啱好既~~熱杏霜好耐冇飲過了，杏霜都夠滑，起碼冇刺激喉嚨嘅感覺，最喜歡不太甜，淡淡的甜味反而更加食得出杏仁嘅香味~…Read More

油塘大本型中發現有幾間新餐廳，今日午餐去到其中一間在 Food court 大食代旁邊的【旺記冰室】。在門口等位，客人不太多，但要人齊才可以入坐。等待期間，見到「日本雞蛋使用」「日本メニューあり」…… 莫非這家冰室從日本引入？當然不是！只不過是宣傳技倆罷了！上網一查才發現【旺記冰室】不是來自大型連鎖集團，反而是一間有歴史的冰室。冰室起源於秀茂坪屋邨，以扒爐沙爹牛肉包馳名，但1976年一場山泥傾瀉令冰室結業。 Food court 「大食代」跟【旺記】後人及相熟的員工商討，建議讓冰室出山，最終雙方一拍即合，逾30年老店重出江湖。【旺記冰室】食物種類只有幾款口味，早餐午餐就係通粉、蛋……茶餐多左多士揀。菜式不太豐富，但勝在快、靚、正！款式少可能跟這裡環境有關。【旺記冰室】沒有廚房，只見到阿姐用電磁爐炒蛋炒叉燒，而且有抛獲，失敬失敬！餐廳標榜湯頭用鮮雞製作，非常有heart！【鮮薑汁豬潤鮮雞湯通粉 $46】當然試啖湯，鮮雞湯內加入薑汁，薑汁味重越食越辣。喜歡薑汁的人應該非常喜愛這個，不過不是人人能夠接受，特別對小朋友來說太嗆喉。另外，薑汁味道太强烈，蓋過鮮雞的味道。不過老實說，湯頭不覺有味精，食完沒有口渴的情況。今時今日已經很少茶餐廳會用豬潤炮製出品，一來唔係人人鍾意食，而且脂肪及膽固醇超高，唔係健康食品；不過鍾意食豬潤的人就會覺得美味無窮。雖然採用了新鮮豬潤，但質素就麻麻地。唔係奢求黃沙潤，因為可遇不可求；只不過處理手法一般，啤水時間唔夠、淥豬潤時間亦過火，雖然未至於粗嚡有渣，但唔夠爽滑。通粉跟餐配搭【牛油麥包多士及4.3牛奶炒日本滑蛋】，4.3代表有4.3%的乳脂含量；數字越高，其奶脂的百分比亦越高，牛奶味道也更濃更甜了。用來炒蛋當然口感更加滑而且帶點甜。麥包比較健康，但味道不及白麵包，而且烘出來效果也不夠好。滑蛋叉燒飯是這裡的招牌菜，一定要試下！【滑蛋叉燒飯 $56】用上日本蛋，顏色金黄，但略嫌蛋味不夠香。估計加入牛奶炒至七成熟，因此口感特別嫩滑。秘製豉油汁以蔬菜湯加入日本豉油製成，有一股獨特的清甜味。餐牌只有滑蛋叉燒、滑蛋蝦仁、通粉，變化不太。難得是日午餐是【三葱豉油雞扒飯 $57】有少許不同，就試下！雞扒大件厚身，份量足料。雞扒表面煎香，略嫌沒有帶脆口感，雞扒肉味不足，幸好小小juicy。沾上秘製豉油汁補不足。秘製豉油汁以蔬菜湯加入日本豉油製成，有一股獨特的清甜味，加上䓤粒更能帶出鮮味。奶茶有大排檔風味，茶香奶滑。【旺記冰室】有別一般的茶餐，炒粉麵飯小菜樣樣有些。食物變化不多，但味道比想像中好，不能每日來，但每周到都可以呢。…Read More

最近見到OPENRICE好評餐廳十強推介, 所以決定帶埋幾個成日話想試但又從來未去過旺記冰室的朋友仔去試試喺油塘大本型新分店 新開第2日已經大排人龍一定要試及經常賣晒的招牌菜唔洗多介紹, 淨係睇相都知佢蛋夠滑全部粉麵餐叫晒勁濃蕃茄味其他茶仔冇得比薑味夠, 豬膶又新鮮,正過深水埗X記有真鮑魚..... OMGRicky 冇介紹錯勁滑又夠蛋味味道: 5星, 如佢其他分店一個樣高水準環境: 4星, 地方比灣仔店及鰂魚涌店闊洛服務: 4星, 店員有善, 但店員人數不足所以要等候衛生: 5星, 地方整潔, 沒有看到垃圾及污垢抵食: 5星, $50幾午餐連飲品, 勝價比高…Read More