珍珠皇宮印度餐廳

門面貼左好多相見到有好多名人明星都有黎食過架咖喱角非常大個炸得好香口酥脆，咖喱餡料滿滿的食得好滿足，口味都辣辣地。混合肉燒烤拼盤印度燒雞、免治羊肉卷、烤魚塊、乳酪腰果汁燒雞，全部都醃得好入味，香料好香，非常傳統既印度菜。咖喱腰果汁忌廉煮蝦非常多蝦肉，咖喱汁好惹味，所以忍不住點左一碗米飯撈咖喱汁餸飯，🐰食得好滿足呀～馬沙拉咖喱羊微微辣辣又酸酸甜甜好開胃，羊肉又不會太過羶份量足，香料十分入味，攞黎點鬆餅食又更加一流。牛油鬆餅食落非常鬆脆可口，重牛油味出又不會好油膩。青檸梳打夠晒酸夠晒青檸香，非常清新開胃又解膩玫瑰奶昔非常濃厚厚身既口感，飲落不會太甜，好香玫瑰花香味。🍴珍珠皇宮印度餐廳👣尖沙咀彌敦道36-44號重慶大廈1樓96-97號舖…查看更多

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗原來自己已經有好多年冇去重慶大廈食印度咖哩，冇特別做 research 食邊間，決定邊間第一個 approach 我就食邊間！一行到去門口附近就係呢一間嘅 staff approach 我，跟住佢行一層樓梯就到！因為未夠7點，餐廳入面未算好多人，環境感覺舒服，7點半後就開始多人呢～🍴乳酪脆米球 Dahi Poori（$75）呢個係我八卦想試，開頭仲以為係熱嘅，原來係凍嘅！上面有一粒石榴同埋脆粒，外面好脆，入面係爆漿乳酪，仲有薯仔同鷹嘴豆泥，口感好得意，後勁有辣味出嚟，一啖有齊甜酸辣，有趣得嚟開胃又好味！🍴混合肉燒烤拼盤 Tandoori Platter（$178）拼盤有印度燒雞、免治羊肉卷、烤魚塊、乳酪腰果汁燒雞，用鐵板上檯，非常熱辣辣！印度燒雞好惹味，免治羊肉卷辣得好過癮，乳酪腰果汁燒雞香料味好突出，有D 香料茶 feel，呢個拼盤啱晒樣樣都想試吓嘅我！🍴咖哩羊肉 Lamb Curry（$108）咖哩味香帶少少辣，羊肉煮到好腍，個汁用烤餅食一流，開頭以為會浪費D汁，後尾差D 俾我哋食晒😂🍴蒜蓉烤餅 Garlic Naan（$28）有三件大大件，好香蒜味，表面少少脆身，入面鬆軟煙韌，好味！🍴芒果奶昔 Mango Lassi（$38）每次食印度嘢都必點，酸酸甜甜更開胃，就可以食更多嘢😁🍴印度奶茶 Indian Tea（$25）每間餐廳都有自己獨特配方，店員攞住個壺響你面前倒，奶茶好滑，香料味唔錯，好飲～食緊飯時，聽到隔離檯個客人講佢因為 Error 食過所以帶朋友嚟，哈哈，其實我都冇睇過，食完出門口先見到！整體上食物質素好，令我重拾返久違咗嘅印度風味，環境舒服，店員態度同服務都好好，食得好開心！如果大家去重慶大廈唔知揀邊間食，可以試吓呢間！☆My IG @tracyloveliving ☆…查看更多

第一次去重慶大廈唔知食咩好，門口有幾位印度哥哥拉客🤣，求其跟左一個上去1樓角落既珍珠皇宮印度餐廳🇮🇳。餐廳座位唔算多，會播電視會播印度節目同歌曲，有濃厚印度風情💮。Menu有中英文對照，仲附埋圖片🖼好細心！基本印度菜都有齊，另有素菜、小食、甜品、酒精🍺/無酒精飲品🧃，適合同朋友聚會👍🏻。🔅瑪莎拉咖哩烤雞 ($118)Masala好香濃好惹味，唔算好辣，入面雞件都入晒味好滑🤤。用黎配naan同酥餅又得，就咁食都得😎。🔅混合肉燒烤拼盤 ($178)拼盤超抵食！有印度燒雞、乳酪腰果汁燒雞、烤魚塊同免治羊肉卷各2件，平時食4件燒雞已經要百幾蚊🥺，依家雞羊魚都有齊晒，勁豐富👍🏻。腰果汁燒雞就濃味啲，印度燒雞偏乾身少少。魚都幾嫩滑，羊肉卷以為乾爭爭，但食落又唔錯😍。🔅蒜蓉烤餅 ($28)呢款garlic naan唔會好韌，蒜蓉再加多啲就好啦🤤。🔅馬來鬆餅 ($35)平時鐘意油酥餅，不過太邪惡😂。呢款就唔伯好油，又酥又煙韌🥺，配masala一流！🔅南印度捲餅 ($75)之前試anjappar覺得幾特別，所以呢次試下會唔會有咩唔同😋。呢個餅無咁crispy，中間有薯仔、洋蔥等餡料，食落口感更豐富👍🏻。🔅芒果奶昔 ($38)朋友怕印度野辣所以叫左杯mango lassi俾佢，酸酸甜甜解下辣啱晒😝。💬整體環境都ok，食物價錢頗抵食👍🏻，推薦masala 🤤。…查看更多

突然之間今日好想食印度咖喱 上咗最正宗嘅重慶大廈一樓度行下 點知見到呢間都幾大間 而且最近ERROR都有打過卡添❣️𝒫𝒜𝐿𝒜𝒦 𝒫𝒜𝒩𝐸𝐸𝑅 芝士菠菜 $88將菠菜打成蓉 仲混雜左啲洋蔥🧅粒 芝士粒 菠菜蓉食落好Creamy 略帶鮮奶香味 一粒粒嘅芝士粒十分香濃 係濃縮左嘅芝士味道❣️𝐿𝒜𝑀𝐵 𝑅𝒪𝒢𝒜𝒩 𝒥𝒪𝒮𝐻 印式燴羊肉(多汁，小辣) $118平時食呢啲都係一大兜汁得多少少肉 估唔到呢一間咁足料 每匙羹不起都有🐏肉 舊舊都勁入味 薑絲令羊肉騷味走曬 微辣口感更加突顯肉香 ❣️𝒢𝒜𝑅𝐿𝐼𝒞 𝒩𝒜𝒜𝒩 蒜蓉烤餅 $28蒜粒除咗夾雜喺烤餅入邊 連面頭都舖滿曬 咬落略帶微微蒜香🧄 好啱香港人口味 我哋拎咗嚟沾羊肉咖喱食 蒜香加上羊肉香 帶少少微辣 好match ❣️𝑀𝒜𝒮𝒜𝐿𝒜 𝒫𝒜𝒫𝒜𝒟 瑪莎拉薄脆 $18餅上面放滿青椒🫑洋蔥🧅蕃茄🍅粒 仲灑咗啲辣粉 賣相相當吸引 七彩繽紛嘅餅食落好多層次 蕃茄嘅清甜再加上青椒同洋蔥嘅刺激 最後仲有辣粉嘅辛辣 呢個小食真係值得推薦🫶🏻❣️𝒯𝒜𝒩𝒟𝒪𝒪𝑅𝐼 𝒫𝐿𝒜𝒯𝒯𝐸𝑅 混合肉燒烤拼盤 $178用鐵板上嘅燒燒拼盤放左印度燒雞x2 免治羊肉卷x2 烤魚塊x2 乳酪腰果汁燒雞x2肉食系嘅我哋期待咗好耐 每一款都唔同顏色 醃咗唔同嘅調味料免治羊肉卷好得意 平時好少見 成碌好似蛋捲咁相對其他肉類比較乾爽 一拮落去就散開 羊肉味同樣夠濃至於最鍾意嘅係烤魚塊 黃色嘅外層咬開魚肉依然保持嫩滑 無被烤至乾身 唔使再點其他調味料都有淡淡咖喱香❣️𝒦𝐸𝒮𝒜𝑅 𝒦𝒰𝐿𝐹𝐼 印度番紅花杏仁雪糕 $55切成粒粒咁食落好似雪芭 甜甜地好香煉奶味 淋咗啲番紅花醬做topping 賣相都好靚💖成餐由頭辣到尾 最後食呢個雪糕解辣啱晒…查看更多

星期五晚想食印度嘢，心血來潮一闖重慶大廈😆。不過我哋事前當然做足功課，上網搵定食邊間，見到「珍珠皇宮印度餐廳」訂枱有85折就試吓。一踏入大廈，就有一眾印度餐廳嘅宣傳單張遞到面前🙈，好彩見到珍珠皇宮嘅代表，然後就跟隨佢上一樓。餐廳環境乾淨整齊，並無一大浸味，另外仲有得睇世界杯添，哈哈。店員們幾親切，而且好似識用廣東話溝通👍。餐牌設計圖文並茂，最重要係有中文，咁就唔使查字典或者求其揀。Tandoori Platter混合肉燒烤拼盤($178)，印度燒烤出名香口，用鐵板盛上，熱辣辣🔥。拼盤蘊含四款肉，包括印度燒雞、免治羊肉卷、烤魚塊同埋乳酪腰果汁燒雞，每款各兩件。🍗燒雞有兩款口味，一濃一淡，我鍾意乳酪汁嗰款多啲，大大啖肉。🐟烤魚塊蘸上黃椒粉，魚肉滿有彈性。羊肉卷用免治肉整成，富香料味，羊羶味適中。Butter Chicken牛油烤雞($108)，🥘呢款咖喱汁好惹味，並混入蕃茄同乳酪，辣度溫和兼唔會太重口味。但如果鍾意食辣，就應該要揀第款喇。🐔無骨雞件約有十嚿，肉質細嫩，同燒雞唔同，係另一番風味。Palak Paneer芝士菠菜($88)，我並唔係第一次食呢道菜式，不過餐廳嘅出品令人印象深刻，因為菠菜份量多🌿，打得夠溶，唔會過稀，食食吓仲滲出微微辣，就咁食或者伴薄餅食都得。同時，佢加入咗洋蔥粒同茅屋芝士🧀，食落口感唔單調。Bread Basket雜錦薄餅($65)，🫓薄餅籃有七至八塊Naan，拎上手暖笠笠，未食都知質感軟熟。薄餅款式有兩至三款，我估計應該有原味同蒜蓉，但始終估估下，所以我建議散嗌兩份，咁就可以食到心儀嘅款式！Kesar Kulf印度番紅花杏仁雪糕($55)，店員留意住我哋幾時食完主菜，就主動適時送上甜品。🍨印度雪糕口感偏淋，冰感一般。佢係由煉奶整成，所以甜甜的🥛，帶點杏仁香，都OK。番紅花味道唔出，但就化身成天然嘅食用色素作點綴。Rose Lassi玫瑰奶昔($38)，呢度嘅奶昔有多款口味，我揀咗玫瑰味🌹，呈粉紅色💕，幾靚。奶昔酸酸哋，好開胃，玫瑰糖漿第一啖飲落偏甜，但撈匀之後又自然返。總括嚟講，重慶大廈入面嘅珍珠皇宮好高質🌟，無論食物味道、定價、環境定服務都令人滿意。如果想試吓正宗嘅印度菜🇮🇳，不妨幫襯呢度啊！…查看更多

數一數，原來好耐無食過印度菜喇，睇番啲食評，已經超過年半有多，同個老友傾開，佢都好有興趣食番餐印度茶。晌網上查一查，搵到位處「重慶大廈」嘅「珍珠皇宮印度餐廳」，有別要搭電梯上樓，行一層樓梯就到，較為方便。 晌門口，放咗啲易拉架，原來連Error、喬寶寶都幫襯過。而入到餐廳內，環境比較幽暗，一室以紅為主調，全喺皮梳化櫈，坐得舒服，我哋被安排坐晌餐廳尾，原來側旁仲有個廂房。初時，諗住會喺其他亞洲人多，點知意外地本地人先喺佔多數。 掃一掃餐牌有咩選擇，菜式分門別類，有晒中英對照，由頭盤、小食、湯品、天多尼燒烤、印式咖喱、素食、飯品、印度烤餅、沙律、炒菜、乳酪……等等，以及各式飲品，選擇甚多。 芒果奶昔 $38基本上嚟親印度餐廳，都幾乎會一定叫呢一款印度特色乳酪飲品（Lassi），芒果口味喺小弟「飛弗」。入口口感細滑，芒果味好濃郁，乳酪帶出嘅酸味唔太酸，反而有少堂醒胃感，跟芒果嘅清甜味好平衡；單單喺乳酪同芒果打成，所以，飲到尾，味道跟質感都無走樣，堅真材實料。  印度奶茶 $25老友本身好鍾意飲奶茶（其實小弟都喺），就揀印度嘅奶茶，佢話跟港式嘅有少少相似，茶味比較濃香，口感都幼滑，但比起港式嘅奶味就偏重少少。 混合肉燒烤拼盤 $178一向都幾鍾意天多尼，尤其烤雞，今次一眼就睇中呢款「混合燒烤」，因為既食到天多尼風味，又可以一次過試到幾款食物：印度燒雞、免治羊肉卷、烤魚塊和乳酪腰果汁燒雞，最好喺樣樣兩件，同老友「些牙」就啱啱好。而以鐵板上枱，滋滋聲，熱力四射，夠晒熱焫焫，仲伴以洋蔥同啲椰菜絲！ 烤魚塊大大件嘅烤魚塊，切得幾厚身，落刀感覺到肉質比較挺實啲，入口帶少少香料味，但仍然食到魚鮮味。 乳酪腰果汁燒雞外表較白，加上燈光，跟啲魚塊好易認錯。因為以乳酪腰果汁醃過，味道帶微微酸香，肉質都頗為嫩滑，感覺幾特別。 印度燒雞講到天多尼，就不得不提印度烤雞，混入多種香料去烤，真喺寧舍好食，特別惹味，又唧咗少少檸汁上去，更感清新不膩。 免治羊肉卷羊肉卷做成腸形，加上搓得紮實，唔會一夾就散開。好有羊肉香，卻唔會話好羶，相信對大部份都應該易接受，而質感真喺幾唔錯。椰汁忌廉煮蝦 $138因為揀咗個混合肉拼盤，所以，另一款心水就揀咗廚師推介中嘅煮蝦，加上呢款菜式寫明多汁，用嚟配印度烤餅就夾晒。上枱時，果然多汁，成碗餐湯咁，其實，裡面有唔少蝦仁，蝦仁食落好爽口，而個汁底本身喺咖喱味，但就滲出濃郁嘅椰汁香，搵啲烤餅襯嚟食，真喺一流。 乾果果仁蓉烤餅 $38平常食嘅都喺原味、蒜蓉或芝士，今次揀款未食過嘅乾果果仁蓉，烤餅都喺即叫即做，而啲烤餅上枱時都專登反起少少，等你睇到裡面鋪咗唔少果仁蓉。烘得幾好，柔韌有咬口，加上果但蓉，多一重滋味，沾埋啲椰汁咖喱，正到痹啦。  今餐印度菜同老友都覺得好滿意，基本上，花費唔喺好多，就試到好多款式嘅食物。怪唔之得都多本地人幫襯。…查看更多

🇮🇳 重慶大廈正宗印度菜🇮🇳一直因電視節目而bookmark咗呢印度餐廳 餐廳老闆好熱情招待 周不時都會攪吓local tour 原來佢由90年代起已經開業 充滿人情味☺️-😋乳酪脆米球 $75脆米球好薄好脆 入面放滿咗薯仔同鷹嘴豆泥加埋印度乳酪做嘅饀料 口感好多層次好豐富 加上石榴粒粒 酸酸甜甜食落好refreshing😚-🍤鍋煮咖喱蝦球 $138 (配印度黃飯 $42)咖喱香料味十足 仲有少少蕃茄同青椒 唔會太辣 蝦球有先烤過 肉質好彈牙 即使隔住好多香料都仍然食得出佢嘅鮮味 配傳統印度黃飯就最夾🥰-🍢混合肉燒烤拼盤 $178拼盤總共有8件烤肉 包括印度燒雞 免治羊肉卷 烤魚塊 同乳酪腰果醬燒雞各2件 同朋友一齊share就最夾啦🥳 燒雞嘅檸檬草味幾重 相對較小清新 唔會太重負擔😉 羊肉卷香料味好重 瘦肉較多 有少少似羊肉香腸咁🤣 烤魚塊燒得好嫩 但唔會好易散開 醬汁行番小清新路線 加少少檸檬汁就已經好好食😝 乳酪腰果醬燒雞外皮燒烤味幾重 仲真係有少少nutty 但入面仍然好嫩滑 四個入面最推薦呢款👍🏻-🍨印度番紅花杏仁雪糕 $55口感有少少似雪條粒粒 但係充滿住杏仁粒 口感好多層次 加埋番紅花糖漿 甜甜酸酸咁 最啱食完重口味嘅主菜😍-📍珍珠皇宮印度餐廳 (尖沙咀)尖沙咀彌敦道36-44號重慶大廈1樓96-97號舖…查看更多

一直都好想去重慶大廈試下印度咖喱，但咁多間唔知點揀好，做左一輪資料搜集見到呢間連ERROR都有去，上年仲攞咗OCC頒發嘅年度咖喱獎項🏆決定都去趁下熱鬧🤣去到重慶大廈門口已經有專人熱心帶路，唔使驚搵唔到😆點完菜之後，店員送上胡椒餅同薄荷醬，鹹鹹地、薄脆得嚟帶少許胡椒味幾香口，唔錯嘅餐前小食～🍖混合肉燒烤拼盤Tandoori Platter ($178)(包括印度烤雞、免治羊肉卷、烤魚塊、乳酪腰果汁烤雞各2件)諗唔到食咩，呢款拼盤就啱晒心大心細嘅你！熱辣辣嘅鐵板上面，有齊各種唔同嘅肉類比你試🔥每一款肉類都用咗唔同嘅印度香料調味，當中印度燒雞最惹味，醃咗嘅香料辣辣地好滋味😍🥘瑪莎拉咖喱烤雞 Chicken Tikka Masala ($118)呢款咖喱比較溫和、相比起其他咖喱唔會太辣，而且佢個汁較濃稠，最啱拎黎點烤餅食，掛汁效果一流呀！烤雞燒得好香好入味，配埋咖喱食好夾️👍🏻\\專登叫左2款薄餅配埋咖喱一齊食😍//🍕蒜蓉烤餅 Garlic Naan ($28)唔好睇佢外型好似咁普通，蒜蓉牛油味係好香濃架😋呢款烤餅比較柔軟、富空氣感，非常吸咖喱汁，同咖喱一齊食超級夾👍🏻🥔洋蔥薯仔餡餅 Masala Kulcha ($38)呢款餡餅由於本身有配料嘅關係，同咖喱無咁夾，反而就咁食都好正🤣而且佢係比較脆身，吸汁能力無咁好，不過中間洋蔥同薯仔嘅配搭唔錯，食落好香口～🥭芒果優格奶昔 Mango Lassi ($38)食印度菜必點😍芒果奶昔好香濃，可以中和咖喱嘅辣味，一飲落去好似成粒芒果擺咗落口咁🤣🌹玫瑰花優格奶昔 Rose Lassi ($38)呢款奶昔相比起芒果奶昔就爭少少，飲落會有少少花香味🙈不過都係比較鍾意芒果嗰種濃郁嘅果味多啲🤣總結：店員都好friendly，未食過正宗印度咖喱嘅可以嚟試下！…查看更多

之前睇viutv見到Error黎左呢間珍珠皇宮印度餐廳食，睇到我都好想試🤤今日就約朋友黎左食，呢度既印度菜都幾多元，除左常見既咖哩之外，仲有各種唔同既印度前菜同埋小食。另外呢度既老闆同埋店員都好nice🥰食完野之後店員仲過黎問我地覺得好唔好食，辣唔辣，之前有冇黎過咁，feel到佢地真係會在意客人既  1⃣️乳酪脆米球（$75） 脆脆既米球入面係酸酸地凍凍地既乳酪醬，仲有啲薯仔，食落去好開胃～  2⃣️南印度捲餅（$75） 第一次食呢款卷餅，勁長😳卷餅表面微脆，入面有啲薯仔、洋蔥，仲配有三款唔同醬汁可以點黎食，覺得打卡定係味道都好唔錯😍  3⃣️混合肉燒烤拼盤（$178） 一上台塊鐵板仲係熱辣辣，聽到啲滋滋聲🤤拼盤有印度燒雞、免治羊肉卷、烤魚塊、乳酪腰果汁燒雞。每一款都食到唔一樣既滋味～特別鍾意印度燒雞，係我自己食印度野必嗌既。香料加上燒過既風味真係好正。  4⃣️瑪莎拉咖哩烤雞（$118）雞肉份量多得好誇張🤩食極都仲有。雞肉幾嫩滑，配上呢款咖哩一齊食好正。咖哩幾濃味，少少辣，我自己就好鍾意。  5⃣️芝士烤餅（$40） 食咖哩一定要配naan！呢度既烤餅即叫即烤，上台既時候仲係熱辣辣既😍烤餅攞上手唔會有油笠笠既感覺👍不過個人覺得芝士存在感偏低🧀️下次再食可能試下多人推薦既garlic naan。  6⃣️玫瑰奶昔（$38）食印度野多數人都會嗌mango lassi。而我見到呢間有玫瑰奶昔賣，好特別，就叫杯黎試下。飲落都係偏乳酪味，玫瑰味唔係好覺有，雖然唔係特別好好飲，但係放心唔伏😌 …查看更多

食唔食一間餐廳，有啲人就睇餐廳門口貼咗啲咩而決定，有啲人就睇有冇偶像文宣難得有間印度餐廳黐咗Error Poster喺門口，連印度人都撐香港男團，太神奇喇:)事關Error都嚟食過，肥仔好鍾意食。有咩咁犀利？只食一粒脆米球，已經知佢咩料倒啲酸酸地又甜甜地又辣辣地嘅液體，入去炸到脆卜卜有啲餡料嘅米球，又脆又fresh咁爆汁，同Error一樣咁衝擊同樣係炸米球，不過乳酪版嘅感覺就截然不同，豐富嘅乳酪覆蓋住炸米球，趁新鮮食又正，浸到腍腍地食又好正印度薄餅千變萬化，唔只得roti㗎，仲有叫Dosa嘅大捲餅，原來係南印度食品，係用米漿加豆蓉製成特別在內有薯仔同洋蔥等嘅餡料，外有三種醬任你點，其實都幾飽肚充實印度烤肉樣樣都好味，唔想揀就嚟個拼盤，有印度燒雞、免治羊肉卷、烤魚塊同乳酪腰果汁燒雞四種肉，件件都香濃惹味，鑊氣十足呢間嘅咖喱攞過「2021年度咖喱」美譽，其中印度招牌就有瑪莎拉咖喱，濃濃香料調味同乳香，配飯配naan一定樣樣清，裡面有印度芝士，反而清清地似豆腐，咁嘅配搭好夾嚟食印度嘢，naan一定走唔甩，蒜蓉味令佢生色不少，同瑪莎拉係最佳拍檔嘢飲除咗拉茶，食大餐一定係飲Lassi，就咁飲會好甜，食住嘢咁飲，你就會好快想飲多杯玫瑰味第一次飲，估唔到乳酪味好出，好好飲呀嚟重慶大廈食飯，大胃都係第一次，未入重慶門口，已經有好多朋友嚟拉客，其中有位哥哥攞住寫明「珍珠皇宮印度餐廳」嘅leaflet俾我地睇，是是正正咁，同埋喺1樓啫，就跟佢上去，冇中伏之餘，服務態度又誠懇，食得安心…查看更多