老沸爺火鍋

自從天氣開始熱之後都好似冇打過邊爐, 難得今日放假就去滾滾佢前幾日見朋友食過老沸爺食火鍋好似幾間, 問過下朋友都話幾好食, 叫我黎試下咁我就約埋幾個朋友黎試下入到餐廳見到好古式既裝修, 枱凳都係以紅木為主, 加埋天花老式既燈籠吊燈成個環境都好古色古香, 餐具係黃色同都印左龍既圖案, 連坐墊都有龍既刺繡今日去左宮廷食火鍋呀有2種套餐可以選擇, 價錢分別係$288同$188, 究竟有咩唔同?首先就係湯底, $288既套餐可以揀燉湯, 燉足4個鐘仲可以免費轉做鴛鴦湯底, 再有海鮮拼盤同其他$188套餐冇既食材有靚湯底喎, 所以我地最後揀左$288套餐要左海底椰百合響螺頭龍骨湯鍋, 清熱除燥呀, 打邊爐最岩係等緊湯底加熱期間, 緊係要去混個醬先, 有自助調味區個人覺得一定要試個秘製油碟, 個油好香, 再加少少豉油同指天椒已經好好味仲有自助小食區, 蔬果區同飲品區, 飲品既選擇都幾多至於落單方法, 唔係寫紙咁out架啦, 落左湯底之後店員會比張印左QR Code既單比我地Wechat掃碼落單, 方便又環保陸陸續續開始上菜,  個4層碟好靚, 真係好有宮廷既感覺, 點可以唔打卡海鮮拼盤有元貝, 鮑魚, 生蠔同蝦, 全部好大隻好新鮮係開始打邊爐之前就緊係試左個湯先個燉湯超足料, 好甜, 我地差唔多飲哂成個湯先打邊爐真係老火湯, 燉湯既排骨都已經燉到好腍, 點少少豉油都好好食好味到湯渣都食埋個麻辣鍋都做得幾好, 夠麻, 越食越好食, 都唔使點豉油呀鴨血又係煲到入哂味, 好滿足呀任食既牛肉有2款可以選擇, 2款既質素都唔錯最估唔到既係有牛舌, 薄切牛舌加入麻辣湯食, 正丫我地仲叫左好多款食物, 全部細細碟, 份量唔會太多可以試多幾款又唔使驚食唔哂最後就係甜品啦, 好想食紅糍粑, 可惜到我想食既時候已經賣哂, 好可惜呀所以想食既朋友記得早D落單呀!最後叫左冰粉, 好滑, 甜甜地仲有西瓜粒, 好解辣食完大家都好滿足呀…查看更多

$298仼食雞煲火鍋喺銅鑼灣見到呢間老沸爺火鍋，新開張期間只要喺Facebook打咭就可以送雞煲😍.呢間老沸爺火鍋裝修幾特別，紅色枱&長櫈，後面更有一尊彿像以襯托 ’老沸爺’ 嘅呢個主題。.呢間餐廳有自助蔬菜吧，自助熱食吧，自助飲品櫃，自助醬料區，選擇多羅羅唔怕唔啱食或者食唔飽😀.雞煲雞件都幾多，中間嘅香料令佢有微微嘅酸甜味🐔 .$298嘅價錢可以揀鴛鴦湯底，我哋揀咗烏雞骨膠原同埋花甲龍蝦湯底。🦞.雪燕桃膠皂角米膠原三寶養顏烏雞蔘湯🐔烏雞蔘湯係一盅雞湯咁上嘅，首先會斟兩碗湯俾你飲，再將剩餘嘅湯同料，倒入去鍋入邊再去煮。湯底中嘅烏雞，雪燕，蔘，等材料令成鍋湯好香好豐富，唯一要改善嘅係如果少一點油就更好了。.足料卜卜花甲龍蝦濃湯鍋🐚花甲龍蝦湯底十分足料，滿滿嘅花甲令湯底幾乎滿瀉，另外仲有半隻開邊嘅龍蝦都係啖啖肉的😍 湯底無咁油，啖啖海鮮嘅鮮味~海鮮精一定要試！——————————————————精選配料- 免費但再添就加錢系列.海鮮拼盤🦐鮮蝦，元貝，廣島蠔同鮑魚😍 呢度嘅海鮮每樣都係大大粒嘅😇每位一份唔洗爭！.肉類安格斯雪花牛頸脊，川愉筷子牛肉，潮汕手打牛丸，黑毛豬腩肉🐂🐖呢啲係最高級嘅牛肉豬肉，啖啖都好重肉味🥰最鍾意佢個安格斯雪花牛頸脊，好重牛肉味又好嫩滑~牛丸亦都重牛味，非常爆汁彈牙！.內臟拼盤🧠 鵝腸，千層肚，黑毛肚，黃喉蔬菜類🥬 水蓮菜，雲南高原雪花繡球菌呢度所有嘅精選配料全都好特別係出面食唔到嘅，鍾意新鮮感嘅我真係好欣賞店家嘅用心選料👍🏻——————————————————任食系列.美國雪花肥牛 - 都算OK，但當然對比上面嘅精選安格斯牛冇得比牛丸，響玲，蟹柳，沙律丸等唔多介紹啦，不過蟹柳係要讚，佢用咗啖啖肉滑滑嘅嗰種蟹柳，唔係平時食車仔麵，長方形染到奇怪紅色嗰種cheap cheap蟹柳！.麵類 - 可惜好多想食嘅麵類(紅薯粉土豆粉)當日已經售罄😭不過有紫薯麵同菠菜麵大家可以揀.黑糖糍粑咩係糍粑？原來係沾上炸粉後炸過嘅糯米糍，而且佢係即叫即炸，所以點過黑糖醬後，暖暖的甜甜的QQ的，好食👍🏻.鍾意試新野嘅朋友可以嚟老沸爺一試，佢哋豐富嘅選擇會滿足到你！…查看更多

因為多好評，今次一行七人試呢間任食火鍋，覺得整體服務不錯，啲服務員手腳快，雖然我們早到，未齊人都冇計時，所以正式黎講我地食多過兩小時。食物方面，佢一開始會俾啲特色食物你，仲有海鮮拼盤，老實講，係正既！不過無限任添嘅食材就無咩驚喜。叫任食嘅食材，牛就俾得少，丸就俾多多，呢個位係扣少少分。不過以呢個價錢，又係銅鑼灣區，我覺得都算抵食。仲有好多湯底選擇，老實講，湯底唔算太捉料，都係個句，呢個價錢算係好抵食。…查看更多