韓一窩 (已搬遷) 新店位置

可能你會覺得我係標題黨，但呢個確實係我食完韓一窩既感覺。係韓風當道既世代，一直唔特別鐘意食韓國野既我，見到門口咁多人排隊，就神推鬼擁去試試喇！食韓國野，大概唔少得炸雞同泡菜喇，所以馬上揀左泡菜海鮮湯飯同原味炸雞。然後竟然有我最愛既配搭：鮮蝦+芝士+年糕。一睇就知邪惡，雖然減緊肥，但都唔理啦，食左先算！泡菜海鮮湯飯($68)首先上菜既係呢個湯飯，一開始都好怕佢會好辣，點知味道反而係既鮮又甜。裡面既海鮮包括蝦、魷魚、蜆、墨魚滑等等，好新鮮好彈牙。再配上硬度適中既珍珠米同畫龍點睛既紫菜，真係令我一啖接一啖呀！其實出街食飯我好少點蝦，因為懶得剝殼，但呢度細心到將蝦殼剝埋，以後我呢個懶人可以多d黎食蝦喇哈哈哈。原味炸雞(半份)($55)個湯飯已經咁高水準，令我都好期待個炸雞！炸雞炸得真係唔錯，炸皮薄，炸完雞肉唔會好似柴咁，反而好嫩好juicy！應該係我暫時食過最好既炸雞鮮蝦芝士年糕($68)我最期待既菜式終於出現喇！睇個賣相已經覺得好正，厚厚既芝士包住肥美既鮮蝦（心心眼）首先，進行食芝士既指定動作－拉絲。掂！無難度！同湯飯一樣，三隻大蝦已經剝好殼攤左係一片芝士海上面，好邪惡呀！而我，已經無耐性再

今晚來到西灣河的一間小店，位於筲箕灣道的小巷，位置鄰近將會落成的ISLAND RESIDENCE。店名打著韓一窩的名號，同時提供韓泰Fusion菜。店內用上木椅，座位不太舒適，枱與枱之間的距離也十分近。餐牌的選擇不多，分成小食、韓風特色鍋、飯類、韓式拉麵及飲品。晚市沒有套餐，價錢在西灣河來說是中價水平。店內不設韓式小碟。韓國柚子茶的味道和超級市場買來沖的差不多，沒有特別。追索到韓國炸雞在香港的興起的原因，全憑韓劇《來自星星的你》製造出來的熱潮。雖然已經事隔超過兩年時間，韓式炸雞仍然深入民心。今天我們點的是比較傅辣醬炸雞(半份)。我發覺最近不少韓式炸雞都推出無骨版以方便食客。它們的炸雞是有骨版本，不過有骨無骨，各取所需吧!辣醬炸雞沒有想像中的脆口，不過辣醬十分惹味，雞也很嫩滑。牛肉伴飯用上珍珠飯，上枱時香氣四溢。味道比較清淡，牛肉有用燒汁炒過。芽菜爽脆、青瓜絲及紅蘿蔔絲鮮甜、冬菇絲用上鮮冬菇，誠意之作。煎蛋蛋汁味濃，拌飯一流。辣醬不太辣，對辣味愛好者可能會失望。泡菜海鮮湯飯有青口、蝦、蜆和泡菜。泡菜湯味道鮮甜，海鮮也很新鮮。不像我們港式的湯飯，飯是分開上的，飯面有頗多的紫菜。總括而言，這

放工出西灣河韓一窩和朋友食韓國菜, 我們點了辣味炸雞半份, 紫菜包飯、泡菜海鮮湯飯和青木瓜沙律。辣味炸雞半份有四件炸雞, 辣味味道剛剛好,醬汁濃烈，配合咬開新鮮炸雞肉的肉汁,香口美味；紫菜包飯真材實料，厚厚的午餐肉配合煎雞蛋的味道不錯,咬落去好香脆, 熱辣辣。但切面太厚，略嫌包得也不扎實(也許是紫菜太軟的關係？),食時包飯很易散開，有點狼狽；泡菜海鮮湯飯沒有如坊間般亂用胡椒來去海鮮的腥味，辣味適中, 入面有蝦, 魷魚、泡菜、蜆、魚肉和金菇, 好足料, 海鮮新鮮, 好彈牙；青木瓜沙律有薯仔絲, 蕃茄、蘿蔔和生菜, 材料新鮮, 略嫌稍辣和沒有花生醬而已, 整體食物質素不俗, 坐得舒適。個人建議餐廳的蔬菜類的食物款式可以增加, 令客人的選擇更多和有彈性,印象中蔬菜類只有偏辣的青木瓜沙律可以選…

西灣河小巷有間隱世韓國野 唔留意就真係行過十次都唔知 入面既佈置好似韓國既小店 座位只有十數個呢個泡菜海鮮湯飯係廚師推介 湯同配料用韓式小鍋盛載 而有紫菜舖面既韓國白飯就用鐵碗另上； 泡菜湯只有微辣容易入口 但泡菜味就略不夠濃 不過入面既海鮮同配料十分足料 大隻既蝦同蜆好鮮味 仲有墨魚滑 少許年糕同蔬菜 店家亦好貼心地已將部份既蝦殼處理 令客人食既時候更方便海鮮鍋已經好有水準 呢個就更加係唔講得笑！一上枱就見到大量既芝士 入面就內藏幾隻大大隻鮮甜既蝦 食得又睇得 爽口又新鮮 而且蝦殼一樣已經處理好 食既時候十分方便；年糕係用薄片個款 更加可以索唒湯汁同醬汁；而醬汁就係微辣既韓式辣醬 配埋大量既拉絲芝士可以中和辣味 蝦既鮮味更加落埋去年糕入面 真係非常好味！雖然份量係偏少 但係因為年糕同芝士都係飽肚既 食完都係夠飽架整體很不錯 價錢同質素成正比 而且小店就係有小店既風味