長阪燒 (已結業)

今日放假，便走出旺角找朋友吃個午飯，我話想食日本野，朋友就推薦我去朗豪坊附近的一間樓上餐廳 -- 長阪燒。一上樓，所有店員都會同你打招呼，好親切。鋪面的設計好和式，半開放式的Bar 枱，而每張椅下都可放袋，椅上有Cushion, 好細心，令客人非常舒服~Lunch Menu 都有好多Set 揀，我就揀左汁燒原條鰻魚丼，先會有碗麵豉湯，好快就上埋個汁燒原條鰻魚丼，一見到，眼都突埋，點解條鰻魚可以咁長??? 店員話係佢地承諾，唔夠一呎長唔收錢，好有霸氣。店員仲會提醒我地鰻魚同飯中間有半熟温泉蛋，食果陣要小心，一篤穿就好多蛋汁流出黎。鰻魚又長又厚，肉質夠軟腍、嫩滑，鰻魚汁又唔會好咸，温泉蛋令本身好Dry的白飯帶來味道同色彩，好特別。最重要係無加一，附近的打工仔恩物。

難得嘅假期，同老公出去行下先。喜歡喺閒日放假，街上特別寧靜，輕輕鬆鬆又喺時候搵野食醫下肚子。今日老公帶左豬黎左呢間以主打爐端燒嘅日式料理店「長阪燒」食午餐。雖然樓下大街附近嘅環境真係唔太吸引，但一入到去，完全係兩個世界，感覺舒適。室內佈置充滿和風，門口用左一排排嘅清酒桶作為裝飾，磚牆上繪畫左日本女士，四周裝潢優雅。餐廳有數張餐枱之外，也設有卡位和爐端燒吧座位，空間闊落乾淨，有良好嘅用餐環境，喺香港黎講實在罕有。我地揀左爐端燒吧枱坐，吧枱上放滿新鮮嘅海鮮，鮑魚同聖子仲郁郁下，魚類種類多，亦都有標價，價錢平民化，好似去左日本食飯，別具風味。午市嘅選擇都幾多，唔貴。我地叫左個滿瀉角切魚丼，真係滿瀉咁濟。豐盛多彩，一碗結集各式海鮮，包括三文魚、蟹子、油甘魚、帶子、甜蝦等新鮮嘅食材，油甘魚肉身油脂較高，非常美味。而三文魚及甜蝦，前者色澤亮麗，入口甘香味美。而後者則鮮甜爽嫩。帶子大粒厚肉，同樣鮮美。食嘅時候即使唔加蘸醬油亦都覺得好好味，可見海鮮嘅新鮮程度有幾高。另外有薑片作拌菜，甜酸又帶點微辣，與白飯同食，非常開胃。另一佳作係大個隻手掌嘅汁燒原條鰻魚丼，條鰻魚好好好好好長，真係長過隻手掌呀，厚度十